ޚަބަރު / ރިޔާސީ އިންތިޚާބު 2018

ކޮލަމާފުށި ޖަލްސާގެ ކުރީ ގޮނޑިބަރި، ހައްޔަރުކުރި މީހުންނަށް ހާއްސަކޮށްފައި

ކޮލަމާފުށީގައި މިއަދު ބޭއްވި ޖަލްސާގެ ކުރީ ސަފު ގޮނޑިތައް ހުސްކޮށް. އެ ގޮނޑިތަކުގެ މަތީގައި ހައްޔަރު ކުރި މީހުންގެ ފޮޓޯ އާއި ނަން ޖަހާފައި ހުރި.

ގއ. ކޮލަމާފުށިން، މުހައްމަދު ޔާމީން، މިހާރު

01 ސެޕްޓެމްބަރ 2018 - 15:59

20 comments

އިދިކޮޅު ކޯލިޝަނުން ގއ. ކޮލަމާފުށީގައި މިއަދު ބޭއްވި ޖަލްސާގެ ކުރީ ގޮނޑިބަރި، ވެރިކަން ކުރާ ޕީޕީއެމްގެ ޖަގަހައަށް ގެއްލުން ދިން ކަމަށް ބުނެ ހައްޔަރު ކުރި 18 މީހުންނަށް ހާއްސަކޮށްފި އެވެ.

ކޮލަމާފުށީގެ ޕީޕީއެމް ޖަގަހަ އަށް ބޮޑެތި ގެއްލުންތަކެއް ދިން ކަމަށް ބުނެ އެ ރަށުން ހައްޔަރު ކުރި 18 މީހުންގެ މައްޗަށް ޓެރަރިޒަމްގެ ތުހުމަތުކޮށް ތަހުގީގު ކުރަމުންދާ އިރު، އެ މީހުން ބަންދުގައި ބައިތިއްބާ މުއްދަތު 15 ދުވަހަށް ވަނީ އިތުރުކޮށްފަ އެވެ. އެހެންވެ، ޖަލްސާގައި އެމީހުންނަކަށް ބައިވެރިއެއް ނުވެވުނެވެ.

ޕީޕީއެމްގެ ޖަގަހައަށް ހަމަލާދީގެން ކޮލަމާފުށިން ހައްޔަރު ކުރި މީހުން--- ފޮޓޯ: އެމްޑީޕީ

ގިނަ އަދަދެއްގެ ބަޔަކާއެކު، ކޮލަމާފުށީގައި ބޭއްވި ޖަލްސާގެ ފުރަތަމަ ބަރީގައި ހުސް ގޮނޑިތަކެއް ހުރިއިރު، ގޮނޑިމަތީގައި ހުރީ ހައްޔަރު ކުރި މީހުންގެ ނަމާއި ފޮޓޯ ޖަހާފައި ހުރި ޕޯސްޓަރުތަކެވެ.

އޭގެ ފަހުން ދެވަނަ ބަރީގައި ތިއްބެވީ އިދިކޮޅު ކޯލިޝަންގެ ރިޔާސީ ކެންޑިޑޭޓު އިބްރާހިމް މުހައްމަދު ސޯލިހް (އިބޫ) އާއި ކޯލިޝަންގެ އެކިއެކި ސިޔާސީ ޕާޓީތަކުގެ އިސް ބޭފުޅުންނެވެ.

ކޮލަމާފުށީގައި ވާހަކަ ދައްކަވަމުން އެމްޑީޕީ ޕާލަމެންޓްރީ ގްރޫޕްގެ ލީޑަރު އަދި ރައްޔިތުންގެ މަޖިލިހުގެ ހިންނަވަރު ދާއިރާގެ މެމްބަރު ކަން ވެސް ކުރައްވާ އިބޫ ވިދާޅުވީ 18 މީހުން ވެސް ހައްޔަރުކުރީ ގާނޫނުއަސާސީ އާއި ގާނޫނުތަކާ މުޅިން ހިލާފަށް ކަމަށެވެ. އެ 18 މީހުންނަކީ ސިޔާސީ ކުށްވެރިން ނޫން ކަމަށް ވިދާޅުވެ، އިބޫ ވަނީ އެ ހުރިހާ އެންމެން ދޫކޮށްލުމަށް ސަލާމަތީ ބާރުތަކަށް ގޮވާލައްވައިފަ އެވެ.

