ސިފައިން ރަސްމިއްޔާތެއްގައި ބައިވެރިވަނީ: ވޯޓުލުމުން ސިފައިން މަހްރޫމް ކުރަން އުޅޭތީ އެމްޑީޕީން ވަނީ އެކަން ކުށްވެރިކޮށްފައި. -- ފޮޓޯ: އެމްއެންޑީއެފް
01 މާޗް 2017 - 19:56
40 comments
ގާނޫނުއަސާސީ އާއި ސިފައިންގެ ގާނޫނުން ކަށަވަރުކޮށްދީފައިވާ ވޯޓުލުމުގެ ހައްގު ސިފައިންގެ އަތުން ނިގުޅައި ނުގަނެވޭނެ ކަމަށާއި އެކަން އެގޮތަށް ކޮށްފި ނަމަ އެ ހައްގު ހޯދައިދޭން އިހްތިޖާޖުކުރާނެ ކަމަށް އިދިކޮޅު އެމްޑީޕީން މިއަދު ބުނެފި އެވެ.
ސިފައިންނަށް ވޯޓު ނުލެވޭ ގޮތަށް ގާނޫނު އިސްލާހުކުރަން ސަރުކާރުން ނިންމާފައިވާތީ، ފާޑުކިޔައި އެމްޑީޕީން ނެރުނު ނޫސް ބަޔާނެއްގައި ބުނީ ގާނޫނުއަސާސީ އާއި ގާނޫނުތަކުން ކަށަވަރުކޮށްދީފައިވާ ހައްގަކަށް އަރައިގަތުމަކީ ގާނޫނުގެ ވެރިކަން ނަގާލުން ކަމަށެވެ. ގާނޫނުއަސާސީގައި ކަނޑައަޅާފައިވާ އަސާސީ ހައްގުތަކަކީ ބޭނުންވާއިރަށް ބަދަލުކުރެވޭނެ ކަންކަމެއް ނޫން ކަމަށް ވެސް ބަޔާނުގައިވެ އެވެ.
ސިފައިންނަކީ ރާއްޖޭގެ މިނިވަންކަމާއި ސިޔާދަތަށް ނުރައްކަލެއް އަތުވެދާނެ ކޮންމެ ކަމަކުން ދިވެހި ދައުލަތާއި ގާނޫނީ ވެރިކަން ހިމާޔަތް ކުރުމުގެ ޒިންމާއާ ހަވާލުވެ ތިބި ބައެއް ކަން ފާހަގަކޮށް، އެމްޑީޕީން ބުނީ އަސާސީ ހައްގަކުން ސިފައިން މަހްރޫމްކުރުމަކީ ދައުލަތަށް އެކަމުގެ ނުރައްކާ ވެސް ބޮޑު ކަމެއް ކަމަށެވެ. އެ ހައްގުން މަހްރޫމްކުރުމަކީ ދިވެހި އަސްކަރިއްޔާ ސިޔާސީކޮށް، އެތަން ކިލަނބުކޮށް ސަރުކާރުން ބޭނުން ކޮންމެ ގޮތެއް ހެދުމުގެ ފުރުސަތު ހުޅުވާލުން ކަމަށް ވެސް ބަޔާނުގައިވެ އެވެ.
އެމްޑީޕީން ބުނިގޮތުގައި ސިފައިންގެ މުއައްސަސާ އަށް އެ ބަދަލު ގެންނަނީ، އިންތިހާބުތަކަށް ނުފޫޒު ފޯރުވައި ދައުލަތުގެ މުހިއްމު އިދާރާތައް ސިޔާސީކޮށް، ރައީސް އަބްދުﷲ ޔާމީނަށް ތާއީދު ގެއްލިފައި ވުމުން ވޯޓުލުމުގެ ހައްގު ލިބިފައިވާ މީހުންގެ އަދަދު މަދުކުރުމަށެވެ. އެއާއެކު، އެކި މުއައްސަސާތަކަށް ނިސްބަތްވާ މީހުން ވޯޓުލުމުގެ ހައްގު ގަނޑުކޮށް ނިގުޅައިގަތުން ކަމަށް ވެސް އެމްޑީޕީން ބުންޏެވެ.
