އެމްޑީޕީގެ ރިއާސީ ޕްރައިމަރީގައި، އެ ޕާޓީގެ މެމްބަރަކު ވޯޓުލާން ހަރުގޭގައި. - ފޮޓޯ: މިހާރު
04 ޖޫން 2018 - 15:03
12 comments
އިދިކޮޅު އެންމެ ބޮޑު ޕާޓީ، އެމްޑީޕީގެ "އާދަޔާ ޚިލާފު" ކޮންގްރެސް ބޭއްވުމަށް ދަރުބާރުގެ ދޫކޮށްދިނުމަށް އެދި، އިލެކްޝަންސް ކޮމިޝަން (އީސީ) ގައި އެ ޕާޓީން މިއަދު އެދިއްޖެ އެވެ.
އެމްޑީޕީގެ ސެކްރެޓަރީ ޖެނެރަލް އަނަސް އަބްދުއްސައްތާރު ސޮއި ކުރައްވައި އިލެކްޝަންސް ކޮމިޝަނަށް ފޮނުއްވި ސިޓީއެއްގައި ބުނެފައިވަނީ އެ ޕާޓީގެ ކޮންގްރެސް މި މަހުގެ 29 އަދި 30 ގައި ބޭއްވުމަށް ގައުމީ މަޖިލީހުގެ 163 ވަނަ ބައްދަލުވުމުގައި ނިންމާފައިވާ ކަމަށެވެ.
އެމްޑީޕީގެ އަސާސީ ގަވައިދުގައިވާ ގޮތުން ކޮންގްރެސްގައި 1200 އަށް ވުރެ ގިނަ މެމްބަރުންނަށް ބައިވެރިވުމުގެ ހައްގު ލިބިގެންވާ ކަމަށް ވެސް އަނަސްގެ ސިޓީގައި ބުނެފައިވެ އެވެ. އެހެންވެ، ކޮންގްރެސް ބޭއްވޭނެ ޖާގަ އޮތް ހަމައެކަނި ތަނަކީ ދަރުބާރުގެ ކަމަށް ވެސް ސިޓީގައިވެ އެވެ.
ކޮންގްރެސް ބޭއްވުމަށް ދަރުބާރުގެ ދޫކޮށް ދިނުމަށް އެދި، މީގެކުރިން އެމްޑީޕީން ވަނީ ހައުސިން މިނިސްޓްރީ އަށް ވެސް ހުށަހަޅައިފަ އެވެ.
އެމްޑީޕީން ބުނި ގޮތުގައި ކޮންގްރެސްގައި މައިގަނޑު ގޮތެއްގައި އޮންނާނީ، މެމްބަރުންގެ މެދުގައި މަޝްވަރާ ކޮށް، ކުރިއަށް އޮތް ފަސް އަހަރު ދުވަހަށް ޕާޓީގެ ސިޔާސަތުތައް ކަނޑައެޅުމެވެ.
އެމްޑީޕީގެ އިތުރުން، ޖުމްހޫރީ ޕާޓީން ވެސް ވަނީ މި މަހުގެ ފަހުކޮޅު ކޮންގްރެސް ބޭއްވުމަށް ނިންމައިފަ އެވެ. ޖޭޕީން ކޮންގްރެސް ބޭއްވުމަށް ދަރުބާރުގެ ހޯދަން ހުށަހެޅުމުން، އެ ހުއްދަ ދެވެން ނެތް ކަމަށް ހައުސިން މިނިސްޓްރީން އަންގާފައިވާ ކަމަށް އެ ޕާޓީން ވަނީ ބުނެފަ އެވެ. އިދިކޮޅު ފަރާތްތަކުން ބާއްވާ އެކި ހަރަކާތްތަކަށް ސަރުކާރުގެ ތަންތަން ނުދޭ މައްސަލަ މީގެ ކުރިން ވެސް ދިމާވި އެވެ.
