އިންޑިއާގެ ޓްރިވެންޑްރަމުން ރާއްޖެ އައި ބަޔަކު ކަރަންޓީން ފެސިލިޓީއަކަށް ގެންދިއުމަށްޓަކައި ފުލުހުންގެ ލޯންޗަކަށް އަރުވަނީ.---ފޮޓޯ: ޕޮލިސް
18 އެޕްރީލް 2020 - 20:13
ކޮވިޑް-19 އަށް މިދިޔަ ބުދަދުވަހު މާލެ އިން މީހަކު ޕޮޒިޓިވްވެ، އާއްމުންގެ ތެރޭގައި ބަލި ފެތުރުން ކޮންޓްރޯލްކުރަން މާލެ ސަރަހައްދު ލޮކްޑައުންކޮށް ފިޔަވަޅު އަޅަނިކޮށް ހަ މީހަކު އަލަށް ޕޮޒިޓިވްވެ މިއަދަކީ ރާއްޖެ އިން މިހާތަނަށް އެންމެ ގިނަ ކޭސް ފެނުނު ދުވަސް ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ)ގެ ހިސާބުތަކުން ދައްކައިފި އެވެ.
މި ހަ މީހުންނާ އެކު މާލެ އިން ހަތަރު ދުވަހުގެ ތެރޭގައި ޕޮޒިޓިވްވި މީހުންގެ އަދަދު ޖުމްލަ 14 އަށް ވަނީ އަރައިފަ އެވެ.
އެޗްޕީއޭ އިން އާއްމުކުރި މައުލޫމާތުތަކުގައިވާ ގޮތުން ވޭތުވެދިޔަ 24 ގަޑިއިރުގެ ތެރޭގައި ޓެސްޓްކުރި މީހުންގެ ތެރެއިން ހަ މީހަކު ވަނީ ވައިރަހަށް ޕޮޒިޓިވް ވެފަ އެވެ. އެއީ ފަސް ދިވެއްސަކާއި ބިދޭސީ އެކެވެ. މާލޭގެ ކުދި ތަންކޮޅުގައި، ވަރަށް ހާލުގައި ދިރިއުޅޭ ބިދޭސީންގެ މެދުގައި ވައިރަސް ފެތުރިދާނެ ކަމުގެ ކަންބޮޑުވުން އޮއްވައި، އަލަށް މިއަދު ބަންގްލަދޭޝް މީހަކު ޕޮޒިޓިވްވިޔަސް އޭނާ އަކީ ތޮއްޖެހިގެން ލޭބަ ކުއާޓާގައި ދިރިއުޅޭ މީހެއް ނޫނެވެ.
އެއީ ދިވެއްސަކާ ކައިވެނިކޮށްގެން މާލޭގައި ދިރިއުޅޭ މީހެކެވެ.
ކޮވިޑް-19 އަށް މާލެ އިން ހަ މީހަކު ޕޮޒިޓިވް މިވީ ތަފާތު ތިން "ކްލަސްޓާ"އެއް ފެނި، ވަރަށް ހަލުވި މިނުގައި އެކެއްގެ ގައިން އަނެކަކުގެ ގަޔަށް ފެތުރެމުންދާ ކަމަށް އެޗްޕީއޭ އިން ރޭ އާއްމުކޮށްފައި ވަނިކޮށެވެ. ނެޝަނަލް އިމަޖެންސީ އޮޕަރޭޝަން (އެންއީއޯސީ)ން ބޭއްވި ޕްރެސް ކޮންފަރެންސްގައި އެ އިދާރާ އިން އާއްމުކުރި މައުލޫމާތުގައި ވަނީ ބަލި ޖެހިފައިވާ 100 އަށް ވުރެން ގިނަ މީހުން މާލެތެރޭގައި އުޅޭނެ ކަމަށް ލަފާކޮށްފަ އެވެ.
ފިޔަވަޅުތަކަށް ފަރުވާކުޑަކޮށްފި ނަމަ އާއްމުންގެ ތެރޭގައި ބަލި ފެތުރިދާނެ މިންވަރުގެ މައްޗަށް ހަދާފައިވާ ގްރާފް: އޮރެންޖް ރޮނގުން ފެންނަނީ ބަލި ފެތުރި އެންމެ ނުރައްކާވާނެ ހާލަތު.
