ވިޔަފާރި / ފިއުލް ސަޕްލައިސް މޯލްޑިވްސް

އެފްއެސްއެމް ރީ-ބްރޭންޑްކޮށް، ކުންފުނީގެ ކުލަ ބަދަލުކޮށްފި

ފިއުލް ސަޕްލައި މޯލްޑިވްސްގެ ބައެއް މުވައްޒަފުން، އެ ކުންފުނީގެ އާ ޔުނިފޯމާއެކު ފޮޓޯއަކަށް ހުއްޓިގެން.

ފާތިމަތު ޝަނާ މުހައްމަދު، މިހާރު

19 ޑިސެމްބަރ 2021 - 12:35

10 comments

މޯލްޑިވްސް ފިއުލް ސަޕްލައި މޯލްޑިވްސް (އެފްއެސްއެމް) ރީބްރޭންޑްކޮށްފި އެވެ.

އެފްއެސްއެމްގެ 21 ވަނަ އަހަރީ ދުވަސް ފާހަގަކުރަން ރޭ ބޭއްވި ޖަލްސާގައި، އެ ކުންފުނީގެ ލޯގޯ އާއި ކުރިން ބޭނުންކުރި ކުލަތައް ވެސް ވަނީ ބަދަލުކޮށްފަ އެވެ.

އެފްއެސްއެމުން ކުރިން ބޭނުންކުރި ނޫ، ފެހި، ރަތް ކުލައިގެ ބަދަލުގައި މިހާރު އެ ކުންފުނީގެ ކުލައަކީ އޮރެންޖާއި ނޫ ކުލަ އެވެ. އޮރެންޖު ކުލައިން ރަމްޒު ކޮށްދެނީ ތެޔޮ ކަމަށް ވާއިރު، ނޫ ކުލަ ނިސްބަތް ކޮށްފައި ވަނީ ރާއްޖޭގެ ކަނޑަށެވެ. ޕަބްލިސިޓީ ބިއުރޯ އިން ޑިޒައިން ކޮށްދިން ލޯގޯގައި ހިމެނޭ ރޮނގުތަކުން ދައްކުވައި ދެނީ އެފްއެސްއެމްގެ މުވައްޒަފުން ތެޔޮ އުފުލުމުގައި ކުރާ މަސައްކަތެވެ. ލޯގޯގެ މެދުގައި އިންނަނީ ތެޔޮ ތިއްކެކެވެ.

އެ ކުންފުނީގެ މެނޭޖިން ޑިރެކްޓަރު މުހައްމަދު ގަސަމް ވިދާޅުވީ، ލޯގޯ އާއި ކުލަ އަށް ބަދަލު ގެނައީ މިހާރަށް ވުރެ ރަނގަޅަށް އެފްއެސްއެމްގެ މަސައްކަތްތައް ފުޅާކުރުމުގެ ބޭނުމުގައި ކަމަށެވެ. އޭނާ ވިދާޅުވީ، ތެލުގެ ވިޔަފާރީގައި ވާދަވެރި މާހައުލެއް އޮންނަ އިރު، ކުންފުނި ރީ-ބްރޭންޑް ކޮށްގެން އެފްއެސްއެމަށް ފައިދާ ތަކެއް ހޯދޭނެ ކަމަށެވެ.

"މިއީ ކުރީގެ އެފްއެސްއެމްގެ ވެރިން ވެސް ކުރަން އުޅުނު ކަމެއް. މިކަން ކުރަން ގާތްގަނޑަކަށް އަށް މަސް މި ހޭދަވީ. އަޅުގަނޑު ގަބޫލު ކުރަނީ ކުންފުނި ރީބްރޭންޑް ކޮށްގެން ކުންފުނި އިތުރަށް ކުރިއަށް ގެންދެވޭނެ ކަމަށް،" ގަސަމް ވިދާޅުވި އެވެ.

