މާލޭގެ ބަނދަރުން ރަށަކަށް ފުރާ ބޯޓަކަށް ބިސްތަކެއް އަރުވަނީ: ބިސް، ފިޔާ، އަލުވި އަދި މުގުގެ އަގު ހޯމަ ދުވަހުން ވިއްކޭނީ ސަރުކާރުން ކަނޑައެޅި އަގުތަކުގައި.---ފޮޓޯ: މިހާރު
04 އެޕްރީލް 2020 - 11:54
120 comments
ކޮވިޑް-19 އާ ގުޅިގެން ރާއްޖޭގެ އިގްތިސޯދީ ހާލަތު މިހާރު ހުރި ގޮތަށް ބަލައި، ފިޔާ، އަލުވި، ބިސް އަދި މުގުގެ އަގު ސަރުކާރުން ކޮންޓްރޯލްކޮށްފި އެވެ.
އިކޮނޮމިކް މިނިސްޓްރީން މިއަދު ކުރި އިއުލާނެއްގައިވާ ގޮތުން އަންނަ ހޯމަ ދުވަހުން ފެށިގެން އެ ބާވަތްތައް ވަކިވަކިން ވިއްކޭނީ އެ މިނިސްޓްރީން ކަނޑައަޅާ އަގަކަށެވެ. އިކޮނޮމިކް މިނިސްޓްރީން ބުނީ، އެ ފިޔަވަޅު އެޅީ މުދާ ގަންނަ ފަރާތްތަކާއި ޚިދުމަތް ލިބިގަންނަ ފަރާތްތައް ހިމާޔަތް ކުރުމުގެ ގާނޫނުގެ ހަތްވަނަ މާއްދާގެ (ހ) ގެ ދަށުން ކަމަށެވެ. އެ ނިންމުމާ އެކު، އިކޮނޮމިކް މިނިސްޓްރީން ވަނީ ފިޔާ، ބިސް، އަލުވި، މުގު ވިއްކޭނެ އެންމެ މަތީ އަގު ކަނޑައަޅައިފަ އެވެ.
އެއީ:
- އެއް ކިލޯ ގްރާމްގެ އާދައިގެ ރަތް ފިޔާ- 20ރ. އަށް
- އެއް އެއް ކިލޯ ގްރާމްގެ އާދައިގެ އަލުވި- 20ރ. އަށް
- އެއް ކިލޯ ގްރާމްގެ ރީނދޫ މުގު- 45ރ. އަށް
- ކުކުޅު ބިސް- 1.80ރ. އަށް
މި އަގުތަކަށް ވުރެ ބޮޑު އަގުގައި މި ތަކެތި ވިއްކާ މީހުން ޖޫރިމަނާ ކުރާނެ ކަމަށް އިކޮނޮމިކް މިނިސްޓްރީން ބުނެ އެވެ. ފުރަތަމަ ފަހަރު ނަމަ ޖޫރިމަނާ ކުރަނީ ގިނަވެގެން 100،000ރ، އިންނެވެ. އަދި އެ ކުށް ތަކުރާރު ކުރާ ނަމަ ކޮންމެ ފަހަރަކު 100،000ރ. އިން ޖޫރިނަމާކޮށް، ވިޔަފާރި ކުރާ ތަން ހަ މަހަށް ވުރެ ދިގު ނޫން މުއްދަތަކަށް ބަންދު ކުރާނެ ކަމަށް އިިކޮނޮމިކް މިނިސްޓްރީގެ އިއުލާނުގައި ވެ އެވެ.
ކޮރޯނާވައިރަހާ ގުޅިގެން، ރާއްޖޭގެ އިގްތިސާދު ވެސް ވަރަށް ބޮޑު އަޑިގަނޑަކަށް ވެއްޓި، ވިޔަފާރިތައް ވަނީ ވަރަށް ބޮޑަށް ދަށަށް ދާން ފަށައިފަ އެވެ. ޚާއްސަކޮށް ދުނިޔޭގެ ދަތުރުފަތުރަށް އައިސްފައިވާ ބަދަލުތަކާ ގުޅިގެން، އިމްޕޯޓު ވެސް ވަނީ ދަށްވެފަ އެވެ.
