ތިނަދޫ އުތުރު ދާއިރާގެ މެމްްބަރު އަބްދުﷲ ސަނީފް ރައްޔިތުންގެ މަޖިލީހުގެ ޖަލްސާއެއްގައި ވާހަކަ ދައްކަވަނީ. އެމްޑީޕީގެ ގައުމީ މަޖިލީހުގެ ޖަަލްސާގައި އޭނާ މިރޭ ވިދާޅުވީ މަސްވެރިންނަށް ވީ ވައުދު ފުއްދުމުގައި އެމްޑީޕީ ފެއިލްވެއްޖެ ކަަމަށް.
08 ޖުލައި 2020 - 00:57
40 comments
އެމްޑީޕީން މަސްވެރިންނަށް ވެފައިވާ ވައުދު ފުއްދުމުގައި ސަރުކާރު ބޮޑުތަނުން ފެއިލް ވެފައިވާ ކަަމަށް ރައްޔިތުންގެ މަޖިލީހުގެ ތިނަދޫ ދެކުނު ދާއިރާގެ އެ ޕާޓީގެ މެމްބަރު އަބްދުﷲ ސަނީފް ރޭ ވިދާޅުވެއްޖެ އެވެ.
ޖަމާލުއްދީން ސްކޫލްގައި ބޭއްވި އެމްޑީޕީގެ ގައުމީ މަޖިލީހުގެ ޖަލްސާގައި ސަނީފް ވިދާޅުވީ، މަސްވެރިންނަށް ލިބެމުން ދަނީ ގެއްލުން ކަމަށާއި އެ މީހުން ބާނާ މަހަށް ހަމަ އަގު ނުލިބޭ ކަމަށެވެ. އެގޮތުން، ހުވަދު އަތޮޅުގެ މަސްވެރިން މަސް ކިރުވި ބިލްތަކަށް މިދިޔަ މަހުގެ ހަތަރަކުން ފެށިގެން އެއްވެސް ފައިސާއެއް ނުލިބޭ ކަމަށް އޭނާ ވިދާޅުވި އެވެ. އެ ގޮތަށް ބިލްތަކަށް ފައިސާ ނުލިބުމަކީ ސަނީފް ވިދާޅުވި ގޮތުގައި، ތަކުރާރު ވަމުން ދާ ކަމެކެވެ. އެހެންވެ، މަސްވެރިން ތިބީ ސަރުކާރު ދެކެ އިންތިހާއަށް ނުރުހިފައި ކަމަށް އޭނާ ވިދާޅުވި އެވެ.
"މަސްވެރިކަމުގެ ވައުދުގައި އަޅުގަނޑުމެން ވަރަަށް ބޮޑުތަނުން ފެއިލް ވެއްޖެ. އަޅުގަނޑުމެންގެ ސަރުކާރު އައި ފަހުން ހަމަ އަގެއް އެއްވެސް ފަހަރެއްގައި ނުދެވޭ،" ސަރުކާރުގެ ބައެއް ވައުދުތައް ނުފުއްދޭ ކަން ފާހަގަކުރައްވަމުން ސަނީފް ވިދާޅުވި އެވެ.
ސަރުކާރުން އެޅި ފިޔަވަޅެއްގެ ސަބަބުން ޓެކްސީ ޑްރައިވަރުންނަށް ވެސް ބޮޑު ނިކަމެތި ކަމެއް ލިބިފައިވާ ކަމަށްް އޭނާ ވިދާޅުވި އެވެ. އަބަދުވެސް އެމްޑީޕީއާ އެކު ތިބި ޓެކްސީ ޑްރައިވަރުންނަށް ނިކަމެތިކަން ލިބުނީ ސަނީފް ވިދާޅުވި ގޮތުގައި އެޕްލިކޭޝަންތައް ބޭނުން ކޮށްގެން ޕްރައިވެޓް ކާރުތަކުގައި ޓެކްސީ ކުރެވޭ ގޮތަށް ގަވައިދަށް ގެނައި ބަދަލަކުންނެވެ.
ދިވެހި މަސްވެރިންތަކެއް ދޯންޏެއްގައި ތިބެ މަސް ބާނަނީ. --- ފޮޓޯ: ދިވެހި މަސްވެރިން ޓުވިޓާ.
ސަރުކާރާ ދޭތެރޭ އޭނާ ކަންބޮޑުވުން ފާޅުކުރެއްވި އަނެއް ކަމަކީ އެމްޑީޕީގެ ފަރާތުން ވަޒީރު ކަމަށް އައްޔަން ކުރައްވާފައިވާ ބޭފުޅުންނާއި ކުންފުނިތަކުގެ ވެރިންނާ އެ ޕާޓީގެ މެމްބަރުންނާ ގުޅުން ނެތުމުންނެވެ. އޭނާ އަށް ވެސް ވާހަކަ ނުދެއްކެވޭ އެމްޑީޕީ އަށް ނިސްބަތްވާ މިނިސްޓަރުން އެބަތިބި ކަމަށާއި އެ ބޭފުޅުންނާ ފޯނުން ވެސް ނުގުޅުއްވޭ ކަަމަށް ސަނީފް ވިދާޅުވި އެވެ.
