މީދޫ އިކޯ ގާޑަންގައި ރޯވި އަލިފާން 11 ގަޑިއިރު ފަހުން ނިއްވާލެވުނު އިރު 60 ޕަސެންޓް ވަނީ އަނދާފައި

އައްޑޫ، މީދޫގެ އިކޯގާޑަންގައި ރޯވެފައި.-- ފޮޓޯ: އީމާން

ފާތިމަތު އަޖްފާން، މިހާރު

20 މާޗް 2025 - 12:16

މަތިކިޅި އިކޯގާޑެންގައި އޮންނަ ޗަސްބިމުގައި އިއްޔެ މެންދުރު ރޯވި އަލިފާނުގައި އެ ތަނުގެ "ގްރާސް ފީލްޑް" ގެ 60 ޕަސެންޓު އަނދާފައިވާ ކަމަށް ބެލެވޭ ކަމަށް އެ ތަން ބަލަހައްޓަމުން އަންނަ މަތިކިޅި ސޮސައިޓީން ބުނެފި އެވެ.

އެ ސަރަހައްދުގައި އަލިފާން ރޯވި ކަމަށް ރިޕޯޓުކުރީ އިއްޔެ ހެނދުނު 11:45 ހާއިރު އެވެ. އަލިފާން އެއްކޮށް ނިއްވާލެވުނީ ރޭ 10:30 ހާއިރު އެވެ.

މަތިކިޅި ސޮސައިޓީން ބުނީ ގާތްގަޑަކަށް ހަ މަސް ތެރޭ ގްރާސް ފީލްޑު ރިކަވާވި ނަމަމަވެސް "ކަނޑޮފިށި ހައި ވެޖެޓޭޝަން ލައިން" ރިކަވާ ވުމަށް އަހަރުތަކެއް ނަގާނެ ކަމަށެވެ.

އައްޑޫ، މީދޫގެ އިކޯގާޑަންގައި ރޯވެފައި.-- ފޮޓޯ: މަތިކިޅީ ސޮސައިޓީ

އެ ޖަމިއްޔާއިން ބުނީ އެތަނުގައި ބޯކޮށް ހެދިފައިވާ މާކަށިކެޔޮ ގަސްތަކާއި ދިއްގާ ގަސްތަކަކީ އެތައް އަހަރެއް ވެފައިވާ ގަސްތަކެއް ކަމަށާއި ކަނޑޮފިށި ހައި ވެޖެޓޭޝަން ލައިން އަކީ މާކާނާ އާއި ރާބޮނދި ފަދަ ދޫނިތަކުގެ ސެންކުޗަރީއެއް ކަމަށް ބުނެފައިވެ އެވެ. އެއީ މޫސުމީ ގޮތުން ހިޖުރަކުރާ ބައެއް ދޫނިތަކުގެ ވަގުތީ މަރުކަޒެއް ކަމަށާއި އަލިފާނުގެ ހާދިސާގައި އެ ދޫނިތަކުގެ މާހައުލު ވެސް އަހަރު ތަކަކަށް ގެއްލިގެން ދިޔައީ ކަމަށް ބުންޏެވެ.

އިއްޔެގެ އަލިފާނުގެ ހާދިސާ އަކީ މިދިޔަ 15 އަހަރު އެ ތަނަށް ލިބުނު އެންމެ ބޮޑު ގެއްލުން ކަމަށް ވެސް މަތިކިޅީ ސޮސައިޓީން ބުންޏެވެ.

މީގެ ކުރިން ވެސް އަލިފާން ރޯވެފައިވާ ސަރަހައްދުގައި އިއްޔެ ރޯވީ ކީއްވެ ކަމެއް އަދި ނޭނގެ އެވެ.

އައްޑޫ ސ. ހުޅުމީދޫ އައްޑޫ ނޭޗާ ޕާކް

5 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

‫ޖާހިދު

20 March 2025

‫ހީވަނީ ގަސްދުގަ ރޯކޮއް އަންދާލީހެން. ކޮންމެވެސް ގޭސްގަޑެއް ހިންގަނީހެން ހީވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަބްނީ

20 March 2025

ޒުހުރީ ކިހިނެއް ހިސާބު ޖަހާ ހޯދި ޕަސެންޓެއް ؟ ކުޅީގެ އަނދާފައި ވަނީ 30 ވަރަކަށް %.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަތޫނާ

20 March 2025

މަތިކިޅި އަކީ ބޮޑު ސަރަހައްދެއް. ސައިޒްއަކީ 54 ހެކްޓަރ. ރަށެއްގެ ބޮޑު މިނާއަޅީ ބަލާއިރު ރާއްޖޭގެ ގިނަ ރަށް މަތި ކިޅިއާ ބަލާފަ ސައިޒްގެ ގޮތުން ކުޑަ. މާފުށީގެ ބޮޑު މިނަކީ 36 ހެކްޓަރު. މަތި ކިޅީގެ ސަައިޒްގެ ރަށްްރަށު ތެރޭ ހިމެނޭ ބ.ދަރަވަންދޫ، ރ.ކިނޮޅޮސް،ރ.އަލިފުށި،ހއ.ދިއްދޫ އަދި ލ.މާމެންދޫ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންރޭ މަޖީދު

20 March 2025

މިފަހަރު މި ލިބުނީ އިންޒާރުގެ ކޯލެއްް. ތި ކުޅީގެ ބޭރު މަގުގައި ރަށުގެ ވެމްކޯ،ފެން ޕުލާންޓް، އާ އިންޖީނުގެ، ނަރުދަމާގެ ޓްޜީޓްމަންޓް ޕްލާންޓް،ސޯލާ ފެނަލް ސިސްޓަމް ހުރީ. އަނދާ ހުލި ވިނަމަ ބޮޑު ގެއްލުމއްް ވާނެ. މީހުން އުޅޭ ގެ ތަކުގައި ރޯނުވިކަން ދެން ނަސީބެއް.