މާލޭގައި ހުންނަ ސްރީ ލަންކާގެ އެމްބަސީ ކައިރީގައި އެސްއޯ ފުލުހަކު މިއަދު މަޑުކޮށްލައިގެން. --- ފޮޓޯ: ހުސެއިން ވަހީދު/ މިހާރު
20 މެއި 2019 - 12:58
16 comments
ރާއްޖޭގައި ހުންނަ ސްރީ ލަންކާގެ އެމްބަސީ ކައިރީގައި ފުލުހުން ފޯރިމަރަން ފަށައިފި އެވެ.
ފުލުހުންގެ މީޑިއާ އޮފިޝަލަކު މިއަދު ވިދާޅުވީ ގަލޮޅު ބޯޅަ ދަނޑު ކައިރީގައި ހުންނަ ލަންކާގެ އެމްބަސީ ކައިރީގައި ސެކިއުރިޓީ ވަރުގަދަ ކުރީ ލަންކާގައި ދިން ބޮމުގެ ހަމަލާތަކައި އެ ގައުމުގައި އޭގެ ފަހުން ހިންގި ހަމަނުޖެހުންތަކާ ގުޅިގެން ކަމަށެވެ.
އެކަމާ ގުޅިގެން އިތުރު ތަފްސީލެއް އޭނާ ނުދެއްވަ އެވެ.
ލަންކާގެ އެމްބަސީ ބޭރުގައި އެސްއޯ ފުލުހަކު މިހާރު ޑިއުޓީ ކުރަމުން ގެންދެ އެވެ. ރާއްޖޭގައި ހުންނަ ބައެއް އެމްބަސީތަކުން އެދިގެން އެ ތަންތަނުގެ ބޭރުގައި ފުލުހުން ފޯރިމަރާތާ ދުވަސްތަކެއް ވަނީ ވެފަ އެވެ. އޭގެ ތެރޭގައި އިންޑިއާ ހައި ކޮމިޝަނާއި ބަންގްލަދޭޝް ހައި ކޮމިޝަން އަދި ޗައިނާ ހައި ކޮމިޝަން ހިމެނެ އެވެ. އެ ތަންތަނުގެ ބޭރުގައި ފޯރިމަރަނީ އާދައިގެ ފުލުހުންނެވެ.
ލަންކާ އެމްބަސީ ކައިރީގައި މިއަދު ފުލުހަކު މަޑުކޮށްލައިގެން. --- ފޮޓޯ: ހުސެއިން ވަހީދު/ މިހާރު
މިދިޔަ މަހުގެ 21 ވަނަ ދުވަހު ލަންކާގެ އެކި ސަރަހައްދުތަކުގައި ދިން ޓެރަރިސްޓު ހަމަލަތަކާ ގުޅިގެން 250 އަށް ވުރެ ގިނަ މީހުން މަރުވި އެވެ. އަދި އެ ހަމަލަތަކަށް ފަހު، އެ ގައުމުގައި ދީނީ ހަމަނުޖެހުންތައް ހިނގަމުން އަންނާތީ ފުލުހުންނާއި ސިފައިން ވަނީ މަގުތަކަށް ނުކުމެފަ އެވެ.
ހާއްސަކޮށް، މުސްލިމުންގެ ބައެއް ތަންތަނުގައި ހުޅު ޖަހައި އަންދަމުންދާތީ އެކަމުގެ ބިރުވެރިކަން އެ ގައުމުގައި ދިރިއުޅޭ ދިވެހިންނަށް ވެސް ވަނީ ކުރިމަތިވެފަ އެވެ. ލަންކާގައި ބައެއް ގަޑިތަކުގައި ކާފިއު ހިންގާތީ ލަންކާގައި ހުންނަ ދިވެހި އެމްބަސީން ވަނީ ދިވެހިން ސަމާލުވުމަށް އިލްތިމާސްކޮށްފަ އެވެ.
މާލޭގައި ހުންނަ ލަންކާގެ އެމްބަސީ ކައިރީގައި ސަލާމަތީ ކަންކަން ވަރުގަދަ ކުރި ނަމަވެސް، ރާއްޖެ އަށް ޓެރަރިސްޓް ހަމަލާއެއް ދޭން އުޅޭ ކަމުގެ މައުލޫމާތު މިހާތަނަށް އައިއިރު، ލިބިފައި ނުވާ ކަމަށް ފުލުހުންނާއި ސިފައިން ދާދި ފަހުން ވަނީ ބުނެފަ އެވެ.
