އިބޫގެ ސަރުކާރާ ގުޅިގެން މަސައްކަތް ކުރަން ބޭނުން: އެމެރިކާ

އިބޫ މިދިޔަ އާދިއްތަ ދުވަހު ކަސްޓަމްސްގައި މަސައްކަތް ކުރާ މުވައްޒަފުންނާ ބައްދަލު ކުރެއްވުމަށް އެތަނަށް ވަޑައިގަންނަވަނީ--. ފޮޓޯ: ނިޝާން އަލީ/މިހާރު

މުހައްމަދު ޔާމީން، މިހާރު

02 އޮކްޓޯބަރ 2018 - 10:22

25 comments

މިދިޔަ މަހުގެ 23 ގައި ބޭއްވި ރިޔާސީ އިންތިޚާބު ކާމިޔާބު ކުރެއްވި އިދިކޮޅު ކެންޑިޑޭޓް، އެމްޑީޕީގެ ޕާލަމެންޓްރީ ގްރޫޕްގެ ލީޑަރު އިބްރާހިމް މުހައްމަދު ސޯލިހް (އިބޫ) ގެ ސަރުކާރާއެކު ގުޅިގެން މަސައްކަތްކުރަން ބޭނުންވާ ކަމަށް އެމެރިކާ އިން ރޭ ބުނެފި އެވެ.

އެމެރިކާގެ ސްޓޭޓް ޑިޕާޓްމަންޓުން އިބޫ އަށް މަރުހަބާ ކިޔައި، ކުރި ޓްވީޓްގައި ބުނީ އިބޫގެ ސަރުކާރާ ގުޅިގެން ރާއްޖޭގެ ޑިމޮކްރަސީ ހަރުދަނާކޮށް، ކާމިޔާބީތައް ހޯދުމުގައި އެހީތެރިވާން ތައްޔާރަށް އޮތް ކަމަށެވެ.

އެމެރިކާ އަކީ ރައީސް އަބްދުﷲ ޔާމީންގެ ބައެއް އަމަލުތައް ކުށްވެރިކޮށް، ރާއްޖެއާ މެދު އެންމެ ބޮޑަށް ކަންބޮޑުވުން ފާޅު ކުރި އެއް ގައުމެވެ. އެގޮތުން، ޑިމޮކްރަޓިކް މިނިވަން އިންތިޚާބަކަށް ހުރަސްއަޅާ މީހުންނަށް ފިޔަވަޅު އަޅަން ޖެހިދާނެ ކަމުގެ އިންޒާރު ވެސް މީގެކުރިން އެމެރިކާ އިން އޮތީ ދީފަ އެވެ.

We welcome #Maldives Election Commission’s certification of Ibrahim Mohamed Solih’s electoral victory, and look forward to working with the government of President-elect Solih in support of a democratic and prosperous Maldives and a free and open #IndoPacific.
— State_SCA (@State_SCA) October 1, 2018

އެމެރިކާގެ ސްޓޭޓް ޑިޕާޓްމަންޓުން ކުރި ޓުވީޓު.

ރާއްޖޭގައި ހަމަ އާއި އިންސާފުން ބޭރުން ޖަލަށް ލާފައިވާ ސިޔާސީ ބޭފުޅުން މިނިވަންކުރުމަށް ބައިނަލްއަގުވާމީ މުޖުތަމައުން ގޮވާލައި ގޮވާލުމަށް އެމެރިކާ އިން ވެސް ކުރިން ތާއީދު ކުރެ އެވެ. ސިޔާސީ ބޭފުޅުން ހިމެނޭ ގޮތަށް ނުވަ މީހަކު މިނިވަންކުރުމަށް ސުޕްރީމް ކޯޓުގެ ފަސް ފަނޑިޔާރުންގެ އިއްތިފާގުން ފެބްރުއަރީ 1 ވަނަ ދުވަހު ނެރުނު އަމުރު އަމުރު ތަންފީޒުކުރުމަށް ވެސް އެމެރިކާ އިން ތަކުރާރުކޮށް ގޮވާލި އެވެ.

