ސިވިލް ކޯޓު ހިނގާ ޖަސްޓިސް ބިލްޑިންގް: ކޮންމެ އަހަރެއްގެ ޑިސެމްބަރު މަހު ކޯޓުތައް ރިސެސް އަށް ދާނެ.---މިހާރު ފޮޓޯ/ނިޝާން އަލީ
02 ޑިސެމްބަރ 2016 - 15:30
7 comments
އެހެން އަހަރުތަކެކޭ ވެސް އެއްގޮތަށް، މި ޑިސެމްބަރު މަސް ފެށުމާ އެކު މާލޭގެ ގިނަ ކޯޓުތަކެއް ރިސެސް އަށް ހިނގައްޖެ އެވެ.
މާލޭގައި ހުންނަ ސުޕީރިއާ ކޯޓުތަކާއި ހައި ކޯޓު އަދި ސުޕްރީމް ކޯޓުން ވެސް ކޮންމެ އަހަރެއްގެ ޑިސެމްބަރު މަހު ރިސެސް އަށް ދާނެ އެވެ. އެކަމަކު މިދިޔަ އަހަރުގެ ޑިސެމްބަރު މަހު ސުޕްރީމް ކޯޓުން ނެރުނު އަމުރަކުން އެއްވެސް ކޯޓުތައް ރިސެސް އަށް ނުދާން އެންގުމުން އެ އަހަރު އެ މުއްދަތުގައި ކޯޓުތައް ރިސެސްއަކަށް ނުދެ އެވެ.
ކްރިމިނަލް ކޯޓުގެ ރިސެސް މުއްދަތު އިއްޔެ އިން ފެށިގެން މި މަހުގެ 15 ވަނަ ދުވަހުގެ ނިޔަލަށް ކުރިއަށް ދާއިރު، ޖުވެނައިލް ކޯޓާއި ސިވިލް ކޯޓުގެ ރިސެސްގެ މުއްދަތަކީ އިއްޔެ އިން ފެށިގެން މި މަހުގެ 20 ވަނަ ދުވަހުގެ ނިޔަލެވެ. އެކަމަކު ޑްރަގް ކޯޓާއި ފެމިލީ ކޯޓުގެ ރިސެސް މުއްދަތު އަދި ސާފެއް ނުވި އެވެ.
ހައި ކޯޓާއި ސުޕްރީމް ކޯޓުގެ ރިސެސް މުއްދަތު ނިމުމަކަށް އަންނާނީ އަންނަ ޖެނުއަރީ މަހުގެ ފުރަތަމަ ރަސްމީ މަސައްކަތު ދުވަހު އެވެ.
ޑިސެމްބަރު މަހުގެ އިތުރުން ކޮންމެ އަހަރެއްގެ ޖޫން މަހު ވެސް ސުޕީރިއާ ކޯޓުތަކުން 15 ދުވަހުގެ ރިސެސް އަކަށް ދާނެ އެވެ.
ރިސެސް މުއްދަތުގައި ބައެއް ކޯޓުތަކުން ހުރިހާ ޝަރީއަތްތަކެއް މަޑުޖައްސާލާއިރު، އަނެއް ބައި ކޯޓުތަކުން ހުރިހާ ޝަރީއަތްތަކެއް ހުއްޓާލުމުގެ ބަދަލުގައި ޝަރީއަތްތައް މަދުކޮށްލަނީ އެވެ. އެހެންވިޔަސް ކޮންމެހެން ބާއްވަންޖެހޭ ޝަރީއަތްތައް ބޭއްވުމާއި ނެރެންޖެހެ އަމުރުތައް އެ މުއްދަތުގައި ވެސް ނެރޭނެ އެވެ. އަދި ކޯޓުތަކުގެ އިދާރީ މަސައްކަތްތައް ކުރިއަށް ގެންދާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެރޯހެޑް
02 December 2016
ބޮޑު ކަލަންޑަރެއް ހަދާނެ...އެކަމު ވާކަމެއް ނެތް...ފަނޑިޔާރުން ނަގަނީ ޗުއްޓީ...........މީހަމަ ތެދެއް..ނޫސްވެރިޔާ ނިކަން ބަލާބަ........
އަލިދީދީއައްޑޫސިޓީ
02 December 2016
ސްކޫލް ތައް ބަންދު، މަޖިލިސް ބަންދު، ކޯޓު ތައް ބަންދު. މާލޭ ގައި ދިރިއުޅޭ އެންމެނަށް ޗުއްޓީ އެއް ހަދާލަން ވެސް ދާން މިޖެހެނީ ޑޮލަރު ހޯދައިގެން ރާއްޖެއިން ބޭރަށް. މިކަން އެބަޖެހޭ ބަދަލުކުރަން. ދިވެހިންނަށް ޗުއްޓީ މަންޒިލް ތަކެއް ރާއްޖޭގެ އެކި ސަރަހައްދުގައި ގާއިމުކޮށް ސަގާފީ ތާރީޚީީ ފިލާވަޅު ކިޔަވާ ކުދިންނަށް ލިބޭނެ ގޮތަކަށް އެތަންތަން ތައްޔާރުކުރެވިއްޖެނަމަ، ގައުމަށް އޭގެ ފައިދާ ކުރާނެ. އަދި ޚާރަދު ކުޑގޮތަކަށް ޗުއްޓީ ހޭދަކޮށްލެވިދާނެ.
ފައްތާހު
02 December 2016
ހޮލިޑޭ ހަދާލީ ދޯ.....ފާޑެއްގެ ނަމެއް ކިޔާލާފަ
ގަރުދިޔަ
02 December 2016
މާދަމާއިންފެށިގެން މިގޭ ބަދިގެވެސް ރިސެސްއަށް ދާނެއެވެ. އކަމަކު އުފާވެރި ހަބަރު ތަކަކާއެކުގައެވެ. އެކަމަކު އުފާވެރި ހަބަރު ތަކަކާއެކުގައެވެ. ދިހަދުވަހުގެ ތިންއިރު ކޮއްތު ބޭނުން ރެސްޓޯރެންޓަކުން. އިތުރަށް ނަގާ ކޮންމެމީލަކަށް ފަންސާސް ޕަރސެންޓް ހިލޭ.
ލަބީދު
02 December 2016
ތި ނިމުނީނު ތިކަން....ސިންޕަލް ކަމެއްނު ތީ
ޕޮލިސް
02 December 2016
އަހަރެމެން ވެސް 20 ދުވަހުގެ ރިސެސްއަށް ދާން މިއުޅެނީ
ރާވެރިޔާ
02 December 2016
ރަނގަޅު ހަމަ!!! ސިކުނޑި ތާޒާކޮށްލަން ޖެހޭނެ އޭރުން ޝަރީޢަތްތައް އެކަށީގެންވާ ހަލުވި މިނުގައި ކުރިއަށް ގެންދެވޭނީ. އެބޭފުޅުންވެސް ޢާއިލާގެ ޗުއްޓީގައި ޢާއިލާއާއެކު ވަގުތު ހޭދަކުރައްވަން ޖެހޭނެ. މަޖްލިސްވެސް އިރިއރިކޮޅާ ޗުއްޓީއަށް ދަނީ ވިއްޔަ!!!