ސިފައިންނާއި ފުލުހުން ބުނި ގޮތުގައި ލަންކާ އަށް ދިން ޓެރަރިސްޓް ހަމަލާއާ ގުޅިގެން ދިވެއްސެއްގެ ބައިވެރިވުން އޮތް ކަން ލަންކާ އިން އަންގާފައެއް ނެތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދީފް
20 May 2019
އަހަރުމެން އާދައިގެ މީހުންނަށް އޮތީ ކޮން ސެކިއުރިޓީއެއް.؟؟ އިއްޔެވެސް ހަވީރުގެ ވަގުތުގަ ސައިކަލްގެ 02 ލޯގަނޑު ވަގަށް ގެންދިޔައީ.ރޯނުގަ ހިއްކަން އަޅުވާފަ ހުރި އަންނައުނުކޮޅު އިއްޔެ ހެނދުނު ގެންދިޔައީ.މިދެން ކިހާ ދެރަކަމެއް.މިސްކިތުން ފައިވާންވެސް ގެންދަނީ.އަހަރުމެންނަށްވެސް ސެކިއުރިޓީ ބޭނުން ޕްލީޒް.ވ.ވެދުން
ނަން
20 May 2019
ތި ހުރިހާ ކަމެއް ތީ "ރަދީފް" އާ ދިމާވާ ކަންކަން ވެއްޖެއްޖާ ތީ "ރަދީފް" ގެ މައްސަލައެއްހެން ބޮޑަށް ހީވަނީ. ތިހިރީ ޖިންނި އަވަލާފަ، އެހެންވީމަ ރުގުޔާ ހަދަން ފެންނަނީ!
އަބްދުއްالله
20 May 2019
ކަލޭމެންނަކަށް ނުލިބޭނެ. ސިކިޔުރިޓީ ބޭނުން ނަމަ ސިކިޔުރިޓީ ކުންފުންޏަކާ ގުޅާ. ދިވެހިރާއްޖެ އަށް އެކަށައަޅާފައި ރާއްޖޭގަ ތިބޭ ސަފީރުންނާއި، ސަފީރުކަމުގެ އިމްތިޔާޒު ލިބިފައި ތިބި އެހެން މީހުންނާއި، މިއެންމެންގެ ގެދޮރާއި، އޮފީހާއި، އުޅަނދުފަހަރުގެ ސިކިއުރިޓީ ބެލެހެއްޓުމަކީ، ސަފީރަކު އެދިއްޖެ ހިނދެއްގައި، 1961 ވަނަ އަހަރު ވިއެނާގައި ކުޅަ، ސަފީރުކަމުގެ ގުޅުންތަކާއި ބެހޭ މުއާހަދާ ގެ ދަށުން ކުރުމަށް، ދިވެހި ދައުލަތުގެ މައްޗަށް ލާޒިމުވާ ކަމެއް.
މީޜާ
20 May 2019
މިވަގުތު މިރާއްޖޭގައި ހައިކޮމިޝަނެއް ނުހުންނާނެ އިގޭތޯ. ހައިކޮމިޝަން އަކީ ކޮމަންވެލްތުގެ މެންބަރު ގައުމު ތަކުގެ މެދހުގައި ހުޅވާ ޑިޕޮލޮމެޓިކް މިޝަން އައް ކިޔޭނަމެއް.
ތިމާވެށި
20 May 2019
އާދައިގެ ފުލުހުންނަކީ ސެކިއުރިޓީ ބަލަހައްޓާ ބައެއް ނޫނެވެ. ޑިއުޓީ ކުރާ ބައެކެވެ.
ނެޑް
20 May 2019
އަދި މާ އަވަހެންނު ފޯރިމަރަން.
