އެމްޑީޕީގެ އިސް ބޭފުޅުންނާ، ކުރީގެ ރައީސް މުހައްމަދު ނަޝީދު ލަންކާގައި މިއަދު ބައްދަލުކުރައްވަނީ.-- ފޮޓޯ: އެމްޑީޕީ
30 ޖެނުއަރީ 2017 - 19:48
16 comments
ކުރީގެ ރައީސް މުހައްމަދު ނަޝީދު އެމްޑީޕީގެ އިސް ބޭފުޅުންނާ ސްރީ ލަންކާގައި މިއަދު ބައްދަލުކުރައްވައިފި އެވެ.
އޭގެ ތެރޭގައި އެމްޑީޕީގެ ޕާލަމެންޓްރީ ގްރޫޕާއި ގައުމީ މަޖިލީހުގެ ބޭފުޅުން ހިމެނިވަޑައިގަންނަވަ އެވެ.
އެމްޑީޕީން ބުނީ ރައީސް ނަޝީދު މަޝްވަރާ ކުރެއްވީ ސިޔާސީ މަޝްރަހުގައި ހުރި މުހިއްމު ކަންކަމާ ގުޅޭގޮތުން ކަމަށެވެ. ތަފްސީލް ނުދީ އެ ޕާޓީން ބުނީ، އެ ބައްދަލުވުމާ ގުޅޭ ކަންކަން އާއްމުކުރާނީ އެމްޑީޕީއާ އެކު ކޯލިޝަން ހަދާފައިވާ ޕާޓީތަކާ ހިއްސާކުރުމަށް ފަހު ކަމަށެވެ.
އިނގިރޭސިވިލާތުގެ ހިމާޔަތް ހޯއްދަވައިގެން އެ ގައުމުގައި ދިރިއުޅުއްވާ ނަޝީދާ އެކު އެމްޑީޕީގެ އިސް ފަރާތްތަކުން ބާއްވާ ބައްދަލުވުންތައް ބުރާސްފަތި ދުވަހުގެ ނިޔަލަށް ކުރިއަށްދާނެ ކަމަށް އެ ޕާޓީން ވަނީ ބުނެފަ އެވެ.
"މިހާރު" އަށް އެނގިފައިވާ ގޮތުގައި މި ބައްދަލުވުންތަކުގައި، ކުރިޔަށް ހުރި އިންތިހާބުތަކުގެ ކެމްޕެއިން ކުރިއަށް ގެންދިއުމާއި ރިޔާސީ ކެންޑިޑޭޓަކާ ބެހޭ ގޮތުން މަޝްވަރާ ކުރާނެ އެވެ.
ނަޝީދު މިދިޔަ އަހަރުގެ އޯގަސްޓްމަހު ވެސް ލަންކާ އަށް ވަޑައިގަތެވެ. އެ ފަހަރު ހަފުތާއެއްހާ ދުވަސް އެމަނިކުފާނު ލަންކާގައި ހޭދަކުރެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިހުސާނު ތަކުރުފާނު މަމިންދާ
31 January 2017
މިއަދުގެ ދުނިޔޭގައި ވިކިވަރަކައް ޑިކުޓޭޓަރޝިޕު ގައި ވެރިކަން ކުރެވޭނީ، އަވައްޓެރި ގައުމުތަކުން ނާއި ދުރުގައުމުތަކުން ވެރިކަން ގަބޫލުނުކޮށް 1 މީހަކު ގަދަ ދައްކާނަމަ ދާދިފަހުން އެފުރިކާއިން ފެނިގެން އެދިޔަ މިސާލު އައުމަކީ ދުރުކަމެއްނޫން.... އުއްމީދުކުރަން ނަތީޖާ ރަނަގަޅުވާނެކަމައް...
އަނެއް ރާއްޖެ.
