މީޑިއާތަކާ އެކު އެޗްއީއޯސީ އިން އިއްޔެ ބޭއްވި ބައްދަލުވުން
27 އޯގަސްޓް 2020 - 09:55
4 comments
ރާއްޖޭގައި ކޮވިޑް-19ގެ ހާލަތު ގޯސްވަމުން ދާތީ އާންމުންގެ ހޭލުންތެރިކަމަށް އަމާޒުކޮށް މީޑިއާތަކުން ހާއްސަ ކެމްޕެއިންއަށް ފަށަން އިއްޔެ ނިންމައިފި އެވެ.
ރާއްޖޭގެ އޮންލައިން ނޫސްތަކާއި ޓީވީ އާއި ރޭޑިއޯ އާއި ނިއު މީޑިއާ ވެސް ބައިވެރިވެގެން ކުރިއަށް ގެންދާ މި ކެމްޕޭނާ ބެހޭ ގޮތުން ހެލްތު އެމަޖެންސީ އޮޕަރޭޝަން ސެންޓަރު (އެޗްއީއޯސީ)ގެ އިސް ވެރިންނާ އެކު އިއްޔެ ވަނީ ބައެއް މީޑިއާތަކުގެ އިސް ވެރިން ބައްދަލުކޮށްފަ އެވެ.
މީޑިއާތަކުން ފާހަގަކުރި ގޮތުގައި ކޮވިޑް-19ގެ ހާލަތު ބަދަލުކުރަން މީޑިއާތަކަށް ކުރެވިދާނެ އިތުރު ކަންކަން ހުންނާނެ އެވެ. އަދި އެޗްއީއޯސީއާ ގުޅިގެން މީޑިއާގެ ކޮންޓެންޓްސް ވަރުގަދަކުރެވިދާނެ ކަމަށް ވެސް، މީޑިއާތަކުގެ އިސް ވެރިން ފާހަގަކުރެއްވި އެވެ.
އެޗްއީއޯސީގެ ވެރިން ވަނީ މީޑިއާގެ މި އިސްނެގުމަށް މަރުހަބާ ވިދާޅުވެފަ އެވެ. އަދި އާންމުންގެ ހޭލުންތެރިކަމަށް ބޭނުންވާ މައުލޫމާތު ފޯރުކޮށްދޭން ތައްޔާރަށް ތިބި ކަމަށް ވެސް، އެޗްއީއޯސީގެ އޮފިޝަލުން ވިދާޅުވި އެވެ.
އިއްޔެގެ ބައްދަލުވުމާ އެކު މި ކެމްޕެއިން ކުރިއަށްގެންދާނެ ގޮތް ރާވަން އެކި މީޑިއާތައް ހިމެނޭ ސްޓިއަރިން ކޮމިޓީއެއް ވެސް މިހާރު ވަނީ އެކުލަވާލައިފަ އެވެ. މި ކެމްޕެއިންގެ ހަރަކާތްތައް ކުރިއަށް ގެންދާނީ ސްޓިއަރިން ކޮމިޓީގެ ލަފާގެ މަތިންނެވެ.
މިދިޔަ މާޗު މަހު ރާއްޖެއިން ކޮވިޑް-19 ފެނުނު ފަހުން، ކޮވިޑާ ގުޅޭ އެންމެ ފަހުގެ މައުލޫމާތު ރައްޔިތުންނާ ހަމައަށް ގެނެސްދޭން މީޑިއާތަކުން އަންނަނީ ގިނަ މަސައްކަތްތަކެއް ކުރަމުންނެވެ. އެކަމަކު މީޑިއާތަކުގެ އިސް ވެރިން ގަބޫލުކުރައްވަނީ ހުރިހާ މީޑިއާތަކަކުން، ކޮވިޑް-19އާ ގުޅޭ އެއް މެސެޖްތަކެއް ދިނުން މުހިންމު ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސިމްޕަލް
27 August 2020
އަޅުގަޑު ހިތުން ބަލިފެތުރުން ގިނަވެގެންދިޔައީ އާންމުންގެ ހޭލުންތެރިކަން ވަކިކުޑަވެގެންނެއްނޫން. ކޮށީގައި ބަންދުކޮށްގެން ގެންގުޅެފައި، ކުއްލިއަކަށް ގޭޓްއެއްކޮށް ހުޅުވާލީމާ ވީގޮތް. ކޮވިޑް-19އާ ގުޅޭ މެސެޖްތައް މީޑިއާއިން ދެންކިތަންމެ ވަރަކަށް ދިނަސް އެމެސެޖްތަކަށް މާގިނަ ލޯތަކެއް ހުއްޓޭނެކަމާމެދު ޝައްކު. ސަބަބަކީ މިހާރު ގިނަމީހުން އުޅެނީ ކިރިޔާ އަގަޔާ އަތާ ދިމާވާ ހާލުގައި،
ރަދީފްއޮފިޝިއަލް
27 August 2020
ރާއްޖޭގެ މީޑިޔާތަކުން ކުރަނީ ކޮންކަމެއް ބާ؟ ރިޕީޓް ޕްރޮގްރާމް މުޅިންވެސް ފޮނުވަނީ.ދައުލަތުގެ މީޑިޔާ ޕީއެސްއެމްގެ ސިސްޓަރ ޗެނަލެއް ކަމުގައިވާ ''ޔޭސް ޓީވީ'' އަބަދު ގެނެސްދެނީ ރިޕީޓްގެ ވެސް ރިޕީޓް.ކޮޕާ އެމެރިކާ މުބާރާތުގެ މެޗެއް ދައްކަފާނެ 1 މަސް ދުވަސްވަންދެން ކޮންމެ ރެއަކު ހަމަ ދެއްކި މެޗް.މިކަން މިހެންކުރަންޖެހޭ ބޭނުމެއް ނުވިސްނޭ.ދެރަ ދޯ.
ގަޓް ބްރޯ
27 August 2020
ކޮވިޑް ރޯގާ ފެށުނުތަނާވެސް ޓީވީ ތަކުން ތިޔަކަހަލަ ލައިވް ޝޯ ތަކެއް ބޭއްވި. އެކަމަކު ލޮކްޑައުން ގެ ލުއި ތަކާއެކު އެކަންވެސް ނިމިއްޖެ. ދެން ފެށިޔަސް ވާނީ އެވަރުތޯއްޗެ!! "ދިވެހިންހިންގެ ކޮންމެ ފެށުމެއް ނިމޭނީ ބޮނޑުނަގުލަށޭ" އެބުނަނީ ހަމަ ރަނގަޅަށް
ފްރޮންޓލައިން މެމމްބަރ
27 August 2020
ތި ގޮތައްވެސް ކަމލެއްނުކުރެވޭ ބަޔަކީ މިއުޅޭ ޤޫރިޒަމްއަށް ބޯޑަރު ހުޅުވަން ކީ ރިޒޯޓު އޯނަރުންނާ މަޖިލީސްގެ ފްރޮންޓްލައިން ގަ މަސައްކަތްކުރައްވާ އިައްޒަތްތެރި މެމމްމްބަރުން.