"އަޅުގަނޑުމެނާއި އަދި ޕާޓީގެ އެންމެ އިސް މަގާމުތަކުގައި ތިއްބެވި ބައެއް ބޭފުޅުންނާ އެންމެ ފޯން ކޯލެއް ކޮށްލެެއްވުމަށް ފަހުގައި އެ ބޭފުޅުން ލަދުން ދެވަނަ ފަހަރު އަަޅުގަނޑުމެންނާ ނުގުޅާ މީހުން ވެސް އެބަތިބި،" ވަރަށް ބޮޑަށް ރުހިވަޑައިނުގެން ހުންނަވައި ސަނީފް ވިދާޅުވި އެވެ.
އޭނާ ވިދާޅުވީ އެމްޑީޕީގެ އިސް ބޭފުޅުންގެ ގުޅުން މިހާރަށް ވުރެ ބޮަޑަށް ބަދަހިކޮށްގެން ނޫނީ ލޯކަލް ކައުންސިލްތަކުގެ އިިންތިހާބު ކާމިޔާބު ނުވާނެ ކަމަށެވެ.
އެމްޑީޕީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ގައުމީ މަޖިލީހުގެ ރޭގެ ބައްދަލުވުމުގައި ވިދާޅުވީ އެ ޕާޓީން ވެފައިވާ ވައުދުތައް ސަރުކާރުން ފުއްދަމުން އަންނަ ކަމަށާއި އޭގެ ތެރެއިން ބައެެއް ވައުދުތައް މިހާރު ވެސް ފުއްދާފައިވާ ކަމަށެވެ.
"ރައީސުލްޖުމްހޫރިއްޔާ [އިބްރާހީމް މުހައްމަދު ސޯލިހު] އަވަދި ނެތި އެ އުޅުއްވާ އުޅުއްވުމަކީ މި މަސައްކަތް، އަޅުގަނޑުމެންގެ ވައުދުތައް ރަނުންރަނަށް ރައްޔިތުންނަށް ފުއްދައިދިނުން،" ނަޝީދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފާރޫގު ބޭ
11 July 2020
ކޮން ވައުދެއް ފުއްދުނީ؟މުޅި ސަރުކާރު ފެއިލް..މަވާ ހޯހޯ.ދޭނެ ވޯޓެއްނެތް.
ފަހުދު
08 July 2020
ދެފެކްޝަން ދެކޮޅައް ދެމީމަ ދެން ފަޅޮލައް ފައިން އެރުން ނޫންކަމެއް ނުވާނެ.
އެއްކަލަ ސޮރު
08 July 2020
މޑޕ ގެ ކޮން ވައުދެއްތޯ ފުއްދުނީ. ޔާމީނު ޖަލައްލުން ނޫން ކަމެއް ނުވި. ހަނދާން ކުރާތި. މާލޭ ރައްޔިތުންނައް ގޯތި ނުދީ މި ފަސް އަހަރު ނިންމާލައިފިއްޔާ މޑޕ އަށް ވެރިކަމެއް ނޫން ރަށު ކައުންސިލެއް ވެސް ނުލިބޭނެ ދެން.
ބޮޑުމީހާ
08 July 2020
ޓީޗަރުންނަށް ވީ ވައުދު ފުއްދުނުތަ! ފްލެޓެއްގެ ކުރެހުމެއްވިޔަސް ދެއްކުނުތަ! އިންސާފު ގާއިމުކުރެވުނުތަ! ބަޢާވާތް ބެލުނުތަ! ހިޔާނާތްތައް ބެލުނުތަ! އާއިލީވެރިކަމަކަށް ނިމުންގެނެވުނުތަ! މުއައްސަސާތައް މިނިވަންވެއްޖެތަ! ކުރެވުނުކަމަކީ ކޮމިޝަންތައް ހެދުމާއި ބަދަލުދިނުން!
ކުމުންދޫއަލީ
08 July 2020
2023 ގައި ބޮނޑިޔަކަށް ވައުދުތައް ފުއްދާ ގޮތައް ރާވާފައި ވަނީ
އަސްލަ މް
08 July 2020
ކޮވިޑް އައީ 2020 ގަ، ކޮވިޑް ބޮލުގަ އަޅުވައިގެން އަދި ސަލާ މަތެއް ނުވާނެ، ރައްޔިތުން ހޭލުންތެރިވެއްޖެ، އެއްކަ މެއްވެސް އަދި ރަނގަޅެއްނުވޭ، މަގާ މުތަކުގަ އަދިވެސް ޖަރީ މާހިންގި މީހުން އެތިބީ، ސަނީފު އެބުނީ ތެދު، ޑި މޮކްރަސީގަ ނޯވޭ ރިޔާސީ ޓިކެޓް ތަބަކަކަށްލާފަ ދޭކަށް، އެހިސާބުން އެޔޮތީ ގޯސްވެފަ.
