ކޮރޯނާވައިރަސްއާ ގުޅިގެން، ރާއްޖެ އަންނަ މީހުން ބައިތިއްބަން ފަރުކޮޅުފުށީގައި ހަދާފައިވާ ކޮޓަރިއެއް: ޗައިނާ އިން ރާއްޖެ އައި ދެ ދިވެހިން މިހާރު ވަނީ މިތަނުގައި ކަރަންޓީނު ކޮށްފައި.---ފޮޓޯ: ހެލްތު މިނިސްޓްރީ
25 ފެބުރުއަރީ 2020 - 22:54
8 comments
ނުރައްކާތެރި ކޮރޯނާވައިރަސް ފެތުރެމުން ދާ ޗައިނާ އިން ރާއްޖެ އައި ދެ ދިވެހިން މިއަދު ކަރަންޓީނު ކޮށްފި އެވެ.
ޗައިނާ އިން އަންނަ މީހުން 14 ދުވަސް ވަންދެން ކަރަންޓީނު ކޮށްފައި ބެހެއްޓުމަށް ރާއްޖެ އާއި ގިނަ ގައުމުތަކުން ވަނީ ނިންމައިފަ އެވެ.
ހެލްތު މިނިސްޓްރީން ބުނީ ޗައިނާ އިން މިއަދު ރާއްޖެ އައި ދެ ދިވެހިންގެ ވެސް ކޮރޯނާ ވައިރަހުގެ އެއްވެސް އަލާމާތެއް ފެންނަން ނެތް ކަމަށެވެ. އެ ދެ މީހުން ކަރަންޓީން ކުރީ، ކޮރޯނާވައިރަހާ ގުޅިގެން ޑަބްލިއުއެޗްއޯ އިން ކަނޑައަޅާފައިވާ އުސޫލަށް ތަބާވުމުގެ ގޮތުން ކަމަށް އެ މިނިސްޓްރީން ބުންޏެވެ.
ޗައިނާ އިން ރާއްޖެ އައި ބައެއް މީހުންގެ ތެރެއިން ކޮރޯނާވައިރަހަށް ޝައްކު ކުރެވުނު ހަތް މީހެއްގެ ސާމްޕަލްތައް ނަގައި ޓެސްޓްކުރި އެވެ. ރާއްޖެ އިން އޭރު ޓެސްޓް ކުރެވެން ނެތިގެން އެ ޓެސްޓްތައް ކުރީ އިންޑިއާގެ ޕޫނޭ އަށް ފޮނުވައިގެންނެވެ. އެކަމަކު ކޮވިޑް-19 އަށް ޓެސްޓްކުރެވޭނެ ގޮތް މިހާރު ވަނީ އައިޖީއެމްއެޗްގައި ގާއިމްކޮށްފަ އެވެ. ޓެސްޓުގެ ނަތީޖާ 10-12 ގަޑިއިރުގެ ތެރޭގައި ލިބޭނެ އެވެ.
ރޯގާ އެންމެ ބޮޑަށް ފެތުރެން ފެށި ޗައިނާގެ ވޫހާންގައި ތިބި ހަތް ދިވެހިން، އިންޑިއާގައި ކަރަންޓީން ކުރުމަށްފަހު މިދިޔަ ހަފްތާގައި ވަނީ ރާއްޖެ ގެނެސްފަ އެވެ.
ކޮވިޑް-19 ޖެހޭ މީހުންގެ އަދަދު ގައުމުތަކުގައި އިތުރުވެފައިވާ އިރު މި ބަލީގައި ޗައިނާ އިން މަރުވި މީހުންގެ އަދަދު ވަނީ 2,627 އަށް އަރައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢިބޫ
26 February 2020
ފައިސާއާއި މުދަލުގެ މަސތުގައި ޖެހުނީމާ އެކަކުގެވެސް ދުނިޔެވެރި ކަމެއް ނުހުނނާނެ
ވިސްނާލުމަށް އެދެމޭ
26 February 2020
ޗައިން އެކަނިތަ ބަލިއަރާނީ އެވައިރަސް އެހެންގައު މެއްގަ އިންސާނުންގެ އެތެރެހައްޓަ ވާސިލުވާނެތަ ޔޫރަޕްގަވެސް އެބަލި އެބައޮތް މެދުއިރު މަތީގަވެސް އޭޝިޔާގަވެސް އެފްރިކާގަވެސް.ހަ މަ އެއް މެ ގައު މަކަށް ލޯއަޅައިގެން ސަރުކާރު މިއޮންނަނީ ޑަބްލިޔު އެޗްއޯއިން އެންގީތަ ޗައިނާނޫން ގައު މަކުން މިވަރަސް ނާރާނެތަ އިންޑިޔާ ލަންކާއަށް ދިޔަޔަސް އައި މަ ޗެކްކުރަންޖެހޭ ސަ މާސާއެއްނޫން މީކީ ބަލީގެ ހަގީގަތްނޭގޭވާހަކަ ސައިންސްވެރިން ބުނާއިރުވެސް ސަރުކާރު ޗައިނާވެފަ
ކެންޓީނު
26 February 2020
ޗައިނާއަށް މިވަޤުތު ވެސް ދާން ޖެހޭތަ؟
އަރޫ
26 February 2020
މާތް ރަސޫލާ އަންގަވާފަވަނީ ރަށެއްގައި ތާޢޫން ބަލި ފެތުރިއޖެނަމަ އެރަށަކުން މީހުން އެހެން ތަންތަނަށް ދަތުރު ނުކުރުމަށް، އަދި އެހެން ރަށްރަށުން އެރަށަށްވެސް މީހުން ދަތުރު ނުކުރުމަށް، މިނޫން ގޮތަކަށް ކަންތައް ކޮށްގެން ސަލާމަތެއް ނުވާނެކަން ކަށަވަރު
ވައިރަސް
25 February 2020
މިފަދަ ނުރައްކާތެރި ދުވަސްވަރު ޗައިނާއައް ތިޔަ ދަނީ ކޮންއެއްޗެއް މަދުވެގެން ކޮންއެއްޗެއް ހޯދަންހެއްޔޭ.ލާރި ބޭނުންވިއަސް ތިއީ ދެން ބޮޑުވަރު. ތިމާއަށާ އެހެން މީހުންގެ ސަލާމަތާ ރައްކާތެރިކައް ވިސްނާލުން ކީއްހެއްޔޭ ރައްކާވެ ތިބިއްޔާ ދަތުރޭ ބުނާއަޑުވެސް ނާހަމުހެއްޔޭ.
ވަރަށްފޫހި
26 February 2020
ކަލެއްއަށް ކޮން ބެހޭކަމެއް؟ ޤާނޫނޫ އަސާސީން ބޭނުން ތަނަކަށް ދިޔުމުގެ ޙައްޤު ކޮންމެ ދިވެއްސަކަށްމެ ލިބިދޭ!
ފެންފޯއް ރުއް
25 February 2020
އެފްލައިޓް އިން އައީ އެ ދެމީހުން އެކަނިތަ؟
ފްލައިޓް
26 February 2020
މަވެސް ހަމަ އަޖައިބު، ޖެޓެއްގަތަ އެމީހުންއައީ