ލޮކްޑައުންއާ ޚިލާފްވެގެން 78 މީހަކު ޖޫރިމަނާކޮށްފި

މަގުމަތީގައި ފުލުހުންތަކެއް ހަރަކާތްތެރިވަނީ: ލޮކްޑައުންއާ ޚިލާފްވެގެން 78 މީހަކު ވަނީ ޖޫރިމަނާ ކޮށްފައި -- ފޮޓޯ/މިހާރު

މުއިއްޒު އިބްރާހިމް، މިހާރު

19 އެޕްރީލް 2020 - 22:32

ކޮވިޑް-19 އާ ގުޅިގެން މާލެ ސަރަހައްދު ލޮކްޑައުންކޮށްފައި ވަނިކޮށް ބޭރަށް ނުކުމެގެން މިހާތަނަށް 78 މީހަކު ޖޫރިމަނާ ކޮށްފައިވާ ކަމަށް ފުލުހުން ބުނެފި އެވެ.

ކޮޮވިޑް-19 އަށް މާލެ އިން ބަޔަކު ޕޮޒިޓިވްވުމާ އެކު މާލެ ސަރަހައްދު 14 ދުވަހަށް ވަނީ ލޮކްޑައުންކޮށްފަ އެވެ. އަދި ލޮކްޑައުން އެންގުމާ ޚިލާފްވާ ފަރާތްތަކަށް މިރެއިން ފެށިގެން ނަސޭހަތް ދިނުން ހުއްޓާލައި، ޖޫރިމަނާ ކުރަން ފަށާނެ ކަމަށް ފުލުހުން އޮތީ ބުނެފަ އެވެ.

ފުލުހުން ބުނީ ލޮކްޑައުންއާ ޚިލާފަށް ބޭރަށް ނުކުމެގެން މިހާތަނަށް 78 މީހަކު ޖޫރިމަނާ ކޮށްފައިވާ ކަމަށެވެ. އަދި މުދާ ޑެލިވަރީ ކުރުމަށް މިއަދު އެކަނި ވެސް 279 ފަރާތަކަށް ހުއްދަ ދީފައިވާއިރު، މިހާތަނަށް 3،400 އަށް ވުރެ ގިނަ ފަރާތަށް ޑެލިވަރީ ކުރުމުގެ ހުއްދަ ދީފައިވާ ކަމަށް ވެސް ފުލުހުން ބުންޏެވެ.

ފުލުހުން ބުނެފައިވާ ގޮތުގައި ލޮކްޑައުންއާ ޚިލާފްވާ ކޮންމެ މީހަކު ޖޫރިމަނާ ކުރާނީ 1،000ރ. އިންނެވެ. އަދި ދެވަނަ ފަހަރު އެކަން ތަކުރާރުކޮށްފި ނަމަ، ގާނޫނުލް އުގޫބާތުގެ ދަށުން އެ މީހެއްގެ މައްޗަށް ޖިނާއީ ތަހުގީގު ހިންގާނެ ކަމަށް ވެސް ފުލުހުން އޮތީ ބުނެފަ އެވެ.

ލޮކްޑައުންއާ ޚިލާފްވެގެން 78 މީހަކު ޖޫރިމަނާ ކުރިއިރު، ޒަރޫރީ ބޭނުންތަކުގައި ކޮންމެ ތިން ދުވަހުން އެއް ދުވަހު އެއް ގަޑިއިރަށް ބޭރަށް ނުކުތުމުގެ ފުރުސަތު ދޭން ފުލުހުން ކުރިން އޮތީ ނިންމައިފަ އެވެ. އެގޮތުން މާލެ 26 ޒޯނަކަށް ބަހާލުމަށް ފަހު ވަކި ސަރަހައްދެއްގައި އުޅެވޭ ގޮތަށް ހާއްސަ ހުއްދައެއް ދޭން ނިންމައި، އެކަމަށް އެދުމުގެ ފުރުސަތު ފުލުހުން އޮތީ ހުޅުވާލައިފަ އެވެ. އަދި އެކަމަށް ޚާއްސަ ޕޯޓަލްއެއް ވެސް އޮތީ ގާއިމްކޮށްފަ އެވެ.

ކޮވިޑް-19 އަށް ރާއްޖެ އިން މިިހާތަނަށް 52 މީހަކު ޕޮޒިޓިވްވެފައިވާއިރު، އޭގެ ތެރޭގައި މިހާރު ގިނައީ ބިދޭސީންނެވެ. އަދި އޭގެކުރިން އިނގިރޭސިވިލާތުން ރާއްޖެ އައި ހަތަރު ދިވެއްސަކާއި ފިލިޕީންސް އިން ރާއްޖެ އައި ދިވެއްސަކު ވެސް އެ ބައްޔަށް ޕޮޒިޓިވްވި އެވެ.