މިދިޔަ ހަފުތާގައި ބޭއްވި ރިޔާސީ އިންތިޚާބުގައި ރައީސް ޔާމީނާ ވާދަ ކުރައްވައި، ބޮޑު ތަފާތަކުން އިބޫ އިންތިޚާބު ކާމިޔާބު ކުރެއްވުމުން ދުނިޔޭގެ ބޮޑެތި ގައުމުތަކުން އަންނަނީ އިބޫއަށް މަރުހަބާ ކިޔަމުންނެވެ. އޭގެ ތެރޭގައި ސައުދީ އަރަބިއްޔާ އާއި ޗައިނާ އާއި ރަޝިއާގެ އިތުރުން އިންޑިއާ އާއި ސްރީ ލަންކާ ވެސް ހިމެނެ އެވެ. އިންޑިއާގެ ބޮޑުވަޒީރު ނަރެންދުރަ މޯދީ ވެސް ވަނީ އިބޫއަށް ގުޅުއްވައި، އިންޑިއާއަށް ވަޑައިގަތުމަށް އިބޫ އަށް ދައުވަތު ވެސް އަރުވައިފަ އެވެ.

އެމްޑީޕީ އިދިކޮޅު ފަރާތްތައް އަދާލަތު ޕާޓީ ޖުމްހޫރީ ޕާޓީ ރައީސް އިބްރާހިމް މުހައްމަދު ސޯލިހް ރާއްޖެ-އެމެރިކާ ޑިޕްލޮމެޓިކް ގުޅުން އެމެރިކާ

25 ކޮމެންޓް, 123 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙެއްރަބޭ

02 October 2018

ޢަޅުގަނޑު ސިފަކުރަނީ އަޅުގަނޑުމެން މިއަދު ގައުމުގެ ރައީސަކަށް ހޮވި އަލްފާޟިލް އިބުރާހީމް މުޙައްމަދު ޞާލިޙަ ކީ މިގައުމުގެ ބަރަކު އޮބާމާ ކަމުގަ. ﷲ ގެ ރަޙުމަތުން އުފާފާގަތި ދުވަސްތަކެއް ދައްކަވާށި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕީޕީއެމް

04 October 2018

ކަލޯ ނަަމަ ނަމަ ތިހެން ނުބުނާތި ޓްރަމްޕަށް އަޑުއިވޭވަވަރަށް އޭރުން ހުރިހާ ކަމެއް ހަމަވީ ... ހެހެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއިންޑިއާއިން

02 October 2018

ރަނގަޅު ކަމެއް ކޮށްދީފިއްޔާ ރަނގަޅު. އެއަރބަސް މަތިންދާބޯޓެއް ދެވިދާނެ ލޯނަކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައިނަމް

02 October 2018

އެމެރިކާކީމަ އެއްބައި ކުދިންނަށް ހާދަ އަސަރު ކުރެޔޭ. ޗައިނާއަކީ މާބޮޑު މުސްލިމް ގައުމަކީތަ؟ ޗައިނާގެ ބޮޑު މެޖޯރިޓީއަކީ އެއްވެސް ސަމާވީ ދީނެއް ގަބޫލްނުކުރާތާ އެއްވެސްފާޑެއްގެ ދީނެއް ވެރިރަސްކަލާނގެއެއް ގަބޫލުކުރާބަޔެއް ނޫން. ދެން އޮތީ ސައުދީގެ ވާހަކަ؟ ސައުދީގެ ތާރީޚް ތިޔަކުދިން ރަގަޅަށް ކިޔުއްވިންތޯ؟ ސައުދީ އަރަބިޔާ ކިޔާ ގައުމެެއް ފުރަތަމަ އުފެދުނީ ކިހިނެއްތޯ ދިރާސާކޮށްލައްވާ.