31 January 2017
މީހަކު ވެރިކަމާހެދި މޮޔަގޮވުން ހަމައެކަނި ވަސީލަތަކަށްވީމަ ކޮސްގޮވުން ގިނަވާނެ، އަބަދަކު އެންމެނަކު ކޮސްގޮވާނެކަމަށް އެނޫން މީހުން ދެކޭނެކަމެއް ނެތޭ
ގުނބޯ
31 January 2017
މިމީހުން އެނބުރި ރާއްޖެ އަންނައިރަށް މިއެންމެން ހިފާ ހައްޔަރުކުރަން ޖެހޭނެ ފިލައިގެން އުޅޭކުއްވެރިންނާ މިހެން ބައްދަލެއް ނުކުރެވޭނެ
ޗިކުސް
31 January 2017
ކުރެހުމުގެ މުބާރާތަކާ ބޮޑައް ވައްތަރީ ، ތި ބައްދަލުވުމުން ރައްޔިތުންނަށް ނެތް އެއްވެސް ފައިދާ އެއް.
މުރާދު
31 January 2017
ލީޑަރުންނަކީ މުސީބާތްތަކާއި އުނދަގޫތަކަށް ކެތްކުރަން ކެރޭ މީހުން. ރައްޔިތުންނަށްޓަކާ ޖަލުގައި މުޅި ޢުމުރުވެސް ހޭދަކުރަން ޖެހިލުން ނުވާ މީހުން. ނަޝީދުގެ ފަރާތުން މިސިފަތަކެއް ނުފުދޭ. އަބަދުވެސް ވެރިކަން ނުލިބިގެން ގަޑަތެޅެތަން ފެންނަނީ. ވެރިކަން ލިބުމުންވެސް ހިތްވަރުކޮށްލާކަށް ނުކެރުނު. ބޭއިންސާފުން ނަމަވެސް ޖަލަށް ލެވުމުން އެކަމަށްވެސް ކެތްކޮށްލާކަން ނުކެރުނު. ފިނޑިންނަށް ސިޔާސީ މައިދާނުގައި ނޫޅެވޭނެ. އެމްޑީޕީގެ ލީޑަރޝިޕް ހަވާލުކުރޭ އެކަން ކުރަންކެރޭ ބަޔަކަށް
ފޯއް ސިޓީ
31 January 2017
ނަޝީދު ވަރެއް ހަމަނެތް މުޅިސަރުކާރު މިއަދުކުޅުނީ ޑިފެންސަށް ގޮވީ މުޅީން ކޮސް
ރީތި މޫސަ
31 January 2017
• އެމްޑީޕީއަކީ މަގުއޮޅި މަގުސަދު ގެއްލި މުޅިންފެއިލްވެފައިވާ ޕާޓީއެއް ޕާޓީގެ އަދުއްވުންވަނީ ޕާޓީ ހިސޯރުކޮށްފަ ޕާޓީއަށްޓަކައި ބުރަމަސައްކަތް ކުރިމީހުންވަނީ ބޭރުކޮށްލާފަ
ޢުފާ
31 January 2017
ޢުފާކުރަން.
ޢިބުރާހިމް
30 January 2017
ޢުފާކުރަން ރައީސް ނަސީދު އެކު އެމް ޑީ ޕީ ގެ އިސް ބޭފުޅުން ބައްދަލު ކުރައްވާ ކަންކަމާ މަސްވަރާ ކުރައްވާތީ އުންމީދު ކުރަނީ ތި ބައްދަލުވުމުން ގައުމު ވެއްޓިފަ މިވާ އަނދަވަޅުން ސަލާމަތް ވެގެން ދާނެ ކަމައް. މަރުހަބާ ރައީސް މަރުހަބާ ޓީމް
މެންޓަލިސްޓް
30 January 2017
ތީކީދެން އާކެމެށްނޫނެއްނު ،، ޢެމްޑީޕީ މީހުންނާއި ނަޝީދުއާއި ދިމާވާނެނުން ،،