އިލެކްޝަންސް ކޮމިޝަންގެ ފަސް މެމްބަރުން.---ފޮޓޯ: ހުސައިން ވަހީދު/މިހާރު
05 ނޮވެމްބަރ 2018 - 17:45
20 comments
އަންނަ މާޗް މަހު ބާއްވާ ރައްޔިތުންގެ މަޖިލީހުގެ އިންތިޚާބުގައި މާލެ އަށް ދެ ދާއިރާއެއް އިތުރު ކުރުމަށް އިލެކްޝަންސް ކޮމިޝަން (އީސީ) އިން މިއަދު ނިންމައިފި އެވެ.
އެ އިންތިޚާބުގައި 87 މެމްބަރުން ހޮވާނެ އެވެ. މިހާރު މަޖިލީހުގައި ތިއްބަވަނީ 85 މެމްބަރުންނެވެ. އެހެންކަމުން އަންނަ އަހަރުން ފެށިގެން މަޖިލީހަށް ދެ ގޮނޑި އިތުރުވާނެ އެވެ.
Male' ge Henveyru adhi Machchangoalhi ah ithuru 2 dhaairaa ithuru kurun fiyavaa rajjeyge evves inthikhaabee dhaairaa akah adhi inthakakahves badhaleh nugennan EC in nimmaifi pic.twitter.com/czvEc5b8hA
— Elections Commission (@ElectionsMv) November 5, 2018
އިލެކްޝަންސް ކޮމިޝަނުން މިއަދު ކުރި ޓުވީޓު.
އިލެކްޝަންސް ކޮމިޝަނުން ކުރި ޓުވީޓެއްގައި ބުނީ މާލޭގެ ހެންވޭރު އަދި މައްޗަންގޯޅި އަށް ދެ ދާއިރާ އިތުރު ކުރުން ފިޔަވައި ރާއްޖޭގެ އެއްވެސް އިންތިޚާބީ ދާއިރާއަކަށް އަދި އިންތަކަކަށް ވެސް، ބަދަލު ނުގެންނަން އެ ކޮމިޝަނުން ނިންމާފައިވާ ކަމަށެވެ. ނަމަވެސް އިތުރު ތަފްސީލެއް އެ ކޮމިޝަނުން ނުދެ އެވެ.
މާލޭގައި މިހާރު ހެންވޭރާއި މައްޗަންގޯޅި އަށް ކަނޑައަޅާފައިވާ ދާއިރާތަކަކީ ހުޅުހެންވޭރާއި މެދުހެންވޭރާއި ހެންވޭރު ދެކުނާއި ހެންވޭރު އުތުރާއި މައްޗަންގޯޅި އުތުރާއި މައްޗަންގޯޅި ދެކުނެވެ. އެންމެ ގޮނޑިއެއް ފިޔަވައި ހުރިހާ ގޮނޑިއެއް ވެސް މިވަގުތު ފުރުއްވަމުން ގެންދަވަނީ އިދިކޮޅު މެމްބަރުންނެވެ.
މަޖިލީހުގައި 85 މެމްބަރުން މިހާރު ތިއްބަވާއިރު މާލޭގެ 13 ދާއިރާއަކުން މެމްބަރުން ތިއްބަވަ އެވެ. މާލޭގެ ދާއިރާތައް ކަނޑައެޅުމާ ގުޅޭ ގޮތުން ޚިޔާލު ހޯދަން އެ ކޮމިޝަނުން މާލެ ތަމްސީލް ކުރައްވާ ބައެއް މެމްބަރުންނާ އެކު މީގެކުރިން ބައްދަލުވުމެއް ވެސް ވަނީ ބާއްވައިފަ އެވެ.
މަޖިލީސް އިންތިޚާބުގެ އެކި ދާއިރާތަކަށް އެކި މީހުން އަންނަނީ ޝައުގުވެރިކަން ފާޅުކުރަމުންނެވެ. އޭގެތެރޭގައި މަޖިލީހުގައި މިހާރު ތިއްބެވި މެމްބަރުންނާއި މުޅިން އަލަށް ކުރިމަތިލާ މީހުން ވެސް ހިމެނެ އެވެ. ބައެއް މީހުންގެ ކެމްޕޭން ވެސް ފަށާފައިވާއިރު، ޕީޕީއެމާއި އިދިކޮޅު ޕާޓީތަކުން ރަސްމީކޮށް އިންތިޚާބުގެ މަސައްކަތެއް އަދި ނުފަށަ އެވެ.
