މާފަންނު އިހުސާން ފިހާރަ ކައިރީގައި ހުރި ސައިކަލްތަކެއްގައި ރޭ ފަތިހު ރޯކޮށްލާފައި.
21 މާޗް 2019 - 07:12
42 comments
މާލޭގައި ރޭ ފަތިހު ހަ ސައިކަލެއްގައި ރޯކޮށްލައިފި އެވެ.
އެމްއެންޑީއެފުން ބުނީ މާފަންނު އިހުސާން ފިހާރަ ކައިރީގައި ހުރި ސައިކަލްތަކެއްގައި ފަތިހު ހަތަރެއް ޖަހަން އުޅެނިކޮށް ރޯވި އަލިފާން ފަޔާ އެންޑް ރެސްކިއު ސާވިސް އިން ނިއްވާލާފައިވާ ކަމަށެވެ. މި އަލިފާނުގައި އެއްވެސް މީހަކަށް އަނިޔާ ނުވާ ކަމަށް ސިފައިން ބުންޏެވެ.
އެމްއެންޑީއެފުން ބުނީ ހަ ސައިކަލެއް ބޭނުން ނުކުރެވޭ ވަރަށް އަނދާފައިވާ ކަމަށާއި އެހެން ދެ ސައިކަލަކަށް އިތުރު ގެއްލުންތަކެއް ވެފައިވާ ކަމަށެވެ. އަދި ސައިކަލްތަކުގައި ރޯކޮށްލި ސަރަހައްދުގައި ހުރި މ. ސަބުދެލި ގޭގެ ގްރައުންޑް ފްލޯގެ ގަރާޖުގެ ތެރޭގައި އަޅާފައިވާ ހޮޅިތަކެއްގައި ރޯވެ ގެއްލުން ވެފައިވާ ކަމަށް އެމްއެންޑީއެފުން ބުނެ އެވެ.
މާފަންނު އިހުސާން ފިހާރަ ކައިރީގައި ހުރި ސައިކަލްތަކެއްގައި ރޭ ފަތިހު ރޯކޮށްލާފައިއިރު ފުލުހުންނާއި ބައެއް އާންމުން އެ ސަރަހައްދުގައި ހަރަކާތްތެރިވަނީ.
ފުލުހުން ބުނިގޮތުގައި މި މައްސަލަ އަންނަނީ ތަހުގީގު ކުރަމުންނެވެ.
މާލޭގައި ބޮޑެތި އަދަދުތަކުން ފައިސާތައް ފޭރުން ފަދަ ޖަރީމާތައް މިދިޔަ ދެ މަހެއްހާ ދުވަހު ވަނީ ވަރަށް ބޮޑަށް އާންމުވެފަ އެވެ. އިއްޔެ މެންދުރު ވެސް މާލޭގައި ގިނަ އަދަދެއްގެ ފައިސާ ހިފައިގެން ދިޔަ މިފްކޯގެ ވޭނެއް މަގުމަތިން ހުއްޓުވައި، ދެ މިލިއަން ރުފިޔާ ވަނީ ފޭރިގެންފަ އެވެ. މޫނު ނިވާކޮށްގެން ތިބި ބަޔަކު މި ޖަރީމާ ހިންގީ ވޭނުގެ ބިއްލޫރިގަނޑު ތަޅާލުމަށް ފަހު އެވެ. އެކަމަކު، މި މައްސަލައިގައި ބަޔަކު ހައްޔަރުކުރި ކަމަކަށް އަދި ފުލުހުން ނުބުނެ އެވެ.
މި މަހުގެ 10 ވަނަ ދުވަހު ވެސް ސްޓޭޓް ބޭންކް އޮފް އިންޑިއާ (އެސްބީއައި) ކައިރިން ވެސް ހެލްމެޓް އަޅައިގެން ތިބި ބަޔަކު ވަނީ ސައިކަލުތަކެއްގައި ގޮސް، ދެ މިލިއަނަށް ވުރެ ގިނަ ރުފިޔާ އިންޑިއާގެ މީހެއްގެ އަތުން ފޭރިގެންފަ އެވެ. އެ މައްސަލައާ ގުޅިގެން ހަ މީހަކު ހައްޔަރު ކޮށްފައިވާއިރު، ފޭރިގަތް ފައިސާތައް އަދިވެސް ނުފެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލްޖިބްރާ
21 March 2019
އިންސާނުންގެ ދަރަޖަ އިން ޖަނަވާރުންގެ ދަރަޖައަށް ވެއްޓުނީމަ ހުރިހާކަމެއްވެސް ކުރިމަތީވާނެ !
