ކޮރޯނާ ވައިރަހާ ގުޅިގެން ރާއްޖޭން އަޅަމުން ގެންދާ ފިޔަވަޅުތަކާ ބެހޭ ގޮތުން ވަޒީރުން ނޫސްވެރިންނާ ބައްދަލުކުރައްވަނީ. -- ފޮޓޯ: ނިޝާން އަލީ / މިހާރު
30 ޖެނުއަރީ 2020 - 15:04
40 comments
ޗައިނާގައި ފެތުރެން ފެށި ކޮރޯނާވައިރަހުން ރައްކާތެރިވެ ތިބުމުގެ ގޮތުން، ޗައިނާ އިން ރާއްޖެ އަށް ސީދާ ދަތުރުތައް ކުރުން ހުއްޓާލަން ނިންމައިފި އެވެ.
މިހާރު ރައީސް އޮފީހުގައި ކުރިއަށްދާ ނޫސްވެރިންގެ ބައްދަލުވުމެއްގައި މިކަން އިއުލާނު ކުރެއްވީ ފޮރިން މިނިސްޓަރު އަބްދުﷲ ޝާހިދެވެ.
ރާއްޖެ އާއި ޗައިނާއާ ދެމެދު ސީދާ ދަތުރުތައް މި ވަގުތަށް ހުއްޓާލަން ނިންމުމުގެ އިތުރުން ވައިރަސް ފެތުރޭ ގައުމުތަކަށް ދިވެހިން ދަތުރުކޮށް އުޅުމާ ބެހޭ އެޑްވައިޒަރީއެއް ނެރުމަށާއި މިއަދު މަޣްރިބް ނަމާދުން ފެށިގެން ނަމާދުގައި ގުނޫތު ކިޔަން ފަށަން ނިންމިކަން ވެސް ވަނީ އިއުލާނުކުރައްވައިފަ އެވެ.
ޕްރެސް ކޮންފަރެންސްގައި ޓޫރިޒަމް މިނިސްޓަރު އަލީ ވަހީދު ވިދާޅުވީ ރައީސް އިބްރާހިމް މުހައްމަދު ސޯލިހް މި ކަންތައްތައް ނިންމެވީ ޓޫރިޒަމް ދާއިރާގެ އިސް ފަރާތްތަކާ މަޝްވަރާކުރެއްވުމަށް ފަހުގައި ކަމަށާއި ވައިރަހުގެ އަސަރު ހުރި ކަމަށް ޝައްކުވާ އެއްވެސް މީހަކު އަދި މިހާތަނަށް ފެނިފައި ނުވާ ކަމަށެވެ. ޓޫރިސްޓުން ވެސް ވައިރަހަށް ސްކްރީންކުރަމުން އަންނަ ކަމަށާއި ރިސޯޓްތަކުން ވެސް އަންނަނީ ދީފައިވާ ގައިޑްލައިނާ އެއްގޮތަށް އަމަލުކުރަމުުން ކަމަށް އަލީ ވަހީދު ވިދާޅުވި އެވެ.
ޝާހިދު ވިދާޅުވި ގޮތުގައި ޗައިނާގައި ހުންނަ ރާއްޖޭ އެމްބަސީގައި ރަޖިސްޓްރީވެފައި ވަނީ 69 މީހަކު ކަމަށާއި އޭގެ ތެރެއިން، ވައިރަސް އެންމެ ބޮޑަށް ފެތުރޭ ވޫހާންގައި ނުވަ މީހަކު އެބަތިބި ކަމަށެވެ. ވޫހާންގައި ތިބި ނުވަ މީހުންގެ ތެރެއިން ރާއްޖެ އަށް އަންނަން ބޭނުންވަނީ ހަތް މީހަކު ކަމަށާއި އެ މީހުން ގެންނަން މަސައްކަތްކުރާ ކަމަށެވެ.
މިނިސްޓަރު ވިދާޅުވި ގޮތުގައި ވޫހާން އިން ދިވެހިން ގެންނާނީ އެހެން ގައުމުތަކުގެ މީހުން ނެރޭއިރު ކަމަށާއި އެ ދިވެހިން ރާއްޖެ އަށް ގެންނާނީ އެ ގެންދާ ގައުމެއްގައި ފުރިހަމަކުރަންޖެހޭ ކަރަންޓީނު ނިންމުމަށް ފަހުގައި ކަމަށެވެ.
ހެލްތު މިނިސްޓަރު އަމީން ވިދާޅުވީ ބައްޔަށް ޝައްކުވާ މީހެއް ކަމަށް ބަލަނީ ބައިނަލްއަގުވާމީ ގޮތުން ބަލާ މިންގަނޑުން ކަމަށާއި ކޮރޯނާވައިރަހުގެ އަލާމާތްތަކަކީ އާންމު ރޯގާގެ ވެސް އަލާމާތްތަކަށް ވާތީ، ހުމެއް ރޯގާއެއް ޖެހިފައި ހުންނަ ކޮންމެ މީހަކީ ކޮރޯނާވައިރަސް ޖެހިފައި ހުރި ކަމަށް ޝައްކުރެވޭ މީހެއް ގޮތުގައި ނުބެލެވޭނެ ކަމަށެވެ.
