ގެވެށި އަނިޔާ ހުއްޓުވުމުގެ ގައުމީ ސިޔާސަތު އެކުލަވައިލުމަށް އާންމުންގެ ހިޔާލު ހޯދަނީ

މާލޭގައި ބަޔަކު މަގުމަތީގައި ހިނގާފައި ދަނީ: ގެވެށި އަނިޔާ ހުއްޓުވުމުގެ ތިންވަނަ ގައުމީ ސިޔާސަތު އެކުލަވާލުމަށް އާންމުންގެ ހިޔާލު ހޯދަން ވަނީ ހުޅުވާލާފައި -- ފޮޓޯ: ފަޔާޒް މޫސާ | މިހާރު

އިފްރާޒް އަލީ، މިހާރު

10 އޮކްޓޯބަރ 2022 - 12:19

2 comments

ގެވެށި އަނިޔާ ހުއްޓުވުމުގެ ތިންވަނަ ގައުމީ ސިޔާސަތު އެކުލަވައިލުމަށް އާންމުންގެ ހިޔާލު ހޯދަން ފެމެލީ ޕްރޮޓެކްޝަން އޮތޯރިޓީން (އެފްޕީއޭ) އިން ހުޅުވާލައިފި އެވެ.

ގެވެށި އަނިޔާ ހުއްޓުވުމުގެ ގާނޫނުގެ ދަށުން، ގެވެށި އަނިޔާގެ އަމަލުތައް ހުއްޓުވުމަށް އެކުލަވައިލަން ޖެހޭ ގައުމީ ސިޔާސަތުތައް ކަނޑައަޅައި، ތަންފީޒު ކުރުމަކީ އެ އިދާރާގެ މަސްއޫލިއްޔަތެކެވެ.

އެފްޕީއޭ އިން މިދިޔަ ހަފުތާގައި ނެރުނު ނޫސްބަޔާނެއްގައި ބުނީ 2017-2021 އަށް އެކުލަވައިލި ގެވެށި އަނިޔާ ހުއްޓުވުމުގެ ގައުމީ ސިޔާސަތުގެ ތަންފީޒީ މުއްދަތު މިހާރު ހަމަވެފައިވާ ކަމަށެވެ. އެހެންވެ، 2023-2027 އަށް އެކުލަވައިލަން ޖެހޭ ގެވެށި އަނިޔާ ހުއްޓުވުމުގެ ތިންވަނަ ގައުމީ ސިޔާސަތުގެ މަސައްކަތް ލޯކަލް ކޮންސަލްޓަންޓެއްގެ އެހީއާ އެކު ފަށާފައިވާ ކަމަށް ބުންޏެވެ.

އެ މަސައްކަތަށް ބޭނުންވާ މައުލޫމާތުތައް ހޯދުމަށް ގުޅުން ހުރި އެކި މުއައްސަސާތަކާއި އަމިއްލަ ޖަމިއްޔާތަކާ އެކު ކޮންސަލްޓޭޝަން ބައްދަލުވުންތަކެއް މިހާރު ކުރިއަށް ގެންދާ ކަމަށް އެފްޕީއޭ އިން ބުނެ އެވެ.

Registration open until 12th October 2022 00:00 hrs.

To register: https://t.co/FG7WGwBYzQ

For more info: https://t.co/kyf850oUCj
2/2 pic.twitter.com/MVyuXdfOIR
— Family Protection Authority (@FPAMaldives) October 6, 2022

"މިފަދަ މަސައްކަތެއް އެންމެ ފުރިހަމަ އަށް ކުރެވިގެން ދެވޭނީ ގެވެށި އަނިޔާތައް ތަޖުރިބާ ކޮށްފައިވާ ފަރާތްތަކާއި އާންމުންގެ ހިޔާލު ވެސް ހޯދައިގެން ކަމުގައި މި އޮތޯރިޓީން ދެކެމެވެ،" އެ ބަޔާނުގައިވެ އެވެ.

އެ ސިޔާސަތު އެކުލަވައިލުމަށް އާންމުންގެ ހިޔާލާއި މަޝްވަރާ ހިއްސާކުރުމުގެ ފުރުސަތު ދިނުމުގެ ގޮތުން އަންނަ ބުރާސްފަތި ދުވަހުގެ ރޭ 9 ޖަހާއިރު ހާއްސަ ވެބިނާއެއް ބާއްވަން ވަނީ ނިންމައިފަ އެވެ.

އެ ވެބިނާގައި ބައިވެރިވާން ބޭނުންވާ އުމުރުން 18 އަހަރުން މަތީގެ މީހުން އަންނަ ބުދަ ދުވަހުގެ ކުރިން އޮންލައިންކޮށް ރަޖިސްޓަރީ ވުމަށް އެފްޕީއޭ އިން އެދެ އެވެ.

ގެވެށި އަނިޔާ ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީ

2 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގެވެށިއަނިޔާ އަދި އަލްފާމޭންވުން

10 October 2022

އެއީ ފިރިހެންވަންތަކަން. -ދިވެހި ފިރިހެނުން- އަންހެނުންގެވެސް ފިތުނަ ބޮޑީ ތިތާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޯރުނުދޯރު

10 October 2022

ގެވެށި އަނިޔާއަކީ ހަމައެކަނި ފިރިހެނުން އަންހެނުންނަށް ކުރާ އަނިޔާކަމަށް ބެލެވިފަ މިއޮންނަނީ. އޭގެ ނަތީޖާއަކީ މައްސަލައިގެ އަސްލު މަންޒަރު ނުފެނުން. މުޖުތަމައުގަ އޮންނަންޖެހޭ ދީނީ އަދި އަޚްލާގީ ހަމަތަކެއް ނެތް. މުޖުތަމައު ހޭލުންތެރި ކުރުވުމުގެ ޒިންމާ އަދާކުރަންޖެހޭ ފަރާތްތަކަށް ވެސް ޒިންމާއެއް އަދައެއް ނުކުރެވޭ.