"މިއީ ވެރިކަމުގައި ގަދަބާރުން ތިބުމަށް ރައްޔިތުންގެ ވޯޓުލުމުގެ ހައްގަށް ސީދާ އަރައިގަތުން ކަމުގައި އެމްޑީޕީން ދެކެމެވެ. ސިފައިން ވޯޓުލުމުގެ ހައްގުން މަހްރޫމްކުރުމަށް ފަހު ދެން ދައުލަތުގެ އެހެން އިދާރާތަކުގައި ވެސް މި އުސޫލަށް އަމަލުކުރަން ފަށާނެ އެވެ،" އެމްޑީޕީގެ ބަޔާނުގައިވެ އެވެ.
އެ ޕާޓީން ބުނިގޮތުގައި، އެފަދަ ގޮތަކަށް ރައްޔިތުންގެ އިންތިހާބީ ހައްގަށް އަރައިގަތުމަކީ ބަލައިގަނެވޭނެ ކަމެއް ނޫނެވެ. ވޯޓުލުމުގެ ހައްގު ހޯދައިދޭން ފެށުނީއްސުރެން މަސައްކަތް ކުރަމުން އައީ އެ ޕާޓީން ކަމަށް ވެސް އެމްޑީޕީން ބުންޏެވެ.
ސިފައިންގެ ރަސްމިއްޔާތެއްގައި ވާހަކަ ދައްކަވަމުން ޑިފެންސް މިނިސްޓަރު އާދަމް ޝަރީފް ރޭ ވިދާޅުވީ ސިފައިންނަށް ވޯޓު ނުލެވޭ ގޮތަށް ހަދަން ނިންމީ ސިފައިންނަކީ ސިޔާސީ ނުފޫޒުތަކުން އެއްކިބާވެ ގައުމަށް ހިދުމަތް ކުރުމަށް ހާއްސަވެގެން ތިބޭ ބަޔަކަށް ހަދަން ކަމަށެވެ. އެހެންވެ، ސިފައިންގެ ގާނޫނުގެ 20 ވަނަ މާއްދާ އުވާލަން ރައްޔިތުންގެ މަޖިލީހަށް ހުށަހަޅުއްވާނެ ކަމަށް ވެސް މިނިސްޓަރު ވިދާޅުވި އެވެ.
އެ މާއްދާގައި ވަނީ ސިފައިންގެ ކޮންމެ މީހަކަށް ގާނޫނުއަސާސީން ރައްޔިތުންނަށް ލިބިދޭ ވޯޓުލުމުގެ ހައްގު ލިބިގެންވާ ކަމަށެވެ. އެއާއެކު ގާނޫނުއަސާސީގެ 26 ވަނަ މާއްދާގައި ބުނެފައިވަނީ އުމުރުން 18 އަހަރުން މަތީގެ ކޮންމެ ދިވެއްސަކަށް ވޯޓު ދިނުމުގެ ހައްގު ލިބިގެންވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވޯޓުބޭބެ
10 March 2018
އިހްތިޖާޖް ކޮއްކޮއް ތިބޭ. ދެން މިގައުމުގަ ތިފާޑައް އުޅެގެން ވާނެ އެއްވެސް ކަމެއް ނެތް. އެފުރުސަތު ވަރަށް ދެވިއްޖެހެން ހީވަނީ. ދެން މިގައުމު ހަމަ މަގަށް އަޅުވަންޖެހިފަ މިއޮތީ. މިކަން ކުރިއަށްދާނެ. މިސަރުކާރަށް ވެސް މިކަން މަޖުބޫރުވޭ.. ނޫނީ މި ދިވެހިރާއްޖޭގަ ދެން ހަމަޖެހުމެއް ނޯންނާނެ. ނުވެސް ގެނެވޭނެ އެކަން 2018 ގެ ވޯޓުންވެސް ފެންނާނެ. މިސަރުކާރުން ހެޔޮބަދަލު ގެނެސް ބޭކާރު މީހުން ބޭކާރުކޮށް ފަސްބައި ހަޑިވެފަތިބީ މީހުން އެކަން ރަގަޅުކޮށް ގައުމު މިއޮތް ހާލަތުން އެބަޖެހޭ ބަދަލުކުރަން. މިކަން ކުރުމަށް ސިފައިންނަށް ވޯޓް ލުމުގައި ކުރިންވެސް އޮތްގޮތަށް އެބަޖެހޭ ބަދަލުވާން. ސިފައިން ނުޖެހޭ ވަކިކޮޅެއް ނަގާކަށް. ސިފައިންނަކީ ގައުމާއި ރައްޔިތުންނާއި ވެރިން ހިމާޔަތް ކުރަންތިބޭ ބައެއް. ވަކި އަތަކަށް ޖެހި ކުލަޖެހޭކަށް ނުޖެހޭ.
