އިންޑިއާގެ އެހީގައި ހުޅުމާލޭގައި ކުރިއަށް ގެންދާ ދެ މަޝްރޫއެއް އިފްތިތާހުކުރަން ބޭއްވި ވާޗުއަލް ބައްދަލުވުމުގައި ފޮރިން މިނިސްޓަރު ޝާހިދު (ކ) އާއި އިންޑިއާ އިން ރާއްޖެއަށް ކަނޑައަޅުއްވާފައިވާ ސަފީރު ސަންޖޭ ސުދީރު ބައިވެރިވަޑައިގަންނަވަނީ -- ފޮޓޯ: ފޮރިން މިނިސްޓްރީ
27 އޯގަސްޓް 2020 - 14:13
37 comments
ހުޅުމާލެ ސެންޓްރަލް ޕާކުގެ ނުހަދާ އޮތް ބައި ތަރައްގީކޮށް، އިރުމަތީ އެރައިވަލް ޖެޓީ މަރާމާތުކުރުމުގެ މަޝްރޫއު މިއަދު އިފްތިތާހުކޮށްފި އެވެ.
މި ދެ މަޝްރޫއު އަކީ އިންޑިއާ ސަރުކާރުން ރާއްޖެ އަށް ދީފައިވާ ހިލޭ އެހީގެ ދަށުން ކުރިއަށް ގެންދާ މަޝްރޫތަކެކެވެ. އެ ގައުމުގެ އޭރުގެ ފޮރިން މިނިސްޓަރު ސުޝްމާ ސްވަރާޖް މިދިޔަ އަހަރު ރާއްޖެ އަށް ޒިޔާރަތްކުރެއްވި އިރު، އިޖުތިމާއީ އެކި މަޝްރޫއުތައް ކުރިއަށް ގެންދަން 106 މިލިއަން ރުފިޔާގެ ހިލޭ އެހީ ރާއްޖެ އަށް ދިނެވެ. މި އެހީގެ ތެރެއިން ހުޅުމާލެ ސެންޓްރަލް ޕާކުގައި ނުހަދާ އޮތް ބައި ތަރައްގީކުރުމަށް 8.9 މިލިއަން ރުފިިޔާ ހަމަޖައްސާފައިވާ އިރު، އެރައިވަލް ޖެޓީ މަރާމާތުކުރުމަށް 995،385ރ.ގެ ބަޖެޓެއް ކަނޑައަޅާފައިވާ ކަމަށް ފޮރިން މިނިސްޓްރީން ބުންޏެވެ.
Ceremony held to inaugurate the Hulhumalé Central Park and Jetty renovation Projects under Indian Government grant
— Ministry of Foreign Affairs 🇲🇻 (@MoFAmv) August 27, 2020
Press Release:https://t.co/pBDE3sFzPm@hdcmaldives pic.twitter.com/kZ1jqESf39
ފޮރިން މިނިސްޓްރީން މިއަދު ކުރި ޓްވީޓެއް
މި މަޝްރޫއުތައް އިފްތިތާހުކުރަން ފޮރިން މިނިސްޓްރީގައި ބޭއްވި ވާޗުއަލް ރަސްމިއްޔާތުގައި ފޮރިން މިނިސްޓަރު އަބްދުﷲ ޝާހިދު ވިދާޅުވީ، މި މަޝްރޫއުތައް ފުރިހަމަވުމުން ހުޅުމާލެ ރައްޔިތުންނަށާއި ހުޅުމާލެ އަށް ދާ މީހުންނަށް ހިތްފަސޭހަ މާހައުލެއް ލިބޭނެ ކަމަށެވެ. މި ބައްދަލުވުމުގައި އިންޑިއާ އިން ރާއްޖެ އަށް ކަނޑައަޅާފައިވާ ސަފީރު ސަންޖޭ ސުދީރު އާއި ހުޅުމާލެ ދާއިރާގެ މަޖިލިސް މެމްބަރު އަލީ ނިޔާޒާއި ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) ގެ އިސްވެރިން ބައިވެރިވަޑައިގަތެވެ.
ހުޅުމާލޭ ޕާކު އޮންނާނެ ގޮތް ދައްކައިދޭ ފޮޓޯއެއް -- ފޮޓޯ: ފޮރިން މިނިސްޓްރީ
ސެންޓްރަލް ޕާކު ހަދާ އިރު އެތަނުގެ ޕާކުގެ ހިނގާ ޕާތުވޭ ހެދުމާއި ލައިޓިންގެ މަސައްކަތާއި އިށީންނާނެ ތަންތަން ހެދުން ހިމެނޭ ކަމަށް މިނިސްޓްރީން ބުންޏެވެ. މި ދެ މަޝްރޫއުގެ އަމަލީ މަސައްކަތް ކުރިއަށް ގެންދާނީ އެޗްޑީސީގެ ބެލުމުގެ ދަށުންނެވެ.
