ރައްޔިތުންގެ މަޖިލިހުގެ ޖަލްސާއެއް ކުރިއަށް ދަނީ. --- ފޮޓޯ: މަޖިލިސް
07 ޑިސެމްބަރ 2019 - 12:26
13 comments
އިންޑިއާގެ ގާނޫނު ހަދާ މަޖިލިހުގެ ދަށުގެ، ލޮކް ސަބާއާ އެކު ރާއްޖޭގެ ރައްޔިތުންގެ މަޖިލިހުން މެމަރަންޑަމް އޮފް އަންޑަސްޓޭންޑިން (އެމްއޯޔޫ) އެއްގައި ސޮއިކުރުމަށް ހަމަޖެހިއްޖެ އެވެ.
މަޖިލިހުގެ ތިން ވަނަ ދައުރުގެ ފަހު ޖަލްސާ ފައްޓަވައި ދެއްވުމަށް ފަހު، ނަޝީދު ވިދާޅުވީ އެމްއޯޔޫގެ ބޭނުމަކީ ދެ ގައުމުގެ ގާނޫނު ހަދާ މަޖިލީހުގެ ގުޅުން އިތުރަށް ބަދަހިކުރުން ކަމަށެވެ. އަދި ދެ ގައުމުގެ ގާނޫނު ހަދާ މަޖިލިހުން ބައިނަލްއަގުވާމީ ކަންކަމަށް އެއްބާރުލުން ދޭނެ ކަމަށް ވެސް އެ މަނިކުފާނު ވިދާޅުވި އެވެ.
"އެގްރީމެންޓް ފޯ ކޯޕަރޭޝަން ބިޓްވީން ލޮކަސަބާ އޮފް ދަ ރިޕަބްލިކް އޮފް އިންޑިއާ އެންޑް ދަ ޕީޕަލްސް މަޖިލިސް އޮފް ދަ ރިޕަބްލިކް އޮފް މޯލްޑިވްސް"ގެ ނަމުގައި ސޮއިކުރާ މި އެއްބަސްވުމުގެ ދަށުން، ދެ ފަރާތުން ބަރުލަމާނީ ގުޅުން ބަދަހިކޮށް ރަނގަޅު ކުރުމަށް ބާރު އަޅާނެ ކަމަށް ނަޝީދު ވިދާޅުވި އެވެ.
މީގެއިތުރުން މަޖިލީހާއި އިދާރާގެ ހިންގުން ހަރުދަނާ ކުރުމަށް ތަމްރީނާއި ފަންނީ ފުރުސަތުތައް ފަހިކުރުމަށް ދެ މަޖިލީހުން ގުޅިގެން ރަސްމީ އޮނިގަނޑެއް އެކުލަވާލުމަށް ހަމަޖެހިފައިވާ ކަމަށް އެމަނިކުފާނު ވިދާޅުވި އެވެ.
"ދެފަރާތުން ވެސް ގަވައިދުގެ ތެރެއިން މައުލޫމާތު ބަދަލު ކުރުމާއި ބައިނަލްއަގުވާމީ ބައްދަލުވުންތަކުގައި ބަރުލަމާނީ އެއްބާރުލުން ކުރިއެރުވުމަށް މަގުފަހިވެގެން ދާނެ،" ނަޝީދު ވިދާޅުވި އެވެ.
މި އެމްއޯޔޫގައި ސޮއިކުރަން މަޖިލިހުގެ އާންމު ކޮމިޓީން ފާސްކޮށްފައިވާ ކަމަށް ނަޝީދު ވިދާޅުވި އެވެ.
"އަޅުގަނޑު އިތުރަށް މުގައްރިރު ކައިރީ އަހާލިން މި މެމޮރަންޑަމް އިން ކިހިނެއްތޯ ވަނީ. ވިދާޅުވީ މީގައި އޮތް ގޮތަކީ އެއް ބަޔަކު، އަނެއް ބައެއްގެ ވެބްސައިޓް ބަލާނެ ކަމުގެ ފުރިހަމަ ޔަގީންކަން އެއް ބަޔަކު އަނެއް ބަޔަކަށް ދެނީ ކަމަށް،" ނަޝީދު ވިދާޅުވި އެވެ.
ނަޝީދު ވިދާޅުވީ އެއްބަސްވުމުގައި ސޮއިކުރެއްވުމަށް މި ފެށޭ ހަފުތާގައި މަޖިލީހުގެ ވަފުދެއް އިންޑިއާއަށް ދަތުރު ކުރަން ހަމަޖެހިފައިވާ ކަމަށެވެ. މި ވަފުދުގައި އެމަނިކުފާނު ހިމެނިވަޑައިިގަންނަވާ ގޮތަށް ސިޔާސީ ޕާޓީތައް ހިމެނޭ ގޮތަށް 15 މެމްބަރުންގެ ވަފްދެއް އިންޑިއާ އަށް ވަޑައިގަންނަވާނެ ކަމަށް ނަޝީދު ވިދާޅުވި އެވެ. ނަޝީދު ވިދާޅުވި ގޮތުގައި މެމްބަރުންނާ އެކުގައި މަޖިލިހުގެ އަމީން އާންމު ފާތުމަތު ނިއުޝާ އާއި ކައުންސިލަ ޖެނެރަލް ފާތުމަތު ފިލްޒާ ވެސް ބައިވެރިވެވަޑައިގަންނަވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝޮކްތެރަޕީ
07 December 2019
ހަގީގަތުގާ ރާއްޖޭގެ އޮތީ ދިވެހި ރާއްޖޭގެ ނަން. ހުރިހާ ބާރެ ބުށުތެރޭން ނެއްޓި. އިންޑިޔާގެ މުށުތެރެޔަ ދަނީ. ދެރަކަންތަ މިހުންނަނީ.