ފޮގެޓް އިޓް
03 August 2017
ސިފައިން ހަލާކު ކުރަން ނޫޅޭ އެމްޑީޕީ
ޝިޔާމް
03 March 2017
150 މީހުން އަށް ރިޓަޔަރ ކުރަން ސިޓީ ފޮުނުވާފައި އޮތީ ، ފޯސްޑް ރިޓަޔަމަންޓް.. މީހުން ގަދަކަމުން ރިޓަޔަރ ކުރުވަމުންދަނީ. ސިފައިންގެ ނަޒަރުގައި ސަރުކާރު ފެއިލް. ޖެނަރަލް އޮފިސަރުން ބޮޑެތި ބަނޑުލާފަ، ބީ.އެފް.ޓީއޭ ކިޔާ ޕްރޮމޯޝަން ނުދީ. ދެން ލަލަލާ
ޝިޔާމްބޭބެ
10 March 2018
ވާނުވާ ނޭގި ކޮމެންޓް ނުކުރޭ. ސިފައިންނަށް ރައްދުވާގޮތައް ނޭގޭ ވާހަކަ ނުދެއްކުން ވަރަށް ރަގަޅު. ހަމަ އިސްކޮޅުން ހެުޮވަރު ބޫޓަކަށް އަރާފަ ދެން ބަލައިލީމަ ފެންނާނެ. ވރަށް ސަލާމް
ޕޮކަންޑި މޭން
02 March 2017
އަހަރެމެން މިތިބީ ހުމާ.
ޜަރަރަރަ
02 March 2017
މޑޕ އަށް މިހާރު ސިފައިން ވަރެއް ނެތް. މޑޕ ކަފުން ކުރަންފެނޭ.
ދޮންބެ މޫސާ
02 March 2017
އިހްތިޖާޖް އޭ...ތި ކަހަލަ އިހްތިޖާޖް އެއް މޭޑޭ ގައިވެސް ކުރީމެއްނު...ކިހިނެއްވީ. އެދުވަހު ވެސް މަބުނީމެއްނު " މިއީ އެއްމެ ފަހުގެ އިހްތިޖާޖްއޭ" އޭގެ ފަހުން އަދި ހިންދަމާ ނުލެވެއެއްނު ދޯ؟ ދެން ވެސް އެކަހަލަ ކަމެއް ކުރަން ހިތަށް ވެސް ނާރުވާ ތި އިގޭ ކުދިން ނޭވެ.
ލުގުމާން
02 March 2017
ސިފައިންނާއި ފުލުހުންނަކީ ވަރަށް ހަމަ ހަމަ ކަމާއެކު ރައްޔިތުން ގެ ސަލާމަތާއި ރައްކާތެރިކަމާއި އަމަންއަމާން ކަން ބަލަހައްޓަމުން އައި ބައެއް ގެ ގޮތުގައި ޒަމާނުއްސުރެ ތިއްބަވަނިކޮށް 2008 ގެ އިންތިހާބުގައި އެބޭކަލުންނަށް ވޯޓުލުމުގެ ހައްގު ދިނުމާއި އެކު އެ މުއަށްސަސާ ވަނީ އެއްކޮށް ސިޔާސީ ވެ ބައިބައި ވެފައެވެ. އެތާގައި ކެމްޕެއިންކުރުމާއި ޒުވާބުކުރުމާއި އެތަށްބަޔަކު ވަޒީފާއިން ވަކިކުރަން ޖެހުމާއި ސިޔާސީވަކިފިކުރެއްގެ ބަޔަކު ވަކި ދިމަދިމާލަށް ލުމާއި ޝަރުތުފުރިހަމަނުވާ ވަކި ފިކުރުގެ ޖަމާއަތްތަށް ފުލުހުންނާއި ސިފައިންގެ ޚިދުމަތަށް ވެއްދުން ވެސް ހިމެނެއެވެ. އަދި އެބައިމީހުންގެ ފަރާތުން ވަކި ވަކި ފަރުދުންނަށް ތަފާތުކޮށް މުއާމަލާތް ކުރުމާއި ހައްޔަރު ކުރުންވެސް ހިމެނެއެވެ. ވިމާތިޔަ ގާނޫނަކީ މުހިއްމު ގާނޫނެއް ކަމުގައި ދެކެމެވެ.