ކެއުންބުއިމަށް ބޭނުންކުރާ އެންމެ މުހިންމު އެއް ބާވަތްތަކުގެ އަގު ސަރުކާރުން ކޮންޓްރޯލް ކުރިއިރު، ރޯދަ މަސް ފެށެން ކައިރިވުމާ އެކު، އެ ތަކެތީގެ އަގު ރާއްޖޭގެ ބާޒާރުގައި ވަނީ އުފުލެން ފަށައިފަ އެވެ. ޚާއްސަކޮށް ފިޔާ، އަލުވީގެ އަގު މިދިޔަ ދެ ހަފުތާއެއްހާ ދުވަހު ވަނީ އުފުލިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިސްމާއިލް ނަސީރު.
05 April 2020
އަގު ކޮންޓްރޯލް ކޮށްގެން ފިޔާ ބިސް އަލުވި ގެނެސްގެން ވިއްކާން ބޯގަންވިލާ ފައްޔާޒު އާއި ހަވާލުކޮށްލުމަށް ވިޔަފާރިވެރިން ތި 3 އައިޓަމް އޭނާއަށް ދޫކޮށްލާ. އެގޮދާނެތާ ދެން ކައްތައްވާގޮތް. ކުލިވެސް އޭނަ ބުނީ ކޮންޓްރޯލެއް ނުވާނެއޭ. އެއީ އެހްނ ބައެއްގެ މުދަލެކޭ ވީއްޔާ.
ސާދާސީދާ
05 April 2020
ރެޑް ވޭވުން ފިޔާކިލޯއެއް ލިބެނީ 30 ރުފިޔާއަށް!
މުޙުއްމާ
05 April 2020
އަގު ކޮންޓްރޯލް ކުރާނެ ގޮތް ނެއެގެއްޏާ އިސްތިޢފާދީފަ ގެއަށް ދާންވީ ނުން. ފުރަތަމަށް ހޯލްސޭލް ކުރާމީހުނަށް ޖެހިފަ ހުރި އަގު ބަލާފަ ހޯލްސޭލް އަގު ކޮންޓޮރޯލް ކޮށްފަ ދިހަ ވަރަކަށް ދުވަސް ފަހުން ރީޓޭއިލް އަގު ކޮންޓްރޯލް ކުރިނަމަ ރަގަޅުވީސް. ތި ރިފަކުރާ ޤާނޫނު އެބަބުނޭ ޚިދުމަތް ދޭފަރާތުގެ ޙައްޤް ވެސް ޙިމާޔަތް ކުރާވާހަކަ. އެމީހުން ކޮންޓްރޯލް އަގަށްވުރެ ބޮޑުކޮށް ގެނެސްފަ ހުރި އެއްޗެހި ނުއަގުގަ ވިއްކާ ހުލިވުންތޯ ޙައްޤް ތައް ރައްކާތެރިވުމަކީ.
މުޙުއްމާ
05 April 2020
އަގު ކޮންޓްރޯލް ކުރުމަކީ އެކަން ކުރަންވާގޮތަށް ކުރީމަ ވަރަށް ރަގަޅުކަމެއް. އެކަމަކު އެކަން މިހާރު އެކުރީ ކުދިވިޔަފާރި ވެރިން ދުއްވާލާ ރައްޔިތުމީހާއަށް މިތަކެތި ގަންނަށް ނުލިބޭގޮތަށް. ގިނައަދަދެއްގެ ފިޔާ، ަލުވި، ބިސް މުގު މިހާރު ވަނީ ރާއްޖެތެރޭގަ ހުރި ކުދި ފިހާރަތަކަށް ރޯދަޔަށް ގެންގޮސްފަ. ކުއްލިއަކަށް މިގޮތަށް އަގު ކޮންޓްރޯލް ކުރީމަ އެމީހުން އެއެއްޗެތި ނުއަގުގައި ވިއްކާ ފިހާރަ ހުލިވާނީ. ރައްޔިތު މީހާއަކަށް މިއެއްޗެތި ގަންނާކަށް ނުލިބޭނެ.
ހަސަންބެ.
