ގަކޮޅު ދެކުނު ދާއިރާގެ މެމްބަރު އަހުމަދު މަހްލޫފާއި ގަލޮޅު އުތުރު ދާއިރާގެ މެމްބަރު އީވާ އަބްދުﷲ މަޖިލިހުގެ އިދާރާ އަށް މިއަދު ވަޑައިގަތުމުން، އެ ބޭފުޅުން އެ ތަނަށް ވެންނެވުމަށް ސިފައިން ހުރަސްއަޅައި، މަޖިލިހުގެ އިދާރާގެ އެތެރޭގެ ދޮރުމަތީގައި އެތުރިގެން.
25 ޖުލައި 2017 - 12:45
31 comments
ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ އަހުމަދު މަހްލޫފާއި އެމްޑީޕީގެ ގަލޮޅު އުތުރު ދާއިރާގެ އީވާ އަބްދުﷲ، މިލިޓަރީ ހެދުން ގޮތަށް ޑިޒައިން ކޮށްފައިވާ ގަމީސް ލައިގެން މަޖިލީހުގެ އިދާރާ އަށް ވަޑައިގެންފި އެވެ. އެކަމަކު އަސްލު ޔުނީފޯމްގައި ތިބި ސިފައިންނާ ހެދި އެތެރެއަށް ވެންނެވޭ ގޮތެއް ނުވި އެވެ.
މަހްލޫފާއި އީވާ ހެނދުނު މަޖިލީހުގެ ގޯތިތެރެއަށް ވެންނެވުނެވެ. ރައްޔިތުންގެ މަޖިލިހުގެ މެމްބަރުންގެ މަސްއޫލިއްޔަތު އަދާކުރައްވަން ހުރަސް ނޭޅުމަށް ދެ ބޭފުޅުން ގޮވާލެއްވި ނަމަވެސް، އިއްޔެއިން ސުރެ މަޖިލިސް ހިސޯރުކޮށްގެން ތިބި ސިފައިން އެވާހަކައަށް އަޅައެއްނުލި އެވެ.
ދެ މެމްބަރުންނަށް މަޖިލީހުގެ ގޯތިތެރޭގައި ވެސް ތިއްބެވުނީ ކުޑަ ވަގުތުކޮޅަކަށެވެ. ސިފައިިން ވަނީ ދެ މެމްބަރުން ވެސް އެތަނުން ނެރެފަ އެވެ.
މަހްލޫފް މިއަދު މަޖިލީހުގެ އިދާރާގެ ގޯތިތެރޭގައި.
މަހްލޫފް ވިދާޅުވީ އިއްޔެ މެމްބަރުން މަޖިލީހަށް ވަންނަވަން މަސައްކަތް ކުރެއްވީ ރަސްމީ ހެދުމުގައި ގަމީހާއި ޓައި އަޅުއްވައިގެން ކަމަށެވެ. އެކަމަކު އެގޮތަށް ހެދުން ލައްވައިގެން ވަޑައިގަތުމުން ވެސް ސަލާމަތީ ބާރުތަކުން ހުރަސްއެޅި ކަމަށް ވިދާޅުވި އެވެ.
"ގަމީހާއި ޓައި އެޅީމަ ނުވެއްދީމަ ސިފައިންނާ ދާދި އެއްގޮތަކަށް ހެދުން އަޅައިގެން މަޖިލީހަށް ވަދެވޭތޯ ބެލީ. އެކަމަކު ވެސް މަޖިލީހުގެ ތެރެއަށް ނުވަދެވުނު،" މަހްލޫފް ވިދާޅުވި އެވެ.
އީވާ ވިދާޅުވި ގޮތުގައި މަޖިލީހަށް ވަޑައިގަތީ ރައީސް އޮފީހުން ނެރުނު ބަޔާނުގައި މަޖިލީހުގެ އިދާރާ ހިސޯރުކޮށްފައި ނުވާނެ ކަމަށް ބުނެފައިވާތީ އެއީ ހަގީގަތެއްތޯ ބެލުމަށާއި މަޖިލީހުގައި ކުރަން ޖެހޭ ކަންކަން ހުރުމުން އެކަން ކުރެއްވުމުގެ ބޭނުމުގަ އެވެ. އެކަމަކު މަޖިލީހުގެ އިދާރާ އޮތީ ހަގީގަތުގައި ވެސް ސިފައިން ހިސޯރުކޮށްފައިކަން ސާފުވިކަމަށް އީވާ ވިދާޅުވި އެވެ.
މަހްލޫފް (ކ-2) އާއި އީވާ މިއަދު މަޖިލީހުގެ ގޯތިތެރޭގައި.
"އަޅުގަނޑުމެން މަޖިލީހަށް ވަންނަން ބޭނުންވެގެން ދިޔައިރު، މަޖިލީހުގެ އިދާރާ އޮތީ ސިފައިންގެ ބެލުމުގެ ދަށުގައި. މެމްބަރުންނަކަށް ނުވަދެވޭ،" އީވާ ވިދާޅުވި އެވެ.