ފޮތިކަހާލި
02 March 2017
ބަޔަކު ފޮޑިއެއް ޖެހިޔަސް އިޙްތިޖާޖް ކުރަން ވާނެ...!!!
ާމަރީ
02 March 2017
ހަހަހަހަހާ ލޮލް.....
ހައްޤުބަސް
01 March 2017
މަލޯމެނަކީ ސިފައިން ނަށް މާރަގަޅު ބައެއްތަ؟ ސިފައިންނަކި ބާޢީން ކަމަށް ގޮވައި އެ މީހުންގެ ދަތް ދޮޅި ދަށަށް އަތް ކޮށްޕި ހަނދަން މިހާރަކު ނެތް ބައެވެ؟ ރާއްޖޭގައި ޤާނޫނު އަސާސީއާއި އެއްގޮތަށް އުފެދުނު ހުރިހާ މުވައްސަސާއެއްގެ ބާރު ކަޑާލައި ސިވިލް ސާވިސް ކޮމިޝަރު ކާކޫމައްޗަށް ތިރިކޮށް ޖޭއެސްސީ ހިސޯރު ކޯށް ސުޕްރީމް ކޯޓްގައި އަޅު އަޅުވައި ބުދު ބަހައްޓައި މެރިކަމުގައި ތިބެ ރައްޔިތުނާ ދެކޮޅަށް މުޒާހަރާ ކޮށް " މިހާރަކު ޤާނޫނު އަސާސީއެއް ނެތޭ" ކިޔައި "މި އަހަރު (2013 ވަނަ އަހަރު) ރިޔާސީ އިންތިޚާބެއް ނުބޭއްވޭނެ އޭ ކިޔައި ޑިމޮކްރެސީ ގެންނަން ލިބުނު ރަނުގެ ފުރުސަތު ހަލާކު ކޮށްލި ބަޔަކީ ތި މޮޔައިންގެ ރީދޫ ޕާޓީ ނޫން ތޯއެވެ؟ ދެން ރޯނެ ކަމެއް ނެތެވެ.
އަބޫ ޔަހުޔާ
01 March 2017
އެމްޑީޕީ އަކީ މީހުންގެ ހައްގުގަ އުޅޭވަރަށްވުރެ މާ ބަހުލޫލު ބައެއް. މުޅި ގައުމުގެ ދުސްތޫރު ހަލާކު ކޮށްލީ އެމޑީޕީ އިން. ދިވެހި ރައްޔިތުންގެ އަހުލާގު ނަގާލީ އެމްޑީޕީ އިން. ހުރިހާ ނުބައެއްގެ އަޑީގައި އޮތީ އެމްޑީޕީ. ފުލުހުންނާ ސިފައިންނާ ފަނޑިޔާރުން ނަށް ވީޯޓު ލެވޭގޮތް ހަދާ އެމީހުން ސިޔާސީ ކުރުވީ އެމްޑީޕީ އިން. ރައީސުލް ޖުމްހޫރިއްޔާ ގައިދީންގެ ފައިބުޑަށް ވެއްޓި އެމީހުންގެ ވޯޓު ހޯދަން ޖެހޭގޮތަށް ޖަލަށް ލާފަ ތިބި މުޖުރިމުންނަށް ވެސް ވޯޓު ލެވޭގޮތް ހެދީ އެމްޑީޕީ އިން. ދިވެހިންގެ ބިންތައް ބޭރުބަޔަކަށް މިލްކު ވާގޮތަށް ގާނޫނު އަސާސީ ބަދަލު ކުރީވެސް އެމްޑީޕީ އިން. ދެން ކޮންމެހެން ހައްގޭ ކިޔާފަ އުޅޭނެކަމެއް ނެތް. ތީ ހަމަ ސިޔާސީ ސްޓަންޓް،