ޗައިނާގެ ވޫހާން އިން މިދިޔަ އަހަރުގެ ފަހުކޮޅު ފެނުނު ކޮރޯނާވައިރަހުގެ މި ރޯގާ ޗައިނާގެ އިތުރުން 22 ގައުމަކުން ވަނީ ފެނިފަ އެވެ. އޭގެ ތެރޭގައި ދިވެހިން އެންމެ ގިނައިން ގޮސް އުޅޭ އިންޑިއާ، ސްރީ ލަންކާ އަދި މެލޭޝިއާ ވެސް ހިމެނެ އެވެ. މިހާތަނަށް 7،000 އަށް ވުރެ ގިނަ މީހުންގެ ގައިން މި ވައިރަސް ފެނިފައިވާއިރު މަރުވި މީހުންގެ އަދަދު ވަނީ 170 އަށް ވުރެ އިތުރުވެފަ އެވެ.
މި ވައިރަހުގެ އާންމު އަލާމާތްތަކަކީ އާންމު ފުލޫތަކުގައި ވެސް ފެންނަ އަލާމާތްތަކެވެ. އެކަމަކު މި ވައިރަހުން ފުއްޕާމޭ ހަލާކުވެ ނިއުމޯނިއާ ޖެހުމަށް މެދުވެރިވެ އެވެ. އަދި ކިޑްނީ އަށް ވެސް ގެއްލުންދެ އެވެ. ވައިރަހާ ދެކޮޅަށް މިހާތަނަށް ވެކްސިނެއް އަދި ބޭހެއް ވެސް ނުހޯދެ އެވެ. އެކަމަކު ސައިންސްވެރިން ވަނީ ވެކްސިން އުފެއްދޭނެ ކަމުގެ ޔަގީންކަން ބޮޑު ކަމަށާއި އެ މަސައްކަތް ކުރެވެން ހުރި އެންމެ އަވަހަކަށް ކުރަމުން އަންނަ ކަމަށް ބުނެފަ އެވެ.
މި ވައިރަހުން ސަލާމަތްވެ ތިބުމަށް، އާންމުން ގިނައިން ގޮސް އުޅޭ ތަންތަނަށް ނުދިއުމާއި ގިނަގިނައިން އަތް ދޮވުމާއި އަނގަޔާއި ނޭފަތް ނިވާކޮށްގެން އުޅުމާއި އާންމު ސާފުތާހިރުކަން ބޮޑުކުރުން މުހިންމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދެރަ
31 January 2020
އެފްޑީ175 ޗައިނާގެ ޑޮން މުއެންގް އިން ރާއްޖެއައް އެޖެއްސީ 11:41 (2020-01-31) ގަ، މިކަން ހުއްޓުވާނީ ކާކު؟
އަތްޖަހާ
31 January 2020
ދުނިޔޭގަ އެހެން ގައުމުތަކަށް ޗައިނާއިން ޑައިރެކްޓް ފްލައިޓް އެބަދޭ. ދިވެހިން ހީވަނީ މޮޔަވަނީ ހެން
ޔެސް
31 January 2020
ހަމްދުލިއްލާހި
ޕީޓާ
30 January 2020
ޙުރިހާ އެއާވޭސް ހުއްޓާލާތީ ދެންހުއްޓާލަންޖެހޭނީ .ބީއޭ ބްރިޓިޝް އެއާވޭސް ވެސް ހުއްޓާލައިފި.