އިންޑިއާ ސަރުކާރުން ރާއްޖެ އަށް މިދިޔަ އަހަރު ދިން ހިލޭ އެހީއާ އެކު ގިނަ ރަށްރަށުގައި އެކި މަޝްރޫއުތައް ވަނީ ހިންގައިފަ އެވެ. މި އެހީ ބޭނުންކުރުމުގައި ރަށްރަށުގެ އެކަމެއްގެ ސަބަބުން އެ ރަށެއްގެ މުޖްތަމައަށާއި އިގްތިސާދަށް ފައިދާ ކުރާނެ މަޝްރޫއުތައް ހޮވަން އިންޑިއަން ހައި ކޮމިޝަނުން އަންނަނީ އިސްކަން ދެމުންނެވެ. ބ. ފެހެންދޫ ދަރިވަރުންނަށް ޒަމާނީ ފެރީއެއް ބަނދެދީ، މިދިޔަ މަހު އިންޑިއަން ހައި ކޮމިޝަނުން ވަނީ އެޑިއުކޭޝަން މިނިސްޓްރީއާ ހަވާލުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފެނުކައްކާބޮލި
28 August 2020
ހަދާ ނިންމާފައި ހުރި ތަންތަނުގައި ދެތިން ހޮޅިދަނޑި ޖަހައި ހައެއްކަ ބޮކިލާފައި ރީނދޫކުލައިގެން ރޮނގެއް ދަމާފައި ވަށައިގެން ރަބަރުފަށެއް ދަމާލުމަކީ މާކަބޮޑު ޚަރަދެއް ހިނގާނެ ކަމެއް ނޫން. ކަމެއް ކޮށްދެންޏާ ހުޅުމާލޭގައި ކަރަންޓަށް ނުޖެހޭވަރުގެ ބޮޑި އިންޖީނުގެއެއް ހިލޭ އަޅައިދީބަލަ. މިހާރު ތިޔަ ހުޅުވާ ދެވަނަ ފިޔަވައްސާއެކު ދިހަވަރަކަށް ހާސްގެއަށް ކަރަންޓު ބޭނުންވާނެ. ހުޅުމާލޭގައި ހުރި އިންޖީނުގެއިން މިކަންވާނެބާ؟
ހަޒާނާ
28 August 2020
މިވަގުތައް ބަލާ އިރު ބޭކާރު ކަމެކެވެ.
ފައްއި
28 August 2020
ޕާކް ހެދުން ފަދަ މިވަގުތަށް އެއްވެސް ބޭނުމެއް ނެތް ކަންކަމަށް ޚަރަދުކުރުން ހުއްޓާލަންޖެހޭ. އިންޑިއާއިން ފައިސާ ދިނަސް މިގައުމުން އިސްކޮށް މުހިއްމުކޮށް ބޭނުންވާ ކަންކަން އެއ ފައިސާއިން ކުރުމަށް ހުށަހެޅުމަކީ މިސަރުކާރުން ކުރަންޖެހޭ ކަމެއް.
އަބުދުﷲ ޖަލީލު އަހްމަދު
28 August 2020
ދައުލަތުގެ މުސާރައަށް މަހަކު 600 މިލިއަން ރުފިޔާ ޚަރަދުވޭ. އެއީ ސިވިލް ސަރވިސް، ސިޔާސީ މަގާމްތައް، ފަނޑިޔާރުން، މިނިވަން މުއައްސަސާތައް، ޓީޗަރުން، ސިފައިން، ފުލުހުން އަދި ރައްޔިތުންގެ މަޖްލިސްއަށް. އެހެންވީމަ، މިގޮތަށް ހިލޭދޭ 100 މިލިއަންއަކީ ކޯޗެއްތޯ ސުވާލުއުފެދޭ. ފިނޭންސް މިނިސްޓަރު ހިސާބު ޖައްސަވާގޮތް ބަލާލަން ބޭނުން. އެއީ ޑީފޯލްޓަކަށް ނުދާނޭ ބުނާތީ
ސިކުނޑި
28 August 2020
ކޮވިޑްގައި އިންޑިއާ އެހެރަގެން ރެކޯޑް ހަދަމުންދަނީ، އަދިވެސް މިވެރިން މިއުޅެނީ ރާއްޖެ ތަރައްގީ ނުކުރެވިގެން!!
