ޚަބަރު / ލޯކަލް ކައުންސިލްތަކުގެ އިންތިހާބު 2017

ނަތީޖާ އިއުލާން ކުރުން ލަސްވާ މައްސަލާގައި އެމްޑީޕީގެ ފާޑު ކިޔުން ކޮމިޝަނަށް

ކައުންސިލް އިންތިޚާބުގައި ވޯޓު ކަރުދާސްތަކެއް ގުނަނީ: ނަތީޖާ އިއުލާން ކުރުން ލަސްކުރަނީ ނަތީޖާ ބަދަލުކުރަން ކަމަށް އެމްޑީޕީން ތުހުމަތު ކުރޭ --ފޮޓޯ/މިހާރު

10 މެއި 2017 - 16:13

9 comments

މިދިޔަ ހޮނިހިރުދުވަހު ބޭއްވި ލޯކަލް ކައުންސިލްތަކުގެ އިންތިޚާބުގެ ވަގުތީ ނަތީޖާ އިއުލާން ކުރުން ލަސްވާ މައްސަލާގައި އެމްޑީޕީން ކަންބޮޑުވުން ފާޅުކޮށްފި އެވެ.

ކައުންސިލްތަކުގެ އިންތިޚާބުގެ ވަގުތީ ނަތީޖާ އިއުލާން ކުރަންޖެހޭ މުއްދަތެއް، އެ އިންތިޚާބުގެ ގާނޫނުގައި އަދި އިންތިޚާބުތަކާ ބެހޭ އާންމު ގާނޫނުގައި ވެސް ބުނެފައެއް ނޯވެ އެވެ. ކައުންސިލް އިންތިޚާބުތަކުގެ ގާނޫނުގައި ބުނަނީ ދާއިމީ ނަތީޖާ 14 ދުވަސް ތެރޭގައި އިއުލާން ކުރަން ޖެހޭނެ ވާހަކަ އެކަންޏެވެ.

ލޯކަލް އިންތިޚާބުގެ ވަގުތީ ނަތީޖާ އިލެކްޝަންސް ކޮމިޝަނުން އިއްޔެ އިއުލާން ކުރަން ފަށައި، މިހާތަނަށް 17 ކައުންސިލެއްގެ ވަގުތީ ނަތީޖާ ވަނީ އިއުލާންކޮށްފަ އެވެ. ބާކީ ކައުންސިލްތަކުގެ ނަތީޖާ އިއުލާން ކުރުމުގެ މަސައްކަތް ކުރަމުން އަންނައިރު، އެމްޑީޕީން ތުހުމަތު ކުރާ ގޮތުގައި އިލެކްޝަންސް ކޮމިޝަނުން އެކަން ލަސްކުރަނީ ނަތީޖާ ބަދަލު ކުރުމަށެވެ. ނަތީޖާ އިއުލާން ކުރުން ލަސްވާން ޖެހޭ ސަބަބެއް އޮތް އެމްޑީޕީން ނުދެކެ އެވެ.

"ކުދިކުދި ތަންތަންކޮޅު ހޯދައި ވެސް ނަތީޖާ އަށް ބަދަލެއް ގެނެވޭތޯ ކޮމިޝަނުން އެ އުޅެނީ" އެމްޑީޕީގެ ސެކެޓްރީ ޖެނެރަލް އަނަސް އަބްދުއްސައްތާރު ވިދާޅުވި އެވެ.

އެކަމަކު އިލެކްޝަންސް ކޮމިޝަނުން ބުނަނީ ނަތީޖާ އިއުލާން ކުރުން ލަސްވެފައިވާ ކަމަށް އެ ކޮމިޝަނުން ނުދެކޭ ކަމަށެވެ.

ކޮމިޝަންގެ މެމްބަރު އަހުމަދު އަކްރަމް ވިދާޅުވީ ކައުންސިލްތަކުގެ އިންތިޚާބުތަކުގައި ވަގުތީ ނަތީޖާ އިއުލާން ކުރަން އާންމުކޮށް ކޮންމެވެސް ވަގުތުތަކެއް ނަގާ ކަމަށެވެ. އެކަމަކު ލަސްތަކެއް ނުވެ، ނަތީޖާ އިއުލާން ކުރެވޭނެ ކަމުގެ ޔަގީން ކަން އޭނާ ދެއްވި އެވެ.

"ލޯކަލް ކައުންސިލްތަކުގެ އިންތިޚާބުތަކުގައި ވަގުތީ ނަތީޖާ އިއުލާން ކުރަން އާންމު ގޮތެއްގައި ފަސް ދުވަހާއި ހަތް ދުވަސް ނަގާ. އެ މުއްދަތުގައި ތެރޭގައި އިއުލާން ކުރެވޭނެ އިރާދަ ކުރެއްވިއްޔާ،" އަކްރަމް ވިދާޅުވި އެވެ.

