ވިލިމާލޭގައި މުހިއްޔުއްދީން ސުކޫލުގައި ބަހައްޓާފައި ހުރި 3 ފޮށީގެ ކިޔުތައް އޮޅި، ކިޔުގައިތިބި ގިނަބަޔަކަށް ވޯޓު ނުލެވޭނެ ކަމަށް ދަނީ އަންގަމުން. މިހެންދިމާވީ 3 ފޮއްޓަށްވެސް އެއްކިޔު ހަދާފައިވާ އޮއްވާ، 4 ޖެހުމުން ދެން ހުރި ދެފޮށި ބަންދު ކޮށްލުމުން.

4 ޖެހުމުން މަރުކަޒު ގޭޓްބަންދުކޮށްފައި ވިޔަސް، މަރުކަޒުތެރޭގައި މިކިޔު ހަދާފައިވަނީ 3.30 ގެވެސް ކުރިން.

ރިޔާސީ އިންތިޙާބުގެ މެނިފެސްޓޯތަކަށް ބަލާއިރު، މާލޭ ސަރަހައްދަށް ބޮޑުކުރިއެރުންތަކެއް ޕްލޭން ކުރެވެމުންދާއިރުވެސް ވިލިމާލެ ފެންނަނީ އެކަށީގެންވާ ވަރަށް އަޅާނުލެވި އޮއްވައެވެ. އަދި ފެނުނު އެއްވެސް ރިޔާސީ މެނިފެސްޓޯގައި ބުރިޖްގެ ވާހަކަ ނޫން ވިލިމާލެއާއި ސީދާގުޅޭ ވާހަކައެއް ނެތެވެ. ވިލިމާލެއަށް ކޮށްފައިވާ އެއްވެސް އުމްރާނީ ޕްލޭނެއްގެ ވާހަކައެއް އަޑެއްނާހަމެވެ. ބުރިޖު ނިމުނަސް ވިލިމާލެއަށް ހަދާނެގޮތުގެ ޕްލޭނެއް ނުދެކެމެވެ. އެންމެބޮޑު އިދިކޮޅުޕާޓީ އިން 65 ހާސް ހައުސިން ޔުނިޓާއި، 7 ހަބުގެ ވާހަކަދެއްކި އިރުވެސް ވިލިމާލެ އޮތީ ވާންވީގޮތް ނޭނގިފައެވެ. އުޖާލާ ޒަމާނުގެ މެނިފެސްޓޯގައި ބޮޑެތި މޯލް އަދި ޕާކުތައް ޕްލޭންކުރިއިރު، މުޅިންވެސް ދެއްކީ ވިލިމާލެ ވަށައިގެން އޮތް، ހުޅުމާލެ، ގުޅީފަޅު ވާހަކައެެވެ.