05 April 2020
ނިކަން ތާހިރެއްނޫން. ބައެއް ފަހަރު ފިޔާކިލޯ އެއް 10 ރ އިން ތިރީގައިވެސް ހުރޭ. ގިނަ ފަހަރު އުޅޭނީ 20ރ އިންތިރީގައި. ތިޔަވީގޮތުން ދެން ފިޔާ އެތެރެކުރާފަރާތް ތަކުން ކިތަންމެ އަގުހެޔޮވިޔަސް ރޭޓޭލަރުން ވިއްކާނީ ކިރިޔާ 20ރ އަށްވިއްކޭވަރުގެ އަގެއްގައި. ކުދި ވިޔަފާރިވެރިންނާއި ރައިޔަތު މީހާ އަށް ކިތަންމެހައިވެސް ގެއްލުން. ރޯދަ މަސް ނިންމާފައި ތިޔަ ކޮންޓުރޯލް ދޫކޮށްލީމާވެސް ދެނެއްތިއެއް ދަށެއްނުވާނެ.
އިބްރާ
04 April 2020
ސަރުކާރުން ތިޔަގޮތަށް ނުކޮށްދީ އޮތީ ކޮންކަ މެއްތޯ؟ ރައްޔިތުން ތިބީ އެ މްޑީޕީ ސަރުކާރުން ރާއްޖެއަށް ގެނެސްދެ މުންދާ ޖަޒީރާ ތަރަށްޤީއަށް ހިތްހަ މަޖެހި އުފާވެފައެވެ.
އަބުރާ ނުލިބޭނެ 2 މަސް ޑިޕޮޒިޓ
04 April 2020
މާލޭގައި 5000 ރ އަށް ހުންނަނީ ބަދިގެ/ފާހާނާ ނުލާހުންނަ 1 ކޮޓަރީގެ އެއްބައި. މާލޭގައި ކުއްޔަށް އުޅެނީ އާއިލާތކޭ. ހޮލިޑޭ އަށް އައިސްއުޅޭ ރައްޔިތުންނެއް ނޫން. ކިރިޔާ ނޭވާލެވޭވަރުގެ ގޮޅިއެއް ވެއްޖެއްޔާ 30000 އަދި އަބުރާ ނުލިބޭނެ 2 މަސް ޑިޕޮޒިޓް. މިކަން ކޮންޓްރޯލް ކުރަނީ ކޮންއިރަކުން
ނީރާ
04 April 2020
ހާމާނު. ބުނަން ވަަހަކައެއް. މި އުޅެނީ ދުނިޔެ ރަންވެގެނެއްނޫން. މި ސަރުކާރުން ކުލި ކޮންޓްރޯލް.ކުރާނެ. ކުލި ކޮންޓްރޯލް ކުރުވާނަން. ކުލިކޮންޓްރޯލް ކުރާނަން. ކުލި ކޮންޓްޜޯލްކުރުވާނީ ޤާނޫނުތަކާ ޤަވާޢިދުތައްހަދާ އެފަދަ ޤާނޫނުތަކުގެ ދަށުން. މާލެއަކީ ވަކިބައެއްގެ ރަށެއްނޫން. މީދިވެހިންގެރަށެއް. މީ ދިވެހިންގެ ދިވެހިރާއްޖޭގެ އެންމެންގެރަށެއް. ހާމާނަށްވެސް މި ދިވެހިރާއްޖޭގައި އުޅެވޭނީ ޤާނޫނުތަކާ އެއްގޮތަށް. އެހެންނޫނީ ޖެހޭނީ ޔާމީނާއެކުގަ އެތަނުގަ ހުންނަން
ހާމާނު
05 April 2020
ތިކަހަލަ ވާހަކަ ބުނިމީގެ ކުރީގަވެސް ބައެއްމީހުން. މާލެ އެންމެންގެ ރަށެއް، އެކަމަކު ރައްޖޭގެ ރަށްތައްއެއީ ރަށުމީހުންގެ އެއްޗެއް. ގާނޫނާ ގަވާއިދު ހަދާފަ ކުލިކޮންޓްރޯލް ކުރާއިރު ފެސިލިޓީސް، މެއިންޓެނަންސް ކޮސްޓް، ސެކިއުރިޓީ ޑިޕޮސިޓް، ލޯނުގެ އިންޓަރެސްޓް. އެޕާޓްމެންޓްގެ ސައިޒް، ވެންޓިލޭސަން. ކިޔާނެކަމެއްނެތް މިހުރިހާއެއްޗެއް އެއްގޮތަކައް ނެތިއްޔާ ހަމަކޮންމެ އެޕާޓްމެންޓަކައް ވަކިއަގެއް ހަދަންޖެހޭނީ. އޭރުންވެސް އަގުބޮޑުތަނައް ވަދެއޮވެގޮވާނެ ކުލިކުޑަކޮއްދޭށޭ.