އެމްޑީޕީގެ އާދަޔާ ޚިލާފު ކޮންގްރެސް މި މަހު އޮންނަ އިރު، އެ ޕާޓީގެ ރިއާސީ ޕްރައިމަރީ ބާއްވައި ރިއާސީ ކެންޑިޑޭޓް އިންތިހާބު ކޮށްފަ އެވެ. އެމްޑީޕީން ބުނި ގޮތުގައި އެއްވެސް ވާދަވެރިކަމެއް ނެތި ޕްރައިމަރީ ކާމިޔާބު ކުރައްވައި 43،000 މެމްބަރުންގެ ވޯޓުން ޓިކެޓް ހޯއްދެވީ، ކުރީގެ ރައީސް މުހައްމަދު ނަޝީދެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާނު
05 June 2018
އެއްލަކިން ޔަގީން ނުދޭނެ. ނުކެރޭނެ ދޭކަށް. މި ސަރުކާރަކީ ކޮން ފެންވަރެއްގެ ސަރުކާރެއްކަން އެންމެނަށް މިހާރު އެނގޭ
އަނގަފިނދު
05 June 2018
ނުކެރޭނެ ކޮންގްރެސް ބާއްވާތަން ބަލަން، އެހެންވެ ނުދޭނެ. ބަޔަކާދޭތެރޭ ހަސަދަވެރިވިޔަސް ތީއީ ބޮޑުވަރު
މޭއިލް
05 June 2018
ދަރުބާރުގެ އަކީ ޔާނުގެ ޖަގަހައެއް ކުލިނުދައްކާ ވަދެގެން އުލެނީ ކިހިނެތްކަމެއް ނޭނގެ އިތުރު އެއްވެސް ބަޔަކަށް ތިތަން ނުދޭނެ
އިގިއްޖެ
05 June 2018
ދެވޭކަށް ނެތް. އެއީ ދަރުބާރު ފެކްޝަންގެ މިލްކެއް!
ނަބީލް / ފުނަދޫ
05 June 2018
ޔާމިން ސަރުކާރު ދެން ވަރަށްޖޯކް
އައިއޭމް
05 June 2018
އެމްޑީޕީގެ ކޮންގްރެސް އަށް ދަރުބާރުގެ ދޭން އެދިއްޖެ ނަމަ ވެސް ފުރަތަމަ ކަމަކީ އެއީ އެމްޑީޕީން ކޮންގްރެސް ބާއްވަން އެންމެ ފަހުން އެމެން ބޭއްވި ގައުމީ ޖަލްސާ ގައި އެމެން ފާސް ކުރި ގަރާރު ފާސް ކުރީ އެއީ އެމްޑީޕީގެ އަސާސީ ގަވާއިދާއި އެއްގޮތަށް ތޯ ބަލަން ޖެހޭނެއޭ. ހުށައެޅުނު ގަރާރުގައި ވަނީ އެއީ އެމްޑީޕީގެ ކޮންގްރެސް އެއް ބާއްވަން އޭ އަސާސީ ގަވާއިދުގައި ވަނީ އެމްޑީޕީގެ ކޮންގްރެސް އެއް ބޭއްވޭނީ އެއީ ކޮންގްރެސް އެއް ބާއްވަން ގަރާރު ފާސް ކުރާތާ 2 މަސް ދުވަސް ފަހުންނޭ އެކަމަކު އެމްޑީޕީގެ ޗެއަރ ޕާރސަން ފާސް ކުރި ގަރާރުގައި ވަނީ އާދަޔާއި ޚިލާފު ކޮންގްރެސް އެއް ބާއްވަންއޭ އާދަޔާއި ޚިލާފު ކޮންގްރެސް އެއްބާއްވަން ހުށައެޅި ގަރާރުގައި ބަޔާން ކޮށްފައި ނެތޭ ދެން ކިހިނެއްތޭ އެމްޑީޕީ އަށް ހުށައެޅި ގަރާރުގައިވާ ގޮތަށް ކޮންގްރެސް މިމަހު ބޭއްވޭނީ އެމްޑީޕީ އަސާސީ ގަވާއިދުގައިވާ ގޮތުގެ މަތިން ނުބޭއްވޭނެއޭ މީސީދާ އިލެކްޝަންސް ކަމިޝަން އިން ބަލަން ޖެހޭނެ ކަންކަމޭ. އައި އޭމް ސްޓާރޓިންގް ޓު ތިންކް އޮފް ދިސް...