ސަންޕަދަރި
08 July 2020
ސަނީފު ބުރޯ ބަރާބަރު, ރައްޔިތުންނަށް ވައުދުވެ އެވައުދު ނުފުއްދުނީމަ ނުފުއްދުނު ވާހަކަ ބުނަން ޖެހޭނެ, މިއަދު އެމްޑީޕީ ރޮބަރޓް ތަކަށް ގޯސްވާނީ ސަނީފް. ބަލަ ޔާމީނަށް ނުވީމަ ނުވި ކަންކަން ކޮށްދޭނަމޭކިޔާ އައީ, މިތާކު ނުޖެހޭ ޔާމީން ކަންކަން ނުކޮށްދިން ވާހަކަ ދައްކާކަށް ވޯޓް ހޯދަން ދުވި އިރަކު ނުބުނޭ ޔާމީން ކޮށްދީފަ ހުރި ކަންކަމޭ ކޮށްދޭނީ މުޅިންވެސް ބުނަމުން އައީ ޔާމީން އަށް ނުކޮށްދެވުނު ހުރިހާކަމެއް ކޮށްދޭނެ ވާހަކަ, ވޯޓު ދިނީ ތަފާތު ދައްކަން ވޯޓު ދިނީކީ ޔާމީން ކުރިގޮތަށް ކަން ކުރާކަށްނޫން.
ސަމީހާ
08 July 2020
މަސްވެރިންނަށްވީ ވަޢުދު އެމް ޑީ ޕީން ނުފުއްދައޭ ކިޔަން ލަދުގަންނަންޖެހޭ ކޮބާތޯ މަސްވެރިންނަށް ރައީސް ޔާމީން ބެއަސް ނުބެއަސް ދޭން ވަޢުދުވި -/10000 ރުފިޔާ މަހުންމަހަށް ދީފަތޯ އެހުރީ ދަނޑުވެރިޔަކަށް މަހަކަު ދޭން ވަޢުދުވި -/8000 ރުފިޔާ ދިންތޯ ވަޢުދޭ ނުކިޔާ ކޮންމެވެސް އެހެން އެެއްޗެކޭ ކިޔާބަލަ އެއްޗެއް ކިޔަންނޭގެންޏާ ހޮވި ރައްޔިތުންގެ ބޭނުންތައް ހޯދާ މަޖިލީހުގައި ކިޔާބަލަ "ވަޢުދާ ހުވާކުރާނެއޭ އެހަނދާން ވެރިކަން ލިބުނީމާ ނެތޭނެޔޭ މީ ޙަޤީޤަތް
ނަ އީމާ
08 July 2020
ސަމީހާ، ހަސަން ފަރީދު އަނެއްކާ ރައްޔިތުންނަށް ވައުދެއް ވެ ވަޑައިގެންފައިވޭތޯ ބަލާފައި އެވާހަކަ ނުދެއްކީ ކީއްވެތަ؟ މިހާރުގެ ވެރިކަން ފިޔަވާ ނިމުނު ހުރިހާ ވެރިކަމަކީ ވެސް ހިސްޓްރީ! ވީމާ އެވާހަކަތައް ދެއްކުމުގެ ބޭނުމެއް އެބައޮތްތަ؟
ފަހުދު
08 July 2020
ކުރިން ތިބިބަޔަކައް ކަންކަން ނުވަނިއްޔޭ ކިޔާފަ އެއްނޫތަ ވެރިކަމައް އެރީ؟ ބޮލަކީ ހަމައެކަނި ފުނާއަޅަން ހުރިއެއްޗެއް ނޫން
ޝައްފަ
08 July 2020
މައުމޫނު ގެ ބައްޕަ އަބްދުލް ޤައްޔޫމް ސީދީ އަށް މުނިކާފަ ކިޔާ މީހެއް ޒަހާ އަކީ. އެހެނޭ ކިޔާފަ މަސައްކަތް ނުކުރަންޏާ ޖެހޭނީ މަޤާމުން ވަކިކުރަން.
ހިބަރުވަދު
08 July 2020
މިއީ ކޮންބައެއްގެ ސަރުކާރެއް؟ އެމްޑީޕީ ތިޔައޮތީ ދެފަޅިވެފައިކަން އެނގެއެވެ. ދެވަނަފަޅިން ބޭނުންވަނީ 5 އަހަރު ނުނިމެނީސް ވެރިކަމަށް އަރާށެވެ. ވިސްނާ ކޮންމެމީހަކަށް މިކަންވަރަށްސާފެވެ. ތިޔަހެން ތަޅިފޮޅުނީމަ ހަމަގެއްލުންވާނީ އެމްޑީޕީއަށެވެ. އަކަތިގަނޑަކަށްވެ ތިބެ ވައުދުފުއްދަން މަސައްކަތް ކުރަންވީއެވެ. އެހެންނޫނީ 2023 އެމްޑީޕީއަށް އަނދިރި އަހަރަކަށްވެދާނެއެވެ. އަކަކުއަނެކެއްގެ ބޮލަށް ކަނޑާލުމަކީ ބުއްދިވެރިގޮތެއްނޫނެވެ. އެހެންތާވާ ދެއުޅިއެއްނުވާ މީހުން...