އެލައިޑުން ހަތަރު ދުވަހުގެ ތެރޭގައި 4.2 މިލިއަން ރުފިޔާ ދޫކޮށްފި

ރައީސް ޔާމީންގެ ސަރުކާރަށް ތިން އަހަރު ފުރުން ފާހަގަކުރުމަށް އެލައިޑުން ބޭއްވި ހަފްލާގައި، އެ ކުންފުނީގެ އިސްވެރިން އިކޮނޮމިކް މިނިސްޓަރު ސައީދާއެކު.--ފޮޓޯ: ނިޝާން އަލީ/ މިހާރު

އަލީ ޝިނާން، މިހާރު

15 ސެޕްޓެމްބަރ 2017 - 10:50

3 comments

އެލައިޑު އިންޝުއަރެންސް އިން ޚިދުމަތް ހޯދާ ފަރާތްތަކަށް ލިބޭ ގެއްލުމުގެ ބަދަލުގެ ގޮތުގައި ހަތަރު ދުވަހުގެ ތެރޭގައި 4.3 މިލިއަން ރުފިޔާ ދޫކޮށްފި އެވެ. މިއީ ބަދަލުގެ ގޮތުގައި މިހާ ބޮޑު އަދަދެއްގެ ފައިސާ ފަހަކަށް އައިސް އެލައިޑުން ދޫކުރި ފުރަތަމަ ފަހަރެވެ.

އެ ކުންފުނީގެ މާކެޓިން މެނޭޖަރު ނިއުޝާދު ޝަރީފް ވިދާޅުވީ އެންމެ ގިނައިން ފައިސާ ދޫކުރީ ހެލްތް އިންޝުއަރެންސާއި މެރިން ހަލް އިންޝުއަރެންސަށް ކަމަށެވެ.

ނިއުޝާދު ވިދާޅުވީ ބަދަލުގެ ގޮތުގައި 4.3 މިލިއަން ރުފިޔާ ދޫކުރީ މި މަހުގެ 10-14 އަށް ކަމަށެވެ.

ރައީސް ޔާމީންގެ ސަރުކާރަށް ތިން އަހަރު ފުރުން ފާހަގަކުރުމަށް އެލައިޑުން ބޭއްވި ހަފްލާގައި، އެ ކުންފުނީގެ މާކެޓިން މެނޭޖަރު ނިއުޝާދު ވާހަކަ ދައްކަވަނީ.-- ފޮޓޯ: ނިޝާން އަލީ/ މިހާރު

އެލައިޑުން ގެންދަނީ ބަދަލުގެ ގޮތުގައި ފައިސާ ދޫކުރާ ވަރު ކޮންމެ ހަފުތާއަކު ވެސް އިއުލާން ކުރަމުންނެވެ. ނަމަވެސް މިހާ ބޮޑެތި އަދަދުތަކެއް އާންމުކޮށް ދުލެއް ނުކުރެ އެވެ.

އެ ކުންފުނިން އާންމުކޮށްފައިވާ ތަފާސްހިސާބުތަކުން ދައްކާގޮތުގައި އެންމެ ބޮޑު އަދަދެއް ބަދަލުގެ ގޮތުގައި ދީފައި ވަނީ މިދިޔަ މޭ މަހުގެ 7-11 އަށެވެ. އެ މުއްދަތުގައި 5.5 މިލިއަން ރުފިޔާ ދޫކުރި އެވެ. އޭގެ ތެރޭގައި ވެސް އެންމެ ގިނައިން ހިމެނެނީ ހެލްތު އިންޝުއަރެންސާއި މެރިން ހަލް އިންޝުއަރެންސަށް ދޫކުރި ފައިސާ އެވެ.

އެލައިޑުން ހާމަ ކޮށްފައިވާ ގޮތުގައި، އެ ކުންފުނީގެ އިންޝުއަރެންސްގެ ޖުމްލަ އަގު ވަނީ 120 މިލިއަން ޑޮލަރަށް (1.9 ބިލިއަން ރުފިޔާ) އަށް އަރައިފަ އެވެ.

އެލައިޑް އިންޝުއަރެންސް ހެލްތު އިންޝުއަރެންސް ކަނޑު އުޅަނދުފަހަރުގެ އިންޝުއަރެންސް

3 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަމަނަ_

17 September 2017

އެލައިޑުގައި އިންޝުއަރ ކޮށްފައިވާ މީހުންގެ ނިސްބަތުން ތިއީ މާ ބޮޑު އަދަދަކަށް ނުވާނެ. އެމީހުންނަށް އިންޝުއަރެންސުން އާމްދަނީ ލިބޭ ވަރުވެސް ޖަހާލާނަމަ ނިސްބަތުން އަޅާކިޔާ ވިސްނާލަން ފަސޭހަވީސް. ހަގީގަތުގައި އެލައިޑުން ފައިސާ ހޯދުމަކީ ވަރަށް އުދަގޫ ކަމެއް. ވަރަށް ގިނައިން ކޯޓަށް ގޮސްގެން އެތައް ޒަމާނަކުން ނޫނީ ހައްލުނުލިބޭ ކަމެއް.