އިދިިކޮޅު ޕީއެންސީގެ ނައިބު ރައީސް ޝުޖާއު ރައީސް އޮފީހަށް ވަދެވަޑައިގަންނަވަނީ.---ފައިލް ފޮޓޯ
27 ޖުލައި 2020 - 13:39
މި އަހަރުގެ މިނިވަން ދުވަހުގެ ހިތާބުގައި، ސިޔާސީ ބޭފުޅުންގެ މަޝްވަރާ އަށް ރައީސް އިބްރާހިމް މުހައްމަދު ސޯލިހު ދެއްވި ދައުވަތުގެ ނިޔަތާ މެދު ސުވާލު އުފެދޭ ކަމަށް އިދިކޮޅު ޕީއެންސީ ގެ ނައިބު ރައީސް އިބްރާހިމް ޝުޖާއު ވިދާޅުވެއްޖެ އެވެ.
މިނިވަން ދުވަހުގެ މުނާސަބަތުގައި ގައުމާ މުހާތަބު ކުރައްވަމުން ރައީސް އިއްޔެ ވިދާޅުވީ، ސިޔާސީ ކަންކަމުގައި ހިޔާލު ތަފާތުވިޔަސް، ގައުމުގެ އެންމެ މަތީ މަސްލަހަތާ ގުޅޭގޮތުން އެންމެން އެއްބަސް ވާންޖެހޭ ކަންކަން ހުންނާނެ ކަމަށެވެ. ސަރުކާރާ އެކުގައި މަސައްކަތް ކުރައްވަން ފެއްޓެވުމަށް، ހުރިހާ ސިޔާސީ ބޭފުޅުންނަށް ގޮވައިލައްވާ ކަމަށާއި އެ ބޭފުޅުންގެ މަޝްވަރާ އަށް އަބަދުވެސް މަރުހަބާ ދަންނަވާނެ ކަމަށް ރައީސް ވިދާޅުވި އެވެ.
ރައީސްގެ އެ ވާހަކަފުޅަށް ރައްދު ދެއްވަމުން ޝުޖާއު ކުރެއްވި ޓުވީޓެއްގައި ވިދާޅުވީ، ހިތާބެއްގައި އެ ދައުވަތު ދެއްވުމުން އެކަމުގައި އޮތް ނިޔަތާ މެދު ސުވާލު އުފެދޭ ކަމަށެވެ.
"ރައީސް ޔާމީން ޕާޓީ ޓޯކްސް އަށް ދައުވަތު ދެއްވީ އޭރުގެ އިދިކޮޅަށް އިސްވެ ސިޓީއަކުން. މީޑިއާ ހިތާބަކުން ނޫން. ތިޔަ ނިޔަތާ މެދު ސުވާލު އުފެދޭ،" ބާރަށު ދާއިރާގެ ކުރީގެ މެމްބަރު ޝުޖާއު ވިދާޅުވި އެވެ.
ތުއްތު ކުއްޖެއްގެ ބޭސްފަރުވާ އަށް އާސަންދަ މެދުވެރިކޮށް ރާއްޖެ އިން ބޭރަށް ފުރުން ލަސްވާތީ އެ ކުއްޖާގެ މައިންބަފައިން މީގެ ދެ ދުވަސް ކުރިން މުލީއާގޭގެ ކައިރީގައި ކުރި އިހުތިޖާޖަށް އިޝާރާތް ކުރައްވަމުން ޝުޖާއު ސުވާލު އުފެއްދެވީ، ރައީސް އިބްރާހިމް މުހައްމަދު ސޯލިހު ވިދާޅުވި، މަޝްވަރާ އަށް އިދިކޮޅުން ދާންވީ އެ ދެމަފިރިން "ސަލާން ޖެހި އުސޫލުން" ތޯ އެވެ.
Alhugandumen Mashvaraa Ah Dhaan vee Dhemafirin Dharifulhu govaagen Muliage Dhoshah Salaan jahan Dhiya gothah tho?Raees Yameen Party Talks ah Dhauvathu Dhevvee Eyru Idhikolhah Isvve,Sitee Akun!Media Hithobakun noon.Thiya Niyathaa medhu Suvaalu ufedhey! https://t.co/mtethtZY9l
— Ibrahim Shujau💙 (@shuja3831) July 26, 2020
ސިޔާސީ މަޝްވަރާ އަށް ގޮވައިލައްވަމުން ރައީސް ވިދާޅުވީ، ހުރިހާ ކަމެއް ސިޔާސީ ކޮށްފި ނަމަ އެކަމުގެ ގެއްލުން ތަހައްމަލު ކުުރަން ޖެހޭނީ ރައްޔިތުން ކަމަށެވެ.
