އިންޑިއާ އިން ރާއްޖެ ގެނައި އެޗްސީކިއު ބޭސް ފޮށިތަކެއް -- ފޮޓޯ: އިންޑިއަން ހައި ކޮމިޝަން
23 އެޕްރީލް 2020 - 00:24
12 comments
ކޮވިޑް-19 ޖެހޭ މީހުންނަށް ފަރުވާ ދިނުމަށް ބައެއް ގައުމުތަކުގައި ބޭނުންކުރާ ބޭހެއް ކަމަށްވާ ހައިޑްރޮކްސީކްލޮރޯކްއީން (އެޗްސީކިއު) ގެ 50،000 ގުޅަ އިންޑިއާ އިން ރާއްޖެ އަށް މިއަދު ހަދިޔާކޮށްފި އެވެ.
މި ބޭސް އިންޑިއާ އިން ރާއްޖެ ގެނައީ، ރާއްޖޭގެ ގައުމީ އެއާލައިން މޯލްޑިވިއަން ޗެންނާއީ އިން ރާއްޖެއަށް މިއަދު ކުރި ދަތުރެއްގަ އެވެ. މި ތަކެތި އެ ގައުމުން ރާއްޖެ އަށް ހަދިޔާކުރީ ދިވެހި ސަރުކާރުން އެދިގެން ކަމަށް ފޮރިން މިނިސްޓްރީން ބުންޏެވެ.
ކޮވިޑް-19ގެ އިތުރުން އާތުރައިޓިސް އަދި ލޫޕަސް ފަދަ ބަލިތަކަށް ވެސް އެޗްސީކިއު ބޭނުންކޮށްގެން ފަރުވާ ދެ އެވެ. އެޗްސީކިއުގެ ސަޕްލައިގެ 70 ޕަސެންޓް އުފައްދަނީ އިންޑިއާ އިން ނެވެ. އަދި މި ދުވަސްވަރު މި ބޭސް އެކްސްޕޯޓުކުރުން އެ ގައުމުން ވަނީ ކޮންޓްރޯލްކޮށްފަ އެވެ. ނަމަވެސް ރާއްޖެ އަށް މި ބޭސް ހަދިޔާ ކުރީ، އިންޑިއާ އާއި ރާއްޖެ ދެމެދުގައި އޮންނަ ގާތް ގުޅުމުގެ ސަބަބުން ކަމަށް އިންޑިއަން ހައި ކޮމިޝަނުން ބުނެފައިވެ އެވެ.
މި ބޭސް ބޭނުން ކުރާނީ، ސިއްހީ ތަޖުރިބާކާރުންގެ ލަފައާ އެއްގޮތަށް ކަމަށް ސަރުކާރުން ބުންޏެވެ.
އިންޑިއާ އިން ވަނީ މީގެ ކުރިން ވެސް ކޮވިޑް-19 އާ ގުޅިގެން ރާއްޖެ އަށް އެހީވެފަ އެވެ. ކޮންޓްރޯލްކުރެވިފައިވާ ބޭސްތަކެއް ހަދިޔާ ކުރުމުގެ އިތުރުން، އެސްޓީއޯ އިން އޯޑަރުކޮށްފައި ހުރި ބޭސްތަކެއް، އިންޑިއާ އިން ވަނީ ރާއްޖެ ގެނެސްދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޭސް
23 April 2020
ކުދިންނޭ ޓްރަމްޕް ބެއްޔާވެސް މިހާރު މިބޭސް ޕްރޮމޯޓެއްނުކުރޭ!
ސަންޕަދަރި
23 April 2020
ތިޔަބޭހުގެ ސަބަބުން މަރުވާ މީހުން އިތުރުވެ ބޭސް ބޭނުންކުރާ މީހުންގެ ލޭގެ އިތުރު މައްސަލަ ތަކެއް އުޅޭ ކަމަށް ފާއިތުވެ ދިޔަ ތިންދުވަހު ސީއެން އެން ގަ އެބަދައްކާ. ތިޔަބޭހުން ކޮވިޑް އަށް އަސަރު ނުކުރާވާހަކަވެސް., ޓުރަމްޕްވެސް ޗައިނާ ބާކީކޮށް އިންޑިއާ ކައިރި ކުރީމަ ވީގޮތް. ކަމުގެ ތަޖްރިބާ ނެއްބައެއްގެ ބޭނުން ނުހިފަން ސަރުކާރަށް ގޮވާލަން.