- މި ކްލަސްޓާގައި މިދިޔަ ބުދަ ދުވަހު ފުރަތަމަ ޕޮޒިޓިވްކަން އެނގުނީ 35 އަހަރުގެ އަންހެނަކާއި އޭނާގެ ދެ އަހަރުގެ ދަރިފުޅު.
- ދެން ހިމެނެނީ އޭނާއާ ޑައިރެކްޓް ކޮންޓެކްޓްވި 42 އަހަރުގެ އަންހެނެއް (ކޭސް 23).
- މި އަންހެން މީހާގެ ފިރިމީހާ 46 (ކޭސް 24) އާއި އެ ދެމަފިރިންގެ 15 އަހަރުގެ އަންހެން ދަރިފުޅު (ކޭސް 25) ވަނީ ބައްޔަށް ޕޮޒިޓިވްވެފައި.
- މި މީހުންނާ ޑައިރެކްޓް ކޮންޓެކްޓްވީ 37 އަހަރުގެ އަންހެނަކު (ކޭސް 26) ވަނީ ބަލި ޖެހިފައި.
- ފުރަތަމަ ކްލަސްޓާއާ އެއްވެސް ގުޅުމެއް ނެތް މި ކްލަސްޓާގައި މިދިޔަ ހުކުރު ދުވަހު ވަނީ 37 އަހަރުގެ އަންހެނަކު (ކޭސް 27) ޕޮޒިޓިވްވެފައި.
- މި މީހާގެ ކޮންޓެކްޓް ޓްރޭސިންގެ ތެރޭގައި 33 އަހަރުގެ އަންހެނަކާއި (ކޭސް 30) 24 އަހަރުގެ އަންހެނަކާއި (34) އޭނާގެ 32 އަހަރުގެ ފިރިމީހާ (ކޭސް 32) އާއި 37 އަހަރުގެ ފިރެހެނަކު (ކޭސް 29) ވަނީ ޕޮޒިޓިވްވެފައި.
- މިދިޔަ ހުކުރު ދުވަހު 47 އަހަރުގެ ފިރިހެނެކާއި އޭނާގެ އަންހެނުން 37 އަހަރާއި އަށް އަހަރުގެ ދަރިފުޅު ވަނީ ބައްޔަށް ޕޮޒިޓިވްވެފައި.
އެންއީއޯސީން ބުނިގޮތުގައި މީގެތެރޭގައި މާބަނޑު އަންހެނަކު ވެސް ހިމެނެ އެވެ. އޭނާގެ ކަންކަން ގާތުން ބަލަމުން އަންނައިރު އެންމެންގެ ހާލު ވެސް މިހާތަނަށް ރަނގަޅު ކަމަށް އެ ތަނުން ބުންޏެވެ. ބަލި ޖެހުނު މީހުންގެ ތެރޭގައި އުމުރުން ދުވަސްވީ، ހާލު ބޮޑު ބަލި މީހަކު ނެތް ކަމަށް ވެސް އެންއީއޯސީން ބުންޏެވެ.
އަލާމާތްތައް ނުފެނި ވެސް މި ބަލި ޖެހިފައި ހުރެ އެވެ. ރާއްޖެ އިން ކޮރޯނާވައިރަހަށް ޕޮޒިޓިވްވި މީހުންގެ ޖުމްލަ އަދަދަކީ މިހާރު 34 އެވެ.
— Health Protection Agency (@HPA_MV) April 18, 2020
މުޖުތަމައުގެ ތެރޭގައި ބަލި ފެތުރި ޕޮޒިޓިވްވަމުން އަންނަ އަދަދުތައް އެޗްޕީއޭ އިން އާއްމުކޮށްފައި.
ހެލްތު ޕްރޮޓެކްޝަން އޭޖެންސީގެ ޑރ. ނަޒްލާ ރަފީގް ވިދާޅުވެފައި ވަނީ މި ބަލި ޕީކަށް އަރާނީ ކުރިއަށް އޮތް 14 ދުވަހުގެ ތެރޭގަ އެވެ. މި މުއްދަތުގައި ހޮސްޕިޓަލުގައި އެޑްމިޓްކޮށް ގިނަ ބަޔަކަށް ފަރުވާ ދޭން ޖެހޭނެ އެވެ.