އޭރުގެ ހަދާންތައް
05 April 2020
ކޮ މެންޓްގަހުރި މެސެޖްތަކަކީ ރޔާ މީން ދިވެހިންނަދިން މެސެޖް.. މާލެއަކީ ހުރިހާ ދިވެހިންގެ ރަށެއްކަ މާ މާލެއަކީ ވަކިބައެއްގެ ރަށެއްނޫންކަން. މިކަން ސާބިތުކޮށްދިން އެއްކަ މަކީ ޔޫތުސިޓީއެހަދާ އެތަނުން ބޯހިޔާވަހިކަން އެއް މެންނަ ކަށަވަރުކޮއްދިނު މަށް ވަރުގަދަ ޕްރޮޖެކްޓެފެށި..އެކަން އެގޮތަށް ނުކުރެވޭނެކަ މަށް އޭރުގެ އިދިކޮޅުންގޮވި އަދި އަގުހެޔޮކޮށް ބިންވެރި ކުރަންކުރި މަސައްކަތް ހުއްޓުވި 4ލައްކައަށް 1000އަކަފޫޓުދިނު މަށް މަސައްކަތްކުރިދެން ޖަލުގަ ޔާ މީންއޮތުންއޯކޭއެނޫން
ހައިވް
04 April 2020
ރައްޔިތުމީހާ..ހެލޯ ފިޔާކިލޯއެއް ކިހާވަރަކަށް! ބަންގާޅު ސޭޓު...ފިޔާނުވިއްކަން ފިޔާވެސް އެބަހުރި އެކަމު ސަރުކާރުން ފިޔާ އަގުބޮޑުކޮން ވިއްކުން މަނާކުރީ އެބުނާއަގުގަ އަހަރެން ނުވިއްކަނީ!ރައްޔިތުމީހާ...ދެން ތިފިޔާތަކަށްކިހިނެއްހަދަނީ!ބަންގާޅު ސޭޓު..ބަހައްޓަނީ މައްސަލަ ކޮބާ؟
އަހަރު މެންގެ ރަށުގައި ދޯ 1700
04 April 2020
ކުލިން ސަލާ މަތްވޭތޯ އެން މެންވެސް ދުޢާކުރޭ. މާލޭ މީހުން އެލިޔަނީ ދުނިޔެ ރަންވިޔަސް ކުލި ކޮންޓްރޯލް ނުކުރެވޭނެއޭ.އަހަރެ މެން އަތުގައި ހުރިނަ މަ ކުރިންވެސް ހަދާގޮތަށް ކުލި ދައްކާލާނީ. ސަރުކާރަކަށް ނުވެސް އިގޭނެ މާލޭގައި އިންތިހާއަށް ބޮޑެތި ކުލި ދައްކާދިވެހިން އުޅޭ ކަ މެއްވެސް.އެގޭނަ މަ ހުޅު މާލޭގައި ފްލެޓް ނައަޅައި އަހަރު މެންގެ ރަށުގައި ދޯ 1700 ފްލެޓް އަޅާދޭނީ.
ކާފަބޭ
05 April 2020
މާލޭ މީހުން އެލިޔަނީ މިކަހަލަ ބޮޑުކަ މެއް ދި މާވީމަ ދެވެންއޮތް އެންމެބޮޑު އެހީތެރިކަމެއް ނުދޭނެވާހަކައެއްނޫން، ސަރުކާރަކުން އަމިއްލަމީހުންގެ ގެދޮރުގެކުލި ކޮންޓްރޯލެއް ނުކުރެވޭނޭ.