ކެޔޮޅުބޭ
23 April 2020
އިންޑިއާ އިން ހަދިޔާކުރި ތިބޭހަކީ ކޮވިޑް ވައިރަސް ނައްތާލާ އެއްޗެއްކަން ޔަގީނެއް ނޫން. އެކަމުވެސް ދެން ޝުކުރިއްޔާ. މިބޭސް ކޮޅު އިންޑިއާ އިން ދިނަސް މިހާރު އެގައުމު އޮތް ހާލަތުން ރާއްޖެއަށް ބޭނުންވާ އެހީއެއް އިގްތިސާދީ ގޮތުން ވެސް އަދި މިވައިރަސް އާދެކޮޅަށް ހަނގުރާމަ ކުރަން ބޭނުންވާ ސާމާނުވެސް ނުދެވޭނެ. ލަސް ނުކޮށް ޗައިނާ ސަރުކާރުގެ އެހީއަށް އެދުން ވަރަށް މުހިއްމު. ރައީސް ވިސްނަވަންޖެހެނީ ގައުމީ މަސްލަހަތަށް އެކަނި. ޕްލީޒް ސައިޑްލައިން ނަޝީދު.
ސަލާޙް
23 April 2020
މިހާދަ ބޮޑު އަދަދެކޭ ދޯ؟ އެކަމަކު އިންޑިޔާގަ ތީގެ ގުޅައެއް ފާމަސީއިން ރީޓެއިލްކޮށް ވައްކާ އަގަކީ އިންޑިޔާގެ 3 ރުޕީސް(ދިވެހި އެއް ރުފިޔާ). ތިވެސް ވަރަށް ރަގަޅުވަރެއް އަހަރެމެންކަހަލަ އެއްޗެއ
ސަރީފުއަލ
23 April 2020
ފަހުގެ ދިރާސާއިން ދައްކާ ގޮތުގެގައި ހައިޑްރޮކްސީކްލޮރޯކްއީން (އެޗްސީކިއު) ކޮރޯނާ ވައިރަހައް އަސަރެއް ނުކުރޭ..މީ އެމެރިކާގެ ރައީސް ފަތުރައުގެން އުޅޭ ތިޔަރީއެއް ހައިޑްރޮކްސީކްލޮރޯކްއީން އިން ކޮވިޓަށް ރަގަޅު އަސަރު ކުރެއޭ ކިޔަގެން.
އަލީ މައުސޫމް
23 April 2020
ގުޑް. މޯޑީ. މޮޔަހައްދާ
ދިދަފަތި
23 April 2020
ދިދަފަތި ދަމާފައި ބެރުދުންމާރި ތާޅަފިލި ފުމެފައި ތިކަން ފާހަގަކުރަންވާނެ.
ރީތި މޫސަ
23 April 2020
ތިބޭހަކީ މިކަމަށްހުރިބޭހެއްކަމަކަށްނުވޭ ތިބޭސް އިންޑިޔާގެ ޑޮކުޓަރުންވެސްނުދޭ ކީއްވެބާ އެވަރުގެއެއްޗެއްރާއްޖެ ފޮނުވީ
އެމްޑީޕީމީހާ
23 April 2020
އިންޑިޔާއޭ ބުންޏަސް ދިވެހިން ހިންހަމަ ނުޖެހޭ. އަޅުގަނޑައްވެސް ވަނީ ހަމަ މިހެން.
ޝޮކްތެރަޕީ
23 April 2020
ތިއުޅެނީ ދިވެހިންގެ ވިސްނުން ދުއްވާލަން.