ރައްޔިތުންގެ މަޖިލިހުގެ ޖަލްސާއެއް ހިނގަމުން ދަނީ. --- ފޮޓޯ: މަޖިލިސް
07 އޮކްޓޯބަރ 2019 - 09:26
12 comments
މޯލްޑިވިއަން ޑިމޮކްރަސީ ނެޓްވޯކް (އެމްޑީއެން) އިން ނެރުނު ރިޕޯޓުގައި އިސްލާމް ދީނަށް ފުރައްސާރަކޮށް ވާހަކަތަކެއް ލިޔުނު މައްސަލައިގައި ރައްޔިތުންގެ މަޖިލިހަށް މިއަދު ކުއްލި މައްސަލައެއް ހުށަހަޅައިފަ އެވެ. އެ މައްސަލަ މަޖިލީހުގެ މިއަދުގެ ޖަލްސާގައި ބަލައިގަނެ، މެމްބަރުންގެ މެދުގައި ވަނީ މިހާރު ބަހުސް ފަށައިފަ އެވެ.
ނޮޅިވަރަމް ދާއިރާގެ އަމިއްލަ މެމްބަރު މުހައްމަދު ނަޝީދު އަބްދުﷲ ހުށަހެޅުއްވި މައްސަލައިގައި ވަނީ އެމްޑީއެން އިން ނެރުނު ރިޕޯޓުގައި މާތް ﷲ ގެ ކުޅަދުންވަންތަކަމާއި އެކަލާނގެ ވަހީ ބަސްފުޅުތަކާއި ކީރިތި ގުރުއާނުން ސާބިތުވެފައިވާ ކަންކަމަށް ސުވާލު އުފައްދާފައިވާ ކަމަށެވެ.
ކީރިތި ރަސޫލާ އަށް އަބުރުފުޅުގެ ޝަހްސިއްޔަތުގެ ގަދަރާއި ކަރާމާތަށް އިހާނެތިކަން އަންނާނެ ފަދަ ވާހަކަތައް އެމްޑީއެންގެ ރިޕޯޓުގައި ހިމަނާފައިވާ ކަމަށް ވެސް ނަޝީދުގެ މައްސަލައިގައިވެ އެވެ.
މީގެ އިތުރުން، ދީނުގެ އަސާސްތަކާއި އަގީދާ އާއި މުސްލިމުން ގަބޫލު ކުރާ ބައެއް ކަންކަމާ މެދު ސުވާލު އުފައްދައި ހަޖޫޖަހާފައިވާ ކަމަށް ވެސް ކުއްލި މައްސަލައިގައި ބުނެފައިވެ އެވެ.
މި މައްސަލަ މަޖިލިހަށް ބަލައިގަނެ، ބަހުސް ފެށީ 55 މެމްބަރުންގެ އިއްތިފާގުންނެވެ.
އެމްޑީއެން އިން ނެރުނު ރިޕޯޓުގައި އިސްލާމް ދީނަށް ފުރައްސާރަކޮށް ވާހަކަތަކެއް ލިޔުނު މައްސަލަ ބަލައި ފުރިހަމަ ތަހުގީގެއް ކުރާނެ ކަމަށް ފުލުހުން ވަނީ ބުނެފަ އެވެ. ފުލުހުން އެގޮތަށް ބުނީ އިސްލާމްދީނާއި ކީރިތި ރަސޫލާ އަށް ފުރައްސާރަކޮށް އެމްޑީއެން އިން ނެރުނު ރިޕޯޓެއްގައި ލިޔެފައިވާ މައްސަލާގައި ސަރުކާރުން ހިމޭނުން އޮތް ކަމަށް ބުނެ ބޮޑެތި ފާޑުކިޔުންތަކެއް އަމާޒުވެފައި ވަނިކޮށެވެ.
"ޕްރިލިމިނަރީ އެސްސެމެންޓް އޮން ރެޑިކަލައިޒެޝަން އިން ދަ މޯލްޑިވްސް"ގެ ނަމުގައި އެމްޑީއެން އިން ނެރުނު ރިޕޯޓުގައި، ރާއްޖޭގެ ތައުލީމީ ނިޒާމުގައި ކިޔަވައިދޭ ފޮތްތަކުގައި ހަރުކަށި ވިސްނުމަށް ބާރުއަޅާ ވާހަކަ ހުރި ކަމަށް ބުނެ، ކީރިތި ގުރުއާނުގެ ނައްސުން އައިސްފައިވާ ބައެެއް ކަންތައްތަކާއި ހަދީސްތަކުގައިވާ ބައެއް ކަންކަން ރިޕޯޓުގައި ފާހަގަކޮށްފައިވެ އެވެ.