ކެކެ
20 May 2019
ފޯރިމަރާތާ ކިތަންމެދުވަހެއް، ނޫހައްއެރީ އަދިކިރިޔާ
ލަންކާ
20 May 2019
ލަންކާ މީހުން ދިވެހިންނާ ދޭތެރޭ ހުރި އަސްލުގޮތް އަދިކިރިޔާ މިފެންނަނީ! ކޭ.އެފް.ސީ އާ ޕިއްޒާ ހަޓާ ގްލޯރިޔާއާ އަދާރަނާ ޖޯންކީލްސް އާ....ހުރިހާ ލަންކާ އެކައުންޓަންޓުން ރާއްޖޭން ބޭރުކުރޭ!!!!!!!!!!
ބެޔަ
20 May 2019
ކޭއެފްސީ އަކީ ލަންކާ ބައެއްނޫނޭ. އެހެން ނޫނަސް އެމީހުން ބޭރުކޮއްފަ ކަލޭ ގުޅަ ބަޖިޔާތަ ހަދަނީ
ވިސްނާލާ
20 May 2019
އެބަ އިނގޭ ކޮންމެސް ކަމެއްއުޅޭތީކަން ކުއްލިޔަކަށް ސެކިއުރިޓީ ތިގޮތަށްވަރުގަަ ކުރާނީ..[އިހުލާސްތެރިކަމާއެކު ތިކަންކުރާނަމަ ބުނެލަންބޭނުންވަނީ ކަމެއް ދިމާވާވަގުތަކު ތި ފުލުހުން ގެންގުޅޭޭ މުގުރާ އަސޭމިރުހުން ކުރެވޭނެ ކަމެތްް ނުފެނެޔޭ... ވީމާ ހަތިޔާރު އެޅި ސިފައިނ ލައްވަތިހެން ފޯރިމެރުން އެންމެ ރަގަޅުގޮތަކީ
މަރޭމިތުރު
20 May 2019
ލަންކާ އާއި ރާއްޖޭގެ ގުޅުން އެއޮތީ އެއްކޮށްހެން ބުރޫ އަރާފައި. ކުރިއަށް އޮތްތަނުގައި ގޯސްވެދާނެކަމަށް އިތުރަށް މަށަށް ފެންނަނީ އަދިވެސް. އަޅުގަނޑުގެ އިރުޝާދަކީ ރައްޔިތުން ލަންކާގެ ފިކުރު ދޫކޮށްލުން. ލަންކާގައި އުޅެން ނުވިސްނުން.
ކާފަބޭ
20 May 2019
ތެދެއް މީނައުޅޭތަނައް އިންޑިޔާއައްދޭ، އެތާގެ ހެޑް އޯފް ސްޓޭޓް އެންމެފަހުންވެސް ކުރިމޮޅުކަމަކުން އެތައްސަތޭކަ ދަނޑުވެރިން އަމިއްލަޔައްމަރު!!. ކުއްލިޔަކައް 24 ގަޑިއިރުވެސް ނުދީ 1000، އަދި 500 ރުފިޔާ އުވާލީ. އެއްވެސްތާކުން 2000 ރުފިޔާ މާރުވާވަރަކައް 100 އެއް ނުލިބޭ، ޓުއަރިސްޓުންވެސް ފައިސާހުރެ ބަނޑައްޖެހުނީ.ހެހެހެހެ. ޕަކާސް، ރޯނުއެދުރު.
މަރޭމިތުރު
20 May 2019
ކާފަބޭއަށް. މައުލޫމާތު ނުބައި ކާފަބޭގެ. ފައްސަތޭކަ ރުފިޔާ އިންޑިއާއަކުން އުވާނުލާ! އެންމެ ގިނަވާނީ 500ގެ ނޫޓް. އެކަމަކު 10ރުފިޔާގެ ކޮއިން ވަކި ހިސާބަކު މިހާރު ބޭނުންނުކުރެވޭނެ!
މަރޭމިތުރު
20 May 2019
އިންޑިއާގައި500ރ ނޫޓެއް އުވާނުލާ އެންމެ ގިނަ ނޫޓަކީ 500ރުޕީސްގެ ނޫޓު. އިންޑިއާކިޔައުގެން ދިވެހިން ދައްކަނީ ހަދަހަދައިގެން ގިނަ ވާހަކަތައް.
ހުދުހުދު
20 May 2019
މަރޭމިތުރު އަކީ އިންޑިއާ ގޮލައެއްތަ
މިތުރުބެ
20 May 2019
ދިިވެހި ބަހަށް ފަރިތަ އިންޑިއާ މީހެއް ކަމަށް ވަނީ.