ނަސްގެ ވީޑިއޯ އަށް އިންޓަވިއު ދިން ޒުވާނާ. އޭނާ ބުނި ގޮތުގައި ބުރުގާ އެޅީ އޭނާ ބޭނުންވެގެނެއް ނޫން.
20 މެއި 2018 - 12:52
89 comments
ދުނިޔޭގެ އެކި ގައުމުތަކަށް ދަތުރުކޮށް، ސޯޝަލް މިޑިއާގައި އެއް މިނެޓްގެ ވީޑިއޯތަކެއް އާންމުކޮށްގެން މަޝްހޫރުކަން ހޯދާފައިވާ ނުސައިރު ޔާސީން (ނަސް) ރާއްޖެ އަށް އައިސް ހެދި ވީޑިއޯ އަށް ބޮޑެތި ފާޑުކިޔުންތަކެއް އަމާޒުވެއްޖެ އެވެ. ރާއްޖޭގައި އޭނާ ހެދި ވީޑިއޯގައި ދައްކަނީ ބުރުގާ އެޅި ޒުވާން އަންހެނަކު، ބުރުގާ ނަގަން ބޭނުންވެ އެކަމަކު އެކަން ނުކުރެވިގެން އުޅޭ ވާހަކަ އެވެ.
"ނަސް ޑެއިލީ"ގެ ނަމުގައި ފޭސްބުކްގައި ކޮންމެ ދުވަހަކު ވެސް އެއް މިނިޓްގެ ވީޑިއޯއެއް އާންމުކުރާ ނަސް މިއަދު އާންމުކުރި ވީޑިއޯގައި ދައްކަނީ 24 އަހަރުގެ ދިވެހި އަންހެނެއް ކަމަށް ބުނާ މީހެކެވެ. ނަމަވެސް އެ ޒުވާނާގެ ނަން ވަނީ ސިއްރުކޮށްފަ އެވެ. މުހާތަބު ކުރަނީ "އެކްސް" ގެ ގޮތުގަ އެވެ. ބުރުގާ އަޅައި މޫނު ނިވައިކޮށްގެން ހުރެ އޭނާ ބުނަނީ އެހެން މީހުންގެ ޕްރެޝަރާ ހެދި ބުރުގާ ނަގަން ނުކެރިފައި ހުރި ވާހަކަ އާއި އޭނާގެ ބޮޑު އިސްތަށިގަނޑު އެންމެންނަށް ދައްކާލަން ބޭނުންވާ ވާހަކަ އެވެ.
ނަސްގެ ވީޑިއޯ އަށް އިންޓަވިއު ދިން ދިވެހި ޒުވާނާ ރާއްޖޭގެ ގޮނޑުދޮށެއްގައި ހިނގާލާފައި ދަނީ.
ވީޑިއޯގައި ނަސް ބުނި ގޮތުގައި އެކްސްގެ އުމުރުން 13 އަހަރުގައި އޭނާގެ ކްލާހުގެ ހުރިހާ ކުދިން ވަނީ ބުރުގާ އަޅައި އިސްތަށިގަނޑު ފޮރުވައިފަ އެވެ. އެހާ ހިސާބުން އެކްސްގެ އިސްތަށިގަނޑު ފޮރުވަން މަޖުބޫރު ކުރުވީ މުޖުތަމައުގެ ތެރޭގައި އުޅުނު މީހުން ކަމަށް ވެސް އޭނާ ބުންޏެވެ.
އެކްސްގެ ނަމުގައި ނަސްގެ ވީޑިއޯގައި ބައިވެރިވި ޒުވާނާ.
"އަހަރެންގެ މައިންބަފައިން ވެސް މަޖުބޫރެއް ނުކުރޭ ބުރުގާ އަޅާކަށް،" ޒުވާނާ ކިޔައިދިނެވެ.
އޭނާ ބުނީ ބުރުގާ އެޅުމަށް ފަހު، އެ ބުރުގާ ނަގައިފި ނަމަ، އެކަމުގެ ނުރައްކަލާ ކުރިމަތިލާން ޖެހޭނެ ކަމަށެވެ. އަދި އެ ޒުވާނާ ބޭނުން ވަނީ ބޮލުގެ އިސްތަށިގަނޑު ދައްކާލަން ކަމަށް ވީޑިއޯގައި ނަސް ބުންޏެވެ. އެއާއެކު، އަނެއްކާ ވެސް އެ ޒުވާނާ އިސްތަށިގަނޑު ނިއުޅުވާލަ އެވެ.