ކިބޫ
30 January 2020
ޜާއްޖެއިން ފެނުނުނީ ހޮސްޕިޓަލާ ހޮސްޕިޓަލަށް ޒިޔާރަތްކުރާމީހުނާ މާސްކުއަޅަންޖެހޭ މިމީހުން އާއްމު ތަންތަނުތަންތަނުގަ އުޅުން މަނާކުރޭ
މަގޭ ގޮއްޔެ
30 January 2020
ވާ ގޮތަކީ ދުނިޔޭގެ ހަބަރެއް އެހެން އެއްޗެއް ބަލަނީއެއް ނޫން. ހަމަ ކޮންމެ މީހަކުވެސް ކޮންމެވެސް އެއްޗެއް ތެޅުވޭތޯ. ކަންކަން އަމިއްލައަށް ހޯދާ ބަލާ ބުއްދިކުރާނަމަ އެނގޭނެ މިއީ މިހާރު މުޅި ދުނިޔެއަށްވެސް ދިމާވެފައިވާ ބޮޑު ކަމެއްކަން. ދުވަހަކުވެސް ނުފެންނަ ވައިރަހެއްވީމަ ހުރިހާ އެއްޗެއް ޓެސްޓުކޮށް އާ ފަރުވާތަކާ ހޯދުންތަށް ކުރިއަށް ނެރުމުގައި ކުޑަ ހިނދުކޮޅެއް ނަގާނެ، ކެތް ކުރޭ ކަމާ ބެހޭ ފަރާތްތަކުގެ އަޑުއަހާ
ނޫސްބަލާމީހާ
30 January 2020
ބަލަ ހުރިހާ ގައުމަކުންވެސް ފިޔަވަޅު އަޅަމުންދަނީ ހާލަތު ބަދަލުވާމިންވަރަކުން. ތިޔަ ބުނާ ސްރީލަންކާއިންވެސް ފުރަަތަމަ އޮން އެރައިވަލް ވިސާ ދިނުންވެސް ހުއްޓާލީ ފުރަތަމަ އެ ގައުމުގެ މީހަކު ކޮރޯނާ ކޭސްއަކަށް ޕޮޒިޓިވްވެގެން. ރަޝިޔާއިން ހުއްޓާލީ މިއަދު. އިނގިރޭސިވިލާތުން ހުއްޓާލީ އިއްޔެ. މި ދުނިޔޭގެ އެއްވެސް ބަޔަކަށް އަދި ނުފެންނަ ވައިރެހެއްމިއީ. އެހެންވީމާ ކަންކުރާނެ ގޮތާއި ވެކްސިންއާއި ޓެސްޓުކިޓްތައްވެސް މިދަނީ ޑިވެލޮޕްކުރަމުން. ކެތްތެރިވެބަލަ
ހޭކެނޑޭ
31 January 2020
ބަލަ އެ ބަލި މަމެންގެ ތެރޭގަ އަށަގަތީމަތަ ތިބުނާ އޮން އެރައިވަލް ވިސާ އަކާއި ފްލައިޓް ތަކެއް ހުއްޓަން ޖެހެނީ! ރައްޔިތުން ކަރުން ނާރު ނަގައި ކަރުން ލޭރަހަ ދާވަރަށް މިވާހަކަތައް ދެއްކީމާ ވަޒީރޭ ކިޔާ މީހަކު މިހިރަ މިހިރަ ކަންކަން މަޑު މަޑުން ރައްޔިތުންނަށް ތިލަ ކޮއްދިނީ. ޗައިނާގެ ފަތުރު ވެރިން ރާއްޖެ އަންނަހާ ހިނދަކު ރާއްޖޭގެ ރައްޔިތުން ތިބެންޖެހެނީ ހާސްކަމެއްގެ ތެރޭގައި. މިހިރަ މިހިރަ ކަންކަން މިހާރުން މިހާރަށް ހުއްޓުވުމަކަށް މަމެން ގޮވާލަން.
ސުމެން
30 January 2020
ޓޫރިޒަމް ބޮއިކޮޓު ކުރަން ނުގޮވާނަންތަ؟
ސަރަފަކައްދަ
30 January 2020
ވަޒީރޫ ތިޔަ ބަލި ދުނިޔެއިން ކޮންޓްރޯލް ކުރެވެންދެން ރާއްޖޭގެ ސްކޫލް ތައް މިހާރުން މިހާރަށް ބަންދުކުރުން މުޙިންމު. ސަބަބަކީ އެއީ ތުއްތު ކުދިން ކަމަށް ވާތީ މިފަދަ ހިތާމަވެރި ކަމެއް ހިނގައިފިނަމަ އެކުދިންގެ ފުރާނައަށް ލިބިދާނެ ގެއްލުމަށްޓަކައި އަދި އެ ކުދިންނަކީ ދިފާއީ ނިޒާމް ވަރުގަދަ ކުދިންނަށް ނުވެދާނެތީވެ އާއި އެކުދިންނަށް ކަމެއް ދިމާވެއްޖެނަމަ ޤައުމު ހުއްޓުމަކަށް އަތުވެދާނެތީވެ ދުރާލާ ފިޔަވަލު އެލުމަކީ ބުއްދިވެރި ކަމަކަށް ވާތީ ދަންނަވާލީ.
ދަތްނެތްކުއްޖާ
30 January 2020
މިތިބަ ބޮޑު ބިޔަ ފިރުހެނުން ދައްކާ ހޮޅި ވާހަކަ ތަކަކުން ބަޔަކު މޮޔައެއް ފަހެ ނުވާނެތަ! ފްލައިޓު ހުއްޓާލުމުން މިކަން ހަލުވީކަމަށް ދެކެނީތަ! ބަލަ ލަންކާ އަކީ ރާއްޖެ އަށްވުރެ އިގްތިސޯދު ބޮޑު ޤައުމެކޭ. އެވެރިންވެސް އިގްތިސޯދަށްވުރެ މުޙިންމުމީ ރައްޔިތުންނެވެ. އެހެންކަމުން ޗައިނާ މީހުނަށް އޮންއެރައިވަލް ވިސާ ދިނުން އެވެރިން ހުއްޓާލައިފިއެވެ. މި ޤައުމުގައި މިވަރުވެސް ކޮއްލަން ނުކެރިގެން މިއުލެނީ މިވެރިންގެ ޖީބަށް ވަންނަވަރު މަދުވެދާނެތީކަން ޔަޤީނެވެ.