ރައީސް ޔާމީން މަޑިފުއްޓަށް މިއަދު ވަޑައިގެން އެ ރަށުގެ ބަޔަކާ ސަލާމް ކުރައްވަނީ.
15 އޯގަސްޓް 2018 - 13:03
14 comments
އެމަނިކުފާނުގެ ވެރިކަމުގެ ފަސް އަހަރުގެ ތެރޭގައި 51 ރިސޯޓުގެ މަސައްކަތް ނިމޭނެ ކަމަށް ރައީސް އަބްދުﷲ ޔާމީން މިއަދު ވިދާޅުވެއްޖެ އެވެ.
ތ. އަތޮޅުގެ ރަށްތަކަށް ކުރައްވަމުން ގެންދަވާ ދަތުރުފުޅުގައި މަޑިފުށީ ރައްޔިތުންނާ ބައްދަލު ކުރައްވައި، ރައީސް ވިދާޅުވީ، އެމަނިކުފާނުގެ ވެރިކަމުގައި މިހާތަނަށް 30 ރިސޯޓު ނިންމާފައިވާ ކަމަށެވެ. އަދި އިތުރު 21 ރިސޯޓު އަންނަ ޑިސެމްބަރު މަހުގެ ތެރޭގައި ނިންމާނެ ކަމަށް ވިދާޅުވި އެވެ.
ރައީސް ޔާމީން ވިދާޅުވިގޮތުގައި، ރާއްޖޭގައި އެންމެ ގިނަ ރިސޯޓު ހެދީ ވެސް މި ފަސް އަހަރުގެ ތެރޭގަ އެވެ. އަދި މިހާރު ހަދަމުން އަންނަ 21 ރިސޯޓުގެ 70 ޕަސަންޓު މަސައްކަތް ނިމިފައިވާ ކަމަށް އެމަނިކުފާނު ވިދާޅުވި އެވެ.
"އެހެންވީމާ، ރިސޯޓު ހަދަން މީހުން ނާދޭތޯ؟ ރިސޯޓު ހަދަން މީހުން އާދޭ. ރިސޯޓު ހަދަން ރަށް ދޫކުރީމާ، ރިސޯޓު ހަދާނެ މީހުން ނުވޭތޯ؟ ރިސޯޓު ހަދަން މީހުން އާދޭ. ރިސޯޓު ހަދަން ސަރުކާރަށް ހުރަސް އަޅާ ނާމަ، ރިސޯޓު ހަދަން އަންނާނެތޯ؟" ޓޫރިޒަމް ފުޅާކުރުމަށާއި ރިސޯޓުތައް ހެދުމުގެ މަސައްކަތް ކުރަމުން ނުދާ ކަމަށް އިދިކޮޅު ފަރާތްތަކުން ދައްކާ ވާހަކަތަކަށް ރައްދު ދެއްވައި ރައީސް ޔާމީން ވިދާޅުވި އެވެ.
އެމަނިކުފާނު ވިދާޅުވީ، ރާއްޖޭގެ ތާރީޚުގައި އެންމެ އަގު ބޮޑު ރިސޯޓު ހަދަނީ ވެސް މި ފަސް އަހަރުގެ ތެރޭގައި ކަމަށެވެ. ރައީސް އެ އިޝާރާތް ކުރެއްވީ އެނބޫދޫފިނޮޅު ފަޅުގައި، ތައިލެންޑުގެ ސިންހަ ސްޓޭޓް ކުންފުނިން އެއް ބިލިއަނަށް ވުރެ ޑޮލަރު ޚަރަދު ކޮށްގެން ހަދަމުން އަންނަ ރިސޯޓަށެވެ.
އެމަނިކުފާނު ވިދާޅުވީ ރާއްޖޭގެ އެކި ސަރަހައްދުތަކުގައި ރިސޯޓުތައް ހުޅުވަން މަސައްކަތް ކުރައްވަނީ ރައްޔިތުންނަށް ލިބޭ އާމްދަނީ އިތުރު ކުރުމަށާއި ޒުވާނުންނަށް ވަޒީފާގެ ފުރުސަތުތައް ފަހިކޮށް ދެއްވުމަށް ކަމަށެވެ.
ރައީސް ވިދާޅުވިގޮތުގައި، ހަދާފައި އޮތް ރިސޯޓެއް، އެންމެ ބޮޑު އަގެއްގައި ގަނެފައި އޮތީ ވސް މި ސަރުކާރުގެ ތެރޭގަ އެވެ. އެއީ ބެލެވޭ ގޮތުގައި ނ. އަތޮޅުގައި އޮންނަ ވެލާ ޕްރައިވެޓް އައިލެންޑެވެ.
ރައީސް ޔާމީން ވިދާޅުވީ، މި ސަރުކާރުން ކުރާ ކަންކަމަށް އިދިކޮޅު ފަރާތްތަކުން ފާޑު ކިޔަނީ، ވިސްނުންތެރިކަމާ އެކު ނޫން ކަމަށެވެ.
