މިދިޔަ އަހަރުގެ ބައިބަލާ ޗެލެންޖްގެ ފައިނަލް މެޗުގެ ތެރެއިން.-- ފޮޓޯ: ބައިބަލާ އެސޯސިއޭޝަން
22 އެޕްރީލް 2023 - 15:06
14 comments
މިއަހަރުގެ ފިތުރު އީދުގެ މުނާސަބަތުގައި ބާއްވާ ބާއްވާ އެމްޓީސީސީ އީދު ބައިބަލާ ޗެލެންޖް 1444 މުބާރާތް، 34 ޓީމާ އެކު ހުޅުމާލޭގައި ބާއްވަން ބައިބަލާ އެސޯސިއޭޝަނުން ތައްޔާރު ވެއްޖެ އެވެ.
މިއީ ހުޅުމާލޭގައި ބައިބަލާ މުބާރާތް ބާއްވާ ފުރަތަމަ ފަހަރެވެ. މީގެ ކުރިން ކޮންމެ ބޭއްވި 25 މުބާރާތް ވެސް ބާއްވައިފައި ވަނީ މާލޭގަ އެވެ. ހުޅުމާލޭގައި މުބާރާތް ބާއްވަނީ ރާއްޖޭގެ އާބަން ޑިވެލޮޕްމަންޓް ކޯޕަރޭޝަން (އާބަންކޯ)ގެ އެހީތެރިކަމާ އެކު އެވެ.
އާއްމު އުސޫލެއްގެ ގޮތުން ބައިވެރިވާ ޓީމުތަކުން ވަނީ މިއަހަރުގެ މުބާރާތަށް ވެސް ފާއިތުވި ރޯދަ މަހު ފޯރީގައި ފަރިތަކުރުންތައް ބާއްވައިފަ އެވެ. ނޮކައުޓް އުސޫލުން ކުރިއަށް ގެންދާ މި މުބާރާތް ފެށުމަށް ހަމަޖެހިފައި ވަނީ މިރޭ އެވެ. އަދި ފައިނަލް މެޗުތައް މި މަހުގެ 28 ވަނަ ދުވަހުގެ ރޭ ބާއްވާނެ ކަމަށް އެސޯސިއޭޝަނުން މައުލޫމާތު ދެއެވެ.
ނޮކައުޓް އުސޫލުން ކުރިއަށް ގެންދާ ބައިބަލާ މުބާރާތުގެ މެޗުތައް ރޭވިފައި ވާގޮތް.
ބައިބަލާގެ ރަސްގެފާނުގެ ގޮތުގައި މަޝްހޫރު ބީޖީ ސްޕޯޓްސް ކްލަބް އަހަރުތަކަކަށް ފަހު މިދިޔަ އަހަރުގެ މުބާރާތުން ފެނުނު ނަމަވެސް މި އަހަރުގެ މުބާރާތުގައި އެ ޓީމުން ބައިވެރި ވެފައެއް ނުވެ އެވެ. ބީޖީ ސްޕޯޓްސް ކްލަބަކީ ރެކޯޑް 10 ފަހަރު މުބާރާޓް ކާމިޔާބު ކޮށްފައިވާ ޓީމެކެވެ. އެކަމަކު އެ ކްލަބަށް ނިސްބަތްވާ ދެ ޓީމު ކަމަށްވާ ބީޖީ ނެކްސްޓް ޖެނެރޭޝަނާއި ބީޖީ ނިއު ޖެނެރޭޝަން ވަނީ މުބާރާތުގައި ބައިވެރި ކޮށްފަ އެވެ.
މިދިޔަ އަހަރުގެ މުބާރާތް ކާމިޔާބު ކޮށްގެން މުޅިން އަލަށް ބައިބަލާ މުބާރާތް ކާމިޔާބު ކުރި ކްލަބް އޯވަންއޯ މި އަހަރު ވެސް ބައިވެރި ވެއެވެ. އޯވަންއޯ ވަނީ މިދިޔަ އަހަރުގެ ކުއާޓާ ފައިނަލުން ބީޖީ ސްޕޯޓްސް ކްލަބް ބަލިކޮށްފަ އެވެ. ފުރަތަމަ މެޗުގައި އޯވަންއޯ ނުކުންނަން ޖެހޭނީ ލޮރެންޒޯ ޕާކާ ދެކޮޅަށެވެ.
އޯވަންއޯ އާ ދެކޮޅަށް މިދިޔަ އަހަރުގެ ފައިނަލް ކުޅުނު ކްލަބް ޓީނޭޖުން ފުރަތަމަ މެޗުގައި ވާދަ ކުރަން ޖެހޭނީ އެ ކްލަބަށް ނިސްބަތްވާ ޓީނޭޖް ޖޫނިއާސް އާ ދެކޮޅަށެވެ. ޓީނޭޖުން ވަނީ ޓީނޭޖް ވެޓެރަންސް ނަމުގައި ވެސް ޓީމެއް ބައިވެރި ކޮށްފަ އެވެ.
މީގެ އިތުރުން ކްލަބް ކާސިންޖީ (ސީކޭ) އާއި ލޮރެންޒޯ ސްޕޯޓްސް ވެސް ވަނީ މިއަހަރުގެ މުބާރާތަށް ވަރުގަދަ ސްކޮޑެއް އެކުލަވާލައިފަ އެވެ. ސީކޭ ފުރަތަމަ މެޗުގައި ކުޑަހެންވޭރު ޔުނައިޓެޑާ ބައްދަލުކުރާ އިރު ލޮރެންޒޯ ސްޕޯޓްސް ނުކުންނާނީ ހުޅުމާލެ ޔުނައިޓެޑާ ދެކޮޅަށެވެ.