ކުށްކުރުން ސިއްހަތު ފުލުހުން ސިއްހީ ކުއްލި ނުރައްކަލުގެ ހާލަތު ލޮކްޑައުން

8 ކޮމެންޓް, 27 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަސަދު

20 April 2020

ޑިލިވަރީ ވަނީކީ ނޫން، ބޭރަށް ނުކުމެއްޖެއްޔާ ޖުރިމަނާ. ސަރުކާރަށް ބާރު އެބަ އޮތް ކިތަންމެ ބޮޑު އަދަދަކުން ޖުރިމަނާ ކުރުމުގެ ބާރުވެސް. އަދި މަގަސް ނިކުންނަ މީހުން ހަތްޔަރުވެސް ކުރެވިދާނެ. އެހެނަސް ކަން އޮތް ގޮތަކީ ފުލުހުންގެ ނަންބަރަކުން ފޯނެއް ނުނަގާ. ކިޔޫ އަކަށް ވެސް ނުދޭ. ދެން ޕޯތަލް އިން ކުރަނީ ރިޖެކުޓް. ސަރުކާރު ހުރިހާ ގޮތަކުން ވެސް ފެއިލް ވީމާ ދެން ކުއްވެރި ކުރާނީ ރައްޔިތުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ ބަލީ ބަނޑަށްބަލީ

20 April 2020

ކޮރޯނާ ވައިރަސް އިރާދަކުރެއްވިއްޔާ ކަލެއަށް ކެތްތެރިވާ ދަސް ކޮށްދޭން މިފަހަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަސްރަ

20 April 2020

ހަދާނެ ގޮއިހުސްވެފަ އޮއިކަމެއް. ޖިނާއީ ދައުވާ ކުރަން ބެލިޔަސް. ފުލުހުން ކޭސްއެއް ހަދަން އެތައް ބައިވަރު ބޭކާރު ވަގުތުތަކެ، ފަޑިޔާރުންވެސް އެތަ ބައިވަރު ބޭކާރު ވަގުތުތަކެއް. ނިމޭއިރު ޖަލުގަ ތިބިމޫހުންނަ މިބަލި ފެތުރި. ޖަލު ބަލައްޓާމީހުންނަ މިބަލިޖެހި، އެތައް ބައިވަރު ފައިސާއެއް ދައުލަތުން ގޮސް.،އެމީހުން މިނިވަންވެގެން އައިސް މުޖްތަމައު އެތައް ބަޔަކަ މިބަލިޖެހި. މީ އެއްވެސް ރަގަޅު ގޮއި ކަމެއްނޫން. އެންމެ ރަގަޅު ގޮތަކީ ބިރުން ނަމަވެސް ގައިގާ މަޑުވުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިހާފީ

20 April 2020

ރައްޔިތުންނަށް ސާފުކޮށްދީފާނަންތޯ އަސްލު ތިޔަވާގޮތެއް. ކަރަންޓީނޭ ކުރާނީ ބުނި. ހަރުކަށި ފިޔަވަޅޭ ބުނި. މިހާރު ޖޫރިމަނާއޭ. ދެން އަނެއްކާ ބުނަނީ ކޮންމެހެން ނުކުންނަން ޖެހޭމީހުންނޭ ނުކުތީ.. އެހެންވީމާ ކިޔާ އެކައްޗެއް ކިޔާފައިނަމަވެސް/ ކޮންމެގޮތެއް ހެދިޔަސް، ސާފުކޮށް (ނޯޅޭގޮތަށް) އަދަބު ބުނެބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ރަންނަ

20 April 2020

‫ކަރަންޓީނުކޮށް ސަރުކާރުން ބޭކާރު ހަރަދު ނުކުރެވޭމެ މިދުވަސްކޮޅު. ކުރާނެ ކަންތައް މަދުވެގެންނެއްނޫން މިއުޅެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު1

20 April 2020

ޖޫރިމަނާ ކުރުމަކީ ފިޔަވަޅު އެޅުމެއް ނޫންތޯ؟ އެންމެން ޖަލަކަށް ނުލެވޭނެ. ޖަލައްލެވޭނީ އެތައްފަހަރެއްގެ މަތިން ތަކުރާރު ކުރަންޏާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ މޫސާ

19 April 2020

އަވައްޓެރި ލަންކާގައި 37،000 މީހުންވަރު ބަންދު ކޮށްފި، ހަމަ އެކަނި ކާފިއު ޤަވާޢިދާ ޚިލާފް ވެގެން.. ޑެލިވަރީ ސިސްޓަމް ފެއިލް ވުމަކީ މަގުތަކަށް މީހުން ނިކުންނަން އޮތް ހުއްޖަތެއް ނޫން! ކާކަށް އެނގެނީ އެހެން ނިކުތީމަ އެއީ ކިތައް މީހުންގެ ފުރާނަކަން ނުރައްކަލާ ކައިރި އެ ކޮށްލެވެނީ؟ ވިސްނަވާ. ކެތްތެރިވެ ކޮންމެހެން ޒަރޫރީ އެއްޗެއް ނޫނީ ނުގަނޭ! އަދި ގަންނައިރު ދެތިން މަހަށް ވާވަރަށް ނުގަނޭ!