ސިޔާސީ ބޭފުޅުންގެ ހިޔާލާއި މަޝްވަރާ އަށް ރައީސް އިބްރާހިމް މުހައްމަދު ސޯލިހު ގޮވައިލެއްވިއިރު، ހަތަރު ޕާޓީ ގުޅިގެން އުފެއްދި ބޮޑު ކޯލިޝަނަކުން އައި ވެރިކަމުގައި ގަވާއިދުން ޕާޓީތަކުގެ އިސްވެރިންގެ ބައްދަލުވުންތައް ބާއްވާނެ ކަމަށް ވިދާޅުވި ނަމަވެސް ވެރިކަމަށް ދެ އަހަރު ވެގެން ދިޔައިރު އެފަދަ ބައްދަލުވުމެއް ބާއްވާފައި ވަނީ އެންމެ ފަހަރަކު އެވެ. އެހެންވެ، އަމިއްލަފުޅު ކޯލިޝަންގެ ތެރޭގައި ނުކުރެވުނު މަޝްވަރާއެއް އިދިކޮޅާ އެކު ކުރިއަށް ގެންދެވިދާނެ ކަމާ މެދު ވެސް އިދިކޮޅުގެ އެކި އިސްވެރިން ސުވާލު އުފައްދަވަ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ޖަމާލު
29 July 2020
މި ކުޑަކުޑަ ގައުމުގެ ވެރިކަން ހެޔޮ ގޮތުގައި ނުކުރެވިގެން އުޅުމަކީ ހިތްދަތި ދެރަ ނިކަމެތި ކަމެއް. ބަޔަކާއި މަޝްވަރާ ނުކުރިޔަސް ގާނޫނާއި ގަވާއިދުގެ ތެރެއިން ކުރަންޖެހޭ ކަން ކުރުމާއި، މުޅި ސަރުކާރުގެ ސިޔާސީ މަގާމުތަކަށް ހަދިޔާދޭ އުސޫލުން ނާގާބިލު މީހުން ލައިގެން އެތައް ޚަރަދެއް ކުރުމަކީ ގޯސް ގޮތްކަން އެނގޭނީ މަޝްވަރާއެއް އިތުރަށް ކޮށްގެންތޯއެވެ. މިގައުމަށް ހެޔޮ ނަސީބު މިންވަރު ކުރައްވާފާނދޭވެ. އާމީން
ނިޔަތް ނިޔަތް
28 July 2020
ނިޔަތް އެނގޭނީ މަޝްވަރާ ފެށީމަ!
1234
28 July 2020
ތިމީހުންނާ މަޝްވަރާކުރާނެކަމެއްނެތް.
އަކީނޯ
28 July 2020
ޝައިނީ މެދުވެރިއަކަށް ހަދައިގެން ޔާމީނު ތިޔަ ސަކަރާތް ޖެހި.
ނަޝީދު.
27 July 2020
ހުސް އަޑި ނުބައި މީހުން
ވހެއްވާ
27 July 2020
ޕީޕީއެމުން ގޮވާލިއިރު އޭރުގެ އިދިކޮޅުން މަޝްވަރާއަށް ދާކަށް ނުޖެހެޔޯ. އެކަމު މިހާރު އިބޫ ގޮވާލީމަ މިހާރުގެ އިދިކޮޅުން ދާންޖެހެޔޯ. ތިއަށްވުރެ ހެއްވާ ވާހަކައެއް ނެތް.
ސުންކު ބޭ ބެ
27 July 2020
ތި މީހުންނަށް ވޯޓު ލިބުނު ވަރަށް މަޝްވަރާ ކުރެވޭނީ؟
ރަށްއިތުމީހާ
27 July 2020
މާލޭމަގުތަކުގައި މުޒާހަރާ ކުރުން ޤާނޫނަކުން މަނާކޮއްފަ އޮތްއިރު އަދި ބޮޑު ބަލިމަޑުކަމެއް ފެތުރެމުންދާ ދަނޑިވަޅުގައި ބަލިން ރައްކާތެރިވުމަށް އަޅަން ޖެހޭ ފިޔަވަޅުތަކަށް އިތުރަށް ސަމާލުވުމަށް ޑޮކްޓަރުން އިންޒާރު ދެމުންދާއިރު މަގުމަތީ މުޒާހަރާ ކުރަން ފުރުސަތު ދިން ސަބަބު އޮޅުން ފިލުވާދިނުމަށް އިމްރާން އާއި ހަމީދު ކިބައިން އެދެން
ުވައިސޫރި
27 July 2020
ޕީއެންސީ ބުނާހާގޮތެއް ހަދާކައް ނުޖެހޭނެ އެމީހުންވެސް ކަންތައް ކޮއްފާއޮތީހަމައެގޮތައް މިހާރުވެސް ދޫދޭވަރުމާބޮޑު ރޭގާވެސް ޕެޕާރސްޕުރޭކޮޅެއްވެސް ނުޖަހާ ކޮވިޑް މީހުން އިތުރުވާގޮތައް ގާނޫނާ ޙިލާފައް މުޒާހިރާ ކޮއްފާއެތިބީ ވީމާ ރައިއްޔަތުންގެހައްގުގާ ހަރުކަރުކަށި ފިއަވަޅު އެޅުންވަރައް މުހިންމު
ހަނުހުންނަ މީހާ1
27 July 2020
މަ ތާއީދު
ލ
27 July 2020
އެއް ރެއެއްގެ ދަންވަރުން ރައްޔިތުން ކައިރީ އަހާލުމެއް ވެސް ނެތި ބޭރު މީހުންނަށް ރާއްޖޭގެ ބިން މިލްކު ކުރެވޭގޮތަށް ގާނޫނެއް ފާސްކުރި ބަޔަކު މިއަދު ނިކުމެ ރާއްޖެ ވިއްކާލަނީ އޭ ގޮވިޔަސް ތި ދައްކާ ވާހަކަ ގަބޫލުކުރާ ބަޔަކު ނެތް ކަން އަދަދުން ވެސް އެނގޭ
ޏޏޏޏ
27 July 2020
މިހާރު އޮތް ސަރުކާރުގެ ބޮޑު ޕާޓީގެވެސް ތާއީދާއެކު އެކަން ފާސްކުރީ. ވޯޓްލީއިރު ހަނދާނުގެ މައްސަލަ ޖެހިފަ ހުއްޓަސް ތިއީ ބޮޑުވަރު.