ޖަލްސާ އިން ފެނުނީ ވެރިކަން ކޮރަޕްޓްވެ ހާލުގައި ޖެހިފައިވާ މަންޒަރު: ޖަމީލް

ރައީސް ޔާމީން، ކުރީގެ ނައިބު ރައީސް ޖަމީލާ ސަލާމް ކުރައްވަނީ: ރައީސް ޔާމީންގެ ފެކްޝަނުގެ ޖަލްސާގައި ރައްޔިތުން ދެކެން ބޭނުންވާ މޫނެއް ނެތް ކަމަށް ވިދާޅުވި.--- ފޮޓޯ: ރައީސް އޮފީސް

ފަޒީނާ އަހުމަދު، މިހާރު

05 ނޮވެމްބަރ 2016 - 19:13

13 comments

ޕީޕީއެމްގެ މުސްތަޝާރު، ރައީސް އަބްދުﷲ ޔާމީންގެ ފެކްޝަނުން އަލިމަސްކާނިވަލުގައި ރޭ ބޭއްވި ޖަލްސާ އިން ފެނުނީ އެމަނިކުފާނުގެ ވެރިކަން ކޮރަޕްޓުވެ، ހާލުގައި ޖެހިފައިވާ މަންޒަރު ކަމަށް ކުރީގެ ނައިބު ރައީސް ޑރ. މުހައްމަދު ޖަމީލް އަހްމަދު މިއަދު ވިދާޅުވެއްޖެ އެވެ.

ޕީޕީއެމަށް ފަސް އަހަރު ފުރުން ފާހަގަކުރުމަށް ރައީސް ޔާމީންގެ ފެކްޝަނުން ބޭއްވި ޖަލްސާ އަށް ފާޑުވިދާޅުވެ، ޖަމީލު ކުރެއްވި ޓުވީޓެއްގައި ވިދާޅުވީ ރައްޔިތުން ދެކެން ބޭނުން މޫނެއް، އަހާ ހިތްވާ އަޑެއް ނެތް ކަމަށެވެ.

Reyge jalsaa in fenunee mi verikan corrupt ve haalugai jehifaivaa manzaru. Rayyithun dheken beynunvaa mooney, ahaa hihvaa adey neiy.
— Mohamed Jameel Ahmed (@MJameelAhmed) November 5, 2016

ޖަމީލް ކުރެއްވި ޓުވީޓް.

ރައީސް ޔާމީންގެ ފުރަތަމަ ނައިބު ރައީސް، ޖަމީލް ފާޑުވިދާޅުވެފައި މިވަނީ، ފައިސާ ދީގެންނާއި މަޖުބޫރުން ޖަލްސާގައި ބައިވެރިކޮށްފައިވާ ކަމަށް އަޑު ފެތުރިފައި ވަނިކޮށެވެ. ޖަލްސާ އަށް ރަށްރަށުން އައި މީހުންނަށް ފައިސާ ދިން ކަމަށް ވިދާޅުވެ، ތިމާވެއްޓާ ބެހޭ މިނިސްޓަރުގެ ނައިބު އަބްދުލް މަތީން މުހައްމަދު ވަނީ މިއަދު ޓްވީޓެއް ވެސް ކުރައްވައިފަ އެވެ. އޭނާ ވިދާޅުވީ، އެކަން އެގޮތަށް ކުރީ ޖަލްސާ އަށް އައި މީހުން މާލޭގައި ނިކަމެތިވިޔަ ނުދޭން ކަމަށެވެ.

ޕީޕީއެމް ދެ ފަޅިފައިވާއިރު "އަސްލު" ނަމުގައި ރައީސް ޔާމީން ފެކްޝަނުން މި ޖަލްސާ ބޭއްވީ އެ ޕާޓީގެ ރައީސް މައުމޫން އަބްދުލްގައްޔޫމް ފެކްޝަނުން ބާއްވަން އުޅުނު ޖަލްސާ އަށް ހުރަސްއެޅުމަށް ފަހު އެވެ. ޕީޕީއެމްގެ ރައީސް އަދާކުރައްވާ ރިހާ ޒިންމާތަކެއް ސިވިލް ކޯޓާއި ހައި ކޯޓުން، ޕާޓީގެ މުސްތަޝާރާ ހަވާލުކުރުމާ އެކު ޕާޓީ އޮފީހުގައި ހުރި މުދާތައް ގެންގޮސް އިދާރީ ހުރިހާ ކަމެއް ވެސް ގެންދަނީ ރައީސް ޔާމީންގެ ފެކްޝަނުންނެވެ.