ގުރުއާނުުގެ ނައްސުން އައިސްފައިވާ ކަންތައްތަކާ ދެކޮޅަށް ލިޔެފައިވާ އެއް ވާހަކަ އަކީ ރަސޫލާގެ އިސްރާ އާއި މިއުރާޖްގެ ދަތުރުފުޅަކީ ސައިންޓިފިކް ގޮތުން ގަބޫލު ނުކުރެވޭނެ ވާހަަކައެއް ކަމަށް ބުނެފައި ވުމެވެ. ދީނުގެ އަސާސްތަކާއި އަގީދާ އާއި މުސްލިމުން ގަބޫލުކުރާ ބައެއް ކަންކަމާ މެދު ސުވާލު އުފައްދައި ހަޖޫ ޖަހާފައިވެ އެވެ.
އެމްޑީއެންއިން ވަނީ އެ ރިޕޯޓާ ގުޅިގެން މައާފަށް އެދިފަ އެވެ. ނަމަވެސް ފަހުންވެސް އަންނަނީ އެކަމުގެ ދިފާއުގައި ވާހަކަ ދައްކަމުންނެވެ. ރިޕޯޓާ ގުޅިގެން ގިނަ ބައެއްގެ ނުރުހުން އެމްޑީއެން އަށް ވަނީ އަމާޒުވެފަ އެވެ. އަދި އެ ޖަމިއްޔާއާ ދެކޮޅަށް ފިޔަވަޅު އަޅަން އެތައް ބަޔަކު ވަނީ ގޮވާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަލާހު
07 October 2019
މިހާތަނައް ފެނި ތާއަބަދު ކުރަމުންދާ ކަންތަކައް ބާލާފަ ދެއްނެވޭނީ ތީ ދީނައްވުރެ ސިޔާސީ ފިކުރުގަލީ ބިލެކޭ! ބައްލަވާ އިހައްދުވަހު ބަނގުރާ ހުއްޓުވަންލީ ބިލައް ބަހުސްކޮއްލަން ނުކެރުނު! އެކަލާންގެ ކަނއެޅިގެން ހަރާކަމެއްކަން ބަގުރާ ވިކުމަކީ އެނގެން އޮތްއިރު އަދި އެކަން ހުއްޓުވޭނެ ބާރު ފުރިހަޔައް އޮވެ، ނުހުއްޓުވާ އެހެންބަޔަކުރި ނުބައި ކަމަކާ ތެގަތަސް އިލާސްތެރިން ކަމުގަނުބެލެވޭނެ!
ތާމީމް
07 October 2019
ރައްޔިތުންނަށް މިހާރު ފަހުމް ވެއެްޖެބާ އަދިރި ސަރުކާރާކީ ކޮބާކަން. އެމް ޑީ އެންގެ މެއްބަރުންނަކަށް މި ސަރުކާރުން ފިޔަވަޅެއް ނޭޅޭނެ. މާތް ކަލާންގެ ބަޔަކު ފަލީހަތް ކުރައްވާއިރުވެސް މަޖިލިސްގެ މެމްބަރުންވެސް ތިބީ އަދި މާބޮޑު އަދިރި ކަމެއްގެ ތެރޭގައި..
ލަދުކުޑަ
07 October 2019
އޭރު ކީއްވެތޯ ތިބޭފުޅުން އެވާހަކަ ނުދެއްކީ؟ ދީނަށް ފުރައްސާރަ ކުރާ ކުރުން ކުއްވެރި ކުރަން ޖެހެނީ އެމްޑީޕީ ފިޔަވައި އެހެން ރައްޔިތުން ތޯއެވެ؟
ދޮންމީހަ
07 October 2019
އޭރު ކީއްވެތޯ އިދިކޮޅުމީހުން އެއްޗެކޭ ނުދެއްކީ؟ އެއީ ހުއްޖަތެއްތަ؟
އަނދިރި ސަރުކާރު
07 October 2019
ޝަހިންދާ ކުއްވެރި ކުރަން އެމްޑީޕީއަށް ނުކެރެނީ ކީއްވެ ބާއެވެ. ނިވަރުގެ ކަމެއްގާ މައުޝޫއަށް ވާހަކަ ނުދައްކާ އެހެން ވާހަކަ ދައްކަން އެމްޑީޕީގެ ޕޮލިސީ އޮތީ ކިއެއްވެ ބާއެވެ.ޤަބޫލް ކުރެވުނީ "އަޑި ނޭގޭ އަނދިރި ސަރުކާރުގެ" ހިއްވަރުދޭ ކަމެއް ހެނެވެ.
