ގާސިމް މިނިވަން ކުރަން ގޮވާލައި މާމިގިލީގައި މިއަދު މުޒާހަރާ ކުރަނީ. މުޒާހަރާގައި 300 އެއްހާ މީހުން ބައިވެރިވި ކަމަށް އެ ރަށު މީހުން ބުނޭ.
22 އެޕްރީލް 2017 - 17:56
13 comments
ފުލުހުންގެ ބެލުމުގެ ދަށުން މިހާރު ހައްޔަރު ކޮށްފައި ހުރި ޖުމްހޫރީ ޕާޓީގެ ލީޑަރު އަދި މަޖިލީހުގެ މާމިގިލީ ދާއިރާގެ މެމްބަރު ގާސިމް އިބްރާހިމް މިނިވަން ކުރުމަށް ގޮވާލައި މާމިގިލީގައި މިއަދު ސިލްސިލާ މުޒާހަރާއެއް ފަށައިފި އެވެ.
މުޒާހަރާގައި ބައިވެރިވާ އިސް މީހަކު ބުނި ގޮތުގައި ގާސިމް ދޫކޮށްލުމަށް ގޮވާލައި ތަފާތު ޝުއޫރުތައް ލިޔެފައި ހުރި ޕޯސްޓަރުތައް ހިފައިގެން 300 އެއްހާ މީހުން މުޒާހަރާގައި ބައިވެރިވި އެވެ. އެ މީހުން ދެކޭ ގޮތުގައި ގާސިމް ހައްޔަރުކޮށްފައި ހުރީ ގާނޫނުއަސާސީ އާއި ގާނޫނުތަކާ ހިލާފަށެވެ.
ގާސިމް މިނިވަން ކުރަން ގޮވާލައި މާމިގިލީގައި މިއަދު މުޒާހަރާ ކުރަނީ
މީގެ އިތުރުން ގާސިމާ ގުޅޭ ގޮތުން ކުރަނީ ހަގީގަތާ ހިލާފު ދޮގު ތުހުމަތުތަކެއް ކަމަށް ވެސް އެ މީހުން ބުނެ އެވެ. އެހެންވެ، ގާސިމް ވަގުތުން ދޫކޮށްލުމަށް އެ މީހުން ވަނީ ގޮވާލައިފަ އެވެ.
މި މުޒާހަރާ ކޮންމެ ދުވަހަކު ވެސް ކުރިއަށް ގެންދިއުމަށް އެ ރަށު ރައްޔިތުން ވަނީ ނިންމައިފަ އެވެ. މީގެ ކުރިން ވެސް ގާސިމް ހައްޔަރު ކުރުމާ ގުޅިގެން އެ ރަށުގައި މުޒާހަރާކޮށްފައިވެ އެވެ.
މިފަހަރު ގާސިމް ހައްޔަރުކުރީ އެކަމަށް ޕްރޮސެކިއުޓަ ޖެނެރަލް އައިޝަތު ބިޝާމް ކްރިމިނަލް ކޯޓުގައި އެދިވަޑައިގަތުމުން ނެރުނު ކޯޓު އަމުރެއްގެ ދަށުންނެވެ. އެކަމަކު އެންމެ ފުރަތަމަ ގާސިމް ހައްޔަރުކުރީ، ޕީޖީގެ ރޯލެއް ނެތި، ފުލުހުން އެދުނު އެދުމަކަށް، އިސް ގާޒީ ބާރީ ދެއްވި އަމުރަކަށެވެ. އެ ފަހަރު ބަންދަށް ހަ ދުވަސް ދިން ފަހުން، އެއީ ގާނޫނާ ޚިލާފު އަމުރެއް ކަމަށް ހައި ކޯޓުން ނިންމައި ގާސިމް ދޫކޮށްލި އެވެ.
ގާސިމް މިނިވަން ކުރަން ގޮވާލައި މާމިގިލީގައި މިއަދު މުޒާހަރާ ކުރަނީ
މިދިޔަ ބުރާސްފަތި ދުވަހުގެ ރޭ ދަންވަރު ގާސިމް އަލުން ހައްޔަރުކުރީ ރައްޔިތުންގެ މަޖިލިހުގެ ރައީސް އަބްދުﷲ މަސީހުގެ އިތުބާރު ނެތްކަމުގެ މައްސަލަ ހުށަހަޅަން 42 މެމްބަރުންގެ ސޮއި ހޯދަން، "ގަވާއިދާ ހިލާފަށް" މަސައްކަތްކުރެއްވުމާއި ސަރުކާރު ވައްޓާލަން މަސައްކަތްކުރައްވާ ކަމުގެ ތުހުމަތުގަ އެވެ.
ސަރުކާރާ ދެކޮޅަށް މަސައްކަތް ކުރުމަށް އިދިކޮޅު ފަރާތްތަކުން އުފެއްދި ކޯލިޝަންގެ އެންމެ އިސް ވެރިންގެ ތެރެއިން މާލޭގައި ހަރަކާތްތެރިކަމާ އެކު އުޅުއްވާ ހަމައެކަނި ލީޑަރު ގާސިމް ދެ ވަނަ ފަހަރަށް ހައްޔަރުކުރި އިރު، އޭނާގެ މައްޗަށް ތިން ދައުވާއެއްކޮށް މި މަހުގެ 13 ގައި ވަނީ ޝަރީއަތް ވެސް ފަށައިފަ އެވެ. އޭނާ ހައްޔަރުކޮށް، ކްރިމިނަލް ކޯޓުން އިއްޔެ ވަނީ ބަންދަށް 15 ދުވަސް އިތުރު ކޮށްދީފަ އެވެ.
