ބްރިޖުގެ ފުރަތަމަ އައިބީމް ނުވަތަ ބެރި މިއަދު އަޅަނީ: ބްރިޖުގެ ގިނަ މަސައްކަތްތަކެއް މިހާރު ވަނީ ނިމިފައި. --ފޮޓޯ: ހައުސިން މިނިސްޓްރީ
06 ޖުލައި 2017 - 16:39
43 comments
މާލެ އާއި ހުޅުލެއާ މެދު އަޅާ ބްރިޖުގެ އައިބީމްތައް ނުވަތަ ކޮންކްރީޓުން ހަދާފައިވާ ބޮޑެތި ބެރިތައް މިއަދު އަޅަން ފަށައިފި އެވެ. މިއާއެކު ބްރިޖުގެ ސުޕަ ސްޓްރަކްޗާގެ މަސައްކަތް މި ފެށުނީ އެވެ.
މާލޭ ކޮޅުން ބްރިޖު ފެށޭ ހިސާބުން ބެރިއަޅަން މި ފެށީ ޑެކު އެޅުމަށްޓަކަ އެވެ. ބެރިތައް ނިމުމުން، ޑެކު އަޅައި، ޗައިނާގައި މިހާރު ތައްޔާރުކުރަމުން އަންނަ ސުޕަ ސްޓްރަކްޗާ ގެނެސް އަތުރާލާނީ އެވެ. އެހެންކަމުން، ބެރި އަޅަން ފެށުމަކީ ބްރިޖުގެ މަސައްކަތުގައި ވަރަށް ތާރީޚީ ކަމެކެވެ.
ހައުސިން މިނިސްޓަރު ޑރ. މުހައްމަދު މުއިއްޒުު އިއްޔެ ވިދާޅުވީ އައިބީމްތައް އެޅުމަށް ވެސް ހުރިހާ ސާމާނެއް ސައިޓަށް ޖަމާކޮށް، ސީސީސީސީ ކުންފުނިން އޮތީ ފުރިހަމަ އަށް ތައްޔާރުވެފައި ކަމަށެވެ. އެޕްރޯޗް ބްރިޖު ނުވަތަ މާލެ އާއި ހުޅުލޭ ކޮޅުން ވެސް ފަޅުތެރޭގައި އިންނަ ބަޔަށް އެކަނި ވެސް 240 އައިބީމް ސެގްމަންޓް ހިމެނޭ ކަމަށް މިނިސްޓަރު ވިދާޅުވި އެވެ.
މާކަނޑުގެ އަޑިއަށް ޖަހަން ޖެހޭ ތަނބުތަކުގެ މަސައްކަތަކީ އެންމެ އުނދަގޫ މަސައްކަތެވެ. އެކަމަކު ހުރިހާ ތަނބެއްގެ ވެސް ކޮންކްރީޓް މަސައްކަތް ނިމި ތަނބުތައް ހުރީ ފެނުން މައްޗަށް ފެންނާށެވެ.
މެއިން ބްރިޖު ނުވަތަ މާކަނޑުގައި ހިމެނޭ ބައިގެ ދެ ފަރާތުގައި ހުންނަ 35 ތަނބާއި އެޕްރޯޗް ބްރިޖުގެ 88 ތަނބުގެ ކޮންކްރީޓް މަސައްކަތް ގާތްގަނޑަކަށް ވަނީ ނިމިފަ އެވެ. މިހާރު ކުރިއަށް ދަނީ މެއިން ބްރިޖުގެ ތަނބުތަކުގެ ވީ އަކުރެއްގެ ސިފައިގައި އިންނަ ކެޕިން އެޅުމުގެ މަސައްކަތެވެ. މާލެ އާއި ހުޅުލޭ ކޮޅުގައި އަޅާ އެޕްރޯޗް ބްރިޖު ގުޅުވާލާނީ މާކަނޑުގައި ހިމެނޭ މެއިން ބްރިޖާ އެވެ.