ސިބާ
07 October 2019
މަޖުލިސްއަށް ވަނުމަށްޓަކައި މާރސްޓަރ އޮންނަ ޖެހޭގޮތަށް ހަދަންވީ، ނޫނީ މިކަހަލަ ގަމާރުން ކުރިއަށް އޮތްތާގައި މަޖުލީސްއަށް ހޮވޭނެ
ރާޖާ
07 October 2019
މި މައްސަލަ މި ދަނޑިވަޅުގައި ހައްލު ނުކުރެވިއްޖެނަމަ، އެމް ޑީއެން ފަދަ ބޭރުގެ ފަންޑު ލިބިގެން ހިނގާ މިފަދަ ޖަމާޢަތަތަކުން ދިވެހިރާއްޖޭގައި އަނދިރި ދައުލަތް އުފައްދާނެ ކަމީ ޝައްކެއް އޮތް ކަމެއް. އީސްޓް ޓައިމޫރ އަކީ އޭގެ މިސާލެއް. މިއަދު ރައްޔިތުން ނުކުމެ މިކަން ނުހުއްޓުވައިފި ނަމަ، ދެން އިސްލާމެއްގެ ގޮތުގައި ހުންނަން ބޭނުން ނަމަ ޖެހޭނީ ދިވެހި ފަސްގަނޑޫ ދޫކޮށް ހިޖްރަ ކުރަން. މިއީ ވަރަށް ބިރުވެރި ސިގްނަލެއް. ވާހަކަ ދައްކާފައި ހުއްޓާލުމުން ނުފުދޭ.
ދެރަވަން
07 October 2019
މިވެރިކަމަށް އިޝާރަތް ކޮށް ނަޝީދު ވިދާޅުވި މި އޮތީ ދެވަނަ ފުރުސަތެއް ލިބިފައޭ.. މިފުރުސަތުގެ ބޭނުން ކުރާށޭ. ދަންނަވަންތޯ މިފަހަރު ތި މީހުން ތިކަން ކުރާނެއެވެ.އެކަން ހުއްޓުވޭހާ ބާރެއް ރައްޔިތުންގެކިބާގައެއް ނެތެވެ.މަޖްލީސް އޮތީ ރައްޔިތުން ނަށް އޮޅިގެން އެމީހުނަށް ދެވިފައެވެ.
ގައުމީދޫ
07 October 2019
ވަކި ޕާރޓީއަކަށް ނިސްބަތްވާ މެމްބަރުންތަކެއް މިއަދު މަޖްލިސްގައި މަސައްކަތްކުރަމުން އެގެންދަނީ އެމްޑީއެންގެ ރިޕޯރޓް ގެ ނުރައްކާތެރިކަން ޓްވިސްޓްކޮށް ހުށަހަޅާފައިވާ މައްސަލައިގެ ސަމާލުކަން އެހެން ދިމާއަކަށް އަނބުރާލަން. ތާރީޚޭ، ޕޯރްޗްގީޒުންނޭ އިނގިރޭސިންނޭ ، ޓެރެރިސްޓުންނޭ ކިޔާނެކަމެއް ނެތް. ރިޕޯރޓްގައި އޮތް އެއްޗެއް ކުއްވެރިކުރުމުގެ ބަދަލުގައި ، އެ ރިޕޯރޓްގައި އޮތް އެއްޗަކާއި ދެކޮޅުހަދާ ފަރާތްތަކަށް ބަހުގެ ހަމަލާ ދިނުން ނޫން އެހެންކަމެއް ނުކުރޭ!
ރަދީފުއްދީނުލް އަކްބަރު
07 October 2019
އަނގަތަކެއް ތަޅާފައި ވާކަމެއް ހަރާން.
ފިކުރު
07 October 2019
އިމްރާނާއި ސިދާތާއަށް ވަރަށް ވެދުން. އަދި އިލްޔާސްއާއި އެހެން އިލްމްވެރިނަށްވެސް ދުޢާދެންނެވި ރައީސްގެ ޚަބަރެއްނުވޭ. ދެން މައުމޫނަކީ ހަމަ ނަޝީދުގެ ފިކުރުގެ މީހެއްވިއްޔަ އޭނަގެ ވާހަކަ ދައްކާނެކަމެއްނެތްތާ.
ހަހަހާ
07 October 2019
ރޮޒޭއަށް އޮޅިއްޖެ ދޯ... އެ ރިޕޯރޓް ނެރުނީ މިއަހަރު ފެބްރުއަރީ މަހު. 2016 ގައި ނެރެފައި އޮތީ ރިޕޯރޓްގެ ހުލާސާއެއް. ވަރަށް ވެދުން.