ހައްދު ފަހަނަ އަޅާފައިވާ ޔަހޫދީން ފަލަސްޠީނުގެ މުސްލިމް އަޚުންނާއި އުޚުތުންނާ ދެކޮޅަށް ދެމުން ގެންދާ އުދުވާނީ ހަމަލާތަކާއި، ހިންގަމުންގެންދާ އެންމެހާ ލާއިންސާނީ ޢަމަލުތަކާއި ދެކޮޅަށް އަޑު އުފުލައިފިއެވެ.

"އިންޓަރނޭޝަނަލް އެއިޑް ކެންޕެއިން"އާއި ގުޅިގެން އއ.ރަސްދޫ ކައުންސިލުން އިސްނަގައިގެން "U2 ވިތު ގާޒާ"ގެ ނަމުގައި ކުރިޔަށްގެންދިޔަ މި ހަރަކާތުގައި މިރަށު ކުދިބޮޑު އެންމެހާ ރައްޔިތުން ވަނީ ބައިވެރި ވެފައެވެ. އަދި ރަސްދޫގައި ވަނީ ފަލަސްޠީނުގެ ދިދަ ވެސް ނަގާފައިއެވެ.

މި ހަރަކާތުގައި ރައްޔިތުންގެ ޝުޢޫރު ފާޅު ކުރުމާއި ފަލަސްޠީނަށް އެހީވުމަށްޓަކައި ފައިސާ ހަދިޔާކުރުންވެސް ވަނީ ކުރިޔަށް ގެންގޮސްފައެވެ.

އިޒްރޭލުގެ ހައްދުފަހަނަ އަޅާފައިވާ ޔަހޫދިީން ފަލަސްޠީނަށް ދެމުން ގެންދާ ހަމަލާތަކުގައި ހާލުގައި ޖެހެމުންދާ އެންމެހާ އަޚުންނާ އުޚުތުންނަށް އެހީވުމަށްޓަކައި އއ.ހިމަންދޫގައި މިއަދު ޚާއްސަ ހަރަކާތެއް ކުރިޔަށް ގެންގޮސްފިއެވެ.

ހިމަންދޫ ސްޓެލްކޯއިން އިސްނަގައިގެން ރަށުގެ ހުރިހާ މުއައްސަސާ ތަކުންނާ އަދި ކްލަބް ޖަމްޢިއްޔާތަކުން ވަނީ ހޫނު ތަރުހީބެއް ދީފައެވެ.

މުޅި ރަށުގެ ހުރިހާ ރައްޔިތުންނަށް ހުޅުވާލައިގެން ކުރިޔަށް ގެންދިޔައީ ފައިސާ ހޯދުމުގެ ހަރަކާތްތަކެކެވެ. އަދި މި ހަރަކާތްތަކުން ލިބޭ ހުރިހާ ފައިސާއެއް ފަލަސްޠީނަށް ހަދިޔާ ކުރުމަށް ވަނީ ހަމަޖައްސާފައެވެ.

މީޑިއާނެޓަށް "އެއްކާފު"ން ފުރަތަމަ ފަހަރަށް ހެދި ސީރީޒް "ޤަރީނާ" އޮލިންޕަހުގައި މިރޭ ޕްރިމިއަރ ކޮށްފިއެވެ.

އެއްކާފުން ޕްރޮޑިއުސްކުރި މި ސީރީޒްގެ ޑައިރެކްޓަރަކީ މީގެ ކުރިން ފާތިމަތު ނަހުލާ އަދި ޔޫސުފް ޝަފީއު (ޔޫއްޕެ) އާއި އެކު ޑައިރެކްޓު ކުރުމުގެ ތަޖުރިބާ ހޯއްދެވި އެކްޓަރު ފައިސަލެވެ. ފައިސަލް ޑައިރެކްޓުކޮށް އެކްޓު ކުރާ މިސީރީޒްގައި ދާއިރާގެ ފުންނާބު އުސް ބައެއް ތަރީންނާއިއެކު އާ މޫނުތަކެއްވެސް ފެނިގެންދިޔައެވެ.

"މީ ބަލާލަން ވަރަށް ރީތި، ދެން ވާނީ ކިހިނެއްބާއޭ އަބަދު ހިތަށްއަރާފަ ހުންނަންޖެހޭ ފުރިހަމަ ސީރީޒެއް" ކަމަށް ގިނަ ބޭފުޅުން ވަނީ ފާހަގަ ކުރައްވާފައެވެ.

ސަސްޕެންސް ތްރިލަރ މި ސީރީޒް ބައްލަވައިލައްވަން ބޭނުންފުޅުވާ ފަރާތްތަކަށް މީޑިޔާނެޓް ވީޑިއޯކްލަބަށް ސަބްސްކްރައިބް ކޮށްގެން ބަލާލެވޭނެއެވެ

އއ. ހިމަންދޫގައި ވޯޓު ގުނަން ފަށައިފި

މިއަދު ކުރިޔަށް ރިޔާސީ އިންތިހާބުގައި އއ. ހިމަންދޫގައި U01.08.1 ފޮށްޓަށް މިހާތަނަށް 349 މީހަކު ވޯޓު ލަައިފިއެވެ. އެއީ ފިރިހެން 188 ބޭފުޅުަންނާއި އަދި 161 ކަނބަލުންނެވެ. ޖުމްލަ 556 ފަރާތުން މި ފޮށްޓަށް ވޯޓު ލާން ރަޖިސްޓްރީ ކޮށްފައިވެއެވެ.

ރިޔާސީ އިންތިހާބުގެ 2 ވަނަ ބުރުގެ ވޯޓުލުން ފެށުން އއ. ހިމަންދޫން