ދޯދެން
05 June 2018
ތިޔަކަން ކޮށެއް ނުދޭނެ. ތިޔަފަދަ ކަންކަމުގައި އެއީ ދަތްނެތް ވަކިނެތް ސިންގާއެއް. ފިޔަވަޅު އަޅަންވީމަ އެއީ ދަތްހުރި ވަކިތޫނު މިނިކާވަގެއް.
އެމް
04 June 2018
މަށަށް ފެންނަނީ ދަރުބާރުގެ ނުދީފިއްޔާ ދޯނި ދޯނީގައި ކަނޑުމެދުގައި ބާއްވަން. މިއީ ޖެއްސުމަށް ބުނާވާހަކައެއް ނޫން. އެއިރަށް ޕީޕީ ގުރޫޕު ކިޔަކިޔަ ތޮބޭނެންނު ސްޓަންޓޭ ގޮވަގޮވާ. ހަމަގައިމުވެސް ބޭރުގެ ގައުމުތަކަށް މިރާއްޖޭގައި މިފަދަ ކަންކަން ކުރުމުގައި އިދިކޮޅަށް ހުރި ދަތިތައް ދައްކައިދެވޭނެ މޮޅުގޮތެއް ކަމަށް މަށަށް ފެނޭ.
ހައުކަމް
04 June 2018
އެމްޑީޕީގެ ކޮންގްރެސް އަށް ދަރުބާރުގެ ދޭން އެދުނު ނަމަވެސް އަދި އެގޮތަށް ނުޖެހޭނެއޭ އިލެކްޝަންސް ކަމިޝަން އިން ކަންކަން ކުރަން. އިލެކްޝަންސް ކަމިޝަން އިން ޖެހޭނީ ބަލަން އެމްޑީޕީގެ ކޮންގްރެސް ގައި އެމެން ޖަލްސާ އިން ފާސް ކުރި ގަރާރަކީ އެއީ ގަރާރު ހުށައެޅި ގޮތާއި އެއްގޮތަށް ފާސް ކުރި ގަރާރެއްތޯ އަދި އެ ގަރާރު ފާސް ކުރަން ގައުމީ މަޖްލީހުގެ ދެބައި ކުޅަ އެއް ބައި މެމްބަރުން ހާޒިރު ނުވެ ވޯޓް ނުދޭއިރު އެގޮތަށް އެފަދަ ގަރާރެއް އެމްޑީޕީގެ ގައުމީ މަޖްލީހުން ފާސް ކުރެވިދާނެ ކަމާއި މެދު ސުވާލު އުފައްދަމޭ މަމެން.
އަލީ އާމިރު
04 June 2018
އެމްޑީޕީ ގެ އެއްވެސް ކަމަކަށް ދަރުބާރުގެ ދޭނެކަމެއް ނެތް. އެމްޑީޕީ އަކީ އެމީހުންކުރަން ބޭނުންވާކަމެއް ކުރާބައެއް. އެންމެފަހުން އެކަން ފެނިފަވާނީ އެމީހުންގެ ޕްރައިމަރީގަ. ވީމާ އެމްޑީޕީ އަށް ކޮންގްރެސް ބާއްވަން ދަރުބާރުގެ ނުދިނަސް ގަޑިޖެހުނީމަ އެމީހުން ދަރުބާރިގެއަށް ގަދަކަމުންނަމަވެސް ވަންނާނެ.