ރިޔާސީ އިންތިޚާބު ކާމިޔާބު ކުރި ގޮތަށް އިދިކޮޅު ކޯލިޝަންގެ ވިސްނުމަކީ މަޖިލީހުގެ ގިނަ ގޮނޑިތައް އެ ކޯލިޝަނުން ނެގުމެވެ. އެކަމަކު، މަޖިލީހުގެ ދާއިރާތައް ޕާޓީތަކަށް ބަހާނެ ގޮތެއް އަދި ކަނޑައެއް ނާޅަ އެވެ. ޕީޕީއެމުން ވެސް މަޖިލީސް އިންތިޚާބާ ގުޅޭ ގޮތުން އެއްވެސް ވާހަކައެއް އަދި ނުދައްކަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕަޕެޓު
06 November 2018
މޑޕ އަށް ގިނަވާނެހެން ޖެރީމޭންޑަރިންގ ކުރަން ފެށީ ދޯ! ރައްޔިތުން ގުނބޯ ހެދިގެން ތިބޭ.
ބޭކާރު
06 November 2018
ތިހެން ހަދާނަމަ މިފަހަރު އައްޑޫއިން އިތުރު ގޮނޑި ދިނީސް. އެނަގާނެ އެމްޑީޕީއިން.
ޝުކުރިއްޔާ
06 November 2018
އަތޮޅުތެރޭ ހުރިހާ ރައްޔިތުން "މާލޭދަފްތަރު" ގައި ރަޖިސްޓްރީވުމަށް ގޮވާލަން އެއިރުން ހުންނާނީ ބޯހިޔާވަހިކަން ލިބިނިމިފައި. ހުރިހާ ރައްޔިތުން މާލެއަށް ހިޖުރަކުރީމާ ކޮންމެހެން އެއިރުން ރާއްޖެތެރެ ތަރައްޤީ ކުރާކަށް މެމްބަރުން އަދި ކައުންސިލަރުންވެސް ބޭނުމެއްނުވާނެ.
ގިނަ މެންބަރު
06 November 2018
މެންބަރުން ގިނަ ކުރުމަކުން ރައްތުންނަށް ލިބޭނެ މަންފާއަކީ ކޮބާތޯ ބަލަން އެބަޖެހެއެވެ. މަންފާއެއް ނުވެ ގެއްލުންވާ ނަމަ ބޭނުމެއް އޮތް ކަމަކަށް ނުފެނެއެވެ.
ޔާޒު
06 November 2018
ސުވާލަކީ ކީއްކުރާހާ މެމްބަރުންނެއްހޭ؟؟؟؟ މާލެއަށް އެންމެ މެމްބަރެއް ހުރުމެކޭ 100 މެމްބަރުން ތިބުމެކޭ ހުރިތަފާތަކީ ކޮބާހޭ؟؟؟ ހަމަ ރައްޔިތުންގެ ފައިސާ ތަޅާބުރުވަނީ. say NO to majlis
ތަފާތު
06 November 2018
މުސާރަ ކުޑަކޮށްފަ މެމްބަރުން އިތުރުކުރުން އެއީ އަސްލު މައްސަލައެއް ނޫން. ގަންނަ ބަޔަކަށް ގަންނަންވެސް އުނދަގޫވާނެ ހަރަދުކުރަން ޖެހޭ ވަރު ބޮޑުވާވަރަކަށް.
