މިއަދު އުމުރުން އެންމެ 17 އަހަރު ފުރުނު އަހުމަދު މާއީ މުހައްމަދަކީ ވޮލީގެ ދާއިރާއިން އދ.ދަނގެތީ ރައްޔިތުން ފަހުރުވެރިވާ ދަރިއެކެވ. މާއީ ހޯދާފައިވާ މޮޅު ކާމިޔާބީގެ ތެރޭގައި އދ.އަތޮޅު ޒުވާނުންގެ 9 ވަނަ ވޮލީބޯޅަ މުބާރާތުގެ 21 އަހަރުން ދަށުގެ އެންމެ މޮޅު ކުޅުންތެރިޔާގެމަގާމާއި ވިލަމަންދޫ ރިސޯޓުގެ އިންޓަރޑިޕާޓްމަންޓް ވޮލީ މުބާރާތުގެ އެންމެ މޮޅު 6 ކުޅުންތެރިންގެ ތެރޭގައި ހިމެނިފައިވެއެވެ. އަދި ވަކި މެޗްތަކުން އެންމެ މޮޅުކުޅުންތެރިޔާގެ މަގާމުވެސް ލިބިފައި ވެއެވެ. އަމިއްލަ މަސައްކަތުންނާއި މައިންބަފައިގެންގެ ހިތްވަރުން މިއަދު މާއީ މިވަނީ ދަނގެތީގެ އެންމެ މޮޅު ކުޅުންތެރިންނާ ފައިހަމަކޮށްފައެވެ. އުމުރުން 15 އަހަރުގައި މާއީ ވަނީ ދަނގެތީގެ ރަސްމީޓީމަށް ވޮލީކުޅެ އަދި ވޮލީއަށްއޮތް އުންމީދު އާކޮށްދީފައެވެ.

އދ.ދަނގެތީ ސުކޫލުގެ މައިގޭޓް ދޮރުމަތީގައި ޖުމްހޫރީ ޕާޓީގެ ރިޔާސީކެޑިޑޭޓުގެ ޕޯސްޓަރު އަދި ދިދަ ހަރޮކޮށްފިއެވެ. ޖުމްހޫރީ ޕާޓީގެ ދަނގެތީގެ އިސްފަރާތަކުން ބުނީ މިކަން ކުރީ ޖަގަހައިން ފެށިގެން 100 ފޫޓަށް ބެނާ ޕޯސްޓަރު ހަރުކުރުމުގެ ހުއްދަ ކައުންސިލުން ދީފައިވާތީ ކަމަށެވެ.

ސެޕްޓެންބަރ 9 ވަނަދުވަހު ދިވެހިރާއްޖޭގައި ބޭއްވުމަށް ހަމަޖެހިފައިވާ ރިޔާސީއިންތިހާބަށް ތައްޔާރު ވުމުގެ ގޮތުން ސަރުކާރު ހިއްސާވާ ޕާޓީކަމަށްވާ އެމް,ޑީ,ޕީން ވަނީ އދ.ދަނގެތީގައި އެޕާޓީގެ ހަރަކާތްތައް ފަށާފައެވެ. އެގޮތުން އެޕާޓީގެ ދިދަޖެހުމާއި ބެނާދެމުމާއި ޕޯސްޓަރު ހަރުކުރުންވަނީ ކުރިޔަށް ގެންދެވިފައެވެ. މި ހަރަކާތްތަށް ފެށުމުގެ ގޮތުން 8 އޮގަސްޓު 2023 ވީ އަންގާރަ ދުވަހު ވަނީ މިޕާޓީގެ ދަނގެތީ ގޮފީގެ ޖަގަހަކަަމަށްވާ 'ހަނދު ޖަގަހަ' ހުޅުމުގެ ހަރަކާތްތަށް ކުރިޔަށް ގެންދެވިފައެވެ. މި ޖަގަހަ ހުޅުވާ ދެއްވާފައިވަނީ އެމް,ޑީ,ޕީ އިން އދ.އަތޮޅަށް ހުންނެވި ކޯޑިނޭޓަރ އަހުމަދު ޝަރީފާއި އެސިސްޓަންޓު ކޯޑިނޭޓަރ ރުގީ އެވެ. މި ހަރަކާތުގައި މިޕާޓީއަށް ނިސްބަތްވާ ގިނަފަރާތް ތަކަކުން ވަނީ ބައިވެރި ވެގައެވެ.

