ޚަބަރު

ޕީސީބީގެ ރައީސަކަށް އަނަސް އައްޔަންކުރައްވައިފި

ޕީސީބީގެ ރައީސް މުހައްމަދު އަނަސް. އޭނާ އެ މަގާމަށް އައްޔަނު ކުރީ މިއަދު .-- ފޮޓޯ: މިހާރު

Play Audio News
Powered By Javaabu

ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) ގެ ރައީސްގެ މަގާމަށް ގއ. ދެއްވަދޫ، މުހައްމަދު އަނަސް މިއަދު އައްޔަން ކުރައްވައިފި އެވެ.

ދައުލަތުގެ ވިޔަފާރި ތަންތަން ޕްރައިވެޓައިޒް ކުރުމާއި ކޯޕަރަޓައިޒް ކުރުމާއި އަދި މޮނިޓާކޮށް އިވެލުއޭޓް ކުރުމުގެ ގާނޫނުގެ ދަށުން އުފައްދާފައިވާ ޕީސީބީގެ ބޯޑުގެ ރައީސްކަމުގެ މަގާމަށް ރައީސް ޑރ. މުހައްމަދު މުއިއްޒު، އަނަސް އައްޔަން ކުރެއްވިއިރު ކުރިން އެ މަގާމުގައި ހުންނެވީ ހަމްދީ އަގީލް އެވެ.

އެކަމަކު މިދިޔަ ފެބްރުއަރީ މަހުގެ 13 ވަނަ ދުވަހު، ރައީސް ވަނީ ހަމްދީ މަގާމުން ވަކި ކުރައްވައިފަ އެވެ.

އަނަސް މީގެ ކުރިން ވަނީ ފިނޭންސް މިނިސްޓްރީގެ ޑެޕިއުޓީ މިނިސްޓަރުކަމުގެ މަގާމު ފުރުއްވައިފަ އެވެ. އޭނާ ވަނީ ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ އޮޑިޓް މެނޭޖަރުކަމާއި ފިނޭންސް މިނިސްޓްރީގެ އެސިސްޓެންޓް ޑިރެކްޓަރުގެ މަގާމު އަދާކުރައްވައިފަ އެވެ. އަދި މޯލްޑިވްސް ބިޒްނަސް ސްކޫލުގެ އެސޯސިއޭޓް ޕްރޮފެސަރެއްގެ ގޮތުގައި ވެސް މަސައްކަތް ކުރެއްވި އެވެ.

އަނަސް އަކީ ގައުމީ ޔުނިވާސިޓީން މާސްްޓަ އޮފް ބިޒްނަސް އެޑްމިނިސްޓްރޭޝަން ހާސިލު ކުރައްވާފައިވާ ބޭފުޅެކެވެ. އޭނާ ވަނީ އެކައުންޓިން ދާއިރާއިން އިނގިރޭސި ވިލާތުގެ ޔުނިވަސިޓީ އޮފް ހާޓްފުޑްޝާ އިން ޑިގްރީ ހާސިލް ކުރައްވައިފަ އެވެ.

8 ކޮމެންޓް, 6 ރިއެކްޝަންސް

icon happy icon happy 0%
icon sad icon sad 0%
icon angry icon angry 0%
icon wow icon wow 0%
icon inlove icon inlove 100%

ކޮމެންޓްތައް

އެންމެ ފަސް މަގުބޫލް

އޭއެމް

14 March 2025

ލިބިފައިވާ އިލްމުން ބޭނުން ކުރަން ނުޖެހޭނެ ޜައީސް ބުނާ ގޮތަކައް ކަންކުރަން ޢގުމަކީ މިހާރުގެ ސްޓައިލް

ގޭބެއްޔާ

14 March 2025

ވަރަށް ރަނގަޅު ޢިލްމީ ޤާބިލު ބޭފުޅެއް. އުއްމީދުކުރަނީ ހެޔޮ ބަދަލެެއް ކުންފުނިތަކަށް ގެނައުމަށް އަނަސް ރަނގަޅު މަސައްްކަތްތަކެެއް ކުރާނެކަމަށް. ދެއްވަދޫ ރަސްގެފާނު ދަރިކޮޅުގެ ޕްރިންސެއް.

ދެއްވަދޫ ރަސްގެފާނު

14 March 2025

އަނަސް ކިތަންމެ ގާބިލްވެފައި މޮޅު ވިޔަސް ކުރެވޭނެ ކަމެއް ނޯންނާނެ، ވެރިމީހާ ހިތްނުރުހޭ ގޮތަށް ފިޔަވަޅެއް އެޅުނަސް އަނެއް ދުވަހު މަގާމުން ނަގާ އެއްލާލާނެ، ކޮންމެ ވަޒީފާއެއް ވިޔަސް މަގާމެއް ވިޔަސް އުޅެން ޖެހިފައި މިވަނީ ސިޔާސީ ވެރިންގެ ޕަޕެޓުންނަށް ވެގެން، ދެން ކިހިނެތްބާ ރަގަޅު ޕްރޮފެޝަނަލް މަސައްކަތެއް ކުރާނީ،

އަހްމަދުﷲ

14 March 2025

އަނަސް އަށް ވާނެ. މަރުހަބާ

ހުޝާނަތު

13 March 2025

ތިއީ ނަމޫނާ ބޭފުޅެއް. މަރުހަބާ

ސީސީ

13 March 2025

ރަގަޅު ޗޮއިސްއެއް

ޖިނާނާ އަހްމަދު

13 March 2025

އަބަދުވެސް މަޖާ އެންމެ އެކުވެރި އަނަސް. މަރުހަބާ އަނަސް. ތިއީ ތައުލީމީ ބޭފުޅެއް.

ޝިމްލާ އަހްމަދު

13 March 2025

އަނަސް އަކީ އަހަރެން ދަންނަ ހިތްހެޔޮ މީހެއް. ދުވަހަކުވެސް މީހަކާ ރުޅިވެރިކަމެއް ނުބާއަވާނެ

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454