ރާއްޖެއާއެކު އަބަދުވެސް އޮންނާނެ، ދެ ގައުމަށް ފައިދާ ވާނެ: ޗައިނާ

1500 ހައުސިން ޔުނިޓް ސަރުކާރާ ހަވާލު ކުރުމަށް ހުޅުމާލޭގައި ބޭއްވި ރަސްމިއްޔާތުގައި ޗައިނާގެ ޕޮލިޓިކަލް ކައުންސިލަރު ޔަންގް ޔިން ވާހަކަ ދައްކަވަނީ. - ފޮޓޯ: ހުސެއިން ވަހީދު/ މިހާރު

މުހައްމަދު ޔާމީން، މިހާރު

04 ޑިސެމްބަރ 2017 - 21:11

16 comments

ޗައިނާ އިން ރާއްޖެއާ އެކު އަބަދުވެސް އެކުގައި މަސައްކަތް ކުރާނެ ކަމަށާއި އެކަމުން ދެ ގައުމުގެ ރައްޔިތުންނަށް ވެސް ފައިދާވާނެ ކަމަށް ޗައިނާގެ ޕޮލިޓިކަލް ކައުންސިލަރު ޔަންގް ޔިން ވިދާޅުވެއްޖެ އެވެ.

ޗައިނާ މެޝިނަރީ އިންޖީނިއަރިން ކޯޕަރޭޝަން (ސީއެމްއީސީ) އިން ރާއްޖޭގައި ބިނާކުރި 1500 ހައުސިން ޔުނިޓް ސަރުކާރާ ހަވާލު ކުރުމަށް ހުޅުމާލޭގައި މިއަދު ބޭއްވި ރަސްމިއްޔާތުގައި ވާހަކަ ދައްކަވަމުން ޔަންގް ވިދާޅުވީ ރާއްޖެ އަށް ވަރަށް ހަލުވިމިނެއްގައި ތަރައްގީވަމުން އަންނަ ކަމަށެވެ.

"ޗައިނާ އަބަދުވެސް ރާއްޖެއާ އެކު އޮންނާނެ. ތަރައްގީގެ މަޝްރޫއުތައް ހިންގުމުގައި އެހީތެރިވާނަން، އޭގެ ސަބަބުން ދެ ގައުމުގެ ރައްޔިތުންނަށް ވެސް ފައިދާ ވާނެ،" ޔަންގް ވިދާޅުވި އެވެ.

1500 ހައުސިން ޔުނިޓް ސަރުކާރާ ހަވާލު ކުރުމަށް ހުޅުމާލޭގައި ބޭއްވި ރަސްމިއްޔާތުގައި މަޖިލީހުގެ ބައެއް މެމްބަރުންނާއި ސަރުކާރުގެ އިސް ބޭފުޅުން. - ފޮޓޯ: ހުސެއިން ވަހީދު/ މިހާރު

ރާއްޖެ އާއި ޗައިނާއާ ދެމެދު ސިޔާސީ ގުޅުން ގާއިމުކުރިތާ 45 އަހަރު ވެފައިވާއިރު، ސީއެމްއީސީ ހުޅުމާލޭގެ ފުރަތަމަ ފިޔަވަހީގައި ގާއިމް ކުރި 704 ފްލެޓުތަކަކީ ޗައިނާ އާއި ރާއްޖެ އާ ދެމެދު އޮތް ގާތް ގުޅުމުގެ ވަރަށް ބޮޑު ރަމްޒެއް ކަމަށް ވެސް އޭނާ ވިދާޅުވި އެވެ.

