ތިލަމާލެ ބްރިޖުގެ މަސައްކަތަށް ބޭނުންވާ ހޮޅިތަކެއް.-- ފޮޓޯ: ނިޝާން އަލީ/ މިހާރު
24 ނޮވެމްބަރ 2023 - 11:58
21 comments
ތިލަމާލެ ބްރިޖު ހަަދަމުން އަންނަ ކޮލިޓީއާ މެދު މި ވަގުތު ކަންބޮޑުވުމެއް ނެތް ކަމަށާއި އެތަން ހަދަނީ ރަނގަޅު ފެންވަރެއްގައި ކަމަށް، ކޮންސްޓްރަކްޝަން އަދި އިންފްރާސްޓްރަކްޗާ މިނިސްޓަރު ޑރ. އަބްދުﷲ މުއްތަލިބު އިއްޔެ ވިދާޅުވެއްޖެ އެވެ.
ކުރީގެ ސަރުކާރުން ފެށި އެންމެ ބިޔަ މަޝްރޫއާ ގުޅޭ މައުލޫމާތު ދިނުމަށް ބޭއްވި ޕްރެސްގައި، "މިހާރު"ން ކުރި ސުވާލާ ގުޅިގެން މިނިސްޓަރު ވިދާޅުވީ އެފްކޮންސް އިން ބްރިޖު ހަދަމުން އަންނަނީ ރަނގަޅު ކޮލިޓީއެއްގައި ކަމަށެވެ.
ރައީސް ޑރ. މުހައްމަދު މުއިއްޒާއި ކެބިނެޓާއެކު މިދިޔަ އަންގާރަ ދުވަހު ބްރިޖު ސައިޓަށް ކުރެއްވި ޒިޔާރަތުގައި އެ ބޭފުޅުން ވަނީ ބްރިޖު ކާސްޓިން ޔާޑަށް ވަޑައިގެންފަ އެވެ.
މުއްތަލިބު ވިދާޅުވީ އެ ތަންތަން ވެސް ބަލާ ބެލުމަށް ހުރީ ރަނގަޅު ކޮލިޓީއެއްގައި ކަމަށެވެ. ކޮންސަލްޓަންޓު ދިން މައުލޫމާތުގެ އިތުރުން ޓެސްޓުތައް ހަދައި އެ ޓެސްޓުތަކުގެ ރިޕޯޓުތައް ވެރިފައި ކުރަމުން އަންނަ ކަމަށް އޭނާ ވިދާޅުވި އެވެ.
"މި ވަގުތަށް އަޅުގަނޑުމެންގެ އެ ކަހަލަ ކޮންސާނެއް ނެތް. އެކަހަލަ މައްސަލަތައް، މިސާލަކަށް ޕައިލްކުރުމުގައި، ކޮންމެ ޕައިލެއް ކުރާއިރު ވެސް އެ ޓެސްޓުކުރަން ބޭނުންވާ ވަސީލަތްތައް ލާފައި ޕައިލްކުރަނީ. އެހެންވީމަ، ޕައިލްކޮށް ނިންމުމަށްފަހު އެ ނަގަންޖެހޭ ޑޭޓާތަކާ އެއްޗެހި ނަގާފައި އެއްވެސް މައްސަލައެއް އުޅޭކަމަށްވަންޏާ އެ ރެކްޓިފައިކުރަން ކުރަންޖެހޭ މަސައްކަތްތައް ކުރޭ. އެގޮތަށް އެންޝުއަކޮށްފައި، އެގޮތަށް ޑޭޓާތަކާ އެއްޗެހި ނަގައިގެން މަސައްކަތް ކުރިއަށްގެންދަނީ. އަޅުގަނޑުމެން، މި ވަގުތަށް، މިހާތަނަށް ބެލިބެލުމުން ކޮލިޓީގެ އިޝޫއާ ދޭތެރޭގައި މާ ބޮޑު ކަންބޮޑުވުމެއް މި ވަގުތަކު ނެތް." ސިނަމާލެ ބްރިޖުގެ މަސައްކަތުގައި ވެސް، ހައުސިންގެ ޑެޕިއުޓީ މިނިސްޓަރުގެ ހައިސިއްޔަތުން އޭރު އަމަލީގޮތުން ބައިވެރިވެވަޑައިގެންނެވި މުއްތަލިބު ވިދާޅުވި އެވެ.
