ޓޫރިޒަމް މިނިސްޓަރު އަލީ ވަހީދު އިއްޔެ ހެނދުނު ޓޫރިޒަމް މިނިސްޓްރީގައި.---ފޮޓޯ: އަހުމަދު އަވްޝަން/މިހާރު
09 ޖުލައި 2020 - 10:32
14 comments
އަންހެން ގިނަ މުވައްޒަފުންތަކަކަށް ޖިންސީ ގޯނާކުރި ކަމަށް ތުހުމަތު ކޮށްފައިވާ ޓޫރިޒަމް މިނިސްޓަރު އަލީ ވަހީދު އިސްތިއުފާ ދެއްވަން ރައީސް އިބްރާހިމް މުހައްމަދު ސޯލިހު ރޭ އެންގެވި ނަމަވެސް އޭނާ އަދި އިސްތިއުފާއެއް ނުދެއްވަ އެވެ.
ރައީސްގެ ތަރުޖަމާން އިބްރާހިމް ހޫދު "މިހާރު"އަށް ވިދާޅުވީ އަލީ ވަހީދުގެ އިސްތިއުފާގެ ސިޓީއެއް އަދި ނުލިބޭ ކަމަށެވެ. އެހެންވެ، ބެލެވޭ ގޮތުގައި ރައީސް، އަލީ ވަހީދު މިއަދު މަގާމުން ވަކިކުރައްވާނެ އވެެ.
ކެބިނެޓުގައި އެކުގައި މަސައްކަތް ކުރައްވާ ޓްރާންސްޕޯޓް މިނިސްޓަރު އައިޝަތު ނަހުލާއާ ގުޅޭ ގޮތުން ބޭއަދަބީ ވާހަކަތަކެއް ދެއްކެވި އޯޑިއޯއެއް އާއްމުވި މައްސަލާގައި އަލީ ވަހީދާ މެދު ފިޔަވަޅެއް އަޅާފައި ނުވި ނަމަވެސް ފަހުން ފެންމަތިވި ޖިންސީ ގޯނާގެ ތުހުމަތުގެ މައްސަލަތަކުގައި އިސްތިއުފާ ދެއްވަން އޭނާ އަށް އެންގެވީ ރައީސެވެ.
"އެ ތުހުމަތުތައް އެނގިވަޑައިގަތުމާ އެކު ވަރަށް ސީރިއަސް މައްސަލައެއްގެ ގޮތުގައި ރައީސް ނެންގެވީ،" ހޫދު ވިދާޅުވި އެވެ.
ސަރުކާރުގެ އިސް މަގާމެއްގައި ހުންނެވި ބޭފުޅަކަށް، މިހާ ސީރިއަސް ތުހުމަތުތަކެއް ކުރެވުމުން އިސްތިއުފާ ދެއްވުމުގެ ބަދަލުގައި އޭނާ ވަގުތުން މަގާމުން ވަކިކުރަން ޖެހޭ ކަމަށް ބައެއް މީހުން ދެކެ އެވެ.
ވަޒީރުންގެ މަގާމުގައި ތިއްބަވާ ބޭފުޅުންނަށް މިކަހަލަ ސީރަައަސް ތުހުމަތުކުރެވުމުން އިސްތިއުފާ ދިނުމަށް އެންގެވުމުގެ ބަދަލުގައި އެންމެ ރަގަޅުގޮތަކީ ވަގުތުން މަޤާމުން ވަކިކުރެއްވުން. https://t.co/SsPEyOsDp2
— Ahmed Usham (@a_usham) July 8, 2020
ޖިންސީ ގޯނާގެ ޝިކާރައަކަށް ވި ކަމަށް ޝަކުވާ ހުށަހެޅި މީހުންނާ ރައީސް އިބްރާހިމް މުހައްމަދު ސޯލިހު ބައްދަލުކުރައްވައި އެ ވާހަކަތައް އަޑު އެއްސެވި އެވެ. ފުލުހުން ވަނީ މި މައްސަލަ ތަހުގީގު ކުރަން ފަށައިފަ އެވެ. މި މައްސަލަ ރައީސް އޮފީހުގެ އިތުރުން ޖެންޑާ މިނިސްޓްރީ އަށް ވެސް އެ މުވައްޒަފުން ވަނީ ހުށަހަޅައިފަ އެވެ. ޖެންޑާ މިނިސްޓްރީން މިހާތަނަށް ވަކި އެއްޗެއް ހާމައެއް ނުކުރެ އެވެ.