ކައުންސިލް އިންތިޚާބުގައި ބޮޑެތި ދާއިރާތަކުގެ މިހާތަނަށް އާންމުވި ނަތީޖާތައް ދައްކާ ގޮތުން އެންމެ ގިނަ ގޮނޑި ހޯދައި، ކައުންސިލްތަކުގެ އަޣުލަބިއްޔަތު ނަގާފައިވަނީ އިދިކޮޅު އެމްޑީޕީންނެވެ. އެމްޑީޕީން ކާމިޔާބީ ފާޅު ކުރަމުންދާއިރު ސަރުކާރު ހިންގާ ޕީޕީއެމުން ވަނީ ބަލި ގަބޫލުކޮށްފަ އެވެ.

އެމްޑީޕީ އިދިކޮޅު ފަރާތްތައް އިލެކްޝަންސް ކޮމިޝަން ލޯކަލް ކައުންސިލްތަކުގެ އިންތިހާބު 2017 ލޯކަލް އިންތިހާބު ސިޔާސީ ޕާޓީ

9 ކޮމެންޓް, 33 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަލީ

11 May 2017

އެލެކްޝަންސް ކޮމިޝަން ދައުރު ފުރިހަމަޔަށް އަދާނުކުރެވޭ ކަމަށް ގަބޫލުކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައިމަން

10 May 2017

ރާއްޖެ ޓީވީވަރުވެސް ނުވިވިއްޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާއިޝަތު / ސ. ހިތަދޫ

10 May 2017

ރަނގަށް ވަކަ ވަކީން އައްޑޫ ހިތަދޫގެ އެކި ފޮށި ފޮތްޓައް އަޅައިފައިވާ ވޯޓުތައް ބެލުން މުހިއްމު... ރަނގަޅަށް އިންވެސްޓި ގޭޓު ކުރެވިއްޖެއްޔާ ފެނަކަ އައްޑޫ އޮފީހުން ފީ ހޮވައިލަން ފަސޭހަވެ ޖެއްސުން ކުރި މީސްމީހުން ސާފުކޮށް އެނގިގެންދާނެކަމާއި މެދު ސުވާލު ނުއުފުދޭ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުޅި

10 May 2017

އަންތަރީސް. ބޮޑުމީހާއަށްޝޮކް ޖެހިދާނެތީ ކުރިޔަށް އޮތް ދޮޅު އަހަރު ތެރޭ މަޑުމަޑުން އިޢުލާން ކުރާނެ... 2018 ގައި ހަދާނެގޮތާމެދު ވިސްނަންތިއްބާ އޮއްސިއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބުރާހިމް

10 May 2017

ރާއްޖެއަކީ ދުނިޔޭގައިއޮތް އެންމެ އާބާދީ ބޮޑު ގައުމުވީމަ އެހެންވެދާނެނުންދެއްތޯ! އިލެކްޝަންކަމިޝަންގެ ކަންކަން މިހެންހުރުމުން ރައީތުން ފާޑުކިޔަނީ. އެންމެ ރަނގަޅުގޮތަކީ ތިމާމެން ނާގާބިލިއްޔާ ގާބިލްބަޔަކަށް ފުރުސަތުދީފައި ތިމާމެން އެއްފަރާތްވުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެހެހެ

10 May 2017

ހަނޑޫ ބަސްތާއެއްތަ އެ ގުނަނީ؟ ދުވަހަކު ގުނާނުނިމުނުވިޔަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޑަދޫއަހްމަދު

10 May 2017

2 ލައްކަ ވޯޓަކީ އެކްސެލް ޝީޓަކުން މެނޭޖްކޮށްލެވޭނެ ކަމެއް! ތިޔަ ނަތީޖާއަކާއި ތަޅުވަތަޅުވަ ތިއްބާ، 66 މިލިއަން މީހުން އުޅޭ ފްރާންސްގައި ވޯޓުލާ، ވޯޓު ގުނައި، ނަތީޖާ އިއުލާންކޮށް ނިމިއްޖެ! 50 މިލިއަން މީހުން އުޅޭ ސައުތުކޮރެޔާގައި އިއްޔެ ވޯޓުލައި، ވޯޓުގުނައި، މިއަދު ހުވާކޮށް ނިމިއްޖެ! ދިވެހިރާއްޖޭގައި މިއުޅޭނީ ހަމަ އެއްގޮތެއްވެސް ނުވެގެން! މިއީ ވޯޓުގެ ނަތީޖާއާއި މެދު ޝައްކު އުފެދޭ ކަމެއް! މިއީ ރިޔާސީ އިންތިހާބުގައި މަކަރުހެދުމަށް ޖަހާ މަޅިއެއް! މިކަމާއި އެމް.ޑީ.ޕީން އިސްވެ އޮވެ އެބަޖެހޭ އަވަސް ފިޔަވަޅެއް އަޅަން! ނާގާބިލް މީހުން، ބައި މީހުން ލައިގެން އިލެކްޝަން ކޮމިޝަނެއް ނުހިންގޭނެ މިވައްތަރަށް ދިވެހިރައްޔިތުންގެ ބައިތުލްމާލުން ފައިސާ ނަގައިގެން! ރައްޔިތުން އިހުތިޖާޖުކުރަން ގޮވާލަން! އަދި އިލެކްޝަން ކޮމިޝަނުގައި ތިބި ނާގާބިލު މީހުން މަގާމުތަކުން ބޭރުކުރުމަށް ގޮވާލަން!