ޖަލްސާ އަށް ޖަމީލް ފާޑުވިދާޅުވިޔަސް ރައީސް ޔާމީންގެ ފެކްޝަނުން ބުނެފައިވާ ގޮތުގައި ރޭގެ ޖަލްސާގައި 12،000 އަށް ވުރެ ގިނަ މީހުން ބައިވެރިވެފައިވެ އެވެ. އޭގެ ތެރެއިން 4،000 އަށް ވުރެ ގިނައީ ރަށްރަށުން ސީދާ ޖަލްސާ އަށް ގެނައި މީހުން ކަމަށް އެ ފެކްޝަނުން ބުނެފައިވެ އެވެ. އަދި އެއީ މިހާތަނަށް ސިޔާސީ ޕާޓީއަކުން މާލޭގައި ބޭއްވި އެންމެ ބޮޑު ޖަލްސާ ކަމަށް ވެސް ރައީސް ޔާމީންގެ ފެކްޝަނުން ބުނެ އެވެ.

ސިޔާސީ ޕާޓީ ޑރ. މުހައްމަދު ޖަމީލް އަހުމަދު ޕީޕީއެމް ޕީޕީއެމް ކައުންސިލް ޕީޕީއެމްގެ ކޯޅުން ދިވެހި ސަރުކާރު މޯލްޑިވްސް ޔުނައިޓެޑް އޮޕޮޒިޝަން އިދިކޮޅު ފަރާތްތައް

13 ކޮމެންޓް, 70 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަބްދުﷲ ސަޢީދު ގދ.ގައްދޫ

01 December 2016

ދައުލަތުން އެމީހަކާއި ޙަވާލުކޮށްފައިވާ އެއްވެސް ޒިންމާއެއް މަސްއޫލިއްޔަތެއް އަތުލަން ބޭނުންވާނަމަ، އެކަން ކުރެވޭނެއެވެ. މިރާއްޖޭގައި އެގޮތަށް ދިމާވެފައިވާ ބޭފުޅުން އެބައުޅުއްވައެވެ. ދޮގުހަދަމުން ދޮގުހަދަމުންގޮސް ދޮގުވެރިއެއްގެ ގޮތުގައި އެމީހެއްގެ ނަން ލިޔެވިއްޖެނަމަ، އެމީހަކަށް ދެއްކޭނީ ދޮގުވާހައެވެ. سَلاَمَةُ الإِنْسَانِ فيِ حِفْظِ اللِّسَانِ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރު

06 November 2016

އަޅުގަނޑަށް ޖަލްސާއިން ފެނުނީ ސަރުކާރުން އެންގީމަ އައިސް ސަރުކާރުން ދައްކާ ވާހަކައެއް އަޑުއަހާލަންތިބި ބައެއްގެ ގޮތުގައި، އަދި ޖަލްސާގައި ވާހަކަ ދެއްކި މީހުން ރައްޔިތުންނަށާއި ޖަލްސާއަށް ހާޒިރުވެތިބި މީހުންނަށް ތިމަންނާމެންކުރީ ރަނގަޅުކަމެކޭ އެކަން ބުނެދޭން އުޅުނުމަންޒަރު، އަދި ހައްގުން ބޭރުވެ ތިމަންނާމެން މަސައްކަތްކުރަމުންދަނީ ރައްޔިތުންގެ ވިންދާއި އެކުގައިނޫންކަން، ދެން އެނގިގެން ދިޔަކަމަކީ އެކަނި މާއެކަނި 2018 ކާމިޔާބް ނުކުރެވޭނެކަން އެނގިތިބެ ވާހަކަ ދެއްކިމަންޒަރު، އަދި ވަރަށް ޔަގީނުން އެނގިގެންދިޔައީ މަޖިލިހުގެ މެޖޯރިޓީގެއްލެން އުޅޭހެން އެކަމާ ހާސްވެފައިވާކަން