ގާސިމް ހައްޔަރު ކުރުމުން އިންޓަ ޕާލިމަންޓްރީ ޔޫނިއަން (އައިޕީޔޫ) އާއި އިދިކޮޅު ބައެއް ސިޔާސީ ލީޑަރުން ގެންދަވަނީ ކަންބޮޑުވުން ފާޅު ކުރައްވައި އޭނާ މިނިވަން ކުރަން ގޮވާލައްވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޮއްތެޔޮ
23 April 2017
މާމިގިލީ ސިޓީ ރައްޔިތުން މާ މޮޅެއްނު...ގަދަ މާޝާ ﷲ.
ގއ. ވިލިނގިލި
23 April 2017
ސާބަހޭ މާމިގިލީ ރައްޔިތުން. އަހަރެމެންވެސް މިތިބީ ގާސިމް އިބްރާހީމް އާ އެކީ.
ޤާނޫނީ ބާރުތައް
23 April 2017
ޤާނޫނީ ސަރުކާރު ވައްޓަން އުޅެންޏާ ވާނީ އެހެންތާ. މިވެރިން ވެރިކަމާ ހެދި މޮޔަވެފަ. ހަބަރުދަާރު ރައީސުލްޖުމްހުރިޔާ ކުޅެންނަހަދާތި. ދިވެހި ދައުލަތުގެ ދިފާއީ ބާރުތައް އޮތީ ރައީސަށް ގުރުބާންވާން ތައްޔާރަށް.
ގައުމުދެކެ ލޯބިވާ ދަރިއެއް
23 April 2017
ސީދާ ހަރަކާތަށް ނިކުތުމަށް އެންމެނަށް ގޮވާލަން
ހޯރަފުށި
22 April 2017
ސާބަހޭ މާމިގިލި ރަށްއިތުން
ބޯލަބޭ
22 April 2017
ރައްޔިތުންނާއި ޤައުމަށް ތިމާއަށް ދެއްވާފައިވާ މުއްސަނދިކަމުން ކިތަންމެ ހޭދައެއް ކުރިޔަސް ކުއްވެރިވާފަދަ ޢަމަލެއް ކޮށްފިނަމަ އެފަރާތަކާމެދު ޤާނޫނީގޮތުން އަޅަންޖެހޭ ފިޔަވަޅެއް އަޅަންޖެހޭނެ. އެފަދަކަމެއް ކޮށްފައި ނުވާނަމަ ހަމަ ޔަޤީނުންވެސް އިންޞާފް ލިބޭނެ ދުވަސް އަންނާނެ.
ސޯސަލް އެނަލިސްޓް
22 April 2017
މާމިގިލި ހާޑުވިޔަސް ސޯސަލް މީޑިއާއިން އިއްޔެއާއި މިއަދު މިފެންނަނީ ރާއްޖޭގެ އެކިކަންކޮޅުތަކުގައި މިއުޒިކާއި ހަފްލާތައް... އެކިކުލަކުލައިގެ ފުުއްޕާހަން އެކަތިގަޑަކަށްވެ އުދުހެމުންދާތަން...
ސޯސަލް އަލްޖިބްރިސްޓް
22 April 2017
މުޒާހަރާއަކީވެސް ޕާޓީއެއް. އެއީ ނެގެޓިވް ޕާޓީ
މެންޓަލިސްޓް
22 April 2017
ގާސިމް މިނިވަންކުރުމަކީ އަސްލު އެންމެންގެ މައްޗަށް ވާޖިބްކަމެށް ،، ގާސިމް އިބްރާހިމްއަކީ އޭނާއަށް ﷲ ދެއްވި މުއްސަނދިކަން އެހެންމީހުންނަށް ހޭދަކުރެއްވި ބޭވެފުޅެށް ،،، ބޭސްކުރުމަށާއި ކިޔެވުމަށް ވަރަށް ބޮޑު ޙަރަދެއް ކުރައްވާފައިހުންނެވި ބޭފުޅެށް ،،، ﷲ މުއްސަނދިކަން ދެއްވަނީ ވަރަށްބޮޑު ޒިންމާއަކާޢި އެކީ ،،، އެއީ އެތައްބައެއްގެ ރިޒްގް ،،، އެޖެހޭނެ އެކަން ދެނެގެން ހޭދަކުރަން ،،، ވީމާ ގާސިމްއަކީ އެކަމުގެ ސާފް ރީތި މިސާލެއް ،،، ގާސިމް އިބްރާހިން މިނިވަންކުރުމަކީ ގައުމީ ވާޖިބެއް ،،، ވަރަށްވެދުްން
މެންޓަލް ކޭސް
23 April 2017
ބަގާވާތް ކުރުމަކީ ވާޖިބެއްތޯ؟
ޟުހާޓޯ
22 April 2017
އާއިލާކުދިން ނުނުކުމެ ނުހުންނާނެ ދެއްތޯ.
ލަބީދް އެންޑް ކަބީރް
22 April 2017
މަމިގިލީސިޓީ ކުރިޔަށް ޖައްސާލައިފިއެއްނު. ގާސިމް ފުރަތަމަބުރުގާ ހައްޔަރުކުރުމާއެކުވެސް އެންމެ ފުރަތަމަ ހަރަކާތަށް ނުކުތީ ހަމަ އެބައިމީހުން. އެއީ އެމްަޑީޕީއާ އަދާލަތާ އަނގަތަޅަތަޅާހުއްޓާ.