މަސްފެކުޓަރީ
21 March 2019
މީހުންނާ ޒާތީވެގެން އުޅެންޏާ ތިކަހަލަ ކަންތަ އިތުރުވާނެ
ހަބީބާ
21 March 2019
ބިރަކާ ނުލާ މަޖާކޮށްލާ
ބޭބެ
21 March 2019
ކޮބާތަ އަވަންތަކަށް ބަހާލި ފޮލިހުން. މީގެން މީހަކު ލޮލަކަށް ނުފެނެ ހަރަކާތް ތެރިވާތަނެއް.
ކަތީބް
21 March 2019
ފޮލިހުންގެ ޒިންމާ އަދާ ނުކުރެވޭ ކަމީ ހިތާމަ ހުރިކަމެއް. ފޮލިހުން އަބަދުވެސް ފޮނި ވާހަކަ ދައްކާނި އަމަލަކުން ނުފެންނާނ.ެ ރޭގަނޑް ދަން އަތަށް އަޅާލީމަ މީގެން ފޮލިހެން މަގުމަތިން ފެނުނިންޔާ ހަރާންވާނި.
އާރީ
21 March 2019
ތިކަމްގެ ހިތި ސަޒާ ތިކަން ކުރިބަޔަކަށް ދުނިޔޭގަ ތިއްބަ ފެންނާނެ.
މުހައްމަދު25
21 March 2019
މިކަންކުރު ބަޔަކީ ފިނޑި ނާތަހުޒީބީ ބަޔެއް..ކިހާބޮޑު ގެއްލުމެއްތޯ އެދެވުނީ...
ޥިސްނާ
21 March 2019
ސޯލިހު ހިތްތިރި ހެދިފަ ހުންނާނީ، ގައުމުދާނީ އަނދަވަޅަށް، ދެންވެސް އުމަރު ޓެސްޓު ކޮށްލަމާ ހިނގާބަލަ، ގައުމަށް މިހާރު ބޭނުންވަނީ މިކަހަލަ ކަންތަށް ހުއްޓުވޭވަރުގެ ވެރިއެއް، މިހާރު މިހޮވެނީ އެމީހުންދެކެ ބިރުގަންނަމީހުން ނުވަތަ އެމީހުން ކުރިއަރުވާ އެމީހުނާ ނުލާ ނޫޅެވޭ މީހުން
ދޮންބެއްޔާ
21 March 2019
ނޭއްގާނި، ނާތަހުޒީބު، ކަންކަން ފަތުއަޑުކިޔާފައި ކުރިޔަށް މިހިރަދަނީ. ޙައްލު ކުރެވޭނޭ ގޮތެއް މިޤައުމުގެ ޤާނޫނު އަސާސީ ތެރެއިން ހަމަ ފެންނަން ނެތީތޯ؟ ނޫނީ ކަންކަމުގައި ދޫދެވެނީތޯ؟
ޝެއިޚް އަބްދުﷲ
21 March 2019
މީ ސީދާ ރާވައިގެން ރައްޔިތުންގެ ހިތްތަކުގައި ބިރުވެރިކަން އުފައްދަން ހިންގޭ ޖަރީމާ ތަކެއް. އިބްރާހިމް މުޙައްމަދު ޞާލިޙު ތިމަން މަނިކުފާނަކީ މަޑުމައިތިރި ހިތެއްގެ ވެރިއެއް ކަމަށް ހަދައިގެން މަޑުން ނުހުންނެވުމަށް އެދެން. މުޖުތަމައު ސަލާމަތްކޮށް ދެއްވާ!