ދޮންބެއަލީ
28 August 2020
ޕާކްނަހަދާ ތިޔަ ފައިސާއިން މާތް ކަލާކޯ 7000 ފުލެޓަށް ފެނާއި ކަރަންޓް ލާބަލަ ރައްޔިތުން ޒަރޫރީ ބޭނުން ފުދިގެން ޕާކަށް ދެވޭނީ ...ޖެޓީ ނަހަދާ ކަރަންޓް ބިލުން އެއްޗެއް ކަނޑާބަލަ ހެޔޮނުވާނެ...ދުނިޔޭގެ އެއްވެސް ޤައު މަކުން ނުކުރާ ކަންތައް މިކުރަނީ ....ބޯހަލާކުވެއްޖެ...
ބޯހަލާކުވެއްޖެ
28 August 2020
އެމްޑީޕީ އަށް ވޯޓުދެވުނީތީވެ ބޯހަލާކުވެއްޖެ، ގައުމަށް ގައްދާރު ވެނުނުފަދަ އިހުސާސްއެެއް ކުރެވެނީ، މާޔޫސްވެއްޖެ. ﷲ މިގައުމު ސަލާމަތްކޮށްދެއްވާށި. މިނިވަންކަންދަމަހައްޓަވާށި އަދި ބޭރުގެ ނުފޫޒްތަކުން ސަލާމަތް ކުރައްވާށި. ރާއްޖޭގެ ދީނަކީ ހަމައެކަނި އިސްލާމްދީން ކަމުގައި ލަހައްޓަވާށި.... އާމީން.
އާދައިގެ މީހާ
27 August 2020
މިއީ ޕާކް ތަރައްގީ ކުރަންވީ ވަގުތު ބާ؟މޮޔަ ވެދާނެ؟ މިއަށް ވުރެ މުހިއްމު ކަންތައް މިގައުމުގަ ނެތީބާ؟
މުޑަހަންޖާ
27 August 2020
މާލޭމީހުން އެމީހުންގެ ދަރިންނަށް ސިޓީ އެހަދާދެނީ ވަރަށްބޮޑަށް ރާވައިގެން ބޮޑު ސްކޭމެއްގެތެރެއިން ދައުލަތުގެ ފައިސާއިން. ޒާތެއްގެ ކޯޕަރޭޝަނެއް ހަދާފަ މިއޮންނަނީ. ދެން ދައުލަތުން ޒިންމާވާގޮތަށް ހިތުހުރި އަދަދަކަށް ލޯނުނަގައިގެން ބޭނުންހާ ޑިޒައިނަކަށް ތަންތަން ހަދަނީ ބަޖެޓުގެ ބޭރުން. ރަށުމެދުގަ 3 ފާލަންވެސް އެއެޅީ 1300 މިލިއަނަށް. މިހާރުވެސް 20 ބިލިއަން ދަރަނި. އެހެން ރަށްރަށުންވެސް މިގޮތަށް މިކުޅިވަރު ފަށަންޖެހޭ މަޖިލީހަށް ސިޓީލައިގެންވިއަސް.
އޮނަރަބްލް އަފީފު ދީދީ
27 August 2020
އަހަރުމެނަށް އިގޭ މާލޭގެ ކަންކަމާއި މާލޭ މީހާގެ ހިތް ހަމަޖެއްލުމަށް ކުރާންޖެހޭ ކަންކަން ހުއްޓުމެއްނެތި ކުރިއަށް ދާނެކަން. # ދިވެހި ރައްޔަތުންގެ ބޮލުގައި ދަރަނި އަޅުވާފައި މާލެ ތަރައްޤީ ނުކުރެވޭ ހާލަތަށް ކަންކަން ހިގައްޖެނަމަ އެމީހުންގެ ކިޑްނީ ވިއްކާފަ ވެސް މާލޭގައި ކުރާންޖެހޭ ކަންކަން ކުރާނެ ކަމުގެ ހެއްކަކީ އެމީހުން ނަޖިސްފެނުން ފެންވަރާން ގުއިވަޅުން ފެންބޯން ދޫކޮށްފައި އަނެއްކާވެސް 800މ ޑޮލަރުގެ ބްރިޖެއް އަޅާކަން. ކިހާ އިންސާފުވެރި؟؟!
ޖާބިރު. . / ކާށިދޫ
27 August 2020
އަފީފުދީދީ އަކީ އަހަރެން ކަހަލަ ހިތުގައި އަޅައިގެން ނުހުރެ ސީދަލަށް ބުނަންކެރޭ ގަޓް ހުރި މީހެއް. އޭނާގެ ކޮމެންޓް ތަކުގައި މުޅިންވެސް ހުންނަނީ ކަންކަން ހިގާ ގޮތުގެ ޙަޤީގީ ވާހަކަ. އަހަރެން އަފީފް ދީދީ އަށް ތާއީދު ކުރަނީ އެހެންވެ.