މިއަހަރުގެ ބައިބަލާ މުބާރާތުގެ ފުރަތަމަ ރޭގެ މެޗު ޝެޑިއުލް.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަރުތަ
23 April 2023
މިހާރު މިކުޅޭ "ބައިބަލާ" މީ ދިވެހި އުފެއްދުމެއްބާ! ނޫނީ ދުނިޔޭގެ ކޮންމެވެސް އެހެން ގައުމެއް ނޫނީ ޤައުމުތަކެއްގަ ކުޅޭ ކުޅިވަރެއް، މޮޑިފައިކޮށްގެން ދިވެހިން ކުޅޭ ކުޅިވަރަކީބާ! ފޮޓޯގަ މިފެންނަ ޒާތަށް ހެދުން އަޅައިގެން މަޑުފަސްގަނޑެއްގަ މިކުޅިވަރު ކުޅެނީ ދުނިޔޭގެ ކޮން ޤައުމެއްގަބާ! ކޮންމެއަކަސް ދިވެހިންގެ އަމިއްލަ އުފެއްދުމެއް ކަމަށް ވިއްޔާ ވަރަށް މޮޅު..........
ޜަޕީގު
23 April 2023
ބައިބަލާ މިކުޅިގަނޑު ހުއްޓާލަންވެއްޖެ. ހުސް ގޭންގުތައްމީ. ދެން މިތާގަ ތަޅައިގަނެފަ އަނެއްދުވަހި ވަޅިޖަހަންވީ.
ވިކިލީކްސް
23 April 2023
މެޗު ކުޅޭ ކުޅުންތެރިންނާ ޓީމުތަކުގެ އޮފިޝަލުންގެ ޔޫރިން ޓެސްޓުކޮށްފިނަމަ ޔަގީން ކަށަވަރު ގިނަމީހުނަށއ މީހުންނަށް ޖިނާއީ ދައުވާ ކުރެވޭނެކަން. ކުށަކަށް އަރައިފިކަން އެނގިހުރެ އެކަން ސިއްރުކުރުމަކީވެސް ކުށެއް. ތިގާނޫނު އަސާސީއަކީ ކުޅޭކުޅޭއެއްޗަކަށްވެ ނިމިއްޖެ!
ކަހެރުވައް
22 April 2023
ހޫނ. މިއުޅޭ ގައްޑާވެގެން އުޅޭ ގޭންގުތަކުގެ ގައްޑާކަން ދައްކާލަން ކުރާކަމެއްދޯ ތިއީ.؟ މުބާރާތް ނުނިމެނީސް މުބާރާތުގެ ކުޅުންތެރިންނާ ރެފްރީންގެ ފަހަތުން ރަށުތެރޭގަ ދުވެ ތަޅާފޮޅާ މާރާމާރީތައް ހިންގާތަން ފެންނާނެ. މިނޫންގޮތަކަށް ތިކަން ނުދާނެ..
ޖުކި
22 April 2023
ރަޖިސްޓަ ކޮަށްގެން މިފަދަ ގްރޫޕްތައް ހިންގޭނީ ކޮންކަހަލަ ގައުމެއްގަ ބާއޭ ހިތައް އަރާ. މަ ބޭނުން ޕޮލިސް ކޮމިޝަނަ އެވިދާޅުވާ ލިސްޓާ މި ބައިބަލާގަ ބައިވެރިވި ޓީމު ތަކުގެ ނަންތަކާ ދިމާވޭތޯ ބަލަން. އެކަމު ވެސް މިއީދެން އެންމެންގެ ކަރަޕްޝަނެއްތާ ފުޓްސެލް ދަނޑުދީގެން. ޔާމީނު އަޔަސް، އަންނި އަޔަސް އިބޫއަޔަސް. ފެޑް އަޕް އޮފް ދިސް ކަންޓްރީ
ގޭންގު ބުރޯ
22 April 2023
މީގަ ގިނައީ މާލޭގެ ޣޭންގުތައް. ގޭންގުތަކުގެ ނަމުގައި ކީއްވެތަ ބައިވެރިވެވެނީ
ކަކުނިބޯ
22 April 2023
ކަލޯގަޔާ މިފަހަރު ކިތައް ފައިޓު ފަށާނެބާ
ރަދީފްއޮފިޝަލް
22 April 2023
ވިއެނާ ޓައުން.ލޮލް
ޙާއްޕެ
22 April 2023
މަގޭ ޓީމާ ނުބެހެއްޗޭ!!!
ޙަނަަ
22 April 2023
ބައިބަލާ ވީމަ ހުރިހާ ކުންފުނިތަކުން ސްޕޮންސަރ ދެވޭ، އާޒިމް ބުނީ މިޔޯ ކުޅެނޖެހޭ ކުޅިވަރަކީ؟ މި ބައިބަލާ ކުޅިވަރަކަން ބަލަނީ ކޮނބައެތޯ؟
ހާއިބްރީ
22 April 2023
އަކަ ކިލޯމީޓަރެއް ހަމަ ނުވާތަނެއްގަ ހިސާބު ގަނޑު ހަދައިގެން އުޅޭ މީހުން ރުއްސަން ބާއްވައިދޭ ކުޅިވަރަކަށް ނުވާ ކަހަލަ މުބާރާތެއް. ދެން ފުލުހުންގެ ހުރިހާ ވަސީލަތެއް ތިމުބާރާތަށް ހުސްކޮށްގެންތިބޭ.