އދ.ދަނގެތީގައި ހަލުވިކަމާއެކު މަދިރި އުފެދި އާލާވެ މަދިރީގެ ޒަރިއްޔާއިން ޖެހޭ ޑެންގޫހުން ފެތުރެމުން ދާތީ ކައުންސިލާއި އަންހެނުންގެ ކޮމިޓީގުޅިގެން އަދި ރަށުގެ މުއައްސަސާ ތަކާއި މަދަނީ ޖަމިއްޔާތަށް ގުޅިގެން މަދިރިކޮންޓްރޯލް ކުރުމުގެ ގޮތުން ރަށުތެރެ ސާފުކުރުމުގެ ޕޮރޮގުރާމުގައި ދަނގެތީ އިންޖީނުގޭގެ ގިނަމުއައްޒަފުން ވަނީ ބައިވެރި ވެފައެވެ. މި ހަރަކާތް ކުރިޔަށް ގެންގޮސްފައިވަނީ 25 އޮގަސްޓް 2023 ވަނަ ދުވަހުގެ ހަވީރު 16:00 އިން 18:00 އަށް ރަށުގެ ހުރިހާ ސަރަހައްދަކަށް ބަހާލައިގެންނެވެ.

މިނޫނަސް ދަނގެތީ އިންޖީނުގޭގެ މުއައްޒަފުންނަކީ ރަށުގައި އިޖުތިމާއީގޮތުން ކުރިޔަށްގެންދާ ގިނަ ހަރަކާތްތަކުގައި އަމަލީގޮތުން ބައިވެރިވާ މުރާލި ހީވާގި ކެރޭ މުއައްޒަފުންތަކެއް މަސައްކަތް ކުރަމުން ގެންދާ މުއައްސަސާއެކެވެ.

މިޔަދު ކުރިޔަށް ގެންދެވުނު ރިޔާސީ އިންތި ހާބުގައި އދ.ދަނގެތީ ފޮށި ނަންބަރު 103-06-01 ފޮށި ވަނީ ވޯޓުލާން ކަޑައެޅިފައިވާ ވަގުތު ހަމަވުމުން ބަންދު ކުރެވިފައެވެ. މި ފޮއްޓަށް ވޯޓުލުމަށް ހަމަޖެހިފައިވަނީ 538. ނަމަވެސް ވޯޓުލާފަައިވަނީ 424. އެއީ އަންހެން 207 . ފިރިހެން 217.

ގާސިމް އިބްރާހީމްގެ ހަގު އަނބިކަބަލުން ރާނިޔާ އަދި ގާސިމް އިބްރާހީމްގެ ޓީމެއް ވަނީ އިއްޔެގެ ވަގުތެއްގައި އދ.ދަނގެއްޗަށް ވަޑައިގަންނަވާފައެވެ. ގާސިމް އިބްރާހީމް އަށް ތާއީދު ކުރައްވާ ފަރާތްތަކުން މި ޓީމަށް މަރުހަބާކިޔުމަށް ވަނީ ޖަމާވެފައެވެ. ގާސިމް އިބްރާހީމް އަކީ މިފަހަރު ޖުމްހޫރީ ޕާޓީގެ ރިޔާސީ ޓިކެޓްގައި ވެރިކަމަށް ކުރިމަތި ލައްވާފައިވާ ކެޑިޑޭޓެކެވެ.