ހުޅުމާލޭގެ މަގެއްގައި ހުރި ސީސީޓީވީ ކެމެރާއެއް، ފުލުހުން މިއަދު ޗެކް ކުރަނީ.
05 ފެބުރުއަރީ 2020 - 17:49
11 comments
ހުޅުމާލޭގައި ޗައިނާގެ ދެ މީހަކަށާއި އޮސްޓްރޭލިއާގެ މީހަކަށް ރޭ ތޫނު އެއްޗަކުން ހަމަލާދިން މައްސަލައިގައި އަދި މިހާތަނަށް މީހަކު ހައްޔަރު ނުކުރާ ކަމަށް ފުލުހުން ބުނެފި އެވެ.
ޒަހަމްވި ތިން މީހުންގެ ތެރެއިން އެކަކީ ޗައިނާގެ ޓޫރިސްޓެކެވެ. ދެން ހުރި ޗައިނާގެ މީހާ އަދި އޮސްޓްރޭލިއާގެ މީހާ އަކީ ރާއްޖޭގައި މަސައްކަތް ކުރާ ދެ މީހުންނެވެ. އެ މީހުންނަށް ހަމަލާދިނީ ހެލްމެޓް އަޅައިގެން ސައިކަލެއްގައި ދިޔަ ދެ މީހަކު ކަމަށް ފުލުހުން ބުނެފައި ވެ އެވެ.
ފުލުހުންގެ މީޑިއާ އޮފިޝަލް މިއަދު ވިދާޅުވީ އެ މައްސަލައިގައި މިހާތަނަށް މީހަކު ހައްޔަރު ނުކުރިޔަސް ތަހުގީގު ކުރިއަށް ގެންދާ ކަމަށެވެ. އިތުރު ތަފްސީލެއް ނުދެއްވަ އެވެ.
ޒަހަމްވި ތިން މީހުންނަށް ހުޅުމާލޭ ހޮސްޕިޓަލްގައި ރޭ ވަނީ ފަރުވާ ދީފަ އެވެ. ފުލުހުން ބުނެފައިވާ ގޮތުގައި، އެ ތިން މީހުންގެ ހާލު ވެސް ސީރިއަސްއެއް ނޫނެވެ.
މަންޒަރު ދުށް މީހުން ބުނެފައިވާ ގޮތުގައި ހަމަލަދީފައި ވަނީ ހުޅުމާލޭގެ ތިން ސަރަހައްދަކުންނެވެ. އެއީ ޓީޓައިމްސް ކެފޭ ކައިރި އާއި ވައިޓް ހާޕް ކައިރި އަދި ތަންދޫރީ ފްލޭމްސް ކައިރި އެވެ. ރާއްޖޭގައި މަސައްކަތް ކުރާ ތުރުކީގެ މީހަކަށް ވެސް މިދިޔަ އަހަރުގެ ޑިސެމްބަރު 28 ވަނަ ދުވަހުގެ ރޭ ހުޅުމާލޭގައި ހަމަލަދީ ޒަހަމް ކޮށްލާފައި ވެ އެވެ. ހުޅުމާލޭގެ ނިރޮޅު މަގާއި ބޮކަރުމާ ހިނގުމުގެ ކަންމަތިން އެ މީހާ ދަނިކޮށް ތޫނު އެއްޗަކުން ހަމަލަދިނީ، ސައިކަލެއްގައި ދިޔަ ދެ މީހަކު ކަމަށް އޭރު ބުނެފައި ވެ އެވެ.
ފުލުހުން މިއަދު ބުނެފައި ވަނީ އެ މައްސަލައިގެ ތުހުމަތަށް ވެސް އަދި މީހަކު ހައްޔަރު ނުކުރާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
06 February 2020
ފަތުރުވެރިންނެކޭ އެއްފަދައިން ހުޅުމާލޭގައި ގެސްޓްހައުސްހަދަން އިންވެސްޓްކޮށްގެންތިބި އިންވެސްޓަރުންވެސް ހިމާޔަތް ކުރާންޖެހޭ. # މިޖަރީމާގެ ސަބަބުން ދެން ހުޅުމާލޭގައި ގެސްޓްހައުސް ވިޔަފާރި އާލާކުރުން ފަސޭހަ އަދި ރައްކާތެރިކަމަކަށް ނުވާނެތީ ސަރުކާރުގެ ވިސްނުން ބަދަލުކޮށް މިހާރު ގެސްޓަހައުސް ހިންގާ ވިޔަފާރި ވެރިޔާއަށް(ސީދާ ގެސްޓްހައުސްގެ ވިޔަފާރި ރެޖިސްޓްރީކޮށްފައިވާ މީހާ ނުވަތަ ކުންފުންޏަށް) ހަނިމާދުއާއި ލާމް އަތޮޅުން 3000 އަކަފޫޓްބިން ދޫކުރައްވާ.
ތަމެން.