މާލެ-ވިލިމާލެ-ގުޅީފަޅު-ތިލަފުށީ ގުޅާލާ ބްރިޖުގެ މަސައްކަތުގެ ފެންވަރާ މެދު ކަންބޮޑުވުމެއް ނެތް ކަމަށް ސަރުކާރުން ބުނިއިރު، އެފްކޮންސް އިން އެ މަސައްކަތް ކުރި ގޮތުން އާއްމުންގެ ފާޑުކިޔުންތައް އަމާޒުވި އެވެ. އެގޮތުން، ބްރިޖުގެ މަސައްކަތަށް ބޭނުންވާ ޕްލެޓުފޯމުތަކެއް ވިލިމާލެ ފަރަށް އެރުމުން، އެ ބްރިޖުގެ ކޮލިޓީއާ މެދު އެތައް ބަޔަކު ސުވާލު އުފެއްދި އެވެ.
މިނިސްޓަރު ވިދާޅުވީ ބްރިޖުގެ މަސައްކަތަށް އަރުޕް ނަމަކަށް ކިޔާ ވަރުގަދަ އަދި މޮޅު ކޮންސަލްޓަންޓެއް ހަމަޖައްސާފައި ވަނީ ވެސް މަސައްކަތުގެ ކޮލިޓީ ހިފެހެއްޓުމަށް ކަމަށެވެ. ބްރިޖު މަސައްކަތުގެ ހުރިހާ ކަމެއް އެ ފަރާތުން 24 ގަޑިއިރު ބަލާކަމަށް އިންފްރާސްޓްރަކްޗާ މިނިސްޓްރީން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ަސދސަދސަ
24 November 2023
މުއިޒްވިދާޅުވި ކާްސްޓްކުރީ އޯޕެން ތަނެއްގައި ކަމަށައި އަދި އެއީ އެކަން ކުރނަްޖެހޭގޮތް ނޫންކަމަށް. މިހާރު ރައީސް ޔާމީންގެ ތާއީދު ނެތްކަން އެނގުނީމާ އުނގަށްވެއްޓުނީ ތޯއްޗެއް
ޟައި
24 November 2023
ވީމާ، ކީހާ ޅެން ފަރިއްސައްވެ ނިމުނީ ދޯ؟
ފަރުސ
24 November 2023
މުއިޒު ބުނި އޭޒް އޭން އިންޖިނިއާރ އަޅުގަޑަކަށް ކަމަކު ނުދެޔޭ. މިހާރު ނޭގުނެއްނުނ.
މުޖާހު މުނީރު
24 November 2023
ރަގަޅަށް 5 ކާފު ހަމަކޮށް ވާހަކަ ދައްކަން ނޭގޭ މީހަގު މިނިސްޓްރީ އަށް ލައިގެން ކޮން ވެރިކަމެއް ކުރެވޭނީ! "ލައްޑޫ" އޭ ކިޔާފަ ގޮވި މީހުން ނަޝީދު ލައިގެން އިންޑިޔާ އާއިއެކު ބައިތު ހިފީ! އެހެންވެ، ޔާމީން ބޭނުމެއ ނުވޭ ލައްޑޫ ކައްކާ އަދި ބަތް ކަށްކަން!
ތަމެންދޯ
24 November 2023
ބްރިޖް އެއްބަސްވުން އާކުރީ މުއިއްޒު ހުވާކުރުމުގެ 1 ދުވަސް ކުރިން އެކަމަކު މުއިއްޒު އަށް އެއެއްބަސްވުން ގަބޫލުކުރެވޭ އެކަމަކު ރައްޔިތުންނަށް ފްލެޓް ދޭން ރައީސް އިބޫގެ ސަރުކާރުން މުއިއްޒު ހުވާ ކުރުމުގެ ކުރިން ހަވާލު ކުރި ފްލެޓްސް ތައް ދަމައިގަންނާނަމޭ އޭނާ ބުނަނީ މީ ކިހިިނެއް ދެކޮޅު ޖެހޭ ސިޔާސަތުތޭ އޭނާ މިގެންގުޅެނީ އެގިގެންދާ އެއްޗަކީ އެއީ ބްރިޖް އަޅާ ކުންފުނިން މުއިއްޒު އިންތިޚާބަށް 10 މިލިއަން ޑޮލަރު ދިނީމާ މުއްދަތު އިތުރުކުރުން ފައްކާވީ ކަމަށޭ
ރަހީމު
24 November 2023
ވާނުވާ ނޭގުނަސް އެއްޗެކޭކިޔޭތޯ ބަލަންވާނެ
ކީއްކުރަން ހަދާ އެގްރީމެންޓެއްތޭ....