ރީމް ނަމުގައި މި ވީޑިއޯ އަށް ފާޑު ކީ އަންހެނަކު ވަނީ ބުރުގާ އެޅުމަށް ލޯބިކޮށް، އެ އަޅާ ހިތްވާ މީހުންނާ އިންޓަވިއުކޮށް ވީޑިއޯ ނުކުރަނީ ކީއްވެތޯ ސުވާލުކޮށްފަ އެވެ. އަދި ނަސް ކުރަން އުޅެނީ ކޮން ކަމެއްތޯ އާއި "އެއްފަޅި" ދައްކަން އުޅެނީ ކީއްވެތޯ ވެސް ރީމް ސުވާލު ކުރި އެވެ.
ނުސައިބާ ބިންތު އަބްދުﷲ ނަމުގައި ފޭސްބުކްގައި ކޮމެންޓު ކުރި މީހަކު ބުނީ ނަސްގެ ވީޑިއޯ އަށް އަރާ ހިތުން ދީނަށް ވެސް ފުރައްސާރަކޮށްފައިވާ ކަމަށެވެ. އަދި ބުރުގާ ބާލަންވީމާ ބޭލީމާ ނިމުނީ ކަމަށާއި އެކަމާ ސުވާލު ކުރެވޭނެ ދުވަހެއް ބުރުގާ ބޭލި މީހާ އަށް އަންނާނެ ކަމަށް އޭނާ ބުނެފައިވެ އެވެ.
"ދީފައި ތިއޮތީ ވަރަށް ގޯސް މެސެޖެއް. މިތަނަކީ ތި ބުނާހާ ހަރުކަށި ތަނެއް ނޫން. ކީއްވެތަ ނުބުނީ ރޯދަ ވެސް ހިފަނީ އެންމެން ރޯދަ ހިފާތީ މަޖުބޫރުވެގެންނޭ؟. އެހެން މީހުންނަށް އައިޑެންޓިޓީ ފޮރުވިޔަސް އެނގެންވާ ފަރާތަށް ސިއްރެއް ނުވާނެ. ކޮން 1 މިނިޓެއްތަ؟" ނުސައިބާ ބުންޏެވެ.
ނަސް: އޭނާ އަކީ އެއް މިނިޓްގެ ވީޑިއޯ ހެދުމުގައި މަޝްހޫރު ޒުވާނެއް.
އަޖްމަލް ނަމުގައި ފޭސްބުކްގައި ކޮމެންޓު ކުރި މީހަކު ބުނީ އިސްލާމް ދީނުގައި މުސްލިމުންނަށް އެއްވެސް ކަމެއް މަޖުބޫރު ނުކުރާ ކަމަށެވެ. އަދި ވީޑިއޯގެ ބޭނުމަކީ ގިނަ ބައެއްގެ ސަމާލުކަން ހޯދުން ކަމަށް ބުނެ، އަޖްމަލް ވަނީ ވީޑިއޯ އަށް ވަރަށް ބޮޑަށް ފާޑުކިޔައިފަ އެވެ.
