މުޅި މަޖިލީހުގެ ކޮމިޓީގެ ބައްދަލުވުމެއްގައި މެމްބަރު ތޯރިގް ދައްކަވަނީ.---ފޮޓޯ: މަޖިލިސް
26 އޯގަސްޓް 2020 - 16:48
28 comments
އިންޑިއާއިން ރާއްޖެއަށް ލޯނު ދެނީ ނުރައްކާތެރި ކަންތައްތަކެއް އެކުލެވޭ ގޮތަށް ކަމަށް ރައްޔިތުންގެ މަޖިލީހުގެ މަހިނބަދޫ ދާއިރާގެ މެމްބަަރު އަހުމަދު ތޯރިގު މިއަދު ތުހުމަތުކުރައްވައިފި އެވެ.
މަޖިލީހުގެ މިއަދުގެ ޖަލްސާއަށް ކާށިދޫ ދާއިރާގެ މެމްބަރު އަބްދުﷲ ޖާބިރު ހުށަހެޅުއްވި ގަރާރެއްގެ ބަހުސްގައި ތޯރިގު ވިދާޅުވީ އިންޑިއާއިން ނަގާފައިވާ ލޯނަކަށް ފައިސާ ދައްކަން އެހެން ގައުމަކުން ލޯނެއް ނަގާ ނަމަ އެކަމަށް ވެސް ހުއްދަ ހޯދަން ޖެހޭ ކަމަށް މައުލޫމާތު ލިބިވަޑައިގެންފައިވާ ކަމަށެވެ. އެ ވާހަކައިގެ ސައްހަކަން ކަށަަވަރު ކުރަން ޖެހޭ ކަމަށާއި ނަމަވެސް އެއީ ނުރައްކާތެރި ވާހަކައެއް ކަމަށް އޭނާ ވިދާޅުވި އެވެ.
"އަދި އަޅުގަނޑުމެންނަށް އެބަ މައުލޫމާތު އެބަ ލިބޭ، [މިއީ] މީގެ ސައްހަކަން ކަށަވަރުކުރަން ޖެހިފައިވާ މައުލޫމާތެއް. ދިވެހިރާއްޖޭން މިހާރު އިންޑިއާއިން ނަގާ ލޯނުތަކާ އެކު، އެ ލޯނު ނެގުމަށް ފަހު އެ ދެއްކުމަށް ޓަކައި އެހެން ގައުމަކުން ނުވަތަ އެހެން ބޭންކަކުން ފައިސާ ނެގުމުގެ ހުއްދަ އިންޑިއާއިން ނުނަގައި އެފައިސާ ނުދެއްކޭނެ ކަމަށް،" ތޯރިގު ވިދާޅުވި އެވެ.
ހިލޭ އެހީގެ ގޮތުގައި ރާއްޖެއަށް 300 މިލިޔަން ޑޮލަރު ލިބޭނެ ކަމަށް ބަޖެޓް ފާސްކުރި އިރު ސަރުކާރުން ބުނި ކަމަށާއި އެހެން ބުނެފައި މިހާރު ލޯނެއް ނަގަން ޖެހުނު ސަބަބާ މެދު އޭނާ ސުވާލު އުފެއްދެވި އެވެ.
"އަދި އެއީ ސަރުކާރުގެ ކަމާ ބެހޭ މިނިސްޓަރުން މި މަޖިލީހަށް، އަޅުގަނޑުމެންނަށް ސާފު ވެސް ކޮށްދޭން ޖެހޭ ކަމެއް،" ތޯރިގު ވިދާޅުވި އެވެ.
ދައުލަތުން ޒިންމާވާ ގޮތަށް އަމިއްލަ ފަރާތްތަކުން ނަގާފައިވާ ލޯނުތަކުގެ މައުލޫމާތު މަޖިލީހަށް ދިނުމަށް އޭނާ ގޮވައިލެއްވި އެވެ.
ލޯނާއި އެހެނިހެން އެހީފޯރުކޮށްދީގެން އިންޑިއާއިން ރާއްޖެއަށް ނުފޫޒު ފޯރުވަންް ނޫޅޭ ކަމަށް ވިދާޅުވެ، އިކޮނޮމިކް މިނިސްޓަރު ފައްޔާޒް އިސްމާއީލް ދައްކަވާފައިވާ ވާހަކަތަކަށް ވެސް ތޯރިގް ފާޑު ވިދާޅުވި އެވެ. ރާއްޖެ ޓީވީގެ ޕްރޮގްރާމެއްގައި މީގެ ކުޑު ދުވަސްކޮޅެއް ކުރިން ފައްޔާޒް ވިދާޅުވެފައި ވަނީ އިންޑިއާއިން ރާއްޖެ ހިފަން އުޅުނު ނަމަ މީގެ އެތައް ޒަމާނެއްގެ ކުރިން އޮންނާނީ ހިފާފައި ކަމަށެވެ.