އެފްއެސްއެމްގައި ތެޔޮ އުފުލުމަށް 18 ބާޖައި ފަސް ތެޔޮ ޓޭންކަރު އެބައޮތެވެ. ކުރިމަގުގައި ވެސް ތެޔޮ އުފުލާ ފްލީޓް ބޮޑު ކުރާނެ ކަމަށް ގަސަމް ވިދާޅުވި އެވެ.

ތެޔޮ ފިއުލް ސަޕްލައިސް މޯލްޑިވްސް މުހައްމަދު ގަސަމް، (އެމްޑީ، އެފްއެސްއެމް)

10 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޞަވޭ

22 December 2021

މިހާރު ހީވަނީ އިންޑިޔަން އޮއިލް ކޮންޕެނީގެ ޝެޑުތަކެއްހެން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންނިޖެޓީ

21 December 2021

ތިޔަ ކުންފުނި ރިބުރޭންޑްކުރުމަށްވުރެ މާަރަގަޅުވާނެ ޝެޑްތަކުގަ ހުންނަ ޕަމްޕުތަކުގަ ޚިދުމަތްދޭނެ މުވައްޒަފުން ހަމަކުރިޔަސް، ކޮންމެ ޝެޑެއްގަ 6ޕަމްޕު ނުވަތަ 8ޕަމްޕު ހުންނައިރު ޚިދުމަތް ލިބެނީ 2 ނުވަތަ 4ޕަމްޕުން މީދެން ބޮޑުވަރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

19 December 2021

ކުންފުނިން ތެޔޮއުފުލާ ފްލީޓް ބޮޑުކުރުމުގެ ބަދަލުގައި ހަނިމާދުއާއި ލާމް އަދި ހުވަދޫ ވިލިގިލި ނުވަތަ ވާދޫ އަދި އައްޑޫސިޓީ ފަދަ ބިންބޮޑު ރަށްރަށުގައި ޑީސަލާއި ޕެޓްރޯލު ރައްކާކުރާގެ ޓޭންކް ހަދައި މުޅިރާއްޖެއަށް 3 މަސްދުވަހު ބޭނުން ކުރާނެ ތެޔޮ ރައްކާކުރެވޭނެ ގޮތް ހަދާންވީ ނޫންތޯ. # އަދި ބޭރުގެ ބަޔަކާއި ގުޅިގެން ނަމަވެސް ހަނިމާދުއާއި ގޭންއެއަރޕޯޓް ފިއުލް ފާމް ބޮޑުކޮށް ރަނގަޅު ރިޒާވެއް ބަހައްޓައި އަގުހެޔޮކޮށް ފިއުލް ވިއްކޭނެ މަގެއް ހޯދަންވީ ނޫންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޮޗްޑޯގް

19 December 2021

ރިބްރޭންޑިން ޖަރީމާ.. މިކަމަށް ކުރާ ހަރަދާއި މި ފައިސާ ދާ ތަނެއް ބަލަން ޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯލް

19 December 2021

މިކަންވެއްޖެ ޕްރައިވެޓައިޒޭޝަން ބޯޑުން ބަލަން. ރީބްރޭންޑް ކުރުމުގެ ނަމުގައި ބޮޑު އިސްރާފެއް ކުރެވިގެން ނުވާނެ. ރީބްރޭންޑް ކޮށްގެން ކޮންޕީޓް ކުރާ މަރކަޓެއް ނޫން އެފްއެސްއެމް އިން ވިޔަފާރި ކުރަނީކީ. ތިޔަ ރިބްރޭންޑެއް ނުކުރިއަސް ޚިދުމަތް ރަގަޅުކޮށް އެތެރޭގެ ހިންގުން ހަރުދަނާ ކުރީމަވީ. ކޮންމެ ބަޔަކުވެސް އިދިކޮޅުގައި ތިބޭއިރު ރައްޔިތުންގެ ފައިސާއޭ ވަރަށް ކިޔާނެ. އެކަމަކު ބާރުތައް ލިބުނީމަ މި ފެންނަނީ ހަމަ އެއްވެސް ނެލުމެއް ނެތި އިސްރާފުކުރާތަން.