ކޮމިއުނިޓީ ސްޕްރެޑް ފެށިފައިވާ އިރު ފަރުވާކުޑަކޮށް ކަމާބެހޭ އިދާރާތަކުގެ އިރުޝާދަށް އަމަލުކޮށްފި ނަމަ އެކަކަށް ވެސް ރައްކާތެރިކަމެއް ނެތް ކަމަށް ސިއްހީ ހިދުމަތްތެރިން ގެންދަވަނީ އިންޒާރު ދެއްވަމުންނެވެ. ރާއްޖޭގެ ހާލަތު މިހާރު ވެސް ފެންނަނީ، ކުރިން އަންދާޒާކުރި ވަރަށް ވުރެން ވެސް ބިރުވެރިކޮށެވެ.
ޕަބްލިކް ހެލްތު ދާއިރާގައި ތަޖުރިބާކާރު، ޑރ. ޝީނާ މޫސާ ހުށަހެޅުއްވި ރާއްޖޭގެ ޕްރޮޖެކްޝަންސްތަކުން ދައްކަނީ، ކޮރޯނާވައިރަހުން ލައްކައަކަށް ވުރެ ގިނަ މީހުން ޕޮޒިޓިވްވެދާނެ ކަމަށެވެ. އޭރުން ހޮސްޕިޓަލްތައް ފުރި އެތައް ބަޔަކަށް ފަރުވާ ނުދެވި ދޫކޮށްލަން ޖެހިދާނެ އެވެ. އެއީ، އެއްފަހަރާ އެހާ ގިނަ އަދަދެއްގެ ބަޔަކަށް ފަރުވާދެވޭނެ ޑޮކްޓަރުންނާއި ނަރުހުންނާއި ބަލި މީހުން ބާއްވާނެ އެނދުތަކާއި ވެންޓިލޭޓަރު ވެސް ނެތުމުންނެވެ.
މި ލޮކްޑައުންގެ 14 ދުވަހުގެ ތެރޭގައި އަޅާ ފިޔަވަޅަށް ފަރުވާ ކުޑަކޮށްފި ނަމަ ޕްރޮޖެކްޝަންގެ ގްރާފްގައިވާ އޮރެންޖް ސިނާރިއޯ އިން ދައްކަނީ ފަރުވާ ނުދެވި މަރުވާ އަދަދު ރާއްޖޭގައި 2،000 އަށް އަރާނެ ކަމަށެވެ. އެކަމަކު ސިއްހީ މާހިރުންގެ އިރުޝާދަށް ބޯލަނބައިފި ނަމަ އެތައް ބަޔަކު މި ބަލިން ސަލާމަތްވުމުގެ އުއްމީދު އެބައޮތެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
އަހމަދު
19 April 2020
ސަރުކާރު އެބަ ހިނގާތަ މަށެތް ނުދެނަހުރިން ހިނގާކަމެއް، އަހަރެން ކޯޓަށް ޖަމާކުރި ފައިސާއެއް ލިބެންވާ ފަރާތައް ނުލިބި މެއިލް ކުރީމަ މެއިލް އަށްވެސް ޖަވާބެއް ނުލިބޭ
ނުފެންނަ
19 April 2020
ޑރ އިން ޕްރެޑިކްޓްކުރާ ގޮތަށް މީހުން ބަލިވެ މަރުވާނެކަމަށް ބުނާ އަދަދުތައް ގަބޫލުނުކުރެވެނީ ފުރަތަމަ ކޭސް ފެނުނުއިރު އެންމެ 24 ގަޑީރުގެ ލޮކްޑައުންއަކަށް ގޮސް އަދި ދެން އަނެއްދުވަހުވެސް 24 ގަޑިއިރުގެ މުއްދަތެއް ދިނީތީ. މާލޭގަ އެންމެ މީހަކު ޕޮޒިޓިވްވިއަސް އެއީ 24 ގަޑިއިރުން ހޯދާ ބަލާ ޓެސްޓްކޮށް ނުނިމޭނެ ކަމެއްކަން ވަރަށް ސާފުކޮށް އެނގޭ. އެކަން ބޮޑުކުރަންވާއިރު ކުޑަކުރެވިފައި އޮތީ.