ބްރިޖުގެ ފުރަތަމަ އައިބީމް މިއަދު އަޅަނީ. --ފޮޓޯ: ހައުސިން މިނިސްޓްރީ
ދެ ގައުމުގެ ސަރުކާރުން އެއްބަސްވެފައިވާ ގޮތަށް ބްރިޖު ނިންމަމުން އަންނައިރު، ޝެޑިއުލަށް ވުރެން މާ އަވަހަށް ސީސީސީސީން މަސައްކަތް ނިންމަމުން އަންނަ ކަަމަށް މިނިސްޓަރު މުއިއްޒު ވިދާޅުވި އެވެ. އަންނަ އަހަރުގެ ސެޕްޓެމްބަރު މަހަށް މަސައްކަތް ނިންމަން އެއްބަސްވެފައިވާ ބްރިޖު ޖުލައި 26ގައި ހުޅުވޭނެ ކަމަށް މިނިސްޓަރު ވިދާޅުވި އެވެ. ބްރިޖްގެ މަސައްކަތަށް 200 މިލިއަން ޑޮލަރު ޚަރަދުވާއިރު އޭގެ ތެރެއިން 116 މިލިއަން ޑޮލަރަކީ ޗައިނާ ސަރުކާރުގެ ހިލޭ އެހީ އެވެ. އަދި 72 މިލިއަން ޑޮލަރަކީ ޗައިނާގެ ލޯނު އެހީ އެވެ. މި މަޝްރޫއަށް ދިވެހި ސަރުކާރުން 12 މިލިއަން ޑޮލަރު ހޭދަކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒަންޖަބީލު
08 July 2017
ދިވެހި ވަރަށް ރަނގަޅަށްވެސް އަވާގައި ޖައްސައިފި. ސަރުކާރުން ތަރައްގީ ގެނެސްދޭ. އެކަމް އެކަން ގަބޫލު ކުރާކަށް ބޭނުމެއް ނޫން. އެހެން ނޫންވާނީ ރާއްޖެ ޓީވީ އިން ބުރިޖުގެ ވާހަކަ ވެސް ފަށާނީ ވަރަށް ރީއްޗަ އެކަމް ނިންމާލާނީ ގޯޅި އަޅުވާފަ. އިދިކޮޅު ފަރާތްތަކުން ބޭނުން ކުރަނީ ބައިބުލްގައި އޮންނަ ކަހަލަ ޕްރެކްޓިސްއެއް. ރަނގަޅަށް ގޮސް ފަހު ޖުމުލައިން މަގުފުރައްދަނީ.... ކާފަރުންނަށް މުސްލިމުން ކަނޑިން ބަލިނުކުރެވުނީމަ ދެން އެބައި މީހުން ފެށީ ފިކުރީ ހަނގުރާމަ... މިހާރު އިދިކޮޅު މީހުން އޭގައި ބައިވެރިވެގެން ދިވެހިން މަގު ފުރައްދަމުން ދަނީ
ހަސަދު
07 July 2017
އެއްބުރިޖު އިންތިޚާބެއްކާމިޔާބު ކުރަން ފުދޭބާ!!. ބޭސް ވެރިކަން ދަށަށް، ޔުނިވަރުސީޓީ އެއްހުރީތީ ފުޑާލައިފި، މާލެ ތޮށް ޖައްސައިފި، އާކަރިކިއުލަމެކޭ ކިޔައިގެން ތަޔިލީމު އޮޅުވައިލިފި، ވިޔަފާރިވެރިން ހިތްހަމަ ޖައްސަން ބަންގާޅުން އެތެރެ ކޮށް ރަށް ފުރާލައިފި، ކޮރަޕްޝަން އިންތިހާއަށް، އަދިވެސް 2018 ދޭންވީތޯ؟؟؟
ކޮވެލި
07 July 2017
30 އަހަރުން ނުވިކަމެއް 5 އަހަރުން. ދެން ނެތް ބުނާނެއެއްޗެއް.
ޙަސަން އަޙްމަދު
07 July 2017
ސިކުނޑި އޮންނަންވީ ތާ ވަޅުގަނޑެއް އޮތީމަ ނޭނގޭނެ ބުނާނެ އެއްޗެއް. އެތައް ހާސް އަހަރަކުން އިންސާނުން ނުވާ ތަރައްގީ މިހާރު އެއް މަސް ދުވަސް ތެރޭ އިންސާނުން ހޯދާކަމެެއް ވެސް އެނގުނީހީ ދުނިޔެއަށް ލޯ ހުޅުވިފަ ހުރި ނަމަ. ތިރީސް އަހަރު ކުރިން އޮތް ކަހަލަ ރާއްޖެއެއް ޔާމީން އަތަށް އެރި ނަމަ.. !! ކިޔަން ހުރި އެއްޗެހި ލައްކަ ގިނަ.
