ޕީޕީއެމް ޕީއެންސީގެ ރިޔާސީ ކެންޑިޑޭޓް ޑރ. މުޙައްމަދު މުޢިއްޒު ހުވަދުއަތޮޅަށް ކުރެއްވި ކެމްޕޭން ދަތުރުގައި ގއ. ނިލަންދޫއަށް އިއްޔެ ވަޑައިގެންނެވިއެވެ. މިދަތުރުގައި ނިލަންދޫއިން މުޢިއްޒަށް މަރުޙަބާ ދެންނެވުމަށް ގިނަ ބަޔަކު ނިކުމެފައިވެއެވެ. މިދަތުރުގައި ނިލަންދޫ ރައްޔިތުންނާއި ބައްދަލުކޮށް ނިލަންދޫ ރައްޔިތުންގެ ފަރާތުންކޮށްދެއްވުމަށް ހުށަހަޅާފައިވާ 12 ކަމެއް ކޮށްދެއްވާނެކަމުގެ ޔަޤީންކަން ރައްޔިތުންނަށް މުޢިއްޒު އެރުވިއެވެ. މުއިއްޒުގެ މިދަތުރުގައި ގއ. ނިލަންދޫގެ އަންހެނުންތަރައްޤީއަށް އެމްޑީޕީ ޓިކެޓްގައި ހޮވިފައިވާ އެމްޑީޕީގައި އެންމެ ހީވާގިކޮށް 15 ވަރަކަށް އަހަރު މަސައްކަތްކުރެއްވި އެރަށު ޖީޒާ މުޙައްމަދު ވަނީ ޕީޕީއެމްއަށް ސޮއިކުރައްވާފައެވެ.

ޕީޕީއެމް ޕީއެންސީގެ ކެންޑިޑޭޓް ޑޮކްޓަރ މުޙައްމަދު މުއިއްޒަށް ތާއީދު ދައްކާލުމަށް ގއ. ނިލަންދޫގެ ޒުވާނުން އެރަށުގައި ސައިކަލް ބުރެއް ބާއްވައިފިއެވެ. މިސައިކަލްބުރު އޮތީ މިދިޔަ ހުކުރު ދުވަހުގެ ހަވީރުއެވެ. މިސައިކަލްބުރުގައި ގއ. ނިލަންދޫއިން ޑރ. މުއިއްޒަށް ތާއީދު ކުރާ ގިނަ ޒުވާނުންވަނީ ބައިވެރިވެފައެވެ. ރިޔާސީ އިންތިޚާބާއި ގުޅިގެން ކެންޑިޑޭޓުންނަށް ތާއީދުހޯދުމަށް ފޯރިޔާ އެކު ގިނަ ކެމްޕެއިން ޙަރަކާތްތައް ދަނީ ފޯރިޔާއިއެކު ކުރަމުންނެވެ.