މި ރަސްމިއްޔާތުގައި ޗައިނާ މެޝިނަރީ އިންޖީނިއަރިން ކޯޕަރޭޝަން (ސީއެމްއީސީ) އިން ރާއްޖެ އަށް ކަނޑައަޅާފައި ހުންނަވާ މަންދޫބު ލިއު ޝައުޑާ ވިދާޅުވީ ރާއްޖެ އާއި ޗައިނާއާ ދެމެދު ގާތް ގުޅުމެއް އުފެދިފައި އޮތް އިރު، އެ ގުޅުން ހަރުދަނާ ކުރުމުގައި ބައިވެރިވުމުގެ ފުރުސަތު އެ ކުންފުންޏަށް ލިބުމުން އުފާ ކުރާ ކަމަށެވެ.

އޭނާ ވިދާޅުވި ގޮތުގައި ރާއްޖެ އަށް ޓޫރިސްޓުން ޒިޔާރަތް ކުރަނީ ރާއްޖޭގެ ރީތިކަން ދެކުމަށެވެ. ރާއްޖޭގެ ރީތިކަން ފެނިފައި، އެ މީހުން އެނބުރި ގައުމަށް ދާން ބޭނުން ނުވާ ކަމަށް ވެސް އޭނާ ވިދާޅުވި އެވެ.

ކޮންޓްރަކްޓަރެއްގެ ހައިސިއްޔަތުން ތަރައްގީގެ މަޝްރޫއުތައް ހިންގުމަށް ސީއެމްއީސީން ރާއްޖެ އައުމުން ދިވެހިންގެ ހިތްހެޔޮކަމާއި އޯގާތެރިކަން ފެނިގެން ދިޔަ ކަމަށް ވެސް އޭނާ ވިދާޅުވި އެވެ.

ހައުސިން ޔުނިޓެއް ލިބުނު އާއިލާއެއް މިއަދު ޖަލްސާގައި ބައިވެރިވަނީ. .---ފޮޓޯ: ހުސައިން ވަހީދު/މިހާރު

ދިވެހި ސަރުކާރުން ރައްޔިތުންގެ ދިރިއުޅުމުގެ ހާލަތު ބަދަލު ކުރުމަށް މަސައްކަތް ކުރަމުން އަންނަ ކަން ފާހަގަ ކުރައްވައި ލިއު ވިދާޅުވީ އެ ކުންފުނިން ދިވެހި ރައްޔިތުންނަށް ބޯހިޔާވަހިކަން ހޯދައި ދިނުމުގެ އިތުރު މަޝްރޫއެއް ކުރިއަށް ގެންދާ ކަމަށެވެ.

ރާއްޖޭގައި ހިންގާ ތަރައްގީގެ މަޝްރޫއުތަކަށް ބޮޑެތި އެހީތަކެއްވަމުން އަންނަ ޗައިނާ އަށް ކުރައްވާ ފުރަމާނަ ދަތުރުފުޅެއްގައި އަންނަ ބުދަ ދުވަހު ރައީސް އަބްދުﷲ ޔާމީންގެ ދެކަނބަލުން ފުރާވަޑައިގަންނަވާނެ އެވެ. ރައީސް އޮފީހުން ބުނީ މި ދަތުރުފުޅުގައި، ދެ ގައުމުގެ ދެމެދުގައި ގުޅުން ބަދަހިކުރުމާ ބެހޭ އެއްބަސްވުންތަކެއްގައި ސޮއިކުރައްވާނެ ކަމަށެވެ. އެކަމަކު އޭގެ ތަފްސީލެއް ސަރުކާރުން އަދި ނުދެ އެވެ.

މިއީ ރައީސް ޔާމީން 2013 ގައި ވެރިކަމާ ހަވާލުވެވަޑައިގެންނެވި ފަހުން ޗައިނާ އަށް ކުރައްވާ ފުރަތަމަ ފުރަމާނަ ދަތުރުފުޅެވެ. ނަމަވެސް 2014 އާއި 2015 ގައި އެމަނިކުފާނު ވަނީ ރަސްމީ ދެ ދަތުރުފުޅެއްގައި އެ ގައުމަށް ވަޑައިގެންފަ އެވެ.