24 November 2023
ވވ ބޮޑު އުޒުރެއްނެތި ބުނާ ދުވަހަށް ނުނިންމީމަ ޖޫރިމަނާކޮއްފަ އިތުރު މުހުލަތެއްދޭންވާނީ އެއިތުރުކުރާ ދުވަހަށް ނުނިއްމައިފުއްޔާ އެގްރީމެންޓް ކެންސަލްވެ އެމީހުންނަށް ދިން ލާރި އަނބުރާ ހޯދާފަ ހެދޭ ބަޔަކާ ވަގުތުން havaalu ކުރެވޭ ކަހަލަ ގޮތަކަށް. 2ކޮޅަށްވެސް ގެއްލުންނުވެ vaguthu ނުވެއްލޭ ގޮތަށް އެގްރީމެންޓް ކެންސަލް ވާންޖެހޭ. 5އަހަރު ކަހާލަ ކަހާލާ އެމީހުން ތިބީ ބަރާބަރަށް ޕޭމެންޓާ އިތުރު ލާރިވެސް ނަގައިގެން.ނުނިންމީމަ ގެއްލުން ދިވެހީންނަށް.ސޫ ދެމް!
ހިޔަޅު
24 November 2023
އިންތިހާބުގެ ކުރިންބުނީ ކޮށްފައިހުރި މަސައްކަތާއިމެދު ކަންބޮޑުވުން ހުއްޓޭ. ވެރިކަންލިބުނީމައި އޯކޭވެއްޖެ.
ހިޔަޅުދަރި
24 November 2023
އެއީއެކަން ވާނެގޮތެއްނު. ޤަބޫލުކޮށްލަބަލަ. ހުސްގޮނޑިއަކާއި ބޮޑުފޮޓޯފުޅެއްބަހައްޓައިގެން ރައްޔިތުންގެބޮލަށް ޗިޕުޖަހައި ވެރިކަންލިބުނީމަ ހުސްކުރިގޮނޑިއަށް ނިސްބަތްވާމީހާއަށް ހެދިގޮތަކީ ނަމޫނާ. މިހާރުގެ ސަރުކާރުގެ މަތިފަޑީގައެތިބީ ބޮޑުމަސްކައިރީގައި ރެއްސި އުޅޭގޮތަށް ހުސްގޮނޑިކައިރީގައި ދެފަރާތަށް އެތުރިގެންތިބިމީހުން. ޑީއެންއޭއަކަށް ބަދަލެއްނުއާދޭ. މަޖިލީސް މިމީހުނަށް ދީފިނަމަ. ވާނެގޮތްވިސްނަބަލަ.
ަހަރާން ވެރިކަން
24 November 2023
ކިހިނެތް ތޯ ތިވީ، ބްރިޖްތަޅާފަ އަލުން ޗައިނާ މީހުން ލައްވަ އަޅުވަންވީނުންތޯ. ކުރަނީ އެއްކަމެއް މަސަތްކަށް ބަލަހައްޓާމީހުން އޭރުވެސް ބެލެހެއްޓި، ތަފާތަކީ ބަލަންއިސްކޮށް ތިބި 2 މީހުންގެ ސަނަދު.
ބަލަ
24 November 2023
ބަލަ އެބުނާދުވަހަށް ބްރިޖު ނުނިމޭ ކޮންމެދުވަހަކަށް ޖޫރިމަނާ ވާގޮތަކަށް ނޫންތަ އެގްރިމެންޓް ހަދާފައިވަނީ. އަދި އެއެގްރިމަންޓް އުވާލާ އެކަމަށްވީ ގެއްލުންވެސް އެމީހުން (އިންޑިޔާ ކުންފުނި) ދޭންޖެހޭގޮތަކަށް ނޫންތަ އެގްރިމަންޓް ހަދާފައިވަނީ
އަހުމަދު55
24 November 2023
މިހެންވެސް ބުނީމަތާ އިނގޭނީ ކުރީސަރުކާރުން އެތަން ބަލާލަންވެސް ނުދޭ