ފަނޑިޔާރުން ވަކިކުރެވޭ ގޮތަށް ހެދި ބިލް ފާސްކޮށްފި

ސުޕްރީމް ކޯޓާއި ކްރިމިނަލް ކޯޓުގެ ފަނޑިޔާރުންތަކެއް..---ފޮޓޯ: ހުސެއިން ވަހީދު/މިހާރު

މުހައްމަދު ޔާމީން، މިހާރު

13 މާޗް 2018 - 13:49

ފަނޑިޔާރެއްގެ މައްޗަށް ޖިނާއީ ކުށެއް ސާބިތުވެ، އެ މައްސަލައެއްގެ އިސްތިއުނާފު މަރުހަލާތައް ނިމޭ ހިސާބުން އެ ފަނޑިޔާރަކު މަގާމުން ވަކިވާ ގޮތަށް، ފަނޑިޔާރުންގެ ގާނޫނަށް އިސްލާހު ގެނައުމުގެ ބިލު ރައްޔިތުންގެ މަޖިލީހުން މިއަދު ފާސްކޮށްފި އެވެ.

އެހެން ދުވަސްތަކާ ޚިލާފަށް މެންދުރު ފަހު، 1:00 ގައި ބޭއްވި ޖަލްސާގައި ފަނޑިޔާރުންގެ ގާނޫނަށް އިސްލާހު ގެނައުމުގެ ބިލް ފާސްކުރީ ވޯޓުގައި ބައިވެރިވެވަޑައިގެންނެވި 38 މެމްބަރުންގެ އިއްތިފާގުންނެވެ. މި ޖަލްސާގައި އިދިކޮޅު އެއްވެސް މެމްބަރަކު ބައިވެރިވެވަޑައިގެންފައެއް ނުވެ އެވެ.

ޕީޕީއެމްގެ ނައިބު ލީޑަރު އަދި ފޮނަދޫ ދާއިރާގެ މެމްބަރު އަބްދުއްރަހީމް އަބްދުﷲ ފަނޑިޔާރުންގެ ގާނޫނަށް ހުށަހެޅުއްވި އިސްލާހު ފާސްކުރިއިރު، ބިލު ދިރާސާކުރި މިނިވަން މުއައްސަސާތަކުގެ ކޮމިޓީން އެ ބިލަށް މާ ބޮޑު ބަދަލެއް ނުގެނެ އެވެ. ހަމައެކަނި ކޮމިޓީގައި ބަދަލު ގެނައީ ބިލުގައި ހުރި ބައެއް އިބާރާތްތަކަށެވެ.

އިދިކޮޅު ފަރާތްތަކުން ބުނާ ގޮތުގައި، ފަނޑިޔާރެއްގެ މައްޗަށް ޖިނާއީ ކުށެއް ސާބިތުވެގެން އެ މައްސަލައެއްގެ އިސްތިއުނާފު މަރުހަލާތައް ނިމޭ ހިސާބުން އޮޓަމެޓިކުން މަގާމުން ވަކިވާ ގޮތަށް އޮތުމަކީ ގާނޫނުއަސާސީއާ ތައާރަޒްވާ ކަމެކެވެ. ގާނޫނުއަސާސީގެ 154 ވަނަ މާއްދާ މިހާރު އޮންނަ ގޮތުން، ފަނޑިޔާރެއްގެ މައްޗަށް ކުށެއް ސާބިތުވިޔަސް އަދި ނުވިޔަސް، ފަނޑިޔާރަކު ވަކިކުރެވޭނީ މަޖިލީހަށެވެ.

އެކަމަކު ބިލުގައިވާ ގޮތުން ބިލުގައި ބުނާ ހާލަތުގައި ގާނޫނުއަސާސީގެ 154 ވަނަ މާއްދާގައި ބުނާ އިޖްރާއާތުތައް ނުހިނގާނެ އެވެ. އެއީ ކުށެއް ސާބިތުވެގެން ފަނޑިޔާރަކު ވަކިކުރާ ކުރުމަކީ ފަނޑިޔާރެއްގެ މައްޗަށް ސުލޫކީ ނުވަތަ ތައުދީބީ ފިޔަވަޅެއް އެޅުން ކަމަށް ނުވާތީ ކަމަށް ބިލުގައިވެ އެވެ.