ތަރައްގީގެ މަޝްރޫއުތައް ބޯހިޔާވަހިކަން ޗައިނާ ހައުސިން މިނިސްޓްރީ ހުޅުމާލެ ހައުސިން ރާއްޖެ-ޗައިނާ

16 ކޮމެންޓް, 31 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަމަ ތެދެެއް

05 December 2017

އެއީ ތެދެއް. މިހާރު މި ފެންނަނީ 25 ފޫޓްގެ ބޮޑުމަހެއް އައިސް 8 އިންޗިގެ މުށިމަހެއްގެ ބަނޑު ތެރެއަށް ވަންނަ ގޮތް. އަދި މުށިމަހަށް އެހީވާ ގޮތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފުވައްމުލަކު މީހާ

06 December 2017

ބޮޑުމަހަށް އަނިޔާއެއް ދެވޭނީ އަގައިން ނިގުލުން. ކުދިމަހުގަ ވަސީލަތްތައް ގިނަވާނެ ވިހަކަށިގިނަވާނެ. ގޮތްގޮތަށް ހަރަކާތްތެރިވެވޭނެ. ވީމާ ކުޑަމަސް ކަނޑުގަ އުޅެނީ ވަރަށް ހަމަޖެހިލައިގެން. އެކަމަކު ތިމާގެ ސަލާމަތް ހޯދަން ނޭގޭމަސް ބޮޑެތިމަހުގެ ޝިކާރައަކަށްވާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުމާލު10

05 December 2017

ޤައުމު ވިއްކާލާފަނަމަވެސް ދިވެހިން ބޭނުމީ ބުރިޖު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންދޮނާ

05 December 2017

އަވަހަށް ދެން ނިކަމެތި ބަޔަކަށް ކުއްޔަށްދޭން މަސައްކަތްފަށާ...މިހާރުކިޔަނީ ވެސް ޑޮލަރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓަރުންގެ ސިޓީ / އައްޑޫ ސިޓީ

05 December 2017

ކޮމިއުނިސްޓް ޗައިނާ އަބަދުވެސް އަހަރުމެންނާއެކު ތިބެން ބޭނުންވިޔަސް 2018 ގަ ޤާއިމް ކުރެވޭ ރައްޔިތުންގެ ސަރުކާރާއި އެކު އިރުމައްޗަށް މިސަރުކާރުން ރާއްޖޭގެ މިސްރާބު ބަދަލުކޮށް ގެންގުޅުނު ސިޔާސަތު ދޫކޮށްލާންޖެހޭނެ ހެންވަރަށްބޮޑަށް ޤަބޫލު ކުރެވޭ. އަހަރުމެން ދިވެހިންނަކީ “ފޮތަކާއި ގޮތެއް ޤަބޫލުކޮށްގެން ތިބިބައެއް” ކަމުން އަހަރުމެންގެ އަޤީދާ އާއި ސަޤާފަތާއި އަދި އަމުދުން ރައްޔިތުން ބޭނުންވާ “ޑިމޮކްރެޓިކް ރައްޔިތުންގެ ވެރިކަމާއި ބީރައްޓެހި” ކޮމިއުނިސްޓް ބަޔަކާއިއެކުގައި އަބަދު ތިބެވޭނެ ހެނެއް ހީއެއްނުވޭ. އަހަރުމެންނާއި ހުޅަޤާއި އަދި އަހަރުމެންނާއި ސިލޯނު އިންޑިއާގެ ގުޅުނުގެ މައްޗަށް ޗައިނާ އިސްކުރެވޭނެ އެއްވެސް ހަމައެއް ނޯންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ީމުރާސިލް

05 December 2017

ޢަހަރެމެން ތިބޭނީ އަހަރެމެންނަށް އަޅާލާ އަދި އެހިތެރިވެދޭ ޤައުމުތަކާއި އެކުގައެވެ. ޗައިނާއަށް ހާސް ފަށުން ޝުކުރިއްޔާއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮން އާމިރު