ފަލަސްތީނަށް އުފަން، އުމުރުން 25 އަހަރުގެ ނަސް ވީޑިއޯ ހަދަން ފެށީ، އޭނާ އަދާކުރަމުން ދިޔަ ސޮފްޓްވެއާ އިންޖިނިއޭރު ކަމުގެ ވަޒީފާ ދޫކޮށްލައިފަ އެވެ. ވަރަށް އާދައިގެ ގޮތަކަށް، ހަމައެކަނި އާއިލާގެ މީހުން ބައިވެރިކޮށްގެން އޭނާ ކުރަން ފެށި އެ މަސައްކަތް ފުޅާވެ، މިހާރު އޭނާ އަންނަނީ އެކި ގައުމުތަކަށް ދަތުރުކޮށް، އެ ގައުމުތަކުގައި ހުންނަ ކަންކަމުގެ ވާހަކަތައް ގެނެސްދެމުންނެވެ. އެމެރިކާގެ ނިއު ޔޯކުގައި ދިރިއުޅެމުން އަންނަ ނަސް އަށް، އޭނާގެ ވީޑިއޯތަކުން ބޮޑު އާމްދަނީއެއް ލިބެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަލަސްތީނު
27 May 2018
ފަލަސްތީނު މީހެކޭ ބުނީމަ ހަމަ ހައިރާން ވެއްޖެ. އެތަނުގެ މީހުން ނަކީވެސް ބުރުގާ އަޅާ ބައެއް. ހަމަ ހޫނު ތަނެއް އެއީ. ނަޝް ކައެ ގޮސް ކައެ ގައުމުގެ މީހުން ގާތު ބުރުގާ ބާލަން ބުނެބަ. އެންމެ ފަހުން ވެސް ގައްޒާގެ މުސްލިމުންނަށް އެހީވި ބަޔަކީ މި ދިވެހިންނޭ. ނަސް ތީ އެމެރިކާ އަށް ހިދުމަތްކޮށްދޭ މުސްލިމުންނަށް ހަރާންކޯރުވާ މީހަކަށް ވާނީ.
ސީނު
22 May 2018
ތިވީޑިއޯގަ ތިއުޅޭ މަންޖެއަށްބުނެލަން އޮތީ ބުރުގާ އެޅުމަކީ ކޮބައިކަން ނޭނގި ބުރުގާއަޅާފަހުރީމަ ވާގޮތޭތީ....ބުރިއަށްބާރު އެއްޗެހިލައިގެން ފައި ފޮރުވުމެނެތި އަޅާފަތިރިރަ ބޮލުފޮއްޗަކަށް އިސްލާމީ ބުރުގާގެ ނަމެއް ނުދެވޭނޭ.....ތިފޮތިކޮޅު އަޅާކަށް މީހަކު މަޖުބޫރެއް ނުކުރެޔޭ
އަހުމަދުއަލޯ
22 May 2018
ހަމަ މަޖުބޫރު. ނޫންނަމަ ތިހާ ވަރު ނާރާނެ!
ވާލުސޮރު
21 May 2018
ތިޔައީ މާބޮޑުކަމަކަށް ހަދައިގެން ވާހަކަދައްކަންވީ ކަމެއްނޫން. މި ރޯދަމަހުވެސް ފިހާރަތަކުން ދަޅާ ފުޅިޔާ ގަނެގެން ރޯމާދުވާލު އެންމެންގެ ކުރިމަތީ ކައި ބޮއި އެބަހަދާ. މިކަހަލަ ކަމެއް ފެނިގެން ރިޕޯޓް ކުރާކަށްވެސް މީހަކަށްނުކެރޭ. މިވަރުގެ ގައުމެއްގަ މީހަކު ބުރުގާއެޅުމެކޭ ބަރަހަނާކޮށް މަގުމަތީ ހިނގުމެކޭ މަށަކަށް ތަފާތެއްނެތް.
ބާލައާދަނު
21 May 2018
މާ ބޮޑުކަމެއްނޫން. ބުރުގައަޅަން ބޭނުންނޫނިއްޔާ ބުރުގާ ނަގާ އެއްލާލާ. އިސްތަށިގަނޑު ވިހުރުވާލާފަ ދައްކާލާ. އަހަރެމެން ކަހެރުވަކެކޭވެސް ހިތަކަށް ނާރަ. އަހަރެމެން ދެކެމު އެއްދުވަހު ބުރުގާ އަޅާފަ އަނެއްދުވަހު ބުރުގާ އެއްލާލައިގެން އުޅޭ މީހުންވެސް. އާކަމެއްނޫން. ޖަހަންނަމައިން އެމީހަކު އިށީންނަން ބޭނުންތާކު އެމީހަކަށް އިށީނުމުގެ އިހުތިޔާރު ލިބިގެންވޭ. ހަމައެފަދައިން ސުވަރުގޭން ވެސް. ސޯޝަލް މީޑިއާއަށް ނިކުމެ މުޅި މުޖުތަމައު ފަޟިހަތް ކުރީމަ ލިބޭނެ މޮޅެއް އޮތްކަމަށް ނުދެކެން.