އިންޝުއަރެންސާ ބެހޭ ގާނޫނެއްގެ ދެލިކޮޕީ މަޖިލީހަށް ފޮނުވަން ގޮވާލައި ޖާބިރު ހުށަހެޅުއްވި ގަރާރުގެ ބަހުސްގައި އެ ގަރާރާ ބެހޭ ގޮތުން ވާހަކަ ނުދައްކަވައި އިންޑިއާ އާއި ރާއްޖޭގެ ގުޅުމާ ބެހޭ ގޮތުން ތޯރިގު ވާހަކަ ދެއްކެވުމުން ރިޔާސަަތުން ދެ ފަހަރެއްގެ މަތިން އެކަން އޭނާ އަށް ހަނދާންކޮށްދިނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޯގޮވައިފި
28 August 2020
އެމްޑީޕީ އަށް ވޯޓުދެވުނީތީވެ ބޯހަލާކުވެއްޖެ، ގައުމަށް ގައްދާރު ވެނުނުފަދަ އިހުސާސްއެެއް ކުރެވެނީ، މާޔޫސްވެއްޖެ. ﷲ މިގައުމު ސަލާމަތްކޮށްދެއްވާށި. މިނިވަންކަންދަމަހައްޓަވާށި އަދި ބޭރުގެ ނުފޫޒްތަކުން ސަލާމަތް ކުރައްވާށި. ރާއްޖޭގެ ދީނަކީ ހަމައެކަނި އިސްލާމްދީން ކަމުގައި ލަހައްޓަވާށި.... އާމީން.
boys rule
27 August 2020
އެމް ޑީ ޕީ ކޮންޓްރޯލް ކުރަން ތިބީ މުޅިންވެސް މި ގައުމުން ބޭރުގަ ދިރިއުލޭ ބައެއް. މިގައުމް ދެކެ ލޯބިވާ ބައެއް ނޫން އެއީ، ގައުމް ރަނގަޅަށް ވިއްކާލާނެ މިފަހަރު. ދިވެހިން ހޭ އަރާނެ ފަހަރެއް މީ...
އިސްމާލި
27 August 2020
ރިޔާސަތަށް ވަރަށް ކަންބޮޑުވާނެ އިންޑިއާ އަދި މޯދީއާޢި ދެކޮޅަށް ވާހަކަ ދައްކަންޏާ. އެހެންވީމަ ހުއްްޓުވާނެ. އެއީ އެމް.ޑީ.ޮޕީ މެންބަރެއް ދިނީ މީހުނަށް ބެވިބެވުމެއް ނަމަ ނުހުއްޓުވާނެ. އިހަށް ދުވަހު ނައިބު ރައީސް ދެއްވި އިންޒާރާ އެއްޗެތި ފެނުން. އަދި ކޮޅުފައިން ޖެހި ޖެހުންވެސް ދިޔައީ ނުބެލި.
ހަޖަމް
27 August 2020
އިންޑިޔާއިން ކިތަންމެ ބޮޑުއަދަދަކުން ލޯނުނެގިޔަކަސް އެނުވޭ ލޯނުނެގިކަމަކަށް ލޯނަކަށްވަނީ މިސަރުކާރަށް ލޯނެއް ޗައިނާއިން ނެގުމުން ހެހެެ
ޓިނު
27 August 2020
ކުރިން އެމްޑީޕީ މީހުންވެސް ޗައިނާގެ ލޯނުތަކާއި ގުޅޭގޮތުން ތިހެންކި . މިއަދު ތިވާހަކަ ތޯރިގުމެން ދެއްކީމާއި ކަޑައީ ؟
ފފފފފ
27 August 2020
ތޯރިގް ބުނީތީއެއްނޫން ކަޑަވާންވީ ނުވަތަ ރަނގަޅުވާންވީ. ކޮންމެ މީހަކަށް ވަނީ ބޮޑު ސިކުނޑިއެއް ދެއްވާފއި. އަމިއްލައަށް ވިސްނަންވީ. އިލްމެއްހުރިއްޔާ ރިސަރޗްކޮށްބަލަންވީ. އެކަމަކު ފެންނަ ފެނުމުން އެނގޭކަމަކީ، ޗައިނާއިން ދެނީ ލޯނުކަން. އެއީ މިހާރު އެނގިފައިއޮތް ގޮތުން 70 ގައުމު މަދުވެގެން. އެއީ ލޯނު ފަސްކޮށްދިން ގައުމުތަށް. އިންޑިޔާއިން 2009 ގައި ނެގި ލޯނު ވަގުތުން ދައްކަން 2013 ގައި އެންގި، ޗައިނާއިން މިސަރުކަރަށް އެނގިތަ 2015 ގައިނެގި ލޯނުވަގުތުން ދައްކަން؟
