ޚަބަރު / ނައިބު ރައީސް ހުސައިން މުހައްމަދު ލަތީފް

ނައިބު ރައީސް، އދ.ގެ ހިއުމަން ރައިޓްސް ކޮމިޝަނަރާ ބައްދަލުކުރައްވައިފި

ނައިބު ރައީސް ހުސެއިން މުހައްމަދު ލަތީފް އާއި އދ. ގެ ހިއުމަން ރައިޓްސް ހައިކޮމިޝަނަރު ވޮލްކާ ޓާކް.-- ފޮޓޯ: ރައީސް އޮފީސް

އިފްރާޒް އަލީ، މިހާރު

12 ޑިސެމްބަރ 2023 - 10:43

2 comments

‎ނައިބު ރައީސް ހުސެއިން މުހައްމަދު ލަތީފް، އދ. ގެ ހިއުމަން ރައިޓްސް ހައިކޮމިޝަނަރު ވޮލްކާ ޓާކްއާ އިއްޔެ ބައްދަލުކުރައްވައިފި އެވެ.

ވޮލްކާ ޓާކްއާ ނައިބު ރައީސް ބައްދަލުކުރެއްވީ ސްވިޒަލޭންޑުގެ ޖެނީވާގައި ކުރިއަށްދާ އިންސާނީ ހައްގުތައް ރައްކާތެރިކުރުމާ ބެހޭ ބައިނަލްއަގުވާމީ މުއާހަދާ "ޔުނިވާސަލް ޑިކްލަރޭޝަން އޮފް ހިއުމަން ރައިޓްސް" އަށް 75 އަހަރު ފުރުމުގެ މުނާސަބަތުގައި ބާއްވާ މަތީފަންތީގެ ހަރަކާތްތަކުގެ ތެރެއިންނެވެ.

‎ރައީސް އޮފީހުން ބުނީ އިންސާނީ ހައްގުތައް ނެގެހެއްޓުމުގެ ގައުމީ ނިޒާމު ހަރުދަނާކުރުމަށް ސަރުކާރުގެ އެންމެހާ އިދާރާތަކާއި ރަސްމީ އޮފީސްތައް ހިމެނޭހެން މަސައްކަތް ކުރުމަށް ރާއްޖެއިން ތައްޔާރަށް އޮތް ކަމަށް މި ބައްދަލުވުމުގައި ނައިބު ރައީސް ވިދާޅުވި ކަމަށެވެ.

ބައިނަލްއަގުވާމީ މުއާހަދާތަކަށް އަމަލުކުރުމުގައި އދ. ގެ އިންސާނީ ހައްގުތަކާ ބެހޭ މަޖިލީހާއި އެ މަޖިލީހާ ގުޅިފައިވާ ނިޒާމުތަކަށް އެއްބާރުލުން ދީގެން ރާއްޖެއިން ބިނާކުރަނިވި މަސައްކަތްތަކެއް ކުރާނެ ކަމުގެ ޔަގީންކަން ވެސް ނައިބު ރައީސް ދެއްވި ކަމަށް ރައީސް އޮފީހުން ބުންޏެވެ.

‎މި ބައްދަލުކުރެއްވުމުގައި ގުޅުން ބަދަހިކުރުމާ ބެހޭ ގޮތުން ވެސް މަޝްވަރާކުރެއްވި އެވެ.

ރައީސް އޮފީހުން ބުނީ ސުލްހަ މަސަލަސްކަން ދެމެހެއްޓުމަށާއި ދިރިއުޅުމުގެ ފެންވަރު މަތިކުރުމާއި އިންސާނީ ހައްގުތައް ކުރިއެރުވުމުގެ މުހިންމު ކަމުގެ މައްޗަށް ވެސް ދެ ބޭފުޅުން އަލިއަޅުއްވާލެއްވި ކަމަށެވެ.

Human Rights 75 gai baiverive vadaigathumah Naibu Raees Geneva ah

The most trusted news source in the Maldives

Mihaaru

ހާއްސަކޮށް، ފަލަސްތީނުގެ ރައްޔިތުންގެ އިންސާނީ ހައްގުތައް ހިމާޔަތްކުރުމާއި ގާޒާއަށް މިހާރުން މިހާރަށް ބޭނުންޖެހިފައިވާ އިންސާނީ އެހީތެރިކަން ފޯރުކޮށްދެވޭކަން ޔަގީންކުރުމުގެ މުހިންމު މައުޟޫއަށް އަށް ނައިބު ރައީސް އަލިއަޅުއްވާލެއްވި ކަމަށް ވެސް ރައީސް އޮފީހުން ބުންޏެވެ.

"ހިއުމަން ރައިޓްސް 75"ގެ ހަރަކާތްތައް ކުރިއަށް ގެންދިއުމަށް ހަމަޖެހިފައި ވަނީ އިއްޔެ އާއި މިއަދެވެ.

އ.ދ. ހިއުމަން ރައިޓްސް ދުވަސް ހިއުމަން ރައިޓްސް ޖެނީވާ ނައިބު ރައީސް ހުސައިން މުހައްމަދު ލަތީފް

2 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޔާޏު

12 December 2023

ތިޔަ ހިއުމަން ރައިޓްސް ފެނިގެން އެދަނީ ފަލަސްތީނުން. ކަންބަޅި ތަކެއްހެން އަހަރުމެންގެ އަޚުންނާއި އުޚުތުންގެ ދަރިން ކަތިލާ އިރު ތިޔަ ހިއުމަން ރައިޓްސް އޮތް ތަނެއް ދައްކާލަދީބަލަ. ލަދު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅައިމާ

12 December 2023

ތި ހިއުމަން ރައިޓްސް ނުވަތަ އިންސާނީ ހައްގުތަކަކީ ރަތްލާޖެހި ކާފަރުން މާތް ﷲ ގެ ޙުކުމް ފުޅުތަކަށް ގޮންޖަހަން އަމިއްލަ އަކަށް ހަދައިގެން އުޅޭ އުސޫލުތަކެއް،ﷲ އިންސާނާގެ ހައްޤު ކަށަވަރު ކޮށްދޭވަރަށް އިންސީންނަކަށް އެކަމެއް ނުކުރެވޭނެ،މާތް ﷲ ގެ ޝަރީއަތް ޤާއިމް ކޮށް ތަންފީޒް ކޮށްފާނެތީ ކޮށްގެން އުޅޭކަމެއް،ތިއަކަށް ފޮލޯކުރާކަށް އެއްވެސް މުސްލިމަކަށް ވާޖިބް ވެގެނެއް ނުވޭ،އަދި ފޮލޯ ނުކުރުމަށް މިޤައުމުގެ މުސްލިމުންނަށް ގޮވާލަން،ﷲ އަކްބަރު