ސްކޯ ދިމާކޮށްގެން މޮޅުވުމުން ކިންގްސްޓަން އިން 160،000ރ. ގެ ސައިކަލް ދީފި

ވޯލްޑްކަޕަށް "މިހާރު" އިން ކުރިއަށް ގެންދިޔަ ސްކޯ ޕްރިޑިކްޓާ ޕްލެޓްފޯމްގެ ކިންގްސްޓަން ގްރޫޕުގެ ޓޮޕް ސްކޯރާ ހޮވައިފި އެވެ.

އެ ގްރޫޕުގެ އެއް ވަނަ އަށް ދެ ބައިވެރިން ދިޔަ އެވެ. އޭގެ ތެރެއިން އެއް ވަނަ ހޮވީ އެ ދެ ބައިވެރިންގެ މެދުގައި ގުރު ނަގައިގެންނެވެ. ގުރުއަތުން ހޮވުނީ އައިހަމް އިބްރާހިމް ރަޝީދެވެ. އޭނާއަށް ލިބޭ އިނާމު ކަމަށްވާ ޖީޕީއެކްސް ޑީމަން 150 ސައިކަލް ކިންގްސްޓަން އިން ވަނީ ހަވާލުކޮށްފަ އެވެ.

ކިންގްސްޓަންއިން ހުށަހެޅި އެ ސައިކަލަކީ 160،000ރ. ގެ ސައިކަލެކެވެ.

ކިންގްސްޓަންގެ އިތުރުން "މިހާރު" ސްކޯ ޕްރިޑިކްޓާގައި ބައިވެރިވި ގިނަ ކުންފުނިތަކުން އެކި ވަނަތައް ހޮވައި އިނާމު ވަނީ ހަވާލުކޮށްފަ އެވެ.

"މިހާރު" ސްކޯ ޕްރިޑިކްޓާ އަކީ ސްކޯ ދިމާ ކުރުމަށް އެކި ކުންފުނިތަކުން ހަދާފައިވާ ގްރޫޕުތަކެއް ހިމެނައިގެން ކުރިއަށް ގެންދިޔަ ޕްލެޓްފޯމެކެވެ. ގްރޫޕުތަކުގައި ކޮންމެ ކުންފުންޏަކުން ވެސް ވަކި އިނާމުތަކެއް ވަނީ ހުށަހަޅާފަ އެވެ.

"މިހާރު"ގެ ސްކޯ ޕްރިޑިކްޓާއަށް ކިޔުންތެރިންގެ ހޫނު ތަރުހީބެއް ލިބުނެވެ.