ޓެސްޓް ޕޭޕަރެއްގައިި ކަރީނާގެ ދޮށީ ދަރިފުޅުގެ ނަން ލިޔަން ޖެހުމުން މައްސަލައަކަށް!

އަހުމަދު އަދްޝަން، މިހާރު

26 ޑިސެމްބަރ 2021 - 05:55

އިންޑިއާގެ މަދިޔަ ޕްރަދޭޝް ސްޓޭޓްގެ ސްކޫލެއްގެ ގްރޭޑް 6 ގެ ޓެސްޓް ޕޭޕަރެއްގައި، ބޮލީވުޑްގެ ތަރިން ކަމަށްވާ ކަރީނާ ކަޕޫރާއި ސައިފް އަލީ ޚާންގެ ދޮށީ ދަރިފުޅުގެ ނަމާ ބެހޭގޮތުން ސުވާލު ކުރުމުން ބެލެނިވެރިން އެ މައްސަލަ ޖެއްސުމުން އެކަން ބަލަން ފަށައިފި އެވެ.

ސޯޝަލް މީޑިއާގައި ވެސް ދައުރުވެފައިވާ ޓެސްޓް ޕޭޕަރުގައި އެ ސުވާލު ހިމަނާފައި އޮތީ ސެކްޝަން ބީ (ކަރަންޓް އެފެއާޒް) ގަ އެވެ. ފަސް ސުވާލު ހިމަނާފައިވާ ބައިގައި ދެވަނަ ސުވާލުގައި ބުނެފައި އޮތީ "ރައިޓް ދަ ފުލް ނޭމް އޮފް ދަ ސަން އޮފް ކަރީނާ ކަޕޫރް ޚާން އެންޑް ސައިފް އަލީ ޚާން" އެވެ.

މި ސުވާލު ޓެސްޓް ޕޭޕަރުގައި ހިމެނީ މަދިއަ ޕްރަދޭޝްގެ ކަންދުވާ ސިޓީގެ ސްކޫލަކުންނެވެ. ދަރިވަރުންނަށް އެނގުން ލާޒިމު ނޫން "ތާކުންތާކު ނުޖެހޭ" ސުވާލެއް ޕޭޕަރުގައި ހިމެނުމުން މިކަމާ ބެލެނިވެރިން ވަރަށް ބޮޑަށް ރުޅިގަދަވެ، މަދިއަ ޕްރަދޭޝްގެ އެޑިއުކޭޝަން ޑިޕާޓްމަންޓަށް މައްސަލަ ހުށަހެޅި އެވެ. މިކަމާ ބެހޭ ގޮތުން ކަންޑްވާ ޑިސްޓްރިކްޓް އެޑިއުކޭޝަން އޮފިސަރު ސަންޖީވް ބަލެރާއޯ ވިދާޅުވީ ޓެސްޓް ޕޭޕަރުގެ މައްސަލަ ސަމާލު ކަމަށް އައުމުން އެކަން ހިނގައި ދިޔަ ގޮތް ސާފުކުރަމުން އަންނަ ކަމަށް ވިދާޅުވި އެވެ.

"މިކަމާ ގުޅިގެން މިހާރު ސްކޫލަށް ވާނީ ޕޭޕަރުގައި ހިމަނަން އެކަށީގެން ނުވާ ޒާތުގެ ސުވާލެއް ހިމެނުނީ ކިހިނެއްތޯ ސާފުކޮށް ދޭން ނޯޓިސް ވެސް ފޮނުވާފައި." ސަންޖީވް ވިދާޅުވި އެވެ.

A private school in Khandwa asked the name of film actor Kareena Kapoor Khan and Saif Ali Khan's son in the examination paper of class 6th. The DEO said a show cause notice will be issued to the school @ndtv @ndtvindia @GargiRawat @manishndtv pic.twitter.com/YkERwGYeMB
— Anurag Dwary (@Anurag_Dwary) December 24, 2021

އޭނާ ވިދާޅުވި ގޮތުގައި މިކަން ރަނގަޅަށް ބަލައި ސްކޫލަށް އަޅަން ޖެހޭ ފިޔަވަޅެއް އޮތް ނަމަ އަޅާނެ އެވެ.

ކަރީނާ އާއި ސައިފުގެ ދޮށީ ދަރިފުޅަކީ މި މަހުގެ 20 ގައި 5 އަހަރު ފުރުނު ތައިމޫރު އަލީ ޚާން ޕަޑޯޓީ އެވެ. ތައިމޫރަކީ އުފަންވީއްސުރެ އިންޑިއާގެ ސެލެބްރިޓީންހާ މަޝްހޫރު ކުއްޖެކެވެ. ކަރީނާ އާއި ސައިފު ދެވަނަ ދަރިފުޅަކީ މިހާރު 7 މަހުގެ ޖަހާންގީރެވެ.

ސްކޫލެއްގެ ޓެސްޓް ޕޭޕަރެއްގައި ފިލްމީ ތަރިންތަކެއްގެ ދަރިފުޅުގެ ނަން ލިޔަން ޖެއްސި އިރު، އިންޑިއާގެ ބައެއް ޓެކްސްޓް ފޮތްތަކުގައި އެ ގައުމުގެ މަޝްހޫރު ފިލްމީ ތަރިންގެ ވާހަކަ ހިމެނުމަކީ އާންމު ކަމެކެވެ. އެގޮތުން ޕްރިޔަންކާ ޗޯޕްރާ އާއި ވިވެކް އޮބެރޯއީ އާއި އަބީޝެކް ބައްޗަނާއި ރިތިކް ރޯޝަން އަދި މިދިޔަ އަހަރު މަރުވި ސުޝާންތު ސިންގް ރާޖްޕޫތު ފަދަ ތަރިންގެ ވާހަކަތައް އެ މީހުންގެ ކާމިޔާބީތަކާ ގުޅުވައިގެން ހިމަނާފައިވެ އެވެ.

ބޮލީވުޑް އިންޑިއާ ތައުލީމް ސްކޫލް އިމްތިހާނު ކިޔަވާކުދިން ކަރީނާ ކަޕޫރު ސައިފް އަލީ ޚާން ސެލެބްރިޓީން

3 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަފްރާސިޔާބު

26 December 2021

އެޕޭޕަރުގައި އޮތީ ހަމައެކަނި އެނަމެއްލިޔާކަށްނޫން ދޯ؟ޑިކްޓޭޓަރެއް ކަމުގައި އެމެރިކާ ބުނާ އަދި އިންޑިއާ ގަބޫލުކުރާ ނޯތުކޮރެއާގެ ރައީސްގެ ނަންވެސް ލިޔަން އޮތް. އާންމު މައުލޫމާތު އެހުރީ މިޒަމާނަށް ފައްތާފައި. އެމީހުންގެ ތެރޭގައި އެބަޔަކު މަޝްހޫރުވީމާ އެމަޢުލޫމާތު. ދެން ކީއްވެތޯ އިންޑިއާގެ ޕައިލެޓްގެ ވާހަކަ އޭގައި އޮތީމާ މައްސަލަ ނުޖެއްސީ. ހަމަ މުސްލިމުންނަށް އޮންނަ ހަސަދަވެރިކަން ނޫން އެހެންކަމެއްނެތް.