ރައީސް ޔާމީން: އެމަނިކުފާނަށް ސޯޝަލް މީޑިއާގައި އިންޒާރު ދިން މީހާގެ ފޯނާއި އިލެކްޓްރޯނިކް ސާމާނުތައް ކޯޓު އަމުރެއްގެ ދަށުން ވަނީ ހިފަހައްޓާފައި
04 ޖުލައި 2018 - 23:29
49 comments
ރައީސް އަބްދުﷲ ޔާމީނަށް ސޯޝަލް މީޑިއާގައި އިންޒާރު ދިން ކަމަށް ތުހުމަތު ކުރެވޭ މީހެއްގެ ފޯނާއި އިލެކްޓްރޯނިން ޑިވައިސްތައް ކޯޓު އަމުރެއްގެ ދަށުން މިރޭ ހިފަހައްޓައިފި އެވެ.
މުހައްމަދު އަދުހަމް ނަމަކަށް ކިޔާ، ލ. ގަމުގެ އެ ޒުވާނާ އަށް ތުހުމަތު ކުރަނީ މިދިޔަ މަހުގެ 24 ވަނަ ދުވަހު އޭނާ ކުރި ޓްވީޓެއްގެ މައްސަލަ އެވެ. އެ ޓްވީޓްގައި އޭނާ ރައީސް ޔާމީނަށް ގޮވާލާފައި ވަނީ ސިޔާސީ ބައެއް ބޭފުޅުން މިނިވަން ނުކޮށް، ޕީޕީއެމްގެ ޑޯޓުޑޯ ކެމްޕެއިނަށް އޭނާގެ ގެ އަށް ގޮސް ދޮރުގައި ޓަކި ނުދިިނުމަށެވެ. އެގޮތަށް، ޓަކި ދީފި ނަމަ، ރައީސް ޔާމީންގެ އިސްތަށިފުޅަށް ގެއްލުންވާ މިންވަރަށް އޭނާ ޓަކި ޖަހާނެ ކަމަށް ވެސް އަދުހަމްގެ ޓުވީޓުގައި ވެ އެވެ.
އެ މައްސަލާގައި، އުމުރުން 32 އަހަރުގެ އަދުހަމްގެ މައްޗަށް ކުރަނީ ރައީސް ޔާމީނަށް ބިރު ދައްކައި، އިންޒާރު ދިނުމުގެ ތުހުމަތެވެ. އެ މައްސަލާގައި ކޯޓުގެ އަމުރެއްގެ ދަށުން އަދުހަމްގެ ފޯނާއި ޓެބްލެޓާއި ލެޕްޓޮޕް ފަދަ އިލެކްޓްރޯނިކް ޑިވައިސްތައް ފުލުހުން ވަނީ ހިފަހައްޓައިފަ އެވެ.
މީގެ އިތުރުން، އެ ތަކެތި ހުޅުވުމަށްޓަކައި ބޭނުންވާނެ ޕިން ނަމްބަރާއި ލޮކް ކޯޑާއި ފިންގަޕްރިންޓް ފަދަ ތަކެތި ފުލުހުންނަށް ދިނުމަށް ވެސް އަދުހަމްގެ މައްޗަށް އެ އަމުރުގައި އަންގާފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑަކްތަރ އަލީ
06 July 2018
ދެއިރު ދެދަޅަޔަށް ބޮލުގައި ފުއްޓަކި ޖަހަން ވީ. މިގައުމު ވަނީ ގިޔާމަތާ ހަމަޔަށް ބޮލަކަށް ބިލިޔަން ޑޮލަރުން ދަރާފައެވެ.
ދެލޯ
06 July 2018
ދެލޯ ތައްމިނަށް ހުޅުވީމަ ފެންނާނީ ހުސްކޮރްޕްޝަން, އެވާހަކަ ދެއްކި މީހަކު ވަނީ ޓެރަރިސްޓަކަށް, ދެން ދެލޯ ބުނެބަލަ ހަދަންވީ ގޮތެއް?
މަޒް
06 July 2018
އެއީ ހަމަ ޓަކި ނުޖަހާވަރުގެ ބޮލެއް ނޫން...