ޚަދީޖާ/ބޯޑަރބަލަހައްޓާއަޅުން
06 November 2018
އަހަރުމެން މަދު އަޅުންކޮޅެއް މިރައްރަށުގައި ކަލޭމެނައް ދިދަނަގައި ދިދަބާލައި ކަލޭމެންގެ ގައުމުގެ ބޯރޑަރބަލަހައް ޓަން ތިއްބައްކަމަކު މާލެ ރަނުންޖަޒީރާކޮށް ކުރިޔައްއޮތް 30 އަހަރުތެރޭގައި މަޖިލީހުގެ ހުރިހާމެމްބަރުންނަކި މާލެ މީހުންކަމައްވާނެ. ރޭގައި ވެސް މާލެ މީހުން ރޯމަސްތަކެއްހެންތެޅެނީ.. އިބޫއަކީ ކިތަންމެހައިވެސް އަޚުލާގު ރަނގަޅު ބޭފުޅެއްކަމައްވިޔަސް އިބޫއަކަށް ނެތް ތިޔަ މީހުންގެ ސަވަބުން ހަމަނޭވާލެވެން. އަހަރުމެން ވޯޓުދިނި ރާއްޖެތެރެ ރައީސަކަށް
Moyameeha
06 November 2018
މިހާރު މަޖިލީހުގައިތިބި ނާޤާބިލު މެމްބަރުން ޤާނޫނު ހަދާ މަޖިލިހުގެ މެމްބަރެއްގެ ހައިސިއްޔަތުން ވޭތުވެދިޔަ 5އަހަރު ރައްޔިތުންނަށް ކޮށްދިން އެއްވެސް ކަމެއްނެތް. މަސައްކަތެއް ނުކޮށް މުސާރަ ޔަޤީންވާ ވަޒީފާއަށް ވަޑައިގެންނެވުމަށް މިހާރު މަޖިލީހުގައި ތިބި މެމްބަރުން ދަނީ ކެމްޕެއިން ކުރަމުން، މިމީހުން މަޖިލިހަށް ހާޒިރުނުވިޔަސް މުސާރަ އެބަލިބޭ، އަހަރުގެ ބޮޑުބައި ޗުއްޓީގަ، ދިވެހިންނޭ ހޭލާތިބެ ތަންދޮރު ނުދަންނަ ޖާހިލުންނަށް ދެން މަޖިލިހުން ޖާގަ ނުދެމާތޯ
މޮޔަ މީހާ
06 November 2018
ދަފްތަރު ދާއިރާ !! ދަފްތަރު ދާއިރާ !! ދަފްތަރު ދާއިރާ !! ދަފްތަރު ދާއިރާ !! ދަފްތަރު ދާއިރާ !! ދަފްތަރު ދާއިރާ !! ދަފްތަރު ދާއިރާ !! ދަފްތަރު ދާއިރާ !! ދަފްތަރު ދާއިރާ !!
އަލިބެއްޔާ
06 November 2018
ހުޅުމާލޭގައި މިހާރު މާލޭގެ އަވަށަކަށްވުރެ މީހުން ގިނަވެއްޖެ. އަދިވެސް ވަކިން ހުޅުމާލެއަށް ގޮނޑިއެއް ނެތީ؟
ނަން
06 November 2018
ހުޅުމާލެ އެއީީ ތަނެއް ނޫން ދޯ އެމީހުންގެ އަޑު އަހާނެ ބަޔަކުނެއް
ނާޝިދާ
06 November 2018
ހުޅުމާލެ؟ ފޮނަމާ މާލެ؟ ވިލިމާލޭ؟ ތިލަފުށި މާލެ // މުޅިގައުމަށް ލިބޭ ހުރިހާ ފައިސާއަށް ތިތަންނަށް ޚަރަދުތިކުރަނީ އަހަރުމެން މީ މިގައުމުގެ ރައްޔަތުންނައް ނުވާތީ ތޯ. ވިލިގިލީގައި ހުރިހާ ޚިޒުމަތެއް މައުމޫނު ދިންއިރު 890 އަހަރުވެއްޖެ އަހަރުމެން މިރައްރަށުގައި ދިރިއުލެތާން. ވިލިގިލި އާބާދުކުރީ އިހައްދުވަހު އެކަމަކު އެހުރީ ހުރިހާ ޚިޒުމަތަކާއި އެކު. އިބޫއަށް އަދޭހާއި އެކު ދަންނަވަން ރާއްޖޭގެ ވެރިކަން ކޮންމެވެސް އެހެންރަށަކައްބަދަލުކުރަން ވޯޓަކަށްދިއުން.
ކަޑަބައި
06 November 2018
މާލޭގައި މިހާރު މަޖްލީހުގެ ގޮޑިއެއް އެންމެ ހައްގު ދާއިރާއަކީ ދަފްތަރު ދާއިރާއެވެ. ނިކަމެތި ރައްޔިތުމީހާގެ ހައްގުގައި މިދާއިރާއަށް ގޮޑިއެއް ކަޑައެޅުން ވަރަށް މުހިއްމެވެ.