05 December 2017

މިއީ ފްލެޓް ހަމަޖެހުނު ބޭފުޅުކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަބޭސް222

04 December 2017

ޢުމަރު ބުނީ ތިޖޫރި ހުރިތާ ވަޅުގަނޑުވެސް ނުހުންނާނޭ! އެކަންވީ ހަޤީގަތަކަށް! ދެވަނަ ދައުރެއް ދީގެން ޤައުމު އޮތްތާ ކަނޑުވެސް ނޯންނާނެ ކަންނޭގެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

04 December 2017

ކޮންމެ ކަމެއްވެސް ގޯސް މާނަ ނަގަނީ. މިރާއްޖޭގެ ރީތިކަން ފެނިފައި ދާހިތްނުވާވާހަކަ ބުނުމީ ގޯސްކޮށް މާނަ ނަގަންޖެހޭ ކަމެއްނޫން. ކޮންމެ މީހަކުވެސް ހިތްހަމަޖެހޭ ރީތި ތަނެއް ފެނުނީމާ އެފަދަ ގޮތަކަށް ޚުސާމަދު ކުރާނެ. އެއީ ހިތްހެޔޮކަން. ހިތުގައި ހަސަދަ ލައިގެން ޚީޔާލު ފާޅުކުރުމީ ތިމާގެ ހަށިތެރޭގައި ހަސަދައިގެ ބަލިމަޑުކަން އޮތް މިންވަރު ދޭހަވާކަމެއް. ޗައިނާއަކީ ހިތްހެޔޮ ގައުމެއް. އެމީހުން މިރާއްޖޭގެ ދާޚިލީ ކަންކަމަށް ދަނޑިއެއް ނުބާނާ އިންޑިއާހެން. އިންޑިއާ އަބަދުވެސް ބަލަނީ ނުފޫޒު ފޯރުވަން. މިރާއްޖެއަށް ހުރިހާ ގޮތަކުންވެސް ފައިދާ ޗައިނާއާއި ގުޅުން ބޮޑުވީމާ. ޗައިނާއަކީ މިރާއްޖޭގެ ޓޫރިޒަމްމިހާރު ހިފަހައްޓާ ގައުމޭވެސް ބުނެވިދާނެ. އެކަމަކު އިންޑިއާގެ ނެތް އެފެންވަރެއް. ދެންއޮތީ ޗައިނާއަކީ އދ. ގެ ސަލާމަތީ މަޖިލީހުގެ ވީޓޯގެ ބާރު އޮތް ގައުމެއްވީމާ މިގައުމަށް ގުޅުން ރަނގަޅުވީމާ އޮތް ރައްކާތެރިކަން. ޗައިނާފަދަ އިގްތިސާދީ ބާރަކާއެކު ކުރިޔަށް ދިއުން ހަމަ ބަރާބަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔަގީނޭ

04 December 2017

ޗައިނާ އެކަނި ރާއްޖެ އާއި އެކު ދެމި އޮވެއްޖެނަމަ ރާއްޖެ ތަރައްގީ ވާނެއެވެ. އެނޫން ނަމަ ރާއްޖެ ތަރައްގީ ނުވާނެއެވެ. އެއީ ޔަގީންވެ ކަށަވަރުވާ ކަމެކެވެ. ދެން އިންޑިއާ ޖެހޭނީ މަހަށް ދާން ދޯ. އިންޑިއާ އަކީ އިއްޔެ ވެސް ފަގީރު ގައުމެއް މިއަދު ވެސް ފަގީރު ގައުމެކެވެ. އަދި ކުރިއަށް އޮތް ތަނުގައި ނެތް އެމެންނަށް އެފަގީރު ކަމުން އަރައިގަނެވެން ދުވަހަކު ވެސް. އެއީ ހަމަ ޔަގީން ކަމެކެވެ.