ކޮލަމާފުށީގައި މިއަދު ބޭއްވި ޖަލްސާގެ ކުރީ ސަފު ގޮނޑިތައް ހުސްކޮށް. އެ ގޮނޑިތައް ހާއްސަކޮށްފައިވަނީ ކޮލަމާފުށިން ހައްޔަރު ކުރި ހުރިހާ އެންމެންނަށް.

"އެ ދުވަހުގެ ހާދިސާ ހިނގަމުން ދިޔައިރު، މޫދުގައި ތިބި މީހުންނާއި ކުލަލާން ތިއްބާ ހައްޔަރު ކުރި މީހުން އެބަތިބި،" މިދިޔަ ހަފުތާގައި ކޮލަމާފުށީގައި ހިނގި ހަމަނުޖެހުންތަކަށް އިޝާރާތް ކުރައްވައި އިބޫ ވިދާޅުވި އެވެ.

އިބޫ ވިދާޅުވީ ވަކި މީހަކު ބުނާ ގޮތަކަށް ސަލާމަތީ ބާރުތަކުން ކަންތައް ކޮށްގެން ނުވާނެ ކަމަށާއި ސަލާމަތީ ބާރުތަކުން ހިމާޔަތް ކުރަން ޖެހޭނީ ގާނޫނުއަސާސީ އާއި ގާނޫނުތައް ކަމަށެވެ.

ކޮލަމާފުށީގައި ޕީޕީއެމާއި އެމްޑީޕީގެ ސަޕޯޓަރުންނާ ދެމެދު ހިނގި ހަމަނުޖެހުންތަކާ ގުޅިގެން ހަމައެކަނި އެމްޑީޕީ މީހުން ހައްޔަރުކޮށް އަދަބު ދެމުން ގެންދާތީ އެ ޕާޓީން ދަނީ ކަންބޮޑުވުން ފާޅު ކުރަމުންނެވެ. އެއީ ފުލުހުންގެ ތެރެ އަށް ސިޔާސީ ނުފޫޒު ފޯރާފައިވާ މިންވަރު ކަމަށް އެ ޕާޓީން ބުނެ އެވެ.

އެމްޑީޕީ ޓެރަރިޒަމް އިދިކޮޅު ފަރާތްތައް ގއ. އަތޮޅު ރައީސް އިބްރާހިމް މުހައްމަދު ސޯލިހް ގއ. ކޮލަމާފުށި އިދިކޮޅު އިއްތިހާދު

20 ކޮމެންޓް, 707 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރީތި މޫސަ

03 September 2018

މީގެންއެގިގެން ދިޔައީ ޕީޕީއެމްގެ ތަކެއްޗަށް ގެއްލުންދިނީ އިދިކޮޅުފަރާތްތަކުން އަންގައިގެންކަން އެހެންނޫންނަމަ އެކަހަލަ ކަންކަންކުރާ މީހުންނަށް އެވަރުގެ ޝަރަފެއްނުދޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަގަޅު

02 September 2018

ކުއްވެރިން ކޮންމެ ސިފައެއްގައި ކުރިޔަސް ކުއްވެރިން ވާނީ ކުއްވެރިންނަށް .. ކުއްވެރިން ކުރީގައި ދެންތިބި މީހުން ފަހަތުގައި ... ވާވާވާވާ؟ މީ ޒަމާނަކީ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެނެރީމާގަސްކަނޑަންވީ