މަޖިިލީހުގެ މެމްބަރުންނަށް މަޖިލީހަށް ވެންނެވުމުގެ ފުރުސަތު ބަންދުކޮށްފައި އޮތް ނަމަވެސް، އެތަނުގެ އިދާރީ މުވައްޒަފުންނަށް ދަތިކަމެއް ނެތި ވަދެ، ނިކުމެ ހެދެ އެވެ. ނަމަވެސް ސިފައިން ދަނީ މަޖިލީހުގެ އިރުމަތީ ގޭޓް ކައިރީގައި ފޯރިމަރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަރުކާނު
27 July 2017
ސަޅި. ސީޒަންގެ ފިލްމަކުން މި ބޭފުޅުންނަސް ޖާގައެއް ލިބިދާނެބާ؟ މެމްބަރުކަން ދޫކޮށްލާފަ އެކްޓިންގ އިން ފައިސާ ހޯދީމަ މާރަގަޅުވާނެ.
ސުބު
25 July 2017
ހީކުރަނީދޯ ޖެއްސުންކޮށްގެން ކަންކަންކުރެވޭނެކަމަށް؟ އެފަދަބާރެއްހުރި މީހެއްނުޏް ތީކީ.
މިކީމައުސް
25 July 2017
މަހޫލޫފް މާދަމާ ސުޕަރމޭން ހެދުން ލައިގެން ދޭ އުދުހެން. ޓޯއިޓޮއި ބޯއި
ލުގުމާން
25 July 2017
މައްޝޫރު ވާން ކިރެވެން އޮތް ހުރިހާކަމެއް ކުރާނެ. ތިވެސް އެކަމުގެ ބައެއް
ނަގޫރޯޅި
25 July 2017
ކަންކަން އޮލުވާލާ މޮޅެތިފޮޓޯ ނޫސްތަކުގަޖަހާ އަދިހޭލާތިބެގެން މުޅިދުނިޔެއައް ގައުމުބޭޒާރު ކުރިމީހުންނައް ވަގުތީއުފަލެއްލިބިދާނެ. ފުލުހުންވެސް އަދި ސިފައިންވެސް މަޖްޅީހައްވަނީ އެމީހުންގެ ވާޖިބުއަދާކުރަން. މަޖްލިސްޖަލްސާ އޮންނާނެ ދުވަހާ ނޯންނާނެ ދުވަސް ނިންމާނީ މެންބަރުންނެއްނޫން. ސިޔާސީފޮޓޯ އަކައް ބައެއްމެންބަރުން ތިފިލްމްއިއްޔެ ކުޅެފަ ސަރުކާރާ ސިފައިންނާ ފުލުހުންގެބޮލުގަ ތިކަން އަޅުވާފަ މިއަދުތިބެވިދާނެ. ފުޑޭނީ ގައުމު، ފައިދާކުރާނީ ސިޔާސީމީހުންނައް އެކަނި.
ވގ ރއސ
25 July 2017
2013 އިން ފެށިގެން މިހާތަނަށް ގައުމުގައި ނުފުނޑި އޮތް އެއްޗެއްތަ ދައްކާބަލަ. ރީތި ހަމަހިމޭން އިންސާފުވެރި ވެރިކަމެއް ކުރަން ހާދަ ފަސޭހަ ފުރުސޮތެކޭ ރައްޔިތުން ދިނީ.
ރިޝްވައްތަ
25 July 2017
މޮޔަވާ މީހުންނާ މޮޔަ ގޮވާ މީހުންނަކީ ހުރިހާ ގައުމެއްގައިވެސް އުޅޭ ބައެއް. ކުޑަކުދިންވެސް މާބޮޑަށް އިއްޒަތްތެރި ކުރީމަ އުޅެނީ އެހެން.
ޒިއަޒަން
25 July 2017
ދާއިރާގެ ރައްޔިތުންގެ ކަންތަކާ އުޅުނިއްޔާ މާ ޠާހިރުވާނެ !
ކަލޭ
25 July 2017
މަހްލޫފް އަދި އީވާ ހީކުރަނީ ދެންތިބެނީ ގަޅިންކަމަށްތަ. އަދި ތިހެން ސިފައިން ކީކުރަން ޕޮލިސް ލާކުއިގެ އެއްޗެލިޔަކަސް ބަޔަކަށް ނުވެސް އޮޅޭނެ ނޫނީ އެމީހުން ކަލޭމެންތީ އެމީހުންގެ މީހަކަށް ބަލައެއްވެސް ނުގަށްނާނެ. ހީކުރީތަ ތިހެން އައިމަ އެމީހުން ފަސްޖެހޭނެ ހެން. ހަމަ ހަތަރެސްފައިގަ އިފާ ބޭރު ކުރާނީ. އީޔެގަވެސް އޮތީ ބޭރުކޮށްފަ.
ލުގުމާން
25 July 2017
އަދި ދިޔަހެނެއް އުޅެގެނެއް ހުރިހާކަމެއް ހާސިލެއްނުވާނެ. ތަންކޮޅެއް ކުރިން ފޭކު ޑޮލަރުތަކެއްވެސް މަގުމަށްޗއުކީމެއްނުން؟ އެފަހަރު 6 މަހަށް ޖަލަށް. މިފަހަރު ފޭކު ޔުނިފޯމެއްދޯ... ކިހާވަރަކުން ދާނެބާ...؟ ހެހެހެހެ
ސުދީ ހުސާމް
25 July 2017
ކޮންމެ ކަމެއްވެސް ޖޯކެއް ދޯ އީވާ.