ސިދުގީ
08 July 2017
33 އަހަރު، ގުނބޯހެއްދި 30 އަހަރާއި ފަނާކުރުވި 3 އަހަރު.
އަލީ
07 July 2017
މިބުނީނު... ރޔ އެއް ދެނެއް ނުހޮވާނަމޭ!
ކާށިހޮވާ
07 July 2017
އެހެންވީމާ ދޯ ނިމިދިޔަ ލޯކަލް ކައުންސިލު އިންތިޚާބުގައި މަމެންގެ ބިއުޓިފުލް ސަރުކާރުން އެކަނި ނިކުމެ ވޯޓް ލި މީހުންގެ %85 ކާމިޔާބު ކުރީ. ތަމެން އެންމެން ނިކުމެގެން ނުލިބުނު ދޯ %15 ވެސް. ކީއްކުރާނީ ދެން. ތަމެން ރަނގަޅުވާނެ ވޯޓްގެ ވާހަކަ ނުދައްކާ ރަށުތެރޭން މުޑި ކާށި ހޮވަން ދިޔައިއްޔާ ދޯ.
ނަވީން
07 July 2017
ލާރި ކޮޅެއް ކަލެއަށް ދޭއިރަށް ރައީސް ޔާމިންއަށް ވޯޓް ދޭނެކަން ކަށަވަރު
ސެވެން
07 July 2017
ތީ އަދީބުގެ ބުރަ މަސައްކަތް، ރައީސް ޔާމީން އިއްނެވީ ތާސްޅެން
Maldives
07 July 2017
ބުރިޖު ހުޅުވާނީ އެހެން ރައީސެއް :)
އަފިހުން ގޮއްޔެ
06 July 2017
މިއުޅެނީ ބުރިޖު ނޭޅިގެނެއް ނޫނެވެ. މިއުޅެނީ މަސީހުގެ އިތުބާރު ނެތްކަމުގެ ވޯޓު އަވަސް ނުކުރެވިގެނެވެ، ހުރިހާ ބޭފުޅުންވެސް އެކަމާ އުޅުން މިވަގުތަށް މާ ބޮޑަށްވެސް މުހިއްމު ނޫންތޯއެވެ. ބުރިޖު އެޅިއަސް ނޭޅިއަސް މިވޯޓު އަޅާ މިކަން ނިންމާންވާނެއެވެ.
ލޯބި
06 July 2017
މިސަރުކާރު މިހާ މަސައްކަތް ކުރާއިރު ކީވެ ގިނަބައެއް ގެ ލޯބި ނުލިބެނީ.....ކުޗުތޯ ގަޑުބަޑުހޭ....
ހަސަނުބެ
07 July 2017
ޕާޓީ ސިސްޓަމް އުފެދުމުގެ ސަބަބުން މުޖްތަމަޢު ބައިބައިވެ އިދިކޮޅު ފަރާތްތަކުގެ ވެރިން ކިޔާހާ ސަނާއެއް ޤަބޫލުކުރުމުގެ ނަތީޖާއަކަށް ވެގެން ދަނީ ރުޅިވެރިކަން އުފެދުން. ހިތުގައި އުފެދިފައި އޮންނަ މި ދެކޮޅުވެރިކަމުގެ ސަބަބުން މި ސަރުކާރުން ގެންނަ ތަރައްޤީތައް ބަލައިގަންނަން ބޭނުންނުވަނީ! ދެން މިހެން ނޫހުގަ ޖަހާލާ ކޮންމެ ތަރައްޤީ ޚަބަރެއްގަ ކޮންމެވެސް އެއްޗެކޭ ބުނެނުލާ ހަޖަމު ނުވަނީ! ކީއްކުރާނީ! ހަމަ ބައެއް ދިވެހިންގެ ގޮތް މީ! ހިތުގެ ޤަދަރެއް ނުވާ ލޯތްބަކީ ފިތުނަޔޭ. ފިތުނަވެރި ކަމުގެ އަލިފާނަކީ ކަރުނަޔޭ.
ޞަފްހާ
06 July 2017
ނޫހުގެ ހެޑްލައިނުން ޖާގަ ހޯދުމަށް ނެރޭ ކަބަރު
ދުންމާރި
06 July 2017
ޢައި ބީމް އެއްތަތީ ތިއަށް އަހަރުން ކިޔަނީ ޓްރަސް