އަހުމަދުބޭ
07 December 2019
މިފަދަ އެއްބަސްވުންތަށް ވަރަށް ތަފްސީލްކޮށް ރައްޔިތުންނަށް އެބަޖެހޭ ސާފްކޮއްދެން، ތިޔަ އެއްބަސްވުން ހަދަނީ ކީއްކުރަންކަން، އަދި އެކަމުގެ ބޭނުމަކީ ކޮބައިކަން، ރާއްޖެއަށް ތިޔައެއްބަސްވުމުން ލިބިދޭ ފައިދާއާއި އަދި ލިބިދާނެ ގެއްލުމެއްވެސް އެބަޖެހޭ ތަފްސީލްކޮށް ބުނެދެން، އެހެން ނޫނީ ތިޔަފަދަ އެއްބަސްވުންތަކަށް އާބަސް ނުބުނެވޭނެ
ފޫލްސް
07 December 2019
މިދެން ތަންކޮޅެއް ބޮޑުވަރުހެން ހީވަނީ، އިންޑިއާއިން ރާއްޖޭގެ ދާޚިލީ ކަންކަމާމިވަރަށް ބައްސާކަށްނުވާނެ، ހިތާމަ ހުރި!
ނޫސަންގު
07 December 2019
ލޮކް ސަބާގެ ބައެއްގެ ގޮތުގައި ތި މަޖިލީސް ހަދަންވީ ނުން. ތި ސަބާ އަކީ މާ ރަނގަޅަށް ކަންކުރާ ސަބާ އެއް ނޫން.
ނޫސް ބަލާމީހާ
07 December 2019
އަޅުގަނޑު އިތުރަށް މުގައްރިރު ކައިރީ އަހާލިން މި މެމޮރަންޑަމް އިން ކިހިނެއްތޯ ވަނީ. ވިދާޅުވީ މީގައި އޮތް ގޮތަކީ އެއް ބަޔަކު، އަނެއް ބައެއްގެ ވެބްސައިޓް ބަލާނެ ކަމުގެ ފުރިހަމަ ޔަގީންކަން އެއް ބަޔަކު އަނެއް ބަޔަކަށް ދެނީ ކަމަށް،" ނަޝީދު ވިދާޅުވި އެވެ. ބުނާބަސްނާހާކުދިން ކުލާހުންނެރޭތީ ބަސްއަހަންޖެހޭނީ. ޢެބައެނގޭ މުޤައްރިރު ބަސްމަދުކަން.
ކުރުކޮށް
07 December 2019
މިއީ ބަނދެވުމެއް
ވަތަން
07 December 2019
އިންޑިޔާގެ 29 ސްޓޭޓް މިހާރު އޮންނައިރު، އަހަރުމެން މީ އިންޑިޔާގެ 30 ވަނަ ސްޓޭޓަށް ހެދުމުގެ ފެށުން ބާއެވެ؟ އިންޑިޔާގެ ނުފޫޒު މިހާރު މާ ބޮޑަށް މިއުޅެނީ އަހަރުމެންނަށް ފޯރުވަން! މިކަމުން ސަލާމަތްކޮށްދޭނެ ވަތޮނީ ވެރިއެއް މި ގައުމަށް އަވަސްގޮތެއްގައި ދެއްވާ ފާނދޭވެ!
1234
07 December 2019
މިގައުމަށް ބަރުލަމާނީ ގެނެސް ބޮޑުވަޒީރުކަން ހޯދަން ނަޝީދު މިކުރާ މަސައްކަތް ހުއްޓާލުމަށް އެދެން.. މީވަރަށް ބޮޑު މަކަރުވެރި ރޭވުމެއްގެ ފެށުން.. މައްޗައްގޯޅިން 1500 ވޯޓުން މަޖިލީހަށް ވަދެ ގައުމުގެ 350،000 މީހުންގެ ވޯޓުގެ ހައްގު އަތުލައިގަތުމަކީ ވަރަށް ހުތުރު އަމަލެއް!!
ބޮޑު ބަންޑާރަ
07 December 2019
މިހާރުވެސް ހުންގަނީ ޒާތެއްގެ ބަރުލަމޏީއެއް. ޢެނިޒާމު އޮންނަގޮތަށް އިބޫ އެހުންނަނީ ރައްޔިތުން މައިތިރި ކުރާބަހެއްބުނެލަން. މަޖިލިސްތއރެއިން ހުރިހާކަމެއް ބަދަލުކުރަމުން އަމުރުތައް ނެރއމުން އެހެރެ ގެންދަނީ. މެމްބަރުންނޭ ކިޔާބަޔަކު އެތިބީ ނިދާފައި. މާދަމާ އެމެމްބަރުން އެގޮނޑިގައި ނުތިބެވޭނެކަމަކަށް ޚިޔަލެއް ނުކުރޭ. ހިޓްލަރުވެސް ވާނެ އަދި ބަލަންތިބޭތި.
ބޮޑުގޯސް
07 December 2019
މި ގައުމުގައި ބަޔަކު ހަދާނެ އެންމެ ކަނޑކޮސް އެންމެ ބޮޑު ގޯސް ތިޔަ ހަދަނީ.
ވަންނަ
07 December 2019
އެއްބަސް ވުމުގައި މަޖިލިސް އަކީ ލޮކް ސަބާ ގެ ބުރާންޗް އަކަށް ނުހަދައިފިއްޔާ މާތްﷲ އާއި ވަކީލް! މިމީހުން މިއުޅެނީ ރާއްޖޭގެ ދާޚިލީ ކަންކަމާ ބެހެން ވެގެން!