06 February 2020
ލާމް އަތޮޅާއި ހަނިމާދޫން ގެސްޓްހައުސް އެޅުމަށް ބިން ދޫކުރާންވާނީ ސީދާ އެތަންތަނުގެ ކައުންސިލަށް އޭގެ މަންފާ ލިބޭގޮތަށް ކައުންސިލާއި އެކު ވެވޭ އެއްބަސްވުމެއްގެ މައްޗަށް. މާލޭ މީހުނަށް ބިންދޫކުރަން މިކަން ކޮށްގެން ނުވާނެ. ގެސްޓްހައުސް ވިޔަފާރީގައި ވޭތުވެދިޔަ 3 އަހަރު އުޅެ ޓެކްސް ދައްކާފައިވާ ފަރާތްތަކަށް ކޮންމެ ފަރާތަކަށް 3000 އަކަފޫޓަށްވުރެން ކުޑަނޫން ބިމެއް ދިނުން ހަމަ ރަނގަޅު.
ކަނބިލި
05 February 2020
ޕޮލިސް ކޮމިޝަނަރުގެ ޒިންމާ ކޮބާ؟
ޖަވާބްދާރީވެލައްވާ!
05 February 2020
އަނިޔާވެރިކަމާ، މާރާމާރީތަކާއި މަސްތުވާތަކެތީގެ ވަބާއިން ރައްޔިތުން ރައްކާތެރިކޮއްދީ، އަމާން އުފާފާގަތި މުޖިތަމައުއެއްބިނާކުރުމައް ނުކުޅެދިގެން ތިޔައުޅުއްވަނީ ކޮންސަބަބަކާއިހުރެތޯ؟ މަޖިލީހާ ސަރުކާރާއި ޖުޑިސަރީއާ، ސަލާމަތީޚިދުމަތްތަކުގެ އެންމެހާބާރުތައް ފުރިހަމަޔައް ލިބިތިބެ މިކަންކަން ނުކުރެވިގެން މިއުޅެނީ ކޮންސަބަބަކާއިހުރެތޯ؟ ކަންކަންކުރުމުގެ ގާބިލްކަންނެއްމީހުންދުރުކޮއްގެންވެސް ނަތީޖާނެރެދޭން ވިސްނަވާކައް އަދިވެސްނުވޭތޯ؟
ނަޝީދު.
05 February 2020
އިމްރާން ފެއިލް. ސިދާތާ ފެއިލް. ނޫމާނު ފެއިލް. އަދާލަތު އެކީ ފެއިލް. ސިޔާސީ ކަންކަމަށް ވަރަށް ޅަވާނެއަދި. ދީން ހަތިޔާރަކަށް ހަދައިގެން ވާވަރު ތީ އަދި. ދީނޭ ނުކިޔާ ހުސް ސިޔާސީ ވާހަކަ ދައްކައިފިއްޔާ ތިވަރުވެސް ނުވާނެކަން ޔަގީން.
ޙަމްދޫން
05 February 2020
އިމްރާން ބޮލަށް ހުރިހާ ކަމެއް ޖަހާއިރު ޑިފެންސް މިނިސްޓަރު ކޮބާ ؟
އަލީރާޖާ
05 February 2020
އެއީ އިމުރާނު ގެ ޒިންމާއެއް.
ރަންރީދޫ ޓުވިޓަރޭ
05 February 2020
ޒީރޯ ޓޮލެތެންސް...ލަސް ނުކޮއް ހޯދާތި.
މޯޑް
05 February 2020
ފުލުހުންނަކީ ނަމެއްގަ ތިބޭބައެއް. ކުޑަކުޑަ ތަންކޮޅެއްގަ ހިގާކަމެއްވެސް މަސް ދެމަސް ނަގާއިރުވެސް ނުހޯދޭ
ނަސީދު
05 February 2020
ތިކަން ބަލަން ކޮމެޓީއެއް އެކުލަވާލަން ފެނޭ އަދި މަޖިލީހައް ކުއްލިމައްސަލައެއް ލާންފެނޭ
އޮނަރަބްލް އަފީފު ދީދީ
05 February 2020
މާލެއާއި ހުޅުމާލޭގައި ދުއްވާ ގިނަވެހިކަލް ތަކަކީ ޤަވާއިދާއި ޙިލާފަށް ރެޖިސްޓްރީކޮށްފައިވާ އަދި އޭގެ ސައްޙަ މައުލޫމާތު ސަރުކާރަށްވެސް ކަށަވަރު ނުވާ އުޅަނދު ތަކެއް. # ތިރަށުގައި އުޅޭ ދިވެހި އާބާދީއަށްވުރެން އިމިޤްރޭޝަން ޤާނޫނާއި ޙިލާފު ބިދޭސިން ތިރަށްގަނޑުގައި ދިރިއުޅޭއިރު އެމީހުންގެ ނުފޫޒު ވަރަށް ވަރުގަދަ. # މިފަދަ ތަނެއްގައި ގެސްޓްހައުސް ވިޔަފާރި ހިންގަން ފުރުސަތުދީގެން ނުވާނެ. ގެސްޓްހައުސް ހިންގާމީހުނަށް ހަނިމާދުއާއި ލާމުން ބިން ދޫކުރޭ.