އަލީ ވަހީދަށް ކުރާ ޖިންސީ ގޯނާގެ ތުހުމަތާ ގުޅިގެން އޭނާ މިހާތަނަށް އެއްޗެއް ވިދާޅެއް ނުވެ އެވެ. ހަމައެކަނި ވިދާޅުވީ ހަގީގަތް ފަހުން ހާމަވާނެ ކަމަށާއި ގައުމަށް ކޮށްދެއްވުނު ޚިދުމަތްތަކާ މެދު ފަޚުރުވެރިވެވަޑައިގަންނަވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިއްދޫމީހަ
09 July 2020
ބަލ އިސްތިއުފާ އަކީ އެމީހަކު ބޭނުން ވީމަދޭ އެއްޗެ، މީހަކު ބޭނުން ބުނެގެން ދޭން ޖެހޭ އެއްޗެއް ނޫން، ތިވަރު ވީމަވެސް ތި އަންގަނީ އިސްތިއުފާ ދޭން، މާނައަކީ ފޮރުވިފާ ކަންތައް ތަކެ ހުރީހޭދޯ؟؟؟
ހަސްތީ
09 July 2020
ރާއްޖެއަށް އިރުނާރައިގެން އުޅެނިކޮށް އަލީ ވަޙީދުގެ އިރު މިއޮތީ އޮއްސިފަ. ދެން ހިޔެއްނުވޭ އަލީ ވާޙީދުގެ އިރުއަރާނެހެނެއް އނޓނ އެރިޔަސް
ބައިރޯ
09 July 2020
މަށަށް ފެންނަނީ ދެން އިސްތިއުފާ ދޭން
އީސަ
09 July 2020
ކީއްކުރަން ދެނީ.. ސަފާރީ ރޭޕް ކޭސްގެ މައްސަލަވެސް އޮއްބާލީ.. އާއިލީ ކުދިންކޮޅެއް ވީމަ. އަދުންއިންސާފް ގާއިމުކުރަން ވައުދުވެގެން އާއި މީހުންނަށްވެސް މިވަނީ ކުރީ ސަރުކާރުތަކަށް ވީގޮތް.
ނަން
09 July 2020
ބޭރުކުރޭ. އިމްރާންވެސް ބޭރުކުރޭ.
ސަސި
09 July 2020
ގަޓުރައީސް
ދެތިކިޕީ
09 July 2020
ގައުމުގެ އިގްތިސާދު ފުނޑި އަނގަޔާ އަތާ ދިމާ ނުވެ ރައްޔިތުން ކެއްމަދުވީމާ ދެބޯގެރި ދުއްވުން ނޫންގޮތެއް ހޯދަން ޖެހޭ
ކަނބިލި
09 July 2020
ގަޓް ހުރުމަކީ މަގާމުން ވަކިކުރުން. ރައީސް އެންގެވީމާވެސް އެހުރީ ގަދަ ހަދާފައި. ޓޫރިޒަމް މިނިސްޓަރަކަށް ރޭޕިސްޓަކު ހުރުމަކީ ނުރައްކާ ކަމެެއް
ޢޭންޖަލް
09 July 2020
ކަމެއްވީ ކަމަށް ވާނީ އޮފީސް އެކަކުވެސް މަސައްކަތަށް ނުނިކުތުން. މަސައްކަތުގެ މާހައުލުން ޖިންސީ ގޯނާ ލިބި އެކަމަށް ފިޔަވަޅު ނޭޅެންޔާ އެތަނަކަށް ނުދިޔުން އެންމެ ރަނގަޅުވާނީ
ހުތާ
09 July 2020
ރިސޯޓުތަކުގެ އިންސްޕެކްޝަނަށް މިނިސްޓަރު ވަޑައިގެންނެވުމުގެ ބޭނުމެއް ނުވިސްނޭ، މިނިސްޓަރުގެ އުނދަގުލާހެދި މިނިސްޓްރީން އަމިއްލައަށް އިސްތިއުފާ ދިން މުވައްޒަފުންނަށް އަލުން ވަޒީފާ ދޭންޖެހޭނެއެވެ. އެމީހުންނަށް ލިބުނު ގެއްލުމުގެ ބަދަލު ދިނުންވެސް ހައްގެވެ.