މީގެ އިތުރުން ފަނޑިޔާރެއްގެ މައްޗަށް ކުށުގެ ދައުވާ އުފުލޭ މައްސަލަތަކުގެ އިސްތިއުނާފު މަރުހަލާތައް ވަކި މުއްދަތެއްގެ ތެރޭގައި ނިންމަން ޖެހޭ ގޮތަށް ވެސް ބިލްގައި ބުނެފައިވެ އެވެ. އެގޮތުން ދަށު ކޯޓުން އެ މައްސަލަ ނިންމާތާ 30 ދުވަހުގެ ތެރޭގައި ހައި ކޯޓުން އިސްތިއުފާން ނިންމަން ޖެހެ އެވެ. އަދި ހައި ކޯޓުގެ ހުކުމް ސުޕްރީމް ކޯޓުގައި އިސްތިއުފާންކުރާތާ 30 ދުވަހުގެ ތެރޭގައި އެންމެ މަތީ ކޯޓުން ވެސް މައްސަލަ ނިންމަން ބިލްގައި ލާޒިމްކުރެ އެވެ.

ބިލު ފާސްކުރިއިރު، ޖިނާއީ ތުހުމަތުތަކެއްގައި އުއްތަމަ ފަނޑިޔާރު އަބްދުﷲ ސައީދާއި ސުޕްރީމް ކޯޓުގެ ފަނޑިޔާރު އަލީ ހަމީދު މި ވަގުތު ތިއްބެވީ ހައްޔަރުކޮށްފަ އެވެ. އެހެންވެ، މި އިސްލާހު އެ ގޮތަށް ފާސްކުރުމަށް ފަހު، އެ ބޭފުޅުންގެ މައްޗަށް ޖިނާއީ ދައުވާއެއް ސާބިތުވެ، އިސްތިއުނާފު މަރުހަލާ ނިމިއްޖެ ނަމަ މަޖިލީހުގެ ދައުރެއް ނެތި މަގާމުން ވަކިވާނެ އެވެ.

ރައްޔިތުންގެ މަޖިލިސް ފަނޑިޔާރުން ސުޕްރީމް ކޯޓް އިދިކޮޅު ފަރާތްތައް މަޖިލީހުގެ މެމްބަރުން ޖުޑީޝަރީ ޕީޕީއެމް

33 ކޮމެންޓް, 74 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަމްސާ

14 March 2018

ދެ މީހުންނާ ފަޅި ބައިތިއްބައިގެން ނަމަވެސް ޔާމީނަށް އުމުރު ދުވަހު ވެރިކަމުގައި ހުރެވޭނެ ގޮތަށް ބިލެއް ފާސްކޮށްލަދެއްވާ! އަހަރެމެން ރައިސް ޔާމީނު ވެރިކަމުގައި ބަހައްޓާހިތުން ހަމަނިދި ލޮލަށް ނުލިބޭ، އެއްޗެއް ނުކެވޭ، ތާ އަބަދު އެ ފިކުރުގަ މިތިބެނީ އަތްޖަހަޖަހާ... ބޯހަލާކު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮކްތެރެޕީ

14 March 2018

އަޅުގަނޑު މިކަމަތާއީދު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވ އުފާ

13 March 2018

މި އަށްވުރެ ރަގަޅު ބިލެއް އަދި ނަހަދައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުއްދިވެރިޔާ

