ރިޔާސީ އިންތިހާބުގެ ދެވަނަބުރުގެ ވޯޓުލުން ފެލިދޫގައި ކުރިޔަށް ދިޔައީ ވަރަށް އަމާން އޮމާން ކޮށެވެ. މި ފޮށްޓަށް ވޯޓުލުމުގެ ޙައްޤު ލިބިފައިވަނީ 371 މީހުންނަށެވެ. ފޮށި ބަންދުކުރުމާ ހަމަޔަށް ފިރިހެން 172 އަދި އަންހެން 156 މީހުން ހިމެނޭ ގޮތުން މުޅިއެކު 328 މީހުން ވޯޓު ލާފައި ވެއެވެ. ވޯޓު ލާނެ އިތުރު ބަޔަކު ކިއުގައި ނެތި ފޮށި ބަންދު ކުރީ 5:00 ގައެވެ.

ރައީސް އިބުރާހީމް މުޙައްމަދު ޞާލިހަށް ތާއީދު ކުރާ ފެލިދޫގެ ސަޕޯޓަރުން ގެ ކެމްޕެއިން ނިއްމާލުމުގެ އެންމެ ފަހުގެ ހަރަކާތްތައް މިއަދު ހަވީރު ކުރިޔަށް ގެންގޮސްފިއެވެ. މިގޮތުން ޕިކަޕް ބުރެއް ރަށުގެ އެކި ސަރަހައްދު ތަކުގައި ކުރިޔަށް ގެންދިޔައިރު، ސައިބުއިމުގެ ހަރަކާތެއް ވެސް ކުރިޔަށް ގެންދެވުނެވެ.

މި ހަރަކާތްތަކުގައި ފެލިދޫގެ އެކި ފުރައިގެ އަންހެން ބޭކަބަލުންނާއި ފިރިހެން ބޭކަލުން ގިނަ އަދަދަކަށް ބައިވެރިވިއެވެ.

ވ.އަތޮޅުގެ ވެރިކަންކުރާ ރަށް ފެލިދޫގައި އެމްޑީޕީގެ ދިދަ ޖެހުމުހެ ހަރަކާތެއް މިއަދު ހަވީރުގެ ވަގުތެއްގައި ހިންގައިފިއެވެ. ފެލިދޫ ބަނދަރުގެ ފައިކަށީގައި ގިނަ އަދަދެއްގެ ދިދަޖެހީ އެ ޕާޓީއަށް ތާއީދުކުރާ އެމްޑީޕީގެ މެމްބަރުންތަކެކެވެ.

ރައީސް އިބުރާހީމް މުޙައްމަދު ޞާލިހަށް މަރުހަބާ ދެންނެވުމަށް ބަނދަރު ޒީނަތްތެރި ކުރުމަށް ޖެހި ދިދަތަށް ނެގުމަށްފަހު އިންތިހާބު ކައިރިވަމުން ދާހެން ތަފާތު ގޮތަކަށް އަލުން ޒީނަތްތެރިކުރަން ވަނީ ފަށާފައެވެ.

މައުލޫމާތުލިބޭ ގޮތުގައި މިފަދަ އެހެން ބައެއް ހަރަކާތްތައްވެސް ހިންގަން ވަނީ ހަމަޖެހިފައެވެ.