ޢިސްމާލުބޭ
19 April 2020
މމަދުގެ ނަ މުގައި ކޮ މެންޓް ކުރި ފަރާތަކީ ހާދަކަންކަން ނޭންގޭ ބީތާ ފަރާތެކެވެ. މިކަ މަށް ސަރުކާރުން އެޅި ފިޔަވަޅުތައް އެއްވެސް ވަރަކަށް ނޭންގެނީ ބާއެވެ. ނޫނީ ޕީޕީ ވަނީބާވައެވެ.
ޓެސްޓިންގް
19 April 2020
ޓެސްޓިންގް ރޭޓް އަކީ ކޮބާ؟ ކިތަައް މީހުންބާ އިއްޔެ ޓެސްޓު ކުރީ؟
އާދޭސްކުރީމޭމިތާ
19 April 2020
ހެޔޮނުވާނެ، ގޭގައި މަޑުކުރޭ، ފަރުދީ ޒިންމާ އަދާކުރޭ! ހެޔޮނުވާނެ، ގޭގައި މަޑުކުރޭ، ފަރުދީ ޒިންމާ އަދާކުރޭ! ހެޔޮނުވާނެ، ގޭގައި މަޑުކުރޭ، ފަރުދީ ޒިންމާ އަދާކުރޭ! ހެޔޮނުވާނެ، ގޭގައި މަޑުކުރޭ، ފަރުދީ ޒިންމާ އަދާކުރޭ! ހެޔޮނުވާނެ، ގޭގައި މަޑުކުރޭ، ފަރުދީ ޒިންމާ އަދާކުރޭ! ހެޔޮނުވާނެ، ގޭގައި މަޑުކުރޭ، ފަރުދީ ޒިންމާ އަދާކުރޭ! ހެޔޮނުވާނެ، ގޭގައި މަޑުކުރޭ، ފަރުދީ ޒިންމާ އަދާކުރޭ! ހެޔޮނުވާނެ، ގޭގައި މަޑުކުރޭ، ފަރުދީ ޒިންމާ އަދާކުރޭ!
ދޢަހުމަދު
19 April 2020
ކިޔޭވަރު އަދިވެސް މަދު
ރަދީފްް
18 April 2020
ފިހާރަތަކުން ސިނގިރޭޓްވިއްކުން ހުއްޓުވާ ސިނގިރޭޓް ނުލިބޭގޮތްހަދާ
ރަދީފްް
18 April 2020
ސަރުކާރުން ސިނގިރޭޓް ކޮންޓަރޯލުކޮށް އެއްވެސް ފިހާރަތަކުން ނުލިބޭގޮތް ހަދަންޖެހޭ
ހުސްނާ
18 April 2020
އަދިވެސް ތިޔަ ބަލަނީ މިސްކިތްތަކުގައި ޖަމާއަތް ހުއްޓުވޭތޯއެވެ. ބަލަ އަހަރުމެންނަކީ އަމިއްލަ ހެދި, ބަލިޖެހި ވާ ބަޔެއްނޫނެވެ.
ރަދީފު ބިން ރަފައިދާ
18 April 2020
ވަރަށް ގަދައަށް އޮބިއަޅައިގެން މައިތިރިކުރެވޭނީ. މާދަމަޔާ އޭގެ އަނެއްދުވަހުގެ ސްޓެޓިސްޓިކަށް ބަލާލީމާ އިނގޭނީ ދެން ލަފައެއްކޮށްލާން އިތުރަށް ވެދާނޭ ގޮތް.
ޢަފްލާ
18 April 2020
ފިޔަވޅު 1 މަލެ ގެނެއްސަ ދޫކޮއްލީ ފިޔަވަޅު 2 އަލާމަތް ފެނިގެނ ޓެސްޓް ހެދީ ފިޔަވަޅު 3 ޕޮޒިޓިވް ވީމަ އިއުލާން ކުރީ ޝުކުރިއްޔާ