13 March 2018

ބަލަގަ އަބްދުއްރަހީމް ވަލުގައި ކާށިހޮވަން އޮވެފައި މާލެ އަރާ ފަނޑިޔާރުންގެ ބިލް ފާސްކުރިޔަސް ތިޔަ ބިލާމެދު އެއްވެސް ފަނޑިޔަރަކު ކެހުރުވަކެކޭވެސް ހިއެއް ނުވެއެވެ. އަދި ތިޔަގޮތަށް އެއްްވެސް ފަނޑިޔާރަކު ވަކިވެސް ނުކުރެވޭނެކަން އެނގޭއިރު ތިޔައީ ކޮންކަމެއް ހާސިލުކުރަން ފާސްކުރި ބިލެއްހެއްޔެވެ. ތިޔައީ މަޖްލިސްގެ މެމްބަރުން ދައުލަތުގެ ފައިސާ އިން މުސާރަނަގައިގެން ޖަހާ ސަކަރާތެއް. ހުއްޓާލާ ތިކަންކުރުން ވަގުތު ހަމަވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާކަނި

13 March 2018

މަމެން ޕީ އޭ އުވައިފަ އައި ކުދިން ބޭނުނވާ ގޮތްވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީގ

13 March 2018

ކޮންއިރަކުންތަ ތި މަޖިލީހުން ފާސްކުރަނީ ޔާމީނު އަބްދުލް ގައްޔޫމަކީ މިގައުމު އޮތްހާދުވަހަކު މިގައުމުގެ ވެރިޔާކަމައް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަބަރޭ

13 March 2018

7 ފެބްރުއަރީ ގެ ކަންތައް ނުފިލައިގެން މިއުޅެނީ. ނުވެސް ފިލާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިގަރޭ

13 March 2018

ހުދުމުހުތާރު ވެރިން ފެނޭދޯ.....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓަރުންގެ ސިޓީ / އައްޑޫ ސިޓީ

13 March 2018

ތިޔަޤާނޫނުގެބާރު ޤާނޫނުއަސާސީއަށްވުރެ މައްޗެއްނުވާނެ. އެހެންކަމުން ދައުލަތުގެ ބާރެއްގެގޮތުގައި ޤާނޫނުއަސާސީ ކަނޑައަޅާފައިވާ “ސްޕްރީމްކޯޓާއި އުއްތަމަފަނޑިޔާރު މަނިކުފާނާއި ކޯޓްގެއިތުރު ފަނޑިޔާރުންގެ މައްޗަކަށް” ތިޔަ ޤާނޫނު އެއްވެސް ހަމައަކުން ނުހިންގޭނެ. އަދި އަމުދުން ތިފަދަ ދައުލަތުގެ އެންމެ ހާއްސަ އެއްބާރު “އަދުލު އިންސާފު ޤާއިމް ކުރުމުގެ އެންމެ ފަހުބަސްބުނާ އުއްތަމަ ފަނޑިޔާރުގެ މައްޗަކަށް ނުހިންގޭނެ. . . . . . ޤާނޫނުއަސާސީއާއި ޤާނޫނު ބައެއްހާލަތްތަކަށް ބަލާއިރު ރައީސުލް ޖުމްހޫރީއްޔާ އާއި އޭނާގެ ނައިބްގެ މައްޗަށް އެއްގޮތް ކަންކަން އެބަހުރި. އެހެން ނަމަވެސް “ނައިބްރައީސް ވަކިކުރެވޭހާފަސޭހައިން އަދި އެމަޤާމަށް އެހެންމީހަކު އައްޔަންކުރާހާ ފަސޭހައިން ރައީސުލް ޖުމްހޫރީއްޔާ ވަކިކޮށް އިންތިހާބުވެސް ނުކުރެވޭނެ” މި ޤާނޫނަކީ ވެސް ހަމަ ޤާނޫނީ ނަޒަރަކުން އެދަފަ އެއްޗެއް. . ވީމާ “މަޖިލީހުގެ ހަނި އައުލަބިއްޔަތަކުން ޤާނޫނު އަސާސީން ކަޑައަޅަފައިވާއެއްވެސްކަމަކަށް ޤާނޫނީބަދަލު ތަކެއްނުގެނެވޭނެ”ޔަޤީން.