ބުނެލީ
21 May 2018
ބުރުގާ ނަގަން ވީމަ ނެގީމަ ނިމުނީނު.. އެހެން މީހުން ހަދާހެން. ކޮންމެހެން ބެޭރުން މީހުން ގެނެސް ޕްރެޝަރޭ ނުކިޔަ. ލަދެވެސް ކުޑައީ މިހާރުގެ ކުދިން. ރަނގަޅައް ނުކިޔަވާ މަ މޮޅުވެގެން އުޅޭތި އަދި ވެސް
ކީކޭބުނާނީ
21 May 2018
ފޮޓޯ އިން ތި ފެންނަނީ އުކުޅަސް، އުކުޅަސް ކުއްޖެއް ކަމަށް ބެލެވޭ.
ޖޮބް
21 May 2018
ރާއްޖޭގެ ގިނަކުދިން ބުރުގާ އަޅަނީ މަޖުބޫރުން ކަމުގައި ދަންނަވާ ބޭފުޅުންގެ ތެރެއިން ގިނަ ބޭފުޅުންނަކީ ބަޔާސްޑް ބޭފުޅުން. ވަރަށް ފަހުން ސީ.އެޗް.އެސް.އީ ނިންމާލި މީހެއްގެ ހައިސިއްޔަތުން ބުނެލަން ބޭނުންވަނީ ދީނަށް އުޅޭތީ، ނަމާދު ކުރާތީ، ބުރުގާ އަޅާތީ، ވަކި ކަހަލަ ގުޅުންތަކާ ދުރުގައި އުޅޭތީ ކުރިމަތިވާ ޕިއަރ ޕްރެޝަރ މާ ބޮޑުކަން. ދީނަށް އުޅުމަކީ ލަދުވެތިވާކަމެއް. ރައްޓިހިންނާއެކު ދަތުރުގޮސް އުޅެމުން ނަމާދަށް ވަގުތުހުސްކުރަން ބުނުމުންވަނީ "ވައްހާބީ" ވިސްނުން ހުންނަކަމަށް. މިޖެނެރޭޝަންގައި ގިނައީ އަމިއްލަ ސިކުނޑިން ކްރިޓިކަލީ ވިސްނުމުގެ ބަދަލުގައި ބަޔަކު ދޭ މެސެޖްތައް ހުރިގޮތަށް ޤަބޫލުކޮށްގެން އުޅޭ ކުދިން.
އާލިއާ
21 May 2018
ތިޔަބޭފުޅާ އާއި އެއްބަހެއް ނުވެވޭނެ..ބުރުގާ އެޅުމަކީ މަޖްބޫރަކައް ވެފައި އޮއްތަނެއް މީ..ހަމަ ޕުރެސަރު އޮވޭ މާލޭގައި އެ މިނިވަންކަން ކޮންމެވެސްސްވަރަކަށް އޮތަސް ރަށްފުށުގައި މިހާރު އެ މިނިވަންކަމެއްނެއް..
ޖެކް ސްޕެރޯ
21 May 2018
މަންޖެ އެކްސްޕޯޒް ވެއްޖެ ސޯޝަލް މީޑިއާ ގަ. އެކަން ކުރީ ނަސް ގެ ލޯބިވެރިޔާ. ހެހެހެ
އިބިލީސް
21 May 2018
ތިޔަ މަންޖެ އާއި ނަސް އަދި ހުއްޓޭނެ ބުރުގާ އަކީ އަޅަންޖެހޭ އެއްޗެއްކަން ކަނޑައެޅި ކާއިނާތުގެ ވެރި ރައްބުގެ ހަޒްރަތުގަ. އެދުވަހުން ވީޑިއޯގެ 2 ވަނަ ބައި ކުޅެލަން ފެނޭ. ދެން ނަސް ބުރުގާ އަޅަން ފެންނަނީ. ބޯހަލާކު 2018
އަލީ ނާޒިމް
21 May 2018
ގުބޯ ހެދުނަސް ވަކަ ވަރެއް އޮންނަންވާނެ! ބޯހަލާކު!
4567
20 May 2018
ކަމެއްވީމަދޯ މީނަ ކަހަލަ އިޒްޜޭލު މީހުން އިސްލާމީ ގައުމުތަކަށް ވަނުން މަނާކޮށްފަ އޮންނަނީ..