ނީސާ
06 July 2018
ޢެންމެ ފަހުން ބައެއްގެ ބޯގޯސް ވަނީ.ބިރުދެއްކުން ނޫން ކަމެއްނެތް.ގައުމުގަ އަނިޔާވެރިކަން ހައްދުފަހަނަ އަޅާފި.އިންސާފުގެ ކުޑަކަންފުޅެއްވެސް ނެތް.މީމަގޭވެސް ވަތަން.މިގައުމުގެ ނޮއުޖަވާނުނޭ ކެރޭށެ އަދު ކުނބައް އަރާން
ދަރީ
06 July 2018
ތިގެއަށް ޔާމީނު ނުދިޔައީމަ ވީއެއްނު. އޭނަގެ ހުއްދަނެތި ޔާމީނަކަސް އެގެއަކަށް ނުވަދެވޭނެ
ޢިބަ
06 July 2018
ޚޮންމެވެސް ގޮތަކުން ނަމަވެސް އަނެއް ކޮޅަށް ވޯޓުލަފާނެހެން ހީވާ މީހުން ހިފާހައްޔަރުކުރަނީ
ބަލާމީހާ
05 July 2018
ވޯޓެއް ދިނުމަށް އެދެފިނަމަ ޔާމީނަށް ވޯޓެއްދޭން ޖެހޭ ސަބަބެއް އަހާލާފިނަމަ ތަރައްޤީއަށް ވޯޓެއް ދިނުމަށް ބުނާނެ. ޚުދު ތިބާގެ ގެއާއި ތިމާގެ ދިރިއުޅުމުގެ ޙާލަތުގެ ދައްކާލާފައި ލިބުނުތަރައްޤީއެއްގެ ސިފަ ދައްކާލަން ކެރިދަނެތަ.
ދެލޯ
05 July 2018
ދެލޯ ތައްމިނަށް ހުޅުވައިގެން ބަލާބަލަ ފެންނާނެ
ފުޅު
05 July 2018
އިސްތަށި ފުޅަށް ޓަކި ދިނުމުން ލިބޭ ގެއްލުމަށް ވުރެ ބޯކޮށާތަންތަނުން އިސްތަށިފުޅު ކޮށާއިގެން އިސްތަށިފުޅަށް ލިބޭނެ ގެއްލުން މާބޮޑުވާނެ ނޫންތޯއެވެ؟
ބަލާމީހާ
05 July 2018
ތިބާގެ ގެއަށްގޮސް ޕީޕީއެމްއަށް ވޯޓެއްދޭން އެދުމުން "ވޯޓު ނުދޭނަމޭ އަދި މަށަށް ވީހާބަޔަކުވެސް ވޯޓުނުދޭގޮތަށް ހަދާމަނަމޭ" ބުނުމަކީ ރައީސްގެ އަގުވައްޓާލުން ކަމަށް ހަދާފައި ދަޢުވާކުރާދުވަސް މާދަމާ ފެންނާނެ .
ސުވާލަކީ
05 July 2018
ސުވާލަކީ ރައްޔަތުންގެ ފއިސާއިން ސަލަމަތާ ރައްކާ ތެރިކަން ދިނުމަށް އެތަށް މިލިއަން ޚަރަދު ކޮށްގެން ހުރި މީހަކަށް ފޯނުން ބިރު ދެއްކީމާ އެމީހާ ފަހަތުގާ އަޅާގަތުމަކީ ކިހާ ރީތި ކަމެއްތޯ. މީ 21 ވަނަ ގަރުނުގެ ވެރިއަކާ އެކަށީގެން ވާ ކަމަކަށް ނުފެނޭ. ދޫ ނުވަތަ ގަލަމުން ކުރާ ކަންތަކަށް މީހުންނަށް އަނިޔާ ކުރުމުގެ ސަގާފަތަކީ ބޯދާ ފިޑި މީހުންގެ ސަގާފަތެއް. ދުލުން ކުޅު ޖެހީމާ ނޫނީ ގަލަމަކުން ދެލި އުކާ ހެދުން ޚަރާބު ކުރުމަކީ ކުށަކަށް ވެދާނެ. ޢޭގެ އިތުރުން ލިޔެލާ އެއްޗަކުން ބުނެލާ ބަހަކުން މީހުންނަށް އަނިޔާ ކުރުން ވާނީ ވަރަށް ނާތަހްޒީބު ކަމަކަށް