02 September 2018

އަހަރުމެން ދިވެހިންނަކީ މާޒީގައި ކިހާ އުފޭވެރި ބައެއްތޯ. އަމިއްލަ ފުޅަށް ވިސްނާލައްވާ ރަށްފުށުގައި އަހަރުމެން ދަރިންނާ މައިންބަފައިންނާއެކު އުޅުނު "މިނިވަން" ދިރިއުޅުން. އަހަރުމެންވެސް އަހަރުމެންގެ ދަރިންވެސް ބޮޑެތި ވަނީ ކުޑަވެފައިކަން ހަނދާކުރާށެވެ. އުފަންވަނީ ބޮޑު މީހެއްގެ ގޮތަކަށް ނޫނެވެ. " ތަރުބިއްޔަތުގެ މައްސަލަ "

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

5555

02 September 2018

އެމް.ޑީ.ޕީއަކީ މިގައުމުގައި ޖާހިލުކަމާއި އަނިޔާވެރިކަމާ ކުށްކުރުމާއި، ލަދުހަޔާތް ކުޑަކުރުވުމަށް ކޮށްފަނުކުރާނެ ކަމެއް ނެތްބައެއް. ކުށަށް އަރައިގަތުމަށް ހިތްވަރުދޭ މަންޒަރު މި ހަބަރުގައި ޖަހާފައިވާ ފޮޓޯއިން ފެންނަނީ<

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާއިން

02 September 2018

ތީގެން އިނގެނީ އިބޫގެ ސަރުކާރެއްގައި ކުށްވެރިންނަށް އިސްމަޤާމެއް ދޭނެކަމެވެ. އެހެން އުޅޭމީހުން ޖަލަށްވެސް ދާންޖެހެނީ މިއެމްޑީޕީ ފިކުރުގެ ސަބަބުން. އިންޝާﷲ 2018 ޔާމިން ޔަޤީން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޑައަލީ

02 September 2018

ދިވެހިންނަކީ އަބަދުވެސް އާކަންތައްތަކަށް އަޖައިބުވާ ބައެއް. އަދި އާދަޔާ ކިލާފަށް ކަމެއް ހިގާނަމަ އެތަން ބަލަންދާބައެއް. ބްރިޖުގައި ހިގާލަން ދިޔަސް އެއީ ތާއީދު ބޮޑުވެގެންވާ ކަމެއްނޫން. ތާއީދު އެގޭނީ ވޯޓުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނޑުލުހިތި ގާސިމް

02 September 2018

ބަލަ އިބުރާހިމާ، ތިޔަހިއްވަރު ދެވެނީ ކުށްވެރިންނަށް އިތުރަށް އެފަދަ ވިޔާނުދާ ކަންކަންކުރަން. ކުރިޔަށް އޮތްޖީލުތަކަށް ތިދެވެނީ ވަރަށްނުބައި މެސެޖެއް. ކުށެއްކުރީމަ ޕާރޓީ މީހަކަށްވިޔަސް ބޮޑުބޭބެއަށް ވިޔަސް އަދަބު ލިބެންޖެހޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންފަ

02 September 2018

ދެން މާފަތިވެސް އެޅުވި ނަމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުއްލާ

02 September 2018

މިއިންވެސް އެގެނީ އެމްޑީޕީ އަކީ ކުށްކުރުމަށް ތާއީދު ކުރާ ކުށްވެރިން ހިމާޔަތް ކުރަން މަސައްކަތް ކުރާ ޕާޓީ އެއްކަން އެމްޑީޕީ އުވާނުލަނީސް ގައުމަށް ހަމަޖެހުން ނާންނާނެކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތުމީހާ...

02 September 2018

ކަލޯ ތިއީ މީހުންކޮޅު މަދުވުމުގެ ސަބަބުން ހުސްގޮނޑި ގިނަވީމަ މޮޅުނަމެއް ކިޔާފައި ބެހެއްޓުމަށްފަހު ޖެއްސި ސްޓަންޓެއް ... ތިމަންޒަރުތައްވެސް އެޑިޓް ކޮށްފަ ތަންކޮޅެއް މީހުން ގިނަކޮށްފައި ދައްކާލިނަމަ ރަނގަޅުވީސް ކަންނޭގެ... ދޮގުމައުލޫމާތާއި ހަބަރު ފަތުރަނީ އެމީހުން ވިއްޔާދޯ...