އަދި ވިދާޅުވީ، އިއްޔެ ޓެސްޓު ފްލައިޓް ޖެއްސި ނ. މާފަރު އިންޓަނޭޝަނަލް އެއާޕޯޓަކީ ނުހެދިގެން އުޅޭތާ 12 އަހަރު ވެފައިވާ ތަނެއް ކަމަށެވެ. އެކަމަކު، އެމަނިކުފާނުގެ ސަރުކާރުން އެ އެއާޕޯޓު ވުޖޫދަށް ގެނެސް އެކަން ހަގީގަތަކަށް ހަދައިދިނީ އެންމެ އަހަރެއްގެ ތެރޭގައި ކަމަށް ރައީސް ޔާމީން ވިދާޅުވި އެވެ.
މާފަރު އިންޓަނޭޝަނަލް އެއާޕޯޓް ތަރައްގީ ކުރަނީ ޓްރާންސިޓް ހޮޓަލަކާއި ރިސޯޓެއް ވެސް ހިމެނޭ ގޮތަށެވެ. އެއާޕޯޓަށް އެއްފަހަރާ ހަ ޖެޓަށް ޚިދުމަތް ދެވޭ އިރު އެންމެ ޒަމާނީ ވަސީލަތްތައް ހުންނާނެ އެވެ. މި މަޝްރޫއަށް ގާތްގަނޑަކަށް 60 މިލިއަން ޑޮލަރު ހަރަދުވާނެ ކަމަށް ބެލެވެ އެވެ. އެ އެއާޕޯޓަށް ޚަރަދު ކުރަނީ ޔޫއޭއީގެ އަބޫދާބީ ފަންޑުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަރަންވީރް ޑޮގްރާ
28 August 2018
އަޅުގަނޑުމެންގެ ރައީސް އަކީ ވަރަށް ހިތްވަރު ގަދަ އަދި ތެދުވެރި ބޭފުޅެއް
ޢޙަމީދު
18 August 2018
ރިސޯޓުތައް އިތުރުވެފައިވެ, އެހެންވިއްޏާ އިގުތިސާދީގޮތުން ކުރިޔަށް, މީހުންގެ އަތްމަތި ތަނަވަސް, ދިރިއުޅުމަށް ހެޔޮބަދަލު އަންނާނެ, އެހެންބާ؟
ކަރަންވީރް ޑޮގްރާ
28 August 2018
ޔަގީނެއްނުން
ސާއިދު
15 August 2018
އެންމެ ގިނަ ރިސޯޓް އެންމެ އުސް އިމާރާތް އެންމެ ގިނަ ބަނދަރު އެންމެގިނަ ނަރުދަމާ މިހެންގޮސް ކިޔާނިކަމެއްނެތް. ސުކުރިއްޔާ ރައީސް ޔާމީން
ދޮން އާމިރު
15 August 2018
އެހެންވީމަ އެއްމަސް ތެރޭ 20 ރިސޯޓު ނިންމަން ވާނެތާއެވެ.
މަންސޫރު
15 August 2018
ތިޔަ ބުނާ ރިސޯޓުތައް ހިންގަން ދިން ރަށްރަށުގެ ލީސް ފައިސާ ދެއްތޮ ގެއްލިގެންނޭ ކިޔައިގެން ތިޔަ އުޅުއްވަނީ؟ ތިޔަ ތަންތަން ހުޅުވާތީ ދެން ހަމަ އަތްޖަހަންވީތަ؟
މަނިކް
15 August 2018
ދިވެހިންނަށް "ނިސްބަތުން" ތިރިޒޯޓްޑިވެލޮޕްމަންޓުން ފައިދާވީ/ ފައިދާވާނީ ކިތައްޕަސަންޓްތޯ މަނިކްފާން ދަންނަމުތޯ؟؟؟
ބިންބިން
15 August 2018
5 އަހަރު މިވަނީ ވަޒީފާގަނޑެއް ހޯދަންއުޅޭތާ. އަދި ނުލިބިގެންމިއުޅެނީ.
ޟިތްރަތުލް މުންތަހާ
15 August 2018
މަނިކުފާނުގެ މިފަސްއަހަރުވެސް އެމްޓީޑީސީ ހިއްސާއެއް ރައްޔިތުންނަކަށް ނުލިބުނު..
ަހައިސަމް
15 August 2018
ބޭނުންމީ ހުއްޓުމެއްނެތް ތަރަށްގީތޯ ނޫނީ ފަންގެ އާއި އޮނުދަނޑީގެ ތަރަށްގީތޯ؟ ވޯޓްލުމުގެ ކުރިން ވިސްނާފިކުރުކުރަށްވާ.
ަަބޫސް
15 August 2018
އެންމެ ގިނަ ރިސޯޓް އެންމެ އުސް އިމާރާތް އެންމެ ގިނަ ބަނދަރު އެންމެގިނަ ނަރުދަމާ މިރާއްޖެއަށް ދުން އެންމެ ޤާބިލް ރައީސް ރާއީސް ޔާމީން 2018