ދިއްދޫމީހާ
27 August 2020
ކޮބާތަ ހިބަރު ވަދު ހިފާގެން ގޮސްފަ ޝާހިދު ގެނާ ޑޮލަރުތައް؟؟ ބަޖެޓްގަ އިން ހިލޭ އެހީގެ ގޮތުގާ 300މިލިއަން ލިބޭނެކަމަ، ހަމަ ހޮޅި ވާހަކަތާ މިދެއްކީ، ކުރިން ޗައިނާއިން ލޯނު ނަގާތީ ބުނީ އެމީހުންގެ އަސްކަރީ ބޭސް ހަދާ ވާހަކަ، މިހާރު އިންޑިޔާއިން ލޯނު ނަގާގެން ގެރި ކޮށިތޯ ތިހަދަނީ؟؟؟ 25އަހަރު ދުވަހު މަޖިލިސްގަ ހުއްޓަސް އަދި ކަމެނުވާނެ ކަން މިހާރު އިންގޭނެ، އިލްމާ ހިލްމު ހުރެގެން ކަންކަން ވާނީ...
ދޮނބެގެސޮނިފޮދު
27 August 2020
އެ ދައްކަން އުޅޭ ވާހަކަ ރަނގަޅު. ބަލަ އަދިވެސް މި އުޅެނީ އެލޯނު އަތަށް ނުލިބިގެން. އަތަށް ލިބެން އަންނީ ކުޑަކަކޫ ޖެހީމާ. ފައިސާ ލިބެނީ ކޮވިޑު ޒަމާނާއި ނުގެންގުޅޭ ކުރިއެރުމާއި ތަރައްގީއާއި ބީރައްޓެހި އުސޫލުތަކަކަށް އެއްބަސްވެގެން އަދި ބޮޑު އިންޓެރެސްޓާއެކީ. މޯދީ ދޮންބެ ފައިސާ ދެންޏާ ދަހިނުކޮށް ދޭންވީނުން؟ އޭރުން ކައުންސިލް އިންތިހާބުވެސް ކުޑަކޮށް ހަލުވާލެވޭނީ. ދެންޏާދީ. އޯކޭ؟
އުލާ
27 August 2020
އިންޑިޔާއިން މުދާ ގަތުމަށް ދިވެހިދައުލަތަށް ވެފައިވާ މަގުބޫރު 800 މިލިއަން ޑޮލަރުގެ ކްރެޑިޓް ލައިންއަކީ. އެހެޔޮ ކޮންމެ އަގެއްގައިވެސް. މިކަމުން ދިވެހި ދައުލަތަށާއި ދިވެހި ރައްޔިތުންނަށް ބޮޑުތަނުން ގެއްލުންލިބިގެންދާނެ.
ޗައިނާ
27 August 2020
އިންޑިޔާގެ ބޭނުމަކީ ރާއްޖޭގެ މިނިވަންކަމާ ރާއްޖޭގެ މުސްސަދިކަން. ރާއްޖެ ތަރައްގީ ވަނިކޮއް އިންޑިޔާ ވަނީ މިކަން ހުއްޓުވާފަ ވެރިކަން ބަދަލުކޮއްފަ.
ފޫހި
27 August 2020
އިންޑިޔާއިން ލޯނުދެނީ ވަރަށް ބިރުވެރިގޮތަކަށް. ލޯނު އިންޓަރެސްޓާއެކު ދިވެހިންނަށް ދައްކަންޖެހޭއިރު. ލޯނުން ތަރައްގީ ކުރާތަނެއް ހިންގުން އިންޑިޔާގެ ޖުންފުނިތަކަށް 55 އަހަރަށް ދޭންޖެހޭކަމަށްވަނީ. މިކަމުން ދިވެހިންނަށް އޮތީ ކޮންފައިދާއެއް. ޢޮތީ އަޅުވެތިކަން. އިންޑިޔާ ނޫން ގޮތެއް.
ރާއްޖެގެ މިނިވަންކަން
27 August 2020
ރާއްޖެ ސަލާމައްވާނީ ދެން އެމްމެން އެކެތިގަނޑަކައް ވެގެން. މީވަރައް ވާހަކަ.