"ލެކްނޯ"ގެ ބުއިންތަކަށް ހާއްސަ ބެކް ޓު ސްކޫލް ޕްރޮމޯޝަނެއް

އައިޝަތު ޖަޒްލީ، މިހާރު

20 އޯގަސްޓް 2025 - 15:25

އެމްޔޫ ސްޓޯރުން ލެކްނޯ ބުއިންތަކަށް ހާއްސަކޮށް "އިންޓޯލަށް ލެކްނޯ ބެކް ޓު ސްކޫލް"ގެ ނަމުގައި ހާއްސަ ޕްރޮމޯޝަނެއް ފަށައިފި އެވެ.

މި ޕްރޮމޯޝަނުގައި އެމްޔޫ ސްޓޯރުގެ އޮންލައިން ޕޯޓަލް މެދުވެރިކޮށް ލެކްނޯ ޕެކެޓް ގަތުމުން ހާއްސަ ޑިސްކައުންޓު ލިބޭނެ އެވެ. މި ޕޯޓަލް އިން ލެކްނޯގެ 180 މިލިލީޓަރުގެ ކިރު ނުވަތަ ޖޫސް ޕެކެޓް، އަދި 125 މިލިލީޓަރުގެ ޖޫސް ޕެކެޓް ކޭސް ގަނެވޭނެ އެވެ. މި ޕޯޓަލުން ކޭސް ގަންނަ އިރު އެކި ފްލޭވާތަކުގެ ޕެކެޓު މިކްސްކޮށްގެން ވެސް ކޭސް ތައްޔާރުކުރެވޭނެ އެވެ. މި ޕްރޮމޯޝަނުގައި ހާއްސަ އަގުތަކެެއްގައި ލެކްނޯ ޖޫހާއި ކިރު ޕެކެޓު ކޭސް ލިބޭނެ އެވެ.

Lacnor Back to School Promo

Special promotion for Lacnor juice.

އެމްޔޫ ސްޓޯރުގެ ޕޯޓަލް

މި ޕްރޮމޯޝަނުގައި އެ ޕޯޓަލް މެދުވެރިކޮށް ކުރާ ކޮންމެ އޯޑަރަކަށް ހިލޭ ސްޓޭޝަނަރީ ޕެކެއް ލިބޭނެ އެވެ. އަދި ޕްރޮމޯޝަނުގައި ބައިވެރިވާ ކަސްޓަމަރުންގެ ތެރެއިން ނަސީބުވެރި 50 ކަސްޓަމަރަކަށް 1000ރ. ގެ ގިފްޓު ވައުޗަރެއް ވެސް ލިބޭނެ އެވެ.

އޮންލައިންކޮށް ވިޔަފާރި ކޮށްގެން ލެކްނޯ ކޭސްތައް މާލެ، ހުޅުމާލެ އަދި އުޅަނދުފަހަރާ ހަމައަށް އެމްޔޫ ސްޓޯރުން ޑެލިވާކޮށްދެ އެވެ.

ލެކްނޯގެ އެކި ފްލޭވާތަކުގެ ޖޫހާއި ކިރު ޕެކެޓުތަކަކީ ކުޑަކުދިންގެ